Хөтлөгч: 2022 оны 5-р сарын 23-ны даваа гарагт дэлхийн төлөөх эрчимтэй бясалгалаасаа цаг гарган бидний Хамгаас Хайрт Төгс Гэгээрсэн Их Багш Чин Хай Суприм Мастер Телевизийн ажлын багийнхантай тэдний биеийг асуухаар утсаар ярьсан билээ. Конференцийн үеэр Их Багш мөн багийнхны бэлдсэн, дэлхийд болж буй үйл явдлуудтай холбоотой мэдээ болон асуултуудад хариулан бодол санаагаа хуваалцсан юм.
(Багш аа, АНУ-ын сенатч, Бүгд найрамдах намын Митт Ромни Путиныг цөмийн зэвсэг хэрэглэх юм бол НАТО Украин (Урейн)-ы дайнд оролцох тухай санал гаргасан.)
Тэд яагаад цөмийн зэвсэг хэрэглэх хүртэл хүлээх ёстой гэж? (Тийм, Багш аа.) Яагаад? Тэднийг цөмийн зэвсэг хэрэглэх юм бол орно гэж үү? Яагаад одоо биш гэж? (Яг үнэн.) Хөгийн юм. Тэд шалтаглах арга хайж байна. Юу гээч? Тэд ядаж л зарим нэг зүйлээр тусалж байгаа.
Гэхдээ дан зэвсэг хангалтгүй. (Тийм, Багш аа.) Тэдэнд экспертиз хэрэгтэй. Украинчууд (Урейнчууд) 40 саяул болохоор тэдэнд бас хүн хүч хэрэгтэй. Хангалттай олон эрчүүд байхгүй. (Тийм, Багш аа.) Хүүхэд хөгшидгүй бүгд гарч ирээд тулалдлаа ч гэсэн тэд мэргэшээгүй шүү дээ. Үүгээр ердөө л тэд эв нэгдэл, эрх чөлөөг хайрладгаа, золиос гаргаж чадахаа, эр зоригоо л харуулж чадна. Харин хангалттай хүн хүчтэй гэсэн үг биш. Иймээс тэд улс орноо бүхэлд нь хамгаалж чадахгүй. (Тийм, Багш аа.) Учир нь тэд Оростой олон нутагт бүх талдаа өргөн фронтоор тулалдахаас өөр аргагүй байна.
Тэгээд л гангийн үйлдвэрийн хонгилд байсан баатрууд бууж өгөхөд хүрсэн. (Тийм, Багш аа.) Эхнэр, ар гэрийнхэн нь тэднийг амьд байлгахыг хүссэн учраас ерөнхийлөгч Зеленский бууж өгөх хэрэгтэй болсон. (Тийм, Багш аа.) Үгүй бол тэд тэр доороо үхэж ч мэдэхээр байсан. Гэхдээ би тэд юуг чухалд үзсэнийг мэдэхгүй. Баатрын ёсоор үрэгдэхийг үү оросуудын гарт тэгж бууж өгөхийг үү. Аль аль нь л төлөөстэй. (Тийм, Багш аа.) Хэрэв тэд бууж өгөөгүй бол тэнд байгаа шархадсан цэргүүд дэндүү ихээр зовох байсан. Эм байхгүй, бас хоол, ундны ус нь ч хэдийнээ дуусаад байсан. Гэхдээ ингээд бууж өгөхөөр тэдний нэр төр ихээхэн сэвтэнэ. (Тийм, Багш аа.) Тэд үүнийг хүсээгүй. Эцсээ хүртэл тулалдсан нь дээр гэцгээж байсан. Тэд тэгж л хэлсэн. Харин ар гэрийнхэн нь ерөнхийлөгчид шахалт үзүүлж, п. Францис дээр хүртэл очиж гуйсан. Тэгсэн ч тэр яаж чадах юм бэ?
Цөмийн зэвсэг хэрэглэсэн тохиолдолд НАТО орж ирлээ ч дэндүү оройтно. (Тэгнэ.) Бүгд хэдийнээ үхсэн байх вий. (Яг үнэн, Багш аа.) Тэгвэл яах ч гэж орж ирэх юм? (Тийм. Ойлгож байна.) Орост одоо бүгдийг нь өгчихвөл таарна. Хүн бүрийн амийг аварна. (Тийм, Багш аа.)
НАТО-гийн удирдагчдыг хүндлэх сэтгэл надад үнэхээр үлдсэнгүй. Тэд эрх чөлөө, ардчиллыг хамгаална гэсэн гэж би хэлж байсан даа. (Тийм, тэгсэн.) Украин (Урейн) одоо яг үүнийг л хийж байна шүү дээ. Зүгээр яриад байлгүй биеэрээ гүйцэтгэж байна. Харин тэд ярьсаар л. Тэд зүгээр л гишүүд цуглуулдаг гэж бодож байна. Ердөө л тэр.
Миний бодлоор НАТО санаатай ч бай, үгүй ч бай ердөө л гишүүдийн тоогоо нэмж илүү хүчтэй болохыг хүсэж байна. Харин НАТО-гийн үзэл баримтлалыг дагахгүй байна. (Тийм, Багш аа.) Яагаад гэдгийг нь харж байгаа биз дээ. Энэ нь яг л Финлянд, Швед зэрэг баян хүчирхэг улс орнуудад болон бусад улс оронд “Хараа биз? Манайд нэгдэхгүй бол Украин (Урейн) шиг болж дайн нүүрлэх болно шүү” гэдэг үгийг л илгээгээд байх шиг. (Тийм. Ойлгож байна.) Тэгэхээр ямар нэг байдлаар иймэрхүү далд санаатай буруу мессеж хүргэж байна. Хүмүүсийг хамгаалахын оронд тэргүүлэгчийн байр сууриа хадгалахыг хүсэж, НАТО гэдэг нэрээ л гайхуулахыг хүсэж байна. (Тийм, Багш аа.) Бодит байдал дээр бол энэ нь хөндий хоосон санагдаж байна. Ач холбогдолгүй санагдаж байна. Тэд хэлсэн амандаа хүрч байгаа санагдахгүй байна. Тэд үнэхээр эрх чөлөө, ардчиллыг хамгаалахыг хүсэж байгаа юм шиг санагдахгүй байна. Яагаад гэвэл Украин (Урейн) эрх чөлөө, ардчиллын жинхэнэ бэлгэдэл юм. (Тийм, Багш аа.) Украин (Урейн) улсад үнэнхүү тусламж дэмжлэг хэрэгтэй байхад нь, юу юугүй аюул нүүрлэх гэж байхад нь гишүүнээр элсүүлэхийг тэд хүсээгүй. Тэд Украин (Урейн)-ыг огт тоогоогүй. Хэдэн зэвсэг шидсэн болоод болчихсон.
