Хөтлөгч: 2022 оны 5-р сарын 19-нд Суприм Мастер Телевизийн ажлын багийнхантай хийсэн конференцийн үеэр бидний Хамгаас Нигүүлсэнгүй Төгс Гэгээрсэн Их Багш Чин Хай бусад гарагийн талаар зарим гайхалтай нарийн мэдээллийг өгч, өдрийн тэмдэглэлээсээ хуваалцан дараа нь асуултуудад хариулан багийн гишүүдийн өгүүлсэн сайн мэдээнүүдэд бодол санаагаа айлдлаа.
4-р сарын 28-нд. Хүмүүсийн интернэтэд нийтэлсэн нисдэг биетүүдийн нэгийг би харсан юм. Гэхдээ тэд түүнийг хаанаас ирснийг ч мэдэхгүй, яг нисдэг биет эсэхийг ч мэдэхгүй байсан. […]
Тэдгээр нь нисдэг биет (Хөөх.) бөгөөд биднийхээс илүү хөгжилтэй гаргийн тусгай тээврийн хэрэгсэл юм. Та нарт гэж хэлэхэд үнэндээ там л биш бол бусад бүх гараг биднээс илүү өндөр хөгжилтэй. Энэ их гунигтай харамсалтай юм. Яагаад гэвэл бид биесээ хөнөөсөөр, бүхнийг сүйтгэсээр л байгаа шүү дээ. […]
Энэ нисдэг биет ердөө манай гарагаас 152 гэрлийн жилийн тэртээгээс ирснийг мэднэ.[...] Тэд үүнийг Див гэдэг. D-i-w. Див гараг. (Хөөх.) Тэд манай гарагийг шалгаж үзэхээр ирсэн. Биднийг яагаад асуудал хүндрэлийн олон дохио илгээгээд байгааг харахаар. Гэхдээ тэд тийм ч их тус болж чадахгүй. (Хөөх, ойлголоо.) Тэд одоо энэ бүх дайныг зогсоож тусаллаа ч гэсэн хүмүүс биесээ үргэлжлүүлэн хөнөөсөөр л байх болно. Дараа өдөр нь биш юм гэхэд түүний дараа өдөр, эсвэл дараа сард, дараа жилд нь тэгнэ. Хажуугийн хаалганы хүнээ биш юм гэхэд тэрний цаадах гэх мэт. […]
Тэд энд юун чимээ шуугиан болоод байгааг л шалгах гэж ирцгээсэн. Маш их гаслан зовлон уй гашууг л тэд сонссон байж таарна. Ертөнцөд юу ч алга болдоггүй. Бидний бие биедээ үзүүлж буй, бусад төрөлтөнд учруулж буй харгислал Тэнгэр Газрыг чичрүүлдэг гэж би хэлсэн дээ. (Тийм, Багш аа.) Хорвоо ертөнцийг ч доргиодог. (Хөөх.)
Яагаад гэвэл энэ бол бараан, бүр хүчтэй бараан энерги. (Тийм байх нь. Тийм.) Бид мэдрэхгүй байж болох ч бусад нь бүгд мэдэрдэг. Тэр бүү хэл тэнүүл сүнс, чөтгөр хүртэл бүгд мэдэрдэг. Тэгээд л тэд манай гараг руу тэднийг хүчирхэгжүүлэх ийм бараан, хүчтэй энергиэс болоод татагдацгаадаг. (За. Ойлголоо.) Яг л Диваажингийн төрөлтнүүд Бурханы Гэрэл ба Хайрын төрлийн энергиэр улам хүчирхэгждэг шиг. […]
Өөр асуулт байна уу? […] (Та болно гэвэл бидэнд Украинтай холбоотой өөр асуултууд байгаа. […]) Хэл хэл.
(Багш аа, Оросоос Францын хэдэн арван дипломатчидыг хөөн гаргасан байна. Үүнд Франц, Итали, Испанийн элчин сайдын яамдын 85 дипломатчид багтжээ. Франц болон Макрон Оростой найрсаг байгаа юм шиг атал Путин яагаад ингэж Франц дипломатчидыг хөөсөн юм бол?)
Би та нарт энэ бол нэг талын л харилцаа гэж хэлсэн биз дээ? Хэдийгээр ерөнхийлөгч Макрон дипломат найрсаг харилцаа, дэмжлэгийг оросын ерөнхийлөгчид үзүүлэх гэж хэчнээн хичээсэн ч төдийлөн нэмэр болсонгүй.
Магадгүй тэд Францад дургүй байх. (Аан, тийм байх.) Хүмүүс Францыг алдартай болохоор нь л очих дуртай. Аялагчид, кофе шоп гээд л яг л би Франц веган бялуу, кофе, веган бяслаг гэх зэрэгт дуртай байдаг шиг. (Тийм, Багш аа.) […] Хүмүүс Францын иймэрхүү зүйлст нь болдог ч гэсэн францчуудад дургүй байж магадгүй. (Тийм, Багш аа. Тэр үнэн.) Магадгүй тэд дургүй болохоороо л Францыг тэгж их сүрдүүлээд байдаг байх. Тэгээд л нэг сайд нь Францыг бүхэлд нь сүрдүүлэх ямар нэг зүйл хэлсэн биз. Ерөнхийлөгч Макроноор тогтохгүй хатагтай Марин Ле Пэнийг хүртэл. […]
Хатагтай Марин Ле Пэн Оросыг, Кремлийг маш их дэмждэг, нэг удаа айлчилж очиж байсан. (Тийм.) Энэ талаар сонинд гарсныг нь би хаа нэгтэйгээс уншиж байсан. Үүн дээр Путин түүнд Орос улс Францын сонгуулийн тогтолцоонд, сонгуулийн явцад хөндлөнгөөс оролцохгүй гэсэн байсан. Тэр шууд л тэгж хэлсэн.
Хатагтай түүнээс магадгүй санхүүгийн ч юм уу зарим нууц байдлаар Францын Ерөнхийлөгч болоход нь дэмжихийг хүссэн байх. (Тийм байх, Багш аа.) Яагаад гэвэл энэ бол түүний хувьд […] гурав дахь удаагаа ерөнхийлөгчид нэр дэвшиж байгаа юм. Тэр дахиад л унасан. Гэхдээ энэ удаад тэр урьдынхаасаа хамаагүй илүү их санал авсан. Бараг тал хувиар. (Хөөх.) Тэр 41 билүү, 42 хувийн санал авсан. Энэ бол өмнөхөөс нь хавьгүй илүү тоо. Ямартай ч 40-өөс дээш хувь. Макрон олонхын буюу 58%-ийн санал авсан. (Тийм.) Ямартай ч аль алинд нь Оросын дэмжлэг хэрэггүй. Хэн мэдэх вэ? Магадгүй айлчлал нь тэдэнд магад хоёуланд нь нөлөө үзүүлсэн байх. (Тийм байх.) Чимээгүйхэн. Магадгүй нууцаар. (Тийм, Багш аа.)
