2021 оны 4-р сарын 15-нд бидний Хамгаас Хайрт Төгс Гэгээрсэн Их Багш Чин Хай манай дэлхийн төлөө эрчимтэй бясалгалаасаа өгөөмрөөр цаг гарган Суприм Мастер Телевизийн багийнхантай дахин холбогдон Нгуен У’окийн эмхэтгэсэн “Еврейн аман зохиолын цоморлог”-оос элбэрэлтэйеэ уншиж өглөө. Их Багш “10 хууль” болон “Мосес ба шоргоолж” зэрэг хамтын үйлийн үрийн хүчийг дүрслэн харуулсан түүхүүдийг өгөөмрөөр орчуулж өгсөн юм. Конференцийн эхэнд бидний Хайрт Их Багш багийнхны асуултад өгөөмрөөр хариуллаа.
(Багш аа,) За. (сүүлийн үед мэдээгээр засгийн газар харь гарагийнхан, галактикийн холбоотой холбоо тогтоосон талаар зарим таамаг гарчээ. ҮТБ-ийн тухай мэдээлэл ч олширч байна. Үүнээс үзэхэд тэд бидэнд ямар нэг юм хэлэх гээд байх шиг. Их Багш тэдний бидэнд хэлэхийг хүссэн зүйлийг мэдэх үү?)
Өө, тийм. Тэд бидэнд хэдийн олон жилийн турш хэлсээр байгаа. Тэд бидэнд эцэс төгсгөлгүй урт хугацаанд хэлж байна. (Өө.) Би бичсэн байж магадгүй.
Тэдний илгээсэн мэдээ ийм байна. Эхний цаасан дээр ингэж бичжээ: “Дэлхий даяараа шунасан, сөрөг, дайных мэт хөнөөлт энергийг бүү бий болго.” Хоёр дахь цаасан дээр би тэмдэглэхдээ: “Дэлхийг шуналтайгаар устгахгүй, Энх тайван, дэлхийн амиуд” гэжээ. Тэд миний бодлоор дэлхийгээ харалганаар бүү хөнөө гэсэн байна. Дэлхий дээр энх тайван тогтоох ёстой бөгөөд амь бүү хөнөө гэжээ. Тэдний захиас товчхон. Гурав дахь цаасан дээр “Дэлхийнхээ амьд биесийг бүү ал.” гэсэн байна. Мөн энэ дөрөв дэх цаасан дээр: “Өөрсдийн амьдралыг бүү хөнөө.” гэжээ. Нэгээс дөрөв дэх цаасан дээрх бүгд Ангараг гарагаас ирсэн байна. Одоо Сугар гарагаас ирсэн нь. Эхнийх нь: “Дэлхийгээ бүү хөнөө.” Хоёр дахь нь: “Төрөлтнүүдийг битгий ал.” Гурав дахь захиас нь: “Дэлхийн амьд биеийг бүү хөнөө” гэжээ. Ангараг болон Сугар гарагаас ирсэн нь ингээд боллоо. Эхний дөрөв нь Ангараг гарагаас ирсэн бөгөөд удаах гурав нь Сугар гарагаас иржээ. Мэдээж олныг илгээсэн л дээ. Гэхдээ бараг дандаа адилхан байдаг тул би эдгээр долоон захиасыг л бичиж авсан байна.
(Багш аа, сүүлийн үед эрдэмтэд М87 хэмээх хар нүхний тодосгосон зургийг нийтлээд түүний алтан судал юм уу цагариг мэт соронзон орныг дүрслэн харуулсан байсан. Event Horizon Telescope-ийн хамтарсан багийн гишүүн д-р Андрю Чэль хэлэхдээ “Саяхан хэвлэгдсэн тодосгосон зургууд бол соронзон орон нь хар нүх материйг хэрхэн “залгихыг” болон хүчтэй хөлгийг хөөргөж болохыг ойлгох түлхүүр юм” гэв. Их Багш бидэнд энэхүү хар нүхний соронзон орны утга учрыг тайлбарлаж өгч болох сон болов уу?)
Алтан судал гэдэг нь шинэ зүйл байна. (Өө.) Яах вэ, нэг их шинэ биш л дээ, гэхдээ тэд үүнийг саяхан илрүүлсэн. Энэ судал нь үнэндээ илүү их хүчитгэсэн гэсэн үг. Энэ бол тамын сүнснүүдийг чөлөөлөх зам юм. (Хөөх.) Энэ бол чөлөөлөх талбар. Аврах, тамд байгаа сүнснүүдэд туслах тусгай соронзон орон юм. (Хөөх.) Үүнгүйгээр хэн ч зугтаж чадахгүй. Энэ хар нүхний хүчнээс юу ч зугтаж чадахгүй. (Хөөх.) Тийшээ орсон юу ч бай тэндээ л үлдэнэ. Иймд тэнд энэ тэнцвэрийн цагариг байх хэрэгтэй. Цагаригийн буюу судлын тал, хагас нь хар нүхний хүчийг саармагжуулагч юм. Учир нь хар нүх бол там. (За.) Мөн түвэг таригч хэн ч бай, том од байлаа ч, эсвэл холгүй орших том гараг байлаа ч ойр орчныхоо боломжтой бүхнийг идсээр байдаг энэ мангасын хүчийг эсэргүүцэх хангалттай буян, (За, Багш аа.) хангалттай ариун чанар зэрэг эсэргүүцэх хүч байхгүй бол энэ нь түүнийг залгичихдаг.