НАТО-гийн дээд удирдлага бол ямар ч хэрэггүй хоосон ам. Би тэгж л бодож байна. (Тийм, Багш аа.) Тэднийг бодохоор ой гутаж байна. Оросууд Украин (Урейн)-ыг дарлаж, хүүхэд, эмэгтэйчүүдийг алж хүчиндэж байна. Харин тэд яг дэргэд нь хайхрахгүй сууж байна. (Тийм.) Гэтэл гишүүнчлэлээ нэмэгдүүлж, Украин (Урейн)-ы зовлонгоор ашиг олж байна. Ёстой гутамшигтай. (Тийм, Багш аа.) Тэд аль эрт орж ирсэнсэн бол Мариуполь эзлэгдэж, цэргүүд тэр доор, тэр гангийн үйлдвэрт тэгж их зовоход хүрэхгүй байх байсан юм. (Яг үнэн. Тийм, Багш аа.) Хэдүүлхнээ л тулалдсан. Хамаагүй олон оросуудтай, хамаагүй олон, давуу зэвсэгтэй, (Тийм.) давуу техник хэрэгсэлтэй.
Одоо Орос эзэлсэн олон газраа “оросжуулж байна.” (Тийм, Багш аа.) Тэд Оросын ТВ-ийн сувгуудаар худал мэдээ цацаж байна. Тэд хүмүүсийг украин (урейн) хэлээр ярихыг зөвшөөрөхгүй зэрэг олон зүйл хийж байна. Тэд Украин (Урейн) улсад хэдийнээ ул мөрөө гаргаад эхэлчихсэн. (Тийм.) Мөн нэн олон хотыг устгаж, олон тосгоныг сүйтгэж үүнийгээ үргэлжлүүлсээр байна. Гэтэл НАТО цээжнийхээ урд гараа зөрүүлцгээгээд зүгээр л харсаар. Гишүүнийхээ тоог нэмсээр. Улс орныхоо төлөө санаа зовнисон Финлянд, Швед зэрэг улс орнууд гишүүнээр элсэх хэрэгтэй болсон. (Тийм, Багш аа.)
Хэрэв НАТО Украин (Урейн)-ыг илүү зөв зүйтэй замаар хамгаалсан байсан бол Финлянд, Швед тэдэнд элсэх ч хэрэггүй байсан байх. (Яг үнэн. Тийм, Багш аа.) Яагаад гэвэл тэд ийм асуудал тулгарвал НАТО тэдэнд тусална гэж бодох байсан. (Тийм, Багш аа.) Энэ нь далд хэлбэрийн албадлага болж байна. (Тийм.) Далд албадлага.
Би дэлхийн эдгээр удирдагч гэгдэгч хүмүүст ой гутаж байна. Тэр дээр зогсчхоод л том юм ярьцгаана. Гутамшигтай. Украинчууд (Урейнчууд)-ыг тийнхүү зовоход, үхэхэд хүргэж байна. Тэд өөрсдийн болон гэр бүлийнхнийхээ амийг гуйж байна. Тэдэнд хоол унд ч алга. Тэд эзлэгдээд байгаа олон газарт өөрсдийн ердийн төрх байдлаа ч алдаж байна. Ёстой гутмаар. НАТО-гийн эдгээр удирдагч гэгдэгчид үнэхээр гутамшигтай санагдаж байна.
Сенатч Ромни ч атугай жаахан хүн чанартай юм. Гэхдээ тэр арай илүү шулуухан, илүү хүчтэйхэн “Шууд орооч” гэж хэлэх ёстой байсан юм, Бурхан минь. (Тийм, Багш аа.) “Хэрэв…” гээд байх хэрэггүй. Хөөх. Бурхан минь. Орос хэрэв цөмийн зэвсэг хэрэглэчихвэл украинчууд (урейнчууд) амьд байх юм гэж үү? (Үгүй. Яагаад ч үгүй.) Ерөнхийлөгч Трамп Америкт ганц л бий... тэдэнд мэдээж олон бий, (Тийм.) гэхдээ тэр ганц нь Оросыг газартай тэгшилчхэж чадна гэсэн. (Тэгсэн. Би сонссон.) Үгүй юм гэхэд том хотуудыг нь.
“Sky News Australia-ийн мэдээ – 2022.4.26 Эрхэм хүндэт Ерөнхийлөгч Трамп (m): Тэд түүнтэй буруу харилцсан гэж бодож байна. Тэдний ярьж байгаа нь бараг айж байгаа юм шиг санагдаж байна. Мөн тэд бидэнд бүх зүйлийг ганцаараа устгахаар нэгэн зэвсэг байгааг ойлгохгүй байна.”
Тэгэхээр хэрэв Орос цөмийн зэвсэг хэрэглэх юм бол НАТО яах гэж орж ирэх юм бэ? Яана гэж? (Яг үнэн.) Хэдэн яс үлдэж вэ гэдгийг тоолох гэж үү? Эсвэл хүмүүсийн чандрыг хутгаж үзэх гэж үү? (Дэндүү оройтно.) Эсвэл баялаг ч юм уу ямар нэг юм үлдэж үү гэж хайх гэж үү? Ямар нэг юм үлдвэл шүү дээ.
Бурхан минь. Аль дээрээс хойш би үүнийг л хэлээд байгаа юм. Зэвсэг өгөөд хангалтгүй. Тэдэнд илүү их хүн хүч, мэдлэг чадварын тусламж, илүү их цэрэг хэрэгтэй. (Яг тийм. Тийм.) Гэтэл тэд тэнд суучхаад л Украинаар (Урейнаар) ашиг олохоо хүлээж байна. Украинчуудаар (Урейнчуудаар), сунжирсан дайнаас ашиг олох гэж. Тэднийг дайнд ялахыг хүлээгээд түүнээс нь ашиг олохыг хэлж байна. (Тийм.) Оросоос ангижруулаад тэр бүх олигархуудын мөнгийг тодорхой шалтгаанаар авах ч юм уу. Үгүй бол Украин (Урейн) ялагдлаа гэхэд тэд ялагдсан болохгүй. (Тийм, Багш аа.) Бурхан минь. Ёстой муухай. Заваан.