Тэд нар яагаад ингэж сэтгэдгийг мэдэхгүй юм. Яагаад гэхээр Орос улс Трампт 2016 оны сонгуульд ялахад нь тусалсан гэсэн дуулиан, цуурхал гарч байсан. (Тийм.) Тэгээд тагнуулын төв газар, дотоодыг аюулаас хамгаалах газар шалгаад ч юм олоогүй. (Тийм.) Ямар ч ул мөр олоогүй. Тэгсэн ч тэд хардсаар байгаа. Ямар нэг асуудал гарч ирэх бүрд тэд “Өө, оросууд” л гэдэг. (Тийм.) Оросууд үүний ард байж магадгүй, энэ тэр л гэдэг. (Тийм.) Учир нь Оросын ерөнхийлөгч болон ерөнхийлөгч Трамп нар найрсаг харилцаатай байсан. (Тийм. Яг үнэн.)
Трамп энхтайвныг хүсдэг. (Тийм, Багш аа.) Тиймээс тэр найрамдах замаар (Яг үнэн. Тийм.) дайснаа устгадаг. (Тийм, Багш аа.) Иймд түүнийг байхад иймэрхүү зүйл болоогүй. Ямар ч сүрдүүлэг гэх зэрэг дайнд чиглэсэн алхам хийгдээгүй. Тэр огцроод л зад үсэрсэн. Бүх зүйл эмх замбараагүй, (Яг үнэн.) тайван бус болсон. (Тэгсэн, Багш аа.) Хойд Солонгосын заналхийллээс эхлээд Орос хүртэл. Өөр хаанах билээ? Санахгүй байна. (За, Багш аа.) Афганистан болон Пакистан дахь Талибан ба босогчдын бүлэглэлүүд, өөр бусад газруудад ч мөн адил. Өдөр бүр л их бага нэг юм болдог. Малид. Африкт хаа сайгүй. Маш олон газарт их бага хэмжээгээр. (Тийм, Багш аа.) Украиных бол хамгийн ноцтой нь, бас хамгийн гэнэтийнх нь. (Тийм.) Оросууд хил орчим бэлтгэл хийж байсныг эс тооцвол дайныг таамаглах зүйл байгаагүй. (Тийм, Багш аа.) Гэхдээ богино хугацаанд байсан. […]
Энэ бол ганц урсгалт зам гэж би хэлсэн дээ. (Тийм, Багш аа.) […]
За. Өөр юу байна? […] (Надад бас нэг асуулт байна, Багш аа.) Хэл хэл.
(Мариуполь хотын Азовстал гангийн үйлдвэрт байсан 260 украин цэргийг Оросын хяналтанд орсон бүс нутагт нүүлгэн шилжүүлсэн. Одоо Оросын нэр бүхий зарим хүн тэднийг “алан хядагчид” гэж нэрлэж байна. Тэд яагаад тэднийг тэгж нэрлээд байгаа юм бол, Багш аа?)
Яагаад тэгэхгүй гэж? Учир нь тэд ерөнхийлөгч Зеленскийг фашист гээ биз дээ? (Нацист) Нацист гэсэн. Тэгэхээр алан хядагч гэхэд юу нь гайхмаар гэж? (Тийм, яг үнэн.) Путин хэнийг ч байсан хүссэнээрээ дуудах өөр үг үлдсэн эсэхийг мэдэхгүй юм. (Тийм, Багш аа.) […]
Мөн одоо Украины бие даасан шүүх дайны гэмт хэргийг зарим хүн, Оросын зарим галзуу залуус үйлдсэнийг нотлох баримттай шалгаж байгаагаас болж байгаа. (Тийм, Багш аа. Тийм.) Дөнгөж 20, 21, бүр 18, 19 настнууд. (Тийм, Багш аа.) Тэгэхээр магадгүй тэд энэ нөхцөл байдлыг хэрхэхээ мэдэхгүй, айж байгаа ч байж мэднэ. (Тийм.) Тэгээд л тэд оногдохоосоо өмнө сум тавьж байна. Тэд бусдыг, дайсан гээд байгаа хүмүүсээ буудахаас нь өмнө буудахыг илүүд үзнэ. (Тийм.) Үгүй байлаа ч тэд галзуу, садист хүмүүс байлгүй.
Ямар ч нийгэмд, ялангуяа армид бүхий л төрлийн сэтгэлзүйтэй хүмүүс байдаг. Тэд нэгдэн бүлэг болохоороо бүхий л төрлийн эго, бүх төрлийн сэтгэлзүйн байдлыг, бүх төрлийн эмгэгийн шинжийг агуулдаг; (Тийм, Багш аа.) сэтгэцийн өвчин, сэтгэлзүйн эмгэгүүд гэх мэт. (Тийм.)
Гэхдээ ингэж хэллээ гээд харгислал үйлдээгүй гэсэн үг биш, (Тийм.) эсвэл мартах ёстой ч гэсэн үг биш. (Тийм.) Украичуудыг, тэдний гэр бүлийг тэд ямар ч шалтгаангүй буудчихсан. (Тийм.) Тэд үр хүүхдийг нь хүчиндсэн, хороосон. (Тэгсэн, Багш аа.) Тэгэхээр тэд “За за, март даа, энэ залуухан юм чинь. (Тийм, Багш аа. Яг үнэн.) Тэг ингэх гээгүй, зүгээр айсан. Хамаагүй ээ” гэхгүй шүү дээ. Гэмт хэрэг л бол гэмт хэрэг. Тэд мөрдөн шалгах ёстой. (Тийм, Багш аа.) Маш их нотлох баримт байхад тэд зүгээр өнгөрч болохгүй. (Тийм, Багш аа. Яг тийм. Тэр үнэн.)
Тэгэхээр оросууд зүгээр л нэр хоч өгч байна. Украины баатруудыг алан хядагч гэвэл яадаг ч байсан инээдтэй хэрэг. Хэн ч байсан мэдэж байгаа. (Тийм, Багш аа.) Бусдын улс оронд дайрч орчхоод тэр улсын ард олон улсаа хамгаалахаар нь тэднийг “алан хядагч” гэж нэрлэнэ гэнэ ээ? Эсрэгээрээ байх учиртай. Оросуудыг л алан хядагч гэх ёстой. (Тийм, яг үнэн. Тийм. Тэр үнэн.) Тэгэхээр та хариултыг мэдэж байгаа. Таван настан ч хэлээд өгнө. (Тийм, Багш аа.)
За, сайн байна. Өөр зүйл байна уу? (Бидэнд өөр асуулт байхгүй ээ, Багш аа. Харин хэдэн сайн мэдээ бий.) Хэл хэл. Сайн байна. (За, Багш аа.)