Бидэнд нэг бус хар нүх бий. Энэ бол асуудал. (За.) (Хөөх.) Хаа сайгүй, ойр орчимд юу л байна сорж байдаг нь хар нүхтэй адилхан энергитэй хэрэг л дээ. Од доторх юм уу, гараг доторх төрөлтнүүд тийм ариун шударга бус зүйлсийг хийж улмаар тэрхүү од юм уу гарагийн энерги хар нүхний энергитэй улам илүү төстэйгөөр цацардаг болно. Тэгээд ижил нь ижлээ татаж, улмаар хар нүх түүнийг өөртөө авахаар татна. (Хөөх!) Энэ бол маш аймаар зүйл. Үйлийн үр юм уу, Буддын сургаалын талаар ч, юу ч ярих хэрэггүй. Шинжлэх ухааны баримт нотолгоогоор та нар харж болно. Эрдэмтэд зүгээр л хар нүхийг тамын харанхуйн хүч гэдгийг мэдэхгүй байж магадгүй. Мөн тэд тэрхүү гараг юм уу од нь хар нүхтэй ижил энергитэй байвал түүнд идүүлэн тасчуулан залгиулна гэдгийг нээж илрүүлээгүй байж магадгүй. Үүнийг эрдэмтэд физик ойлголтоор баталж чадахгүй байж магадгүй. (За, Багш аа.) Зөвхөн өндөр түвшний сүнслэг хүн энэ бүхнийг мэднэ. Учир нь урьд өмнө хэн ч, хэнд ч үүнийг тайлбарлаагүй. (За, Багш аа.) Та нар энэ бүхэл ертөнцөд үүнийг сонсож байгаа анхны хүмүүс. (Баярлалаа, Багш аа. Хөөх!)
(Багш аа, сүүлийн үед мэдээгээр Австралийн нэгэн нууранд заримдаа Амьдралын Модны дүрс үүсэх байгалийн гоц үзэгдэл тохиолдох болсон тухай сурвалжилга гарсан. Энэ нь ойролцоох цайны моднуудын тос усанд орж бараан болгож нуурын ус гадагшлах хоолойнуудаар урссанаас ийнхүү аварга том Амьдралын Мод үүсгэдэг. Үүний маш сайхан гэрэл зургуудыг авсан бөгөөд сошиал медиад цацагдсан байсан. Багш аа, Та энэхүү байгалийн гоц сонин үзэгдлийн утга учир юу болохыг мэдэх үү?)
Аан гээч. Бүх модод, ихэнх модод тэдэнтэй хамт амьдардаг бурхадтай байж тэд нь модны сүнс нь болж эсвэл модны сүнс болдог. Тэгэхээр тэдгээр цайны модод бурхантай бөгөөд тэдгээр бурхад нь маш өгөөмөр. Тэрээр хүчээ ашиглан, өөрт байгаа хүчээрээ энэ модыг нууран дээр цайны модны тосыг (Хөөх!) ашиглан зурдаг. (Өө, хөөх! Хөөх!) Тийм дүрстэйгээр зурсан. Та нар үүнийг гоц сонин үзэгдэл гэж авч үзэж болох юм. Цайны модноос тос нь ялгараад ийм төгс төгөлдөр уран зураг мэт нарийн тодорхой дүрслэл үүсгэдэг нь ердийн зүйл биш. (За, Багш аа.) Тэгэхээр энэ нь бидэнд анхааруулж байгаа хэрэг. Аан тийм, энэ байна. “Хүмүүст биднийг битгий хөнөөгөөч хэмээн сануулах гэж Цайны модны бурхан усанд Амьдралын Мод зуржээ.” Бас би энд, “Суут санаа” гэжээ. (За.) Модны бурханы санааг би суут гэж магтсан байна.
Мэдээж Амьдралын Мод нь амьдралыг бэлгэддэг бөгөөд бурхан нь бидэнд амьдралыг битгий хөнөө гэж сануулжээ. Учир нь бид бусад амьдралыг хөнөөвөл өөрсдийн амьдралаа хөнөөнө. Хэрэв бид моддыг хөнөөвөл, бидэнд хүчил төрөгч өгч, сүүдэрлэн, хөрсийг урсан одохоос хамгаалж, бас олон зүйлийг өгч чаддаг моддыг бид тайрсаар л, ердөө мал амьтан үржүүлсээр дараа нь тэдгээр амьтдаа бас алсаар байвал бидний амьдрал ч мөн адил дээсэн дөрөөн дээр ирнэ. (За, Багш аа.)