Энэ бүх удирдагч гэгдэгчид ой гутмаар юм. Яагаад гэвэл хэрэв ардчилал, эрх чөлөөг хамгаална л гэсэн бол эдгээрийг хамгаалж байгаа хүмүүст туслах л ёстой. (Тийм.) НАТО Украин (Урейн)-ыг бүр гишүүнээр ч хүлээж авахыг хүсээгүй. (Тэр үнэн.) Бас тэгээд туслаагүй. Ямар гээч хүмүүс вэ? Жирийн хүмүүс хүртэл хажуу хаалганы хөршүүдийг нь хүмүүс дээрэлхэж байх юм бол гүйж ирээд тусална даа. (Тийм, тэгнэ, Багш аа.) Тэд чадах бүхнээ хийнэ. (Тэгнэ.) Гэтэл тэд украинчууд (урейнчууд)-ыг зовж байгааг нь зүгээр л хараад зогсож байна. […]
Тэд таашаан хараад зогсож байна. Энэ хүмүүс зарим талаар садист хандлагатай, бүр Украин (Урейн)-аар ашиг олж байна. Одоо биш ч хэзээ мөдгүй хэдэн сая хүн өлсгөлөнд нэрвэгдэх нь ч хамаагүй. (Тийм, Багш аа.) Яагаад гэвэл тэр удирдагчид хэзээ ямагт идэх хоолтой байдаг. Юу ч болж байсан тэдэнд үргэлж л байдаг, бүр маш хангалуун их байдаг. (Тийм.) Тэр том мах, их дарс гээд юу л байна; том байшин, тансаг машин, тогтмол цалин гэх зэрэг тэдэнд бий. Гэтэл ядуу буурай хүмүүс, ядуу улсуудад энэ бүх давуу тал байдаггүй. Тэдэнд хоол байхгүй бол өлсөөд л үхнэ. Мэдээж хүүхдүүд ч гэсэн мөн адил. (Тийм.)
Тэгэхээр энэ удирдагчдаас ой гутаж байна. Удирдагч байх гавьяа тэдэнд байхгүй. Мөнгө олох, энэ тэр л гэдэг. Тэд ажлаа сайн хийдэггүй. Тэд халагдаж ичгүүртэйгээр гэртээ харих хэрэгтэй. Тэнд зүгээр гараа хумхиад байж байснаас тэр нь хамаагүй шударга явдал болно. (Тийм, үнэн, Багш аа.) Өө, би бас их харамсаж ч байна. Маш их харамсаж байна. Энэ бүхнийг бүр ярих юм биш. Би тэр тэнэг, хувиа хичээсэн, дургүй хүрэм удирдагч гэгдэгч этгээдүүдэд байгаа шиг тансаг зүйлсийг хэрэглэж чадахгүй дэлхийн ядарсан тэр хүмүүсийн төлөө харамсаж байна. (Тийм, Багш аа.) Тэдэнд бүхий л тансаглал, бүхий л давуу эрх байдаг. Хөөрхий энгийн ард иргэдэд байдаггүй.
Та нарт гэж хэлэхэд тэд бүгд чөтгөрт, чөтгөрийн төлөө зүтгэж байна. (Тийм, Багш аа.) Яагаад гэвэл тэдэнд хангалттай ёс суртахуун алга. Тиймээс тэд чөтгөр биш юм гэхэд тэдэнд чөтгөр амархан нөлөөлж байна. (Тийм, Багш аа. Ойлгож байна.) Тэдэнд хангалттай ёс суртахуун, нэр төр, жаахан ч гэсэн хүмүүний жудаг гэж байсансан бол чөтгөрүүд тэднээс хол байна. Яагаад гэвэл хүндэтгэнэ. Тэд зүрхлэхгүй. (Тийм.) Сайн хүмүүст бол зүрхлэхгүй. Харин тэдэнд хангалттай ёс суртахуун, хангалттай буян байхгүй болохоор чөтгөрийн нөлөөнд амархан орж тэдэнд зүтгэж байна. Энгийн ард иргэд хэр их зовох нь тэдэнд хамаа ч байхгүй. Өөрсдөө л сайн идэж, сайн сайхан байгаа цагт.
Ээ, Бурхан минь. Ард түмнээр тэжээлгэж байж ард түмнээ хайхардаггүй. (Тийм, ойлгож байна, Багш аа.) Энэ удирдагч гэгдэгсэд ард түмнээр тэжээлгэдэг. Хүмүүсийн зовж олсон хөдөлмөрийн хөлсөөр, татварын мөнгөөр амьдардаг. (Тийм, Багш аа.) Тэгсэн хэр нь тэднийг хайхардаггүй. Энэ дэлхий хөл толгойгоо алдаж. Хэрэв хэн нэгэн чамд төлсөн бол чи хичээж, тэдний төлөө хүндлэлтэйеэ зүтгэх ёстой биз дээ? (Тийм, Багш аа.) Тэднийг боссоо гэж үзэх ёстой. Гэтэл тэд удирдагч болж, ард түмэн нь хөөрхий учраас тэднийг дорд үзэн эсвэл хайхардаггүй. Ийм төрлийн хүмүүс, тэд сайн удирдагч байх уу? (Үгүй, Багш аа. Огт үгүй.) Мэдээж үгүй. Тиймээс л надад хэлэх ч үг алга. (Яг үнэн, Багш аа.) […]
Надад үнэхээр ой гутмаар байна. Тэд жигшүүртэй юм. Ийм л үг аманд орж ирж байна. Тэд ёстой муухай хүмүүс. Муу ёрын. […] Ичгүүр сонжуургүй. Өөр зүйл байвал хэлээрэй. Үгүй бол би үглэсээр байх нь. (Байгаа, Багш аа.)
(КОВИД-ын тархалт одоогийн байдлаар үргэлжилсээр л байна.)
“PBS NewsHour-ийн мэдээ 2022.5.21 Жеофф Беннет (m): КОВИД-ын шинэ давлагаа орон даяар эрчээ авч, бараг бүх мужид халдварын тохиолдол өсөж байна. Өдөрт халдварын тохиолдол хоёрхон долоо хоногийн өмнөхөөс 50 гаруй хувиар өсөж, КОВИД-оор эмнэлэгт хэвтсэн хүний тоо өмнөх долоо хоногийнхоос 12 гаруй хувиар өслөө.”
“ABC News-ийн мэдээ 2022.5.13 Дэвид Муир (m): Сүүлийн 24 цагт гэхэд 145,000 гаруй шинэ халдвар гарчээ. Үүнийг харах юм бол өнөө орой олон нийтийн дунд тархсан түвшний зураглал. Зүүн Хойд бүс нутгуудад тохиолдол одоо эргэн өндөр эрсдэлтэй түвшинд хүрлээ.