(Украины албаныхны хэлснээр тэдний цэргүүд Украины умард хэсэгт орших Харьков орчмыг чөлөөлжээ. Цэргийн шинжээчдийн хэлж байгаачлан мөн Украины умард дахь ажиллагаа амжилттай үргэлжлэн Оросын хүчнийг хил рүү түрэн гаргаж байна гэжээ.) Тийм, тэгсэн. Тэд бүр том застав байгуулж тэндээ хамтдаа зургаа авхуулсан байсан. (Тийм, тэгсэн.)
“2022.5.15 (Украин хэлээр) Цэрэг (m): Ноён ерөнхийлөгч өө, бид энэ хүрээд байна. Энд хилийн пост бидний дэргэд байна. Бид тэмдгийг эргүүлж босголоо. Ноён ерөнхийлөгч өө, бид хүрчихлээ, бид хил дээр байна.”
Тэд Харьковыг эзэлсэн. Бас өөр ч олон газрыг тэд чөлөөлсөн. (Тийм, Багш аа.)
Мариуполь л чанга байна даа. Аль алинд нь. Орост ч гэсэн. Тэд тэр хотыг л хяналтдаа авахыг хүсэж байна. Ашиг сонирхол, стратегийн ач холбогдлын төлөө. (Тийм, Багш аа.) Одесса болон Крымыг Хар тэнгист хяналт тогтоох зорилгоор эзлэх гэсэн шигээ. Харж байгаа биз, Украины улаан буудай, тос болон бусад чухал бараагаа бусад улс руу зөөвөрлөх боомтууд нь. (Тийм.) Энэ нь хурдан байдаг. Учир нь хөлөг онгоц галт тэрэг, ачааны машинаас илүүг тээвэрлэж чадна. (Тийм, Багш аа.)
“NBC News-ийн мэдээ – 2022.5.19 Сурвалжлагч (m): Оросын цэргүүдийг эхлээд Киевээс түрэн гаргасан. Харин одоо Оросын давшилтыг Украины хүчин зогсоож дэлбэлж байсан гүүрнүүдийн орчим Харьковын зүүн хотоос гаргаад байна. Гэвч оросын цэргүүд газар нутгийг эзэлж үлдэх гэж тэмцэж байгаа бөгөөд одоо тэд Хар тэнгисийн эрэг, Мариупаль боомт хотыг эзэлсэн бөгөөд тэнгисийн цэргийн бүслэлт нь Украиныг боомилж, тус улсын хамгийн чухал түүхий эд болох үр тарианы олон импорт, экспортыг зогсоож байна. Дэлхийн Хүнсний Хөтөлбөрийн тэргүүн ерөнхийлөгч Путинд хандан Украины үр тарианы экспортыг дэлхийн хүнсний аюулгүй байдлын төлөө чөлөөлөхийг шууд хүссэн юм.
Девид Биесли: Эдгээр боомтуудыг нээх нь маш чухал юм. Яагаад гэвэл энэ бол зөвхөн Украины асуудал биш бөгөөд биднийг ингээд ярьж байх зуур өлсгөлөнд нэрвэгдэж байгаа дэлхий дахины нэн ядуу хүмүүсийн тухай асуудал юм. Иймээс би ерөнхийлөгч Путинээс танд зүрх сэтгэл гэж байдаг бол эдгээр боомтыг нээхийг гуйж байна.”
Гэтэл тэд үүнийг нь хянаж байна. Тэгээд л эзлэхийг хүссэн. Тэд Украиныг бүхэлд нь эзлэхийг хүссэн ч гэсэн бүтэлгүйтсэн. Тэд Киевт бүтэлгүйтсэн болохоороо эдгээр стратегийн цэгүүд зэрэг ямар нэг зүйлийг эзлэхээр жижиг бүс рүү ухарсан. (Тийм.)
Сайн мэдээ байна. Би бас харсан. Баяртай байгаа. Зарим талаар би баяртай байгаа. Гэхдээ маш их зүйлд зовсоор л байна. Мариуполийг украин цэргүүд удахгүй эзэлнэ гэж би найдаж байна. Яг Харьковыг чөлөөлсөн шигээ. (Тийм.) Удаан байж ч магадгүй, гэхдээ чадна гэж бодож байна. Тэд олон газар зэрэг хамгаалж чадахгүй. (Тийм, Багш аа.)
Тэгээд ч магадгүй тэд цэргүүдээ түр гаргаж ирсэн байх. Цэргүүд нь хүсээгүй. Гэр бүлүүд нь хүссэн. (Тийм.) Хэн ч хүсээгүй ч гэлээ ерөнхийлөгч Зеленский тэдний тэдний амь насыг аврахыг хүссэн байх. (Тийм байх.) Тэгээд л тэднийг гарч ирэх тушаал өгсөн байх. Тэр Оросууд гадна нь байлаа ч гэсэн.
Эс бөгөөс тэд хүсээгүй. Тэд эцсээ хүртэл тулалдахыг хүсэж байгаагаа хэлж байсан. Тэд бүр аймшигтайгаар шархтан ямар ч эм, туслалцаа байхгүй байхад гар, хөлөө алдсан ч хамаагүй гэсэн. (Тийм, Багш аа.) Ерөнхийлөгч Зеленский л тэднийг ийм аймшигтай байдлаар үхүүлсээр байхыг хүсээгүй хэрэг. (Тийм, Багш аа.) Тэр тэднийг гарч ирэх тушаал өгсөн. Бууж өг гээгүй. Тэднийг аврах л гэж гарч ир гэсэн байх. Яагаад гэвэл тэд хоригдол боллоо гээд амьд байх болно. (Тийм, Багш аа.) Дараа нь тэд хоригдол солилцохоор хэдийн төлөвлөсөн байгаа. (Тийм.) Эсвэл оросуудыг бүгдийг нь хөөгөөд гаргачихвал ямар ч солилцоо хийх ч хэрэггүй болох байх. (Тийм, Багш аа.)
Гэр бүл нь хүссэн учраас тэр. (Тийм.) Зарим гэр бүлийнхэн бүр п. Францис дээр очиж гангийн үйлдвэр доор байгаа хамгаалан тулалдагч, эр нөхрүүдэд туслаач хэмээн гуйж байсан. (Тийм, тэгсэн.)
Тэгэхээр бүх талын дарамт байсан байх. Иймд ерөнхийлөгч Зеленский болон тэр доор байсан цэргүүд аль аль нь “Одоо эндээс гарах нь илүү дээр бөгөөд дараа эргүүлэн авч болно. Эсвэл хоригдол солилцож болох бөгөөд шархдагсад эмчлүүлэх боломжтой” гэж бодсон байх. Оросын хяналт доор орсон байлаа ч тэд зовж шаналан үзэшгүй байдлаар амь насаа алдсанаас дээр. (Тийм, Багш аа.) Ийм л шалтгаантай. Эс бөгөөс тэд гарахыг хүсэхгүй байх байсан. (Тийм. Яг үнэн.) Тэгэх байсан бол аль эрт л гарч ирэх байсан. Эсвэл тэд шархтангуутаа л эмчлүүлэхийн төлөө бууж өгөх байсан. Тэгээгүй. (Яг тийм.) Тэд эмчлүүлэх тухай ч бодоогүй. Тэд тэнд хэдэн сарын турш байхад хүрсэн. (Тийм, Багш аа.)