Ихэнх хүн моддыг сонсдоггүй, бидний эргэн тойронд байдаг бидэнд аливааг хэлэх гэсэн бурхадыг, амьтадыг ч сонсдоггүй.
Надад цаг гарах л юм бол би хүмүүсийн тухай, бид бүгд дүлий, сохор, тэнэг юм даа гэж боддог. Бид юу ч мэддэггүй бөгөөд маш ухаантай, маш дотогшоо, Бурхантай гүн гүнзгий холбоотой амьтдыг дорд үздэг. Мод хүртэл өөрт байгаа тосоо ялгаруулан хүмүүст гарагтаа илүүтэй сайн үйлчлэн амьтдыг алахгүй, байгаль орчныг, амьтныг хөнөөхгүй байхыг зааж байна. Ингэж хөнөөх нь бид өөрсдийгөө алж байгаа хэрэг гэж байна. Тэр хэлэхдээ, “Хүмүүст өөрсдийгөө бүү хөнөө гэж сануул” гэжээ.
Иймээс л тэр Амьдралын Мод зурсан нь маш төгс төгөлдөр! (Тийм ээ, Багш аа.) Бидний үзгээр зурдгаас ч илүү төгс төгөлдөр, бас нарийвчлалтай. (Ер бусын.) Яг л компьютероор зурсан мэт маш төгс. Жижиг зураас бүр нь маш нарийн, маш төгс (Гайхалтай.) Иймд энэ нь яг л: “Амьдралыг бүү устга” гэжээ. Бид моддыг огтолж, амьтдыг алж, энэ бүх хөнөөлт үйлийг өөрсдөдөө хийдэг.
Хоол хүнсний өртөг хэзээ ч ийм өндөр байгаагүй. Бид байгаль орчноо хөнөөж, зөгийнүүдийг шавж устгагчаар алсаар хүнсний хомстолд орж байна. Бас одоогийн энэ цар тахал байна. Нэг нь нөгөөгөө үүсгэдэг. Бүх зүйл яг л одоогийн хүний оршнолын эсрэг цохилт болж байгаа юм шиг байна. Үнэхээр хүнийг устгахыг хүсэж.
Хэдий тийм ч би Диваажинтай хар нүхний гадна дүрвэгчдийн хуаран мэт аврах газар (Хөөх.) байгуулахаар тохирсон. Энэ нь орж болох тамын төрөлтнүүдэд зориулагдсан юм. Ердөө ганц нано секунд төдий Бурханы, эсвэл Гэгээнүүдийг санаж, гэмшин харуусаж, эсвэл тусламж гуйх аваас бид энэ авралын газрыг ашиглан тэднийг ийш нь татаж авах юм. (Баярлалаа, Багш аа.) Мэдээж бас удаанаар тэднийг илүү өндөр Диваажингууд руу аваачна.
Үйлийн үр бол аймаар зүйл; Би хэнийг ч энэ амьдралд дахин дахин ирээсэй гэж хүсэхгүй. Би чин сэтгэлээсээ хүсэх, үнэн зүрхний хүсэл бол бүгд энэ сүүдрийн ертөнцөөс чөлөөлөгдөх явдал юм. Бид үүнийг л хүсдэг, өөр юу ч хүсэхгүй. Хүсэх өөр зүйл байхгүй. Би Диваажинд ингэж хэлсэн. Хэрэв би шийтгэгдэх ёстой бол ганцаархнаа энд юм уу, үлдье. Харин амьтдыг оролцуулан бусдыг бүгдийг чөлөөлье. Үүрдийн мөнхөөс ч удаанаар үлдэхэд бэлэн байна гэсэн. Диваажин үүнийг мэднэ. Та нар ч бас миний гэрч.
Хамгаас Өршөөлт Их Багш аа, Таны чин сэтгэлийн хүсэл юутай гүн гүнзгий гэдгийг илэрхийлэх үг гэж үгүй. Бүх төрөлтний төлөө гэсэн төсөөлшгүй их Нигүүлсэл, Хайрын тань өмнө бид мэхийж байна. Бид Дэлхийн төрөлтнүүд хурдан сэрж сэхээрэн чин эрхэм ариун, сайн сайхнаар дүүрэн веган дэлхийг бүтээхэд биднийг хурдан нэгтгэх болтугай хэмээн залбиръя. Их Багш Бүхнийг Чадагч Бурхадын хамгаалал дор үргэлжид лагшин тунгалаг амар амгалан орших болтугай.
Төгс Гэгээрсэн Чин Хай Их Багштай хийсэн энэхүү конференцийг бүрэн эхээр нь хожмын өдөр Багш шавийн шүтэлцээгээр хүлээн авч үзээрэй.