Сурвалжлагч (m): АНУ дахь КОВИД-ын шинэ тохиолдол сүүлийн зургаан долоо хоногт гурав дахин нэмэгдсэн нь 2-р сарын дунд үеэс хойших хамгийн өндөр үзүүлэлт юм.
Доктор Фаучи (m): Энэ цар тахал зогсоогүй бөгөөд хамгааллаа бууруулах юм бол, авч хэрэгжүүлэх зүйлсээ хийхгүй юм бол бид хэдэн сарын өмнөх үеийнх шигээ адил асуудалд орох болно.”
(Бид нээлттэй бодлого барих хэрэгтэй юү? Маш олон хориг цуцлагдаад байна. Үргэлжлүүлсээр байх хэрэгтэй юү?)
Тухайн улс хэрхэн сонгосноос л хамаарна. (За.) Гэхдээ гол нь хүмүүс сахилга баттай байх хэрэгтэй. Зүгээр л маскаа тайлаад хаячхаж болохгүй. Тэгж болохгүй. Тэд маскаа зүүсээр байх хэрэгтэй. (За.) Яагаад гэвэл халдварын тархалтаас, илүү өргөн хүрээнд тархахаас хамгаална. (Тийм, яг үнэн.) Зөвхөн маск өмсөөд зогсохгүй өмсгөл өмсөх хэрэгтэй. (За.) Мөн цар тахлыг бүрэн намжтал нүүрний хаалтыг ч гэсэн хэрэглэ. (Ойлголоо.) Тэгээд эргээд хэвийн болно.
Харин одоо бид нээлттэй байж болох ч хагас хэвийн байх ёстой. (За, Багш аа.) Хамгаалах хэрэгсэл өмсөх хэрэгтэй гэсэн үг. (За.) Тэглээ гээд эрх чөлөөгөө хорь гэсэн үг биш. Тэд гарч янз бүрийн зүйлс, ажлаа, ер нь бүх зүйлийг хийж болно. Эс бөгөөс зүгээр л нээлттэй болчих юм бол вирус гэнэт маш хурдан тархах болно. (Яг үнэн, Багш аа.) Солонгос шиг. (Тийм.) Хэдхэн өдрийн дотор хоёр сая халдвар гарчихсан. Гэхдээ тэд хяналт тогтоож чадсан гэсэн. Би итгэж өгөхгүй л байна. Яагаад гэвэл тэд Байдены санал болгосон вакцинаас татгалзсан. (Тийм.)
“CityNews–ийн мэдээ 2022.5.21 Карин (f): Хойд Солонгост КОВИД-ын асар том гамшиг нүүрлэх нь гэсэн айдас бий болжээ. Энэ сарын эхээр Хойд Солонгосын тэргүүн Ким Жон Ун улс оронд нь КОВИД гарсныг хүлээн зөвшөөрсөн. Харин Хойд Солонгос сэжигтэй тохиолдлыг батлах шинжилгээ хийх хүчин чадал хүрэлцэхгүй байгаагаас халуурсан хүмүүсийн тоонд үндэслэж байна.”
“WION–ийн мэдээ 2022.5.20 Приянка (f): Өнөөдөр халуурсан шинж тэмдэгтэй хүний тоо хоёр сая даваад байна. Тус улсад сүүлийн 24 цагт халуурсан тохиолдол 200,000 давсан бөгөөд хоёр үхлийн тохиолдол бүртгэгдсэн ба улсын мэдээллийн хэрэгслээр нэвтрүүлснээр халуурсан тохиолдол 2.24 сая хүрээд байна. НҮБ-ын хүний эрхийн агентлагаас нөхцөл байдал даамжирвал 25 сая иргэнд аюултай байдал нүүрлэнэ хэмээн анхааруулжээ. ДЭМБ мөн энэхүү хяналтгүй тархалт нь илүү аюултай хувилбарыг шинээр үүсгэх вий хэмээн санаа зовниж байна.”
“CityNews –ийн мэдээ 2022.5.21 Карин (f): Харин тусгаарлагдсан дэглэм нь гаднын тусламжийн саналаас татгалзсаар байна.”
“WION- ийн мэдээ 2022.5.20 Приянка (f): Өмнөд Солонгос болон АНУ дэгдэлттэй тэмцэхэд туслах тусламжийг санал болгосон хэдий ч Умардаас хараахан хариу хүлээн аваагүй байна.”
Тэд Байденыг сонгогдсон цагаас нь эхлээд цаг үргэлж элдэвлэж байгаа. (Тийм.) Тэд Трамптай л ярилцсан. Байденд тэд итгэдэггүй. Олон улсад итгэлцэлгүй болсон гэж би хэлсэн дээ. (Тийм, Багш аа. Яг үнэн.) Байдал хэдийнээ ийм байна. Үүгээр ч зогсохгүй. Мөн Хойд Солонгос Байденыг жаахан ч хүндэлж үздэггүй. Өнөөдрийг хүртэл тэд түүнд нэг ч хариу өгөөгүй. (Тийм.) Бүхий л төрлийн саналд нь, тухайлбал хойд солонгосчуудтай уулзъя гэхэд нь хариулаагүй. (Тийм.) Одоо үнэгүй вакцин өгье гэж байхад тэд хариулахгүй байна. Тэднийг би буруутгахгүй. Тэд өөрсдийгөө өөрсдийн аргаар эмчилж байна. Заримдаа энэ нь вакцинаас бага гаж нөлөөтэй байх ч талтай. (Тийм, Багш аа.)
Сайн гэж байгаа ч гэсэн вакцин хүмүүст сайнгүй байгааг би мэднэ. (Тийм.) Гэхдээ би үүнийг дотоодоосоо мэдсэн. Би хэлэх учиргүй байсан ч гэсэн хэлчихлээ. Хэнд хамаатай гэж?
Нээлттэй бодлого баримталж болох ч болгоомжлох ёстой. (Тийм.) Маск зүүж, нүүрний хаалт зүүж, илүү сайн хамгаалах хувцас өмсөх хэрэгтэй. Ил задгай хувцаслаад хаа сайгүй яваад байж болохгүй. Илүү битүү байх хэрэгтэй. Илүү чамбай хамгаалж, биеийнхээ хэсгүүдийг аль болох далдлах тусам сайн. Тэгээд нээлттэй байж болно.