“PBS Newshour-ийн мэдээ – 2022.5.18 Сурвалжлагч (m): Тэд бараг гурван сарын туршид цөмийн довтолгоог тэсвэрлэх зориулалттай нуувч хонгилд амьдарч тулалдсан. Тэдний эсэргүүцэл Оросуудыг олзоо бататгахад саад болсон бөгөөд өнөөдөр Украйны эрх баригчид тэднийг баатрууд хэмээн нэрлэлээ.”
“Channel 4 News-ийн мэдээ – 2022.5.17 Сурвалжлагч (m): Хэдий хүч тэнцвэргүй, бүслэгдсэн байсан ч гэсэн тэд тулалдсан. Гангийн үйлдвэр тэдний сүүлийн түшиц газар, Аламо нь байсан. Гэхдээ үүрд тэсэх аргагүй. Оросыг дэмжигч салан тусгаарлагчдын нийтэлсэн дүрс бичлэгт хэдэн сарын турш Мариуполийн гангийн үйлдвэрт нуугдаж байсан шархадсан хүмүүсийн заримыг харуулсан байна. Даваа гарагийн орой эндэхийг эзэлсэн Украины хүчин Ерөнхийлөгч Зеленскигээс орхин гарах тушаал авав. Өмнөд боомт хотод үлдсэн сүүлчийн бэхлэлт. Хамгийн хүнд шархадсан 50 гаруй хүнийг ойролцоох хотын эмнэлэгт шилжүүлсэн байна. Өөрсдөө алхаж гарч чадах хүмүүсийг өөр эмнэлэг рүү илгээжээ. Хоёр хот Оросын дэмжлэгтэй салан тусгаарлагчдын хяналтад байдаг. Украинчууд энэ бол хоригдлуудыг солилцох эхлэл гэж зүтгэж байна.
Украинчууд: Азовыг алдаршуулъя аваръя! Азовыг алдаршуулъя аваръя!
Сурвалжлагч (m): Дотор нь байсан цэргүүдийн эхнэрүүд нөхрөө аврахыг Украины ерөнхийлөгчөөс гуйсаар байна. Энэ бол Украины ерөнхийлөгчийн үгээ маш их бодож бичсэн захиа, хэлцлийн замаар түүнийг олсон дээр явж буйг харуулж байна.
Ерөнхийлөгч Зеленский: Украины баатрууд амьд байх нь Украинд хэрэгтэй гэдгийг би онцлон хэлмээр байна. Энэ бол бидний зарчим. Энэ үгийг ямар ч ухаалаг хүн ойлгоно гэж бодож байна. Мариуполийн хамгаалагчдыг аврах ажиллагааг манай цэргийн тагнуулын алба эхлүүлсэн. Залуусыг гэрт нь хариулах ажил үргэлжилж байна. Мөн энэ ажил нь нарийн мэдрэмж, цаг хугацаа шаарддаг.”
Дараагийнх нь. Өөр зүйл байна уу? (Тийм ээ, дараагийн сайн мэдээ Дэлхийн аж үйлдвэрийн хамгийн хүчирхэг улс гүрнүүд Орос улс Украины газар нутгийг эзлэх гээд байгааг хууль ёсны бус үйлдэл гэж зарлалаа. G7 (Их долоо)-гоос гаргасан мэдэгдэлд дурдсанаар: “Бид Оросыг хил хязгаараа цэргийн түрэмгийлэл ашиглан өөрчилсөн тохиолдолд хэзээ ч хүлээн зөвшөөрөхгүй бөгөөд бид Украины тусгаар тогтнол, хилийн бүрэн бүтэн байдлыг хамгаалахад тусална. Үүнд Крым болон бусад мужууд ч хамаарна” гэсэн.)
Браво! Би үүнийг л хэлээд байлаа - тэдэнд юу ч бүү өг, бүр ганц ямх газар ч бүү өг. Яагаад гэвэл тэдэнд үүнийг өгвөл түүнийг хүсдэг. (Тийм.) Тэдэнд гар өгвөл хөлийг нь хүснэ. Ийм сэтгэхүйд ичих нүүр, ёс суртахуун, учир шалтгаан, уялдаа холбоо гээд юу ч байдаггүй. Зүгээр л очоод алаад байдаг. (Тийм.) Тэгээд газар нутгийг нь авч, тэднээс шаарддаг. Яагаад гэвэл хэдэн арван жилийн өмнө Финляндад үйлдэж байсан айлгах арга барил шиг.
Тэр үед финляндууд маш эелдэг байсан бөгөөд хүмүүсийн амь насыг аврахын төлөө зүгээр л буугаад өгчихсөн. (Тийм, Багш аа.) Тийм болохоор л тэд энэ удаа хүлээлгүй НАТО-д нэгдэж байна. (Тийм.) Тэд хэдийн албан ёсоор хүсэлтээ гаргасан бөгөөд хүсэлт нь хэдийн зөвшөөрөгдсөн. Харин тогтоол, хэлэлцүүлэг гэх зэрэг зүйл л үлдсэн. Мөн Финляндын засгийн газар бүр иргэддээ бэлэн байдалд орж, цэргүүддээ бэлэн байхыг хэдийн сануулсан. Учир нь тэд “Хүлээлтийн цаг хугацаа бол бидэнд тун эмзэг үе юм” гэж хэлсэн. Тийм байдаг. Яагаад гэвэл тэд хараахан НАТО-гийн албан ёсны гишүүн болоогүй байна. (Тийм.) Иймд Орос тэдэн рүү дайрч мэдэх юм.
Гэхдээ Финляндын ерөнхийлөгч Путинтэй уулзах үеэр тэр “Яагаад вэ? Бид та нарыг сүрдүүлээгүй. НАТО-д элсэх нь алдаа” гэж хэлсэн байх. Гэхдээ их тайвнаар. (Хөөх.) Сүрдүүлсэн ч юм уу тийм өнгө аясаар биш. Тийм ээ, гэхдээ эхлээд цахилгаан тасалсан. Бурхан минь. Сүрдүүлэг биш гээд байгаа. Сүрдүүлэлгүй шууд хийж. (Тийм, Багш аа.) Ямар ч байсан тэгсэн. Дараа нь яахыг хэн мэдлээ? Тэгэхээр Финлянд яарч байгаа учир “Бид алгуурлахгүй нэгдэнэ” гэсэн. Улс даяараа дэмжиж байгаа. Парламент болон хүн бүр энэ шийдвэрийг дэмжиж байгаа. Юуны өмнө тэд улс дотроо өөр хоорондоо, засгийн газартаа ярилцах хэрэгтэй. Тэгээд бүгд тэгье гэвэл тэд НАТО-д нэгдэнэ. (Тийм.) Тэд хүсэлтээ хэдийнээ өгчихсөн. Албан ёсоор.