Тайвань (Формоса)-ийн нээлттэй бодлого шиг... Яагаад гэвэл Шанхайд хүмүүс эсэргүүцэж жагсаад хаалттай бодлого нь нэмэр болоогүй. Тэгээд тэд нээсэн. Тэгтэл огцом өсөөд маш их өвчлөл гарах болсон. (Тийм, Багш аа.) Өмнө нь маш бага байсан бөгөөд хяналтад байлгаж чадаж байсан. Зөвхөн зөөвөрлөгдсөн тохиолдлууд байсан. Гэтэл одоо дотоодын халдвар гарч байна. (Тийм.) Өнөөдөр харахад 68,000 тохиолдол гарсан байсан. Улам бүр л нэмэгдээд байна. Олон зуун хувиар өсөж байна. (Тийм, Багш аа.) Урьд нь 1,000 орчим байсан байх аа? (Тийм.) Арай бага ч билүү. Үхлийн тохиолдол зургаан зуу билүү найман зуу л байсан. Харин одоо улам нэмэгдсэн.
“CNA–ийн мэдээ 2022.5.17 Сурвалжлагч (f): Цар тахлаас сэргийлж чадсан хэмээн магтаал хүртэж байсан Тайвань (Формоса)-д одоо КОВИД-ын тохиолдлуудаас болж эмнэлгийн ачаалал хэтрээд, гол эмнэлгүүдийн ажилтнууд даван туулахаар чармайж байна. Энэ өсөлт нь эмнэлгийн тогтолцоог сүйрэлд хүргэж болзошгүй гэсэн санаа зовнил үүсээд байна.”
“CNA –ийн мэдээ 2022.5.19 Сурвалжлагч (f): Вирустэй зохицон амьдрах төлөвлөгөөгөө орхихоос татгалзсан юм. Цар тахал анх гарсан цагаас хойш анх удаа нэг өдрийн тохиолдол 90,000 хүрсэн бөгөөд Тайвань (Формоса)-д нийт тохиолдол нэг саяд хүрлээ. Орон нутгийн мэргэжилтнүүд тохиолдлын тоо сарын сүүлээр оргилдоо хүрэхийг анхааруулжээ.”
“CNA–ийн мэдээ 2022.5.17 Сурвалжлагч (f): Тайвань (Формоса) улс нь 4-р сараас тэг-КОВИД бодлогыг цуцалснаас хойш тус арлын нэг өдрийн КОВИД-ын халдварын тохиолдол халдвар авсан хүний хөл хорионы хугацаа багасаж, хавьтлын ул мөрийг тодорхойлохгүй болсноос хойш хамгийн их хэмжээнд хүрчээ.
Хатагтай Ян Хуй-тин (f): Хамт олны маань олон нь гэртээ амрахын тулд халдвар авчихсан байгаасай гэж байна. Бусад нь дэндүү их ядраад ажлаасаа гарахыг л хүсэж байна.
Сурвалжлагч (f): Хатагтай Яны бухимдлыг голлох эмнэлгүүдийн олон ажилтнууд мөн адил хэлдэг. (КОВИД) Оношлогдсон эмнэлгийн ажилтнуудад амралт хэрэгтэй байна! Эмнэлгийн ажилтнууд өнгөрсөн долоо хоногт нэгдэн засгийн газрын тэг-КОВИД бодлогыг цуцалсныг эсэргүүцэн гудамжинд жагсаал хийсэн. Нөөц бололцоо хязгаарлагдмал байгаагаас болж хүнд өвчтэй олон өвчтөн зохих ёсны эмчилгээ хийлгэж чадахгүй байна.”
Тэгэхээр нээлттэй бодлого иргэдийн сахилга батаас хамаардаг. (Тийм, Багш аа.) […] Тайван ч гэсэн хяналттай. Өвчилсөн хүмүүсийг тандаж, тэднийг сайн эмчилж, гэрт нь байлгаж, зүй ёсоор нь эмчлэх хэрэгтэй. Тэднийг хаа сайгүй явуулаад улс даяар халдвар тараалгаж болохгүй. Бурхан минь. За.
Тэгэхээр бидний хэрэгжүүлэх ёстой эдгээр хоёр шийдэл нь хамгийн шилдэг нь гэж би бодож байна. Хөдөө аж ахуй, газар тариаланг хүнсэнд зориулан илүүтэй дэмжих; хүнсний ногооны, тариалангийн аж ахуйг дэмжин өлсгөлөнгийн хямралыг давна. Мал амьтан- хүний аж ахуйгаар биш. (Тийм.)
Мөн КОВИД-ын халдварын эсрэг дэндүү нээлттэй бодлого барихгүй байх. (Тийм, Багш аа.) Яагаад гэвэл сармагчны цэцэг зэрэг бусад олон халдварт өвчин бий. Сармагчны цэцэг тархаж байна. (Тийм, яг үнэн.) Мөн америкчууд үүний эсрэг вакцин ч юм уу ямар нэг зүйл хийхэд анхаарч байна.
“WION–ийн мэдээ 2022.5.20 Сурвалжлагч (f): Одоо харамсалтай нь Европын улсууд, АНУ болон Австралид сармагчны цэцэг өвчин асуудал болж байна. Энэ аюулт халдвар дэлхий дахинд өсөж байгаа нь аюулын дохио болж байна.”
“PBS NewsHour–ийн мэдээ 2022.5.23 Сурвалжлагч (m): Дэлхий даяар 200 орчим тохиолдол батлагдсан бөгөөд дор хаяж арван улсад сэжигтэй тохиолдол гараад байна. АНУ-д анхны тохиолдол Канадад саяхан очиж байсан Массачусетсын нэгэн өвчтөнөөс өнгөрсөн долоо хоногт илэрсэн. Нью Йорк хот, Флорида болон Ютад цөөн тооны сэжигтэй тохиолдол гарсан ч хараахан батлагдаагүй байна.”
“CNBC –ийн мэдээ 2022.5.23 Сурвалжлагч (m): Ойрын хэдэн долоо хоногт америкчууд сармагчны цэцгийн илүү олон тохиолдол гарна гэдгийг мэдэх хэрэгтэй. Энэ мэдээллийг CDC (Өвчний хяналт хамгааллын төв)-өөс өгчээ.”
“ABC News–ийн мэдээ 2022.5.20 Сурвалжлагч (m): Одоо АНУ-ын засгийн газар сармагчны цэцгийн эсрэг вакциныг үйлдвэрлэгч компаниудад их хэмжээгээр захиалан, 13 сая хүнд 119 сая ам. долларын өртөгтэй вакцин худалдан авсан гэсэн мэдээ байна.”
Дандаа л вакцинжуулаад байж чадахгүй шүү дээ, Бурхан минь. (Тийм, Багш аа.) Эхлээд тэд вакциныг хангалттай гэдэг ч тэгсхийгээд үгүй юм байна гэдэг. Тэгээд хоёр дахь, гурав дахь тун, дөрөв дэх нь нэмэлт тун гэдэг. Нэмэлт тун. (Тийм.) Гэтэл хангалтгүй болж магадгүй тав, зургаа дахь тун болно. Зарим улсад тэгсэн гэж дуулсан. (Тийм.)
“ABC News –ийн мэдээ 2022.5.13 Сурвалжлагч (m): Халдвар нэмэгдэж байгаагаас болж КОВИД-ын үхлийн тохиолдол нэмэгдэж байна.
Доктор Фаучи (m): Вакцинд хамрагдсан, халдвар авсан хүмүүсийн зарим нь хүндээр өвдөн нас барж байна.”
“ABC7NY –ийн мэдээ 2022.5.12 Сурвалжлагч (f): Санаанд оромгүй өндөр тоонд хүрлээ. Одоогоор нэг сая америк хүн КОВИД-оор нас бараад байна. Одоо хэр нь өдөрт 300 америк хүн КОВИД-оор өнгөрч байна. Бид энэ цар тахлыг туулсаар л байна. Гуравдугаар сарын дунд үеэс хойш эмнэлэгт хэвтсэн хүний тоо хамгийн өндөр түвшинд байгаа ба FDA (Хүнс ба эмийн захиргаа) ирэх сард вакцины талаар болон түүнийг өөрчлөх талаар хэлэлцэнэ. Энэ зуны сүүлээр бидэнд хэр нэмэлт тун хэрэгтэй тухай нэмэлт мэдээлэл ирэх байх.”
“Wall Street Journal –ийн мэдээ 2022.1. Дов Либер (m): Дэлхий дахинд олон хүн одоо дахиад КОВИД-19-ийн хэдэн тун вакцин хэр давтамжтай хийлгэх ёстой юм бол гэж байна. АНУ болон бусад улс орнууд өсөн нэмэгдэж буй халдварын эсрэг нэмэлт тун хийхийг түргэтгэж байна. Чили, Израил зэрэг улсуудад хүмүүс нэмэлт тун дээрээ нэмэлт тун хийлгээд эхэлжээ.
Доктор Галпер (f): Өнөөдөр би дөрөв дэхээ хийлгэнэ.
Дов Либер (m): Гэхдээ эрдэмтэд дөрөв дэх тун хэр үр дүнтэй болохыг тогтоохыг хичээсээр байна. Мөн яаран нэмэлт тун хийлгэхгүй байхыг зарим эрдэмтэд анхааруулдаг.
Доктор ГиЛи Регев-Ёчай (f): Дөрөв дэх тунгийн тухайд би огт итгэлгүй байна.
Дов Либер (m): Олон тархвар судлаачид давтан тунг тийм ойрхон өгөх хэрэггүй гэдэг.”
“DW News –ийн мэдээ 2021.12.12 Рэйчел Байг (f): КОВИД-ын вакцинжуулалтын түвшин өндөр улс орнуудад халдвар өсөж байна. Энэ нь вакцин хийлгэсэн ч КОВИД-19-ийн халдвар авсан гэсэн үг. Энэ нөхцөл байдал нь олон хүний санааг зовоож, вакцины үр дүнгийн талаарх олон цуу ярианы шалтгаан болж байна.
Эмэгтэй (f): Вакцин үр дүнгүй байсан гэж бодож байгаа болохоор би улам бүр өөртөө итгэлгүй болж байна. Би гурав дахиа хийлгэмээргүй байна. Яагаад гэвэл зургаан сар тутамд вакцин хийлгэх хэрэгтэй болж мэдэх юм. Би хүсэхгүй байна.
Сурвалжлагч (f): Та вакцинд хэр итгэдэг вэ?
Эмэгтэй (f): Огт үгүй. Надад хамгаалагдсан санагддаггүй. Би зай барьж, хаашаа ч явахаа байсан.
Рэйчел Байг (f): Энэ бол “Bild”-ын тэргүүн мэдээ. Эмнэлэгт байгаа 60-аас дээш насныхны 45 хувь нь вакцинд хамрагдсан. Вакцинжуулалт юунд сайн байсан юм бэ?”
Ай, аймшигтай. Үүрд ингээд байх боломжгүй тул жинхэнэ хүн байж, энэрэнгүй байж, амьтан-хүнийг идэх гэж, үс, арьсыг нь хэрэглэх гэж, эсвэл лаборатори, гоо сайхан зэрэгт ашиглахын тулд нэмж хөнөөхгүй байхад л илаарьших юм шүү дээ. Машины суудал, буйдангийн бүрээсний төлөө ч бүү хөнөө. Яагаад гэвэл амьтан-хүний гаралтай аливаа бүтээгдэхүүнийг хэрэглэж байх л юм бол өвчин, зовлонд өртөнө. (Яг үнэн, Багш аа.) […]
Өөр зүйл байна уу? Өөр асуулт байна уу?
(Польшийн ерөнхийлөгч дайн эхэлснээс хойш Украин (Урейн)-ы парламентад биечлэн үг хэлсэн анхны ерөнхийлөгч болсон. Тэрээр Украин (Урейн) л өөрийн ирээдүйг шийдэх эрхтэй гэсэн.) Мэдээж хэрэг. (Энэ нь таны хэлсэнтэй адилхан юм.) Мэдээж хэрэг. (Тийм ээ.) Яагаад гэвэл Польш улс ч бас Оросын гарт зовж байсан. Тэд ямар болохыг нь мэднэ. (Тийм.) Тэд оросуудад дургүй. Тийм төр засагт, Оросыг захирч байгаа намд дургүй гэх гэсэн юм. Тэд орос хүмүүст дургүй юм биш. (Тийм.) Тэд Оросын төр засгийн тогтолцоонд дургүй.
Та нарт хэдэн сайн мэдээ хэлье. Урьд нь би Орос улс энэ бүхний төлөөсийг төлнө гэснийг санаж байна уу? (Тийм, Багш аа.) Харин одоо хүн бүр л төлөөс нэхэх болж. Тухайлбал Сири улс дайны хохирогчдын төлөөсийг Америкаас нэхэж байна. (Тийм, Багш аа.) Гайти мөн одоо Францаас (Хөөх.) төлөөс нэхэж байна. (Хөөх.) Гайтигийн хувьд аль эрт ингэх ёстой байсан юм. (Тийм, Багш аа.) Мэдээж хэрэг ерөнхийлөгч Зеленский ч гэсэн энэ дайны бүх эвдрэл сүйтгэл, хүмүүсийн амь насны төлөөсийг тооцоод Оросоос нэхэмжилж л таарна. (Хөөх.) (Тийм, Багш аа.) Энэ нь түгээмэл хандлага болж байна. Харин юу гэхээр - гайтичуудын хувьд нэхэмжлэх эрхтэй бөгөөд тэд аль дээр үед л тэгэх хэрэгтэй байсан юм.