“PBS Newshour-ийн мэдээ – 2022.5.16 Жуди Вуудруфф (f): Шведийн Ерөнхий сайд Магдалена Андерссон өнөөдөр Умард Атлантын цэргийн эвсэл буюу НАТО-д элсэж, 200 гаруй жил үргэлжилсэн цэргийн эвсэлд үл нэгдэх бодлогоо дуусгавар болгож буйгаа мэдэгдлээ. Энэ амралтын өдөр хөрш Финлянд төстэй мэдэгдэл гаргалаа.”
“Guardian News-ийн мэдээ – 2022.5.20 Жон Хенлей: Финланд, Швед улсууд НАТО-д элсэх хүсэлт гаргасан нь үнэхээр түүхэн өөрчлөлт байлаа. Орос Украин руу довтолсон нь тус улс үнэхээр найдваргүй, аюултай хөрш гэдгээ нотоллоо. Энэ нь Финлянд, Швед улсууд олон арван жилийн өмнөх эвсэлд үл нэгдэх аюулгүй байдлын бодлогодоо үнэхээр гайхалтай эргэлт хийхэд хүргэсэн байна.
Саули Ниинистё: Тэд (Орос) хөрш улс руугаа дайрахад бэлэн байна.
(Швед хэлээр) Магдалена Андерссон: Хэрэв Швед улс Балтын тэнгисийн бүс нутгийн НАТО-гийн гишүүн бус цорын ганц улс байсаар байвал бид маш эмзэг байдалд орохоор байна.”
“PBS Newshour-ийн мэдээ – 2022.6.16 Ник Шифрин: Украин руу халдсан дайралт бүх зүйлийг өөрчилсөн. 2017 онд Финляндчуудын 22%, Шведийн 32% нь НАТО-д элсэхийг дэмжсэн байсан бол харин өнөөдөр эдгээр тоо Финляндад 76%, Шведэд 53% байна.”
“Guardian News-ийн мэдээ – 2022.5.20 (Швед хэлээр) Эмэгтэй: Бид аль нэг талыг сонгох ёстой болжээ гэж санагдаж байна, тэгвэл, би долоо хоногийн өдөр бүр Оросоос түрүүлж НАТО-г сонгоно.
Эрэгтэй: Би үүнийг эсэргүүцдэг байсан, гэхдээ Украины дайны дараа би үүнийг маш их дэмжиж байгаа.
Эмэгтэй 2: Тэд бүгдийг алж, бүгдийг өөрчлөх вий гэж айж байна
(Англи хэлээр) Жон Хенлей: Үйлдлүүд нь үр дагавартай бөгөөд заримдаа төлөвлөсөн зүйлийнхээ эсрэг үр дагавартай байдгийг энэ үнэхээр харуулж байна. Владимир Путин Украиныг НАТО-д элсэх гэж байна гэсэн шалтгаанаар хэсэгчлэн довтолсон гэвч, Путин НАТО-г өргөжүүлэхээс урьдчилан сэргийлэхийг зорьж байсан атлаа тэр өөрөө өргөжүүлэх шалтгаан болсон нь үнэхээр гайхалтай инээдтэй хэрэг юм.
Сэтгүүлч (m): Үүнийг Владимир Путин өдөөн хатгасан дохио гэж харж магадгүй гэж та айж байна уу?
Саули Ниинистё: Миний хариулт "Та (Путин) үүнийг үүсгэсэн. Толинд хар."”
“Channel 4 News-ийн мэдээ – 2022.5.17 Сурвалжлагч (m): Нэгэн ер бусын хэлэлцүүлэгт, Оросын цэргийн шинжээч, тэтгэвэрт гарсан генерал Оросын төрийн телевизэд хэлэхдээ, дайн Оросын хувьд сайн үр дүнд хүрсэнгүй гэжээ.
(Орос хэлээр) Михаил Ходарёнок: Нэг ёсондоо бид геополитикийн хувьд бүрэн тусгаарлагдмал байдалд байна. Хэдийгээр бид үүнийг хүлээн зөвшөөрөхийг үзэн ядаж байсан ч бараг бүх дэлхий бидний эсрэг байна.”
Зүгээр нэг, НАТО-д элсэхийг хүссэн болгон шууд орчихдог юм биш. Тийм биш. Олон нөхцөл, болзол шаардлага хангаж байж элсэх эсэх нь шийдэгддэг
(Одоогийн байдлаар Туркын ерөнхийлөгч Ердоган үүнийг эсэргүүцсэнээ хэлсэн.) Тийн. Магадгүй Турк ямар нэг байдлаар Оросын талыг баримтлагч байх. Учир нь би нэг мэдээнд олигархуудын хөлөг онгоц нь Баруунд хэдийн хоригдсон байх ёстой ч зарим нь Туркын далайн зогсоолд байгаа талаар уншсан. (Өө, тийн.) Туркын ус. Мөн, тэнд Оросуудын худалдан авсан маш олон байшингууд бий, Орос бол баян. (Аа, тийн.) Саяхан, өмнөхөөсөө илүү болсон. Саяхан Турк улсад маш олон эзэмшил газрууд бий болсон. (Хоригоос зайлахын тулд.) Тийм!
Тэгэхээр, юу гээч? Нэг талдаа, нэг хөл нь НАТО-д, нөгөө хөл нь Орос улсад. (Тийм, Их Багшаа.) Тэгэхээр, ямар эрх эсвэл ямар шалтгаанаар Эрдоган Финланд болон Шведийг НАТО-д нэгдэхийг сэргийлж байна вэ? (Ойлгож байна, Багшаа.) Үүнийг та нарын асуултанд сайн хариулт болсон гэж найдаж байна (Тийм ээ, Багш аа. Баярлалаа, Багшаа.)
Энэ дэлхий... дийлэнх улс төрчид, тэдэнд хоёр жишиг байдаг. Тиймээс л том эсэргүүцэл болж, том цуглаан сөрөг хүчний удирдагчийг дэмжиж байсан юм. (Өө, тийм.) Тэд бүгд бүхэлдээ цэвэр биш. Зарим нь цэвэр гэж би найддаг. Эс бөгөөс, энэ дэлхий бүхэлдээ бузартана.
Турк ер нь яаж чадах билээ? НАТО-гийн дүрэм журамд тодорхой нөхцөл болзол бий учраас гэх гэсэн юм. Тухайн улс орныг элсүүлж болох эсэх талаар, элдэв шаардлагад нийцүүлэн олон ч асуулт тавьдаг. (Тийм.) Магадгүй тэдгээр болзлын нэг нь тухайн улсын засаг төрөөс үндэсний цөөнхийг дарамтлан түрэмгийлж байсан эсэх байж болно. Эсвэл (Тийм ээ, Багш аа) алан хядагч бүлэглэлүүдийн талд орох буюу тэгэх хандлага гэх мэт зүйлс. (Тийм.)