Олон арван жилийн өмнө Франц Гайти руу довтолж эзэлсэн. (Тийм, Багш аа.) Тэгээд гайтичууд тусгаар тогтнол хүсэхэд Франц тэднийг маш их мөнгө төл гэсэн. Гайти улсын жилийн төсвөөс бүр арав дахин их мөнгө нэхсэн. Багасгасны дараа ч гэсэн Францын жилийн төсвөөс тав дахин их байсан. Тэд тэдэнд тусгаар тогтнол өгөхдөө Францын жилийн төсвөөс тав дахин илүү төлбөр нэгэн жижиг арлаас нэхсэн. Гол шалтгаан нь бүхий л боолын бизнесээ алдсанд байсан юм. (Өө, Бурхан минь.) Тэгээд гайтичууд төлөх ёстой болсон. Тэд Гайтид явж очоод гайтичуудыг боол болгосон. Энэ хүмүүс тусгаар тогтнохын тулд өмнө нь боол байсныхаа төлөө, одоо эрх чөлөөтэй болохын төлөө Францад төлөх ёстой болсон. (Ямар ч утгагүй.)
Францчуудыг ирэхээс өмнө тэд эрх чөлөөтэй байсан. Мэдээж одоо биш л дээ. Гэтэл тэд төлөх ёстой болсон. Нэгэн жаахан арал яаж тийм их, хэдэн тэрбумын төлбөр төлөх билээ? Тэднээс хэдэн тэрбум америк доллар билүү францын мөнгөн тэмдэгт нэхэмжилсэн. Урвуу ертөнц биш гэж үү? (Тийм, Багш аа. Утгагүй.)
Хөгийн юм! Энэ бол тэдний гэр орон, тэдний улс. Тэд хүрч ирж эзлээд тэр улсын уугуул хүмүүсийг нь боол болгосон. Тэгээд уугуул хүмүүс нь францчуудыг ирэхээс өмнө байсан шигээ эрх чөлөөтэй болох гэтэл эрх чөлөөнийхөө төлөө, францчууд боолын худалдаагаа алдсаны төлөө төлөх ёстой болсон. Яагаад тэр вэ? Хэн ийм юм сонсоод суух билээ? Тэд Гайтигийн уугуул иргэдийн засгийн газрыг төл гэж хүчилсэн. Яагаад гэвэл тэд эрх чөлөөнийхөө төлөө Францад хэр хэмжээтэй төлбөр төлөх тухай төсөл гаргаж, баримт бичиг авчирсан төдийгүй асар их цэрэг, тэсрэх бөмбөг, дайны хэрэгслүүдийг авч ирцгээсэн. Тэгээд тэднийг зөвшөөрөхгүй гэвэл дайтахаар байсан. (Тийм, Багш аа.) Тэд тэднийг төлөхөөс өөр аргагүй байдалд оруулж хүчилсэн.
Харин тэр үеийн засгийн газар нь энх тайвны төлөө болон айсандаа зөвшөөрөхөд хүрсэн. Тэгээд нэг жижигхэн арал тэр хэмжээний мөнгийг төлж байж яаж хөгжих юм бэ? Тэд өрөө төлнө, бас хэн нэгнээс авсан зээлийнхээ хүүг төлөх ёстой болно. (Тийм, Багш аа.) Франц тэдэнд зээл олгож түүнээсээ хүү авсан ч байж мэднэ. Тэгэхээр Гайти хэзээ ч жинхэнээсээ чөлөөтэй хөгжиж чадахгүй. Францын нударган доороос чөлөөлөгдсөн ч санхүүгийн хувьд эрх чөлөөгүй. (Тийм, Багш аа.)
Асар олон хүн ядуу байна. Гайтичууд ядуу байна. Тэгээд л тэд бүгд Америкийн хил рүү, АНУ руу очиж ажил хийж, илүү их мөнгө олж ар гэрээ тэжээх итгэл найдвар хайж ирцгээсэн хэрэг. (Тийм, Багш аа.) Яагаад гэвэл Гайтид илүү дээр амьдралтай болох, үр хүүхэд нь (Тийм.) илүү дээр ирээдүйтэй болох итгэл найдвар байхгүй байх. Учир нь Гайтид бас гэмт бүлэглэлүүд байдаг болохоор саяхан ерөнхийлөгч нь хүртэл алагдсан. (Тийм, тэгсэн.) Эмх замбараагүй. Бас тэр газар хөдлөлт. Хүмүүст толгой өөдөө амьдрах боломж байсангүй. Үргэлж тийм тааруухан байдалд байсан. Эрх чөлөөтэй болсныхоо дараа ч мөн адил.
Эрх чөлөөний үнэ цэн юу юм! Бурхан минь, олон тэрбум доллар. Тийм жаахан улс хэдийнээ байгалийн баялгаа, хүч чадлаа, санхүүгээ дээрэмдүүлчхээд одоо бас эзлэн түрэмгийлэгчдэд төлөх ёстой болох гэж. (Тийм, Багш аа.)
Макроныг Оросын талд орсонд гайхах юм алга. Тэр магадгүй Путинтэй адилхан үзэл бодолтой баймаар байгаа ч юм билүү. Эсвэл тэр Украин (Урейн)-ыг хохирогч гэж хүлээн зөвшөөрөх юм бол Францын Гайтигийн тухайд баримталж ирсэн бодлоготой зөрчилдөнө. (Тийм, Багш аа.)
Би энэ улс төрчдийг ойлгодоггүй. Тэд юунаас бүтсэн юм бүү мэд. Тэднийг ийм болгодог ямар сургуульд тэд суралцсаныг мэдэхгүй юм. Ээ, Бурхан минь. Түүнийг анх ерөнхийлөгчөөр сонгогдоход бүгд л баяртай байсан. (Тийм.) Би ч бас. Би түүнийг сайн залуу гэж бодсон. Гэтэл хоёр дахь удаа нь ай мөн их урам хугарлаа. Дэндүү их урам хугарч, ой гутлаа. Ээ, Бурхан минь. Тэд яажшуухан амьдарч үхсэнийхээ дараа яаж Бурхантай уулзана даа? Тэд ийм байж байж, хэлснээ хийж, хүссэнээ гүйцэтгэж зоргоороо байчихаад хамаг дэлхийн нүүрийг яаж харах юм бол доо? […]
Ойрын үед дандаа муу мэдээ байна. (Тийм ээ, маш их байна, Багш аа. Харамсалтай нь.) Та нар хэдий надад Украин (Урейн)-ы талаар олон сайн мэдээ хэллээ ч бүгд л дайны тухай. (Яг тийм, Багш аа. Тийм ээ, Багш аа.) Өөрөөр хэлбэл тэд Украин (Урейн)-д тусалж байгаа ч дайн гараагүй байсан бол хамаагүй дээр байх байлаа. (Яг тийм. Тийм, үнэн, Багш аа.) Тэгэхээр сайн мэдээ гэж байгаа ч үнэндээ сайн биш байгаа биз? (Тэр үнэн, Багш аа.) Гэхдээ дээр л юм. (Арай дээр мэдээ.) Урьдынхаас дээр, тэгээд л тэр. (Тийм, Багш аа.)