Финляндыг жишээ нь курдуудын талд байдаг гэцгээдэг. (Тийм, тэгдэг.) Курд ястнууд Турк улсын буюу тэндхийн ерөнхийлөгч Эрдоганы дайсан гэгддэг. (Тийм.) Тэд үүнийг шүүмжлэх шалтаг болгон ашигладаг. (Тийм, Багш аа.)
Гэвч тэдэнд хангалттай баримт бий эсэхийг мэдэхгүй Учир нь Финлянд төвийг сахигч орон байсан шүү дээ. (Тийм, Багш аа.) Төвийг сахиснаар тэд хэнтэй ч дайсагнаж хэнтэй ч талцдаггүй (Тийм, Багш аа.) Тийм ч учраас магадгүй тэд курдууд буюу курдын бүлэглэлтэй нөхөрсөг буюу төвийг сахиж харьцдаг байх. (Тийм.) Гэхдээ энэ чинь тэд хэн нэгний эсрэг байр суурьтай гэсэн үг биш. (Тийм шүү.)
Швейцарь улстай л адилхан тэд бас төвийг сахисан орон. (Тийм.) Франц Герман хоёр дайтлаа гэхэд, тэд хэнийх нь ч талд орохгүй байх. Тэд Украинд тусалснаараа журмаа тодорхой хэмжээнд үнэхээр зөрчсөн шүү. Гэхдээ тэд эцэстээ огт туслаагүй, төвийг сахисан байр сууриасаа болж Германаас асар чухал техник хэрэгсэл, нэн том, чухал ач холбогдолтой тоног төхөөрөмжийг Украин руу илгээхийг хорьсон. (Тийм, Багш аа.) Тэд өөрсдөө бага сага тусламж үзүүлж буй ч Герман улс зэр зэвсгээ Швейцариар илгээж чадаагүй. Германы компаниуд тэнд байдаг байх. (Тийм, Багш аа.) Олон компани Хятадад очиж бизнес хийн, тэнд байгуулагддаг шиг (Тийм.) […]
Алж хядаж байгаа болохоор надад ч бас таатай бус бaйна. Тэдний заримд нь чөтгөр шүглэсэн байна. Олон гэмгүй номхон хүүхдүүд болон бусдыг алсан залуухан цэрэг жишээлбэл. (Тийм.) Олныг алсан. Тэдний олонх нь түүнд ямар ч хамаагүй, түүнд гэм хийгээгүй. (Тийм, Багш аа.) Бурхан минь. Цэргийн гэмт хэрэгт татагдаж байгаа учраас Орос өрөөл бусдыг буруутгах түвшнээ бүр ахиулахыг хүсэж л дээ.
“NBC News-ийн мэдээ – 2022.5.18 Ричард (m): Украины засгийн газар тэднийг хоригдлуудыг солилцох ажиллагаагаар аврах болно гэж мэдэгдсэн ч Орос өнөө орой Украины цэргүүдийг террорист бүлэглэлийн гишүүн хэмээн цоллож, байлдагч бүрийг энгийн иргэдийн эсрэг гэмт хэрэг үйлдсэн байж болзошгүй эсэхийг шалгана гэж мэдэгдлээ. Үүнээс үзэхэд ОХУ-ын зүгээс Украинд олон орос цэргүүдийг дайны гэмт хэрэг үйлдсэн хэргээр шүүхгүй байхыг шахаж буй арга бололтой.”
Цэрэг дайны гэмт хэрэг биш, шат ахиулж “алан хядагчид” гэх нь. Тийм шүү. Би хэлcэн шүү дээ, хүний улс орон руу дайрч ороод, олон түмнийг хүйс тэмтрэн бөмбөгдөх хэр нь ээ, тэднийг өмгөөлөн хамгаалагчдыг террорист гэх гэнэ. (Хөгийн юм.) Энэ арай ч хэтэрч байна аа. (Тийм.) Бурхан минь. Тэдэнд ёс суртахууны хэм хэмжээ, айж ичих юм юу ч алга. […]
Би Путиныг бүр өрөвдчихлөө Учир нь би түүнийг тамд яаж төгсгөлгүй, төсөөлшгүй их тарчлах тухай бодож байна. Мөнх үргэлжлэх болно, тэр үүнийг мэдэж байгаа юм алга. Бурхан минь, хүн гэдэг амьтан яаж ийм мунхаг байдаг юм бэ? Чөтгөр болсон байсан ч шалтгаан, өр төлөөсийн хууль хэн бүхэнд хамаатай гэдгийг, хаан ч бай, боол ч бай, гудамжны цэвэрлэгч, эсвэл дэлхийн аварга байсан ч ялгаагүй гэдгийг мэдэх ёстой. Хүн бүхэн шалтгаан, үр дагаврын хуульд захирагдана. (Тийм, Багш аа.) Алимны үр таривал алимны мод л ургадагтай адил. Маш энгийн. Тэр гэтэл үүнийг мэддэггүй ээ. Бурхан минь. (Тийм, Багш аа.) Хэн ч түүнд тусалж чадахгүй. Тиймээс л би түүнийг өрөвдөж байна. (Тийм ээ, Багш аа. Ойлгож байна.)
Гэвч мэдээжийн хэрэг, би түүний Украинд үйлдсэн харгислалыг үл ойшоож чадаж байна гэсэн үг биш. (Тийм ээ). Ай, Бурхан минь. Би энэ бүхнийг хэрхэн тайлбарлахаа мэдэхгүй байна. Хүмүүс яагаад ийм байж болдгийг мэдэхгүй. Энэ бас сөрөг хүчний нөлөө л дөө. (Тийм.) Харамсаж буйн бас нэг шалтгаан энэ. (Тийм, Багш аа.) Ийм чөтгөр хэзээ ч орших ёсгүй. Бид алж хөнөөсөн муу энергиэрээ мөн олиггүй байж, Бурханыг үгүйсгэснээрээ чөтгөрийг бас бүтээлцэж байгаа учраас тэр юм. (За, Багш аа) Хүмүүс маргааш гэж байхгүй мэт хэн нь үхнэ үү, хэн нь сэхнэ, хэн чухам яаж ч үхэж байсан үл тоож өөрөө л болж байвал боллоо гэсэн шиг амьдарч байна гэх гэсэн юм. Аймшигтай. (Тийм шүү. Ойлгож байна) […]
(Та Путиныг яагаад өрөвдөөд байгаа юм бэ, Багш аа?) Мэдэхгүй юм даа, хайр минь. Аяндаа л мэдэрсэн. Энэ мэдрэмж миний сэтгэлд Украин улс, тэнд золиослогдсон хүмүүсийг гэсэн харуусал, гүн шаналал, тэдэнд тохиосон зүйл хэчнээн шударга бус гэдгийг мэдрэхтэй зэрэгцэн оршсоор л. (За, Багш аа.) Тэрбээр муу энергид автаж, жишээ нь хар нүхнээс гаралтай хөнөөлт оршнолуудын сөрөг муу нөлөөнөөс болж асар эвдэрсэн гэдгийг би мэдэж байгаа учраас тийм байх. (За, Багш аа.) Манай дэлхийн уур амьсгал иймэрхүү эрчмийг тэтгэж, Путин мэтийн оршнолуудыг тэжээж байдаг. (За, Багш аа.)
Би хүссэндээ тэгсэн юм биш. Би түүний тухай бодоо ч үгүй. Би түүнийг өрөвдөнө хайрлана гэж хэзээ ч бодоогүй. Хүүгээ хайрладаг эхийн хайр шиг. Тийм их. (За, Багш аа.) Би түүнийг мэдэх ч үгүй. Түүнтэй уулзаж, ярьж байсангүй Тэр бид хоёр огт хамаагүй. Түүний хийсэн бүхний төлөө үзэн ядна л гэж бодож байлаа. (Ойлголоо, Багш аа) Харин түүнийг хайрлах эсвэл өрөвдөнө гэж би бодоогүй. (За, Багш аа. Их Багшийн уг чанар ийм юм. Хамаг амьтныг энэрэн нигүүлсдэг.)
Би өөрөө ч бас гайхширч байна. Ийм оршнолыг яах гэж хайрлана вэ? (Тийм ээ, Багш аа.) Хамаг дэлхий түүнийг үзэн ядаж харааж байна. Яагаад ийм хайр надад төрөв? (Ойлгож байна аа.) Би түүнийг маш их өрөвдөж, тайтгаруулахыг маш их хүсэх мэт. Тийм их. (Хөөх. За.) Эргэж буц гэж түүнд хэлмээр. Мэдээж хэн ч намайг сонсохгүй. Путин бол бүр үгүй. (Тийм ээ, тэр үнэн шүү.) Би дэлхий дээрх эрүүл ухаантай бүх хүнд л юм хэлж байна, намайг сонсох хүн олонгүй. Надад хор хүргэхгүй байгаа бол Бурханы адислал. Бурханы аврал.
Энэ хайр энэрэл надад ингэж төрсөнд би ч гайхаж байна. Яах ч аргагүй. Байсаар л байна. (Хөөх.) Өдөржин, шөнөжин тийм байгаа ч юм биш л дээ. Зүгээр бодохоор л байж байх юм. (Хөөх.) Би бодохдоо ердөө тэрхэн зуур, ямар нэг юм сэтгэлийг минь хөндсөн байх гэж бодож байв. (За.) Тэр өдөр, тэр үед түүний царай гунигтай харагдсан болохоор миний сэтгэл хөдөлсөн байх л даа. Хэвээрээ л байна. Ямар ч хүлээсгүй, алагчлалгүй нөхцөл болзолгүй тийм хайр. (За. Ойлголоо, Багш аа.) Гэхдээ үнэхээр бодитой. Гүн гүнзгий. Өөрийг минь ч гайхшируулсан хайр. (Хөөх.) Би ийм Путин шиг этгээдийг, ийм хүнийг ийм хайраар хайрлана чинээ бодож байсангүй. (За, Багш аа.)
(Тэр дотооддоо залбирсан ч юм уу, тиймэрхүү зүйлээр Танд хүрсэн байж болох уу? Үгүй юү?) Байж болох юм. Гэхдээ би ойлгоогүй. Диваажин надад юу ч хэлээгүй. Би түүнийг зүгээр л ингэж хайрласан. Магадгүй надад бясалгах илүү их цаг хугацаа байсан бол яагаад гэдгийг нь мэдчих байсан. (За, Багш аа.) Даанч одоо надад үнэхээр ямар ч цаг алга. (За, ойлголоо.) Веган Дэлхийн төлөө, амьтан-хүмүүсийн төлөө залбирах цаг үе юм. Украин, Сири гэх зэрэг хүндрэлд орсон орнуудын төлөө залбирах цаг үе. (За.) […]
Дотоодынх нь л ямар нэг зүйл байсан байх. (Тийм, Багш аа.) Аясаараа л гэнэт гараад ирсэн. Тэгээд түүний талаар ахуй ойлголт үзсэн. Тэр өмнө минь сөхрөөд яг дэргэд байхад надад тэр тэврүүлэх гээд байх шиг, намайг толгой дээрээ гараа тавиасай, “Зүгээр дээ. Би чамайг уучиллаа” гэж хэлээсэй гээд байх шиг санагдсан. (Хөөх) Би түүнийг уучилж байгаа, би түүнд “Би чамайг уучилж байна, харин бусад сүнснүүд уучлах үгүйг би хэлж мэдэхгүй.” гэж хэлсэн. Тэр надад “Уучлаарай” гэж өмнө минь өвдөг сөхөрч байгаад хэлсэн. (За, Багш аа.) Маш ойр дотно мэдрэмжтэй, хол хөндий эсвэл худлаа ичингүйрсэн мэдрэмж огт үгүй. Түүнийг хайрлаж байгаа минь үнэхээр надад мэдрэгдэж байна. Би түүнийг чин сэтгэлээсээ гэмшиж байгааг мэдэрч байна. Тэгэхдээ би үүнийг өрөөл бусдад яаж ойлгуулж харуулах билээ? Би түүнд “Диваажин чамайг өршөөгөөсэй гэж би залбиръя. Би чамайг уучилж бас хайрлаж байна. Үүнээс өөр хэлэх зүйл алга даа” гэж хэлсэн. Тэр огт явахыг хүсэхгүй байсан. Өвдөг сөгдөөд бас толгой дээрээ миний гарыг тавиулахыг хүссэн. (Хөөх.) Ердөө тэр. Ийм л мэдрэмж, тэр шахаж шавдуулаагүй. (За, Багш аа.)
Энэ дэлхийд амьдрах их хэцүү шүү. Юмсыг зөвхөн хар цагаанаар ялгах арга байхгүй. Хүмүүс заримдаа нөлөөнд ороод галзуу зүйлс хийчихдэг. (Тийм ээ, Багш аа.) Чөтгөр хүний бие, ухаан санаанд шүглээд тэдний биеийг ашиглан сүйтгэдэг боловч тэр хүний жинхэнэ сүнс тэгэхийг хүсэхгүй, ямар ч хүчирхийлэл үйлдэхийг хүсэхгүй, үнэн сэтгэлээсээ гэмшиж байж болох ч оюун ухаан мэдэхгүй байж болно. Гол нь тэр. (За, Багш аа.)
Жишээ нь Путин миний өмнө ирж сөгдөөд өршөөл эрнэ гэж би бодохгүй байна. Тэр өршөөл гуйгаагүй, ердөө “Уучлаарай” гэж хэлсэн. “Уучлаарай” гэдэг ганц үг. Харин тэр үнэхээр харамсаж байсан. (За, Багш аа.) Мэдрэгдэхүйц байсан. Түүнд хуурах шаардлага байгаагүй. (За, ойлгож байна.) Энэ бол сүнс хоорондынх. (За, Багш аа.) Сүнсний харилцаа.
Магадгүй тийм болохоор би түүнийг чин сэтгэлээсээ гэмшиж байна гэж мэдэрсэн биз. Гэхдээ би өөр яахаа мэдэхгүй байна. Би түүнд, “Путин ээ, цэргүүдээ л эхлээд гэрт нь хариулчих. Тэгээд би чамд өөр яаж тусалж болохыг харъя. Аль чадахаараа тусална” гэсээр л байгаа. Гэхдээ энэ оюун ухааны яриа гэж бодохгүй байна. Сүнсний харилцаа. Мөн би түүний сүнс оюун ухаандаа юу хийхийг ойлгуулж чадна гэдэгт итгэлгүй байна. […]
Тэгэхээр энэ л таны асуултын хариу. (За, Багш аа. Түүний сүнс оюун ухааныг нь энэ бүхнээс гаргах, Оросын дайралтыг зогсоох хангалттай хүчтэй л гэж найдаж байна.) За. За. Даруйхан тусмаа л түүнд сайн. (Тийм.) Бас мэдээж хэрэг хөөрхий гэмгүй украинчуудад ч гэсэн тэр нь хамаагүй дээр. (Тийм, Багш аа.) Би өмөрч байна. Өдөр бүр тэдний зовлон шаналлыг харж, сонсоод маш их бачуурч, арга мухардан өмрөх юм. (Тийм, Багш аа.) Гэхдээ үйлийн үр л бол үйлийн үр юм даа. […]
Тэр үнэхээр мэхийн гэмшиж байх шиг санагдсан. Гэхдээ би бусад сүнснүүдийг яаж ч чадахгүй. Тэд түүнийг уучлах ч юм уу үгүй ч юм уу. (Тийм, Багш аа.) Үүнийг тэд л шийднэ. Тэд ч гэсэн түүнийг өршөөнө гэж найдаж байна. Зүрх сэтгэлдээ тийм их үзэн ядалт, өс хонзон тээх ямар хэрэг байх билээ. Улам бүр л хүнд хэцүү санагдаж, бодол санаа чинь ч гэсэн хүнд болно. (Тийм.) Гэхдээ хүмүүсийг уучлах хэцүү. Тун хэцүү. Тийм болохоор л бид үргэлж дайн, үзэн ядалт, зовлон шаналал, цар тахал, байгалийн гамшиг, өлсгөлөн зэргийг туулсаар байна. Яагаад гэвэл үзэн ядалт, үзэн ядалтын энергийг арилгахгүй. Тэгээд үзэн ядсан, өс хонзонгийн программыг тээсэн, өшөө авахыг хүсэгч хүмүүстэй зууралдсаар л байдаг. (Тийм.)
Нэг л өдөр энэ тэр гэлтгүй, үзэн ядалт арилж, бид энхтайвныг сахиулан Веган Дэлхий, Энхтайван Дэлхийг цогцлооно гэж би найдаж л байна. (Тийм, Багш аа.) Бидний хийх зүйл бол: бүх хүн веган болох, бүх хүн энх амгаланг цогцлоох л явдал юм шүү дээ. Хэцүү зүйл биш. (Хэцүү биш, Багш аа.) Хийж болохуйц хэдий ч хүмүүс дадсан зүйлдээ дэндүү баригдаад өөрчлөгдөхийг хүсэхгүй байна. […]
Хөтлөгч: Өршөөлт Их Багшийнхаа хүн төрөлхтнийг илүү эрхэм ариун, дэвшсэн дэлхий бүтээхэд замчлан Дэлхийд чухал үед нь хайрын золиослол гаргаж, адислаж байгаад нь хязгааргүй их талархаж байна. Бид бүгд зүрх сэтгэлээ нөхцөл болзолгүй Хайранд нээж, бусад ахан дүүсээ хүлээн авч бүгд Бурханы цэвэр ариун, адил тэгш эрхтэй хайрт хүүхдүүд гэдгийг хүлээн зөвшөөрөх болтугай хэмээн залбирч байна. Энэ Хайр бидэнд тайван амгалан, веган хооллолттой, гэрэл гэгээтэй, илүү амгалан гарагийг цогцлооход туслах болтугай. Их Багш минь аюулгүй, энх тунх байж бүхий л Агуу Их Диваажингуудын тусламжийг авч байгаасай хэмээн ерөөж байна.
Саяхан Дэлхийгээс дүрсийг нь буулгасан нисдэг биетээс үүдэн Их Багшийн тайлбарласан гарагийн талаарх дэлгэрэнгүй сонирхолтой мэдээлэл болон дэлхийд ойрын үед болж буй үйл явдлуудын талаарх Түүний айлдварыг сонсохыг хүсвэл Багш шавийн шүтэлцээгээр хожмын өдөр энэхүү конференцийг бүрэн эхээр хүлээн авна уу.
Мөн танд лавлах шаардлага гарвал Шуурхай мэдээ/ Багш шавийн шүтэлцээ зэрэг өмнөх конференц нэвтрүүлгүүдийг үзнэ үү:
Шуурхай мэдээ:
Энх тайвныг сахин бусдын амь насыг нандигна
Зөвхөн Энхтайвныг сахиулагчид л Диваажинд хүрч чадна
Хүн чанар, сайн сайханд итгэх нь бие биедээ тусалж буй хэрэг юм
Аливаа орныг байлдан эзлэхийг зөвтгөх шалтаг үгүй
Украиныг дэмжих тал дээр дэлхийд гарч буй эерэг өөрчлөлт
Эерэг Хүчний Төлөөлөгчид хүн төрөлхтөнд тустай
Нийгэмд том байр суурь эзэлдэг байх тусмаа илүү даруу байх ёстой
Багш шавийн шүтэлцээ:
Дэлхийн бүх улсын төр засаг Украины талд зогсох ёстой
Хүчирхэг орнууд зоригтой байж Украинд туслах ёстой
Сайн ба муугийн хооронд болж буй дайнд Диваажин Украинд тусалж байна
Төгс Гэгээрсэн Их Багш Чин Хайн Украины тулгамдсан нөхцөл байдлын талаарх санаа бодол
Дэлхий дахин Украиныг дайнд ганцааранг нь үлдээлээ
Украинд тусалж буй талаар урамтай сайхан мэдээ
Хүчирхэг улсууд Украйнд өгсөн амлалтдаа хүрээгүй
Украины ард түмний нэгдмэл чанар Дэлхийн өмнө гэрэлтэж байна
Украины эрхэм зорилго Оросын хүчнээс илүү хүчирхэг
Хоёр найз