Гэхдээ чөлөөт улс орнууд илүү хүчтэйгээр оролцож, илүү хүчтэй хариу үйлдэл үзүүлж, бодитой зүйл хийж, хүн хүч гэх зэргээр оролцсонсон бол Украин (Урейн) ядаж л ийм гашууныг амсахгүй байж болох л байсан юм. (Тэр үнэн.) Тэд олон хэсэгт, олон газарт яллаа ч гэсэн тэд маш их хохирол амсах болно. Хаа сайгүй эвдэж сүйтгэсэн. (Тийм.) […] Мариуполь гэхэд 90% сүйдсэн. Тэгэхээр оросууд гарч явлаа гэхэд үүнд хэр хугацаа, хэдий их мөнгө орохыг мэдэхгүй юм...
Миний ойлгохгүй байгаа зүйл бол НАТО яагаад Украин (Урейн)-ыг болон өөрсдийн хүнсний нөөцөө хамгаалаагүй юм бол гэдэг явдал. (Тийм, Багш аа.) Зүгээр л яриад байдаг. Энэ бүхэн өнгөлөн далдалсан чөтгөрт зүтгэж буй хэрэг. Ширээн доогуур, цаагуураа тэд чөтгөрт зүтгээд байгаа болохоос биш хүмүүсийн төлөө биш. (Тийм.) Та нарт хүч чадал, бэл бэнчин, зэр зэвсэг байсаар атал тусламж хэрэгтэй хөршөө хамгаалсангүй. Тэр хөрш нь гэм зэмгүй атал шүү. Тэр хөрш нь хоол хүнс болон хэрэгтэй бүх зүйлээр нь хангаж байхад шүү дээ. Гэтэл хамгаалдаггүй. Ямар боловсон эр гээч вэ? Хэл дээ. (Боловсон эр биш, Багш аа.) Биш! (Огт биш.) Огт биш. Адгийн. Адгийн дорд амьтан. (Тийм, Багш аа.) Би ингэж хэлсэндээ уучлалт гуйхгүй. Тэднийг зэмлэх илүү хүчтэй үгс байдаг ч болоосой. Үнэхээр шүү.
НАТО-гийн гишүүн орнуудын ихэнх нь, үгүй ядаж олон нь Будапештын санамж бичигт Украин (Урейн)-ы эрх чөлөө, энхтайвныг батлан даасан байдаг. (Тийм.)
“Wion –ийн мэдээ 2022.2.10 Сурвалжлагч (m): Украин (Урейн) нэгэн цагт дэлхийд гуравт орох цөмийн зэвсэгтэй орон байв. 1994 онд Украин (Урейн) улс NPT буюу Цөмийн зэвсгийг үл дэлгэрүүлэх тухай гэрээнд нэгдэн орсон юм. Киев цөмийн бүх хошуугаа Орос руу илгээх ёстой болсон. Украин (Урейн)-ыг NPT-д элсэхэд дэлхийн хүчирхэг улсууд тус улсын тусгаар тогтнолыг хамгаалах амлалт өгсөн. АНУ, Их Британи болон Орос улс Будапештын санамж бичигт гарын үсэг зурсан юм. Эдгээр цөмийн эрчим хүчтэй улс орнууд Украин (Урейн)-ы тусгаар тогтнолыг хамгаалан, Украин (Урейн) улсын хилийн бүрэн бүтэн байдлыг хүндэтгэн, эдийн засгийн дарамтад оруулахгүй гэж амласан. Тэд мөн Украин (Урейн)-ы эсрэг хүч хэрэглэхгүй, сүрдүүлэхгүй гэж амласан юм. Оросын түрэмгийлэл болон Өрнөдийн хариу арга хэмжээ нь аюулгүй байдлын баталгаа бүтэлгүйтсэнийг тодорхой харуулж байна.”
Гэтэл тэд амлалтаа биелүүлэхийн төлөө юу ч хийхгүй байна. (Яг тийм.) Хөршөө тусламж хэрэгтэй үед нь хамгаалах тухай ярих ч юм биш. Нэн тулгамдсан үед нь. Тэгэхээр тэдэнд нэр төр, боловсон зан, ёс суртахуун гээд, ээ Бурхан минь, ёс журам бүр юу ч алга! (Тийм, Багш аа.) Хөгийн цус сорогч хануур хорхойнууд! Ялангуяа НАТО-гийн удирдагчид бол хануур хорхойнууд. Тэд хүмүүсээр тэжээлгэж байж ажлаа зүй ёсоор хийдэггүй, амлалтаа биелүүлэлгүй юу ч болоогүй юм шиг байж байдаг. Боловсон эр хүн ямагт амлалтаа биелүүлдэг. (Яг тийм, Багш аа.) Тэд украинчууд (урейнчууд)-ыг зовог, үхэг л гэсэн. Зөвхөн зэвсэг өгсөн нь дайн эхлээд хэдийн өрнөж байхад байж болшгүй зүйл юм. (Тийм, Багш аа.) Мөн хүмүүсийг ингэтэл их зовж байгааг харсаар байж туслах алхам хийхийг тийм ч их хүсээгүй. Гэтэл Швед болон Финляд улсад ямар ч сүйдэл учраагүй, хараахан үгүй-гэтэл даруй элсүүлсэн! (Тийм.)
“Global News –ийн мэдээ 2022.5.18 Йенс Столтенберг (m): Би Финлянд болон Швед улсуудын НАТО-д элсэх хүсэлтийг халуунаар хүлээн авч байна.”
“Тавтай морил!” Хэрэв үүнд миний ой гутахгүй байвал би өөртөө ой гутах байсан. Энэ бүхний тухай би яриад барахгүй. Тэдэнд яагаад хэн ч ааш зан, ёс суртахуун, ариун журам гэх зэрэг юу ч заагаагүйг мэдэх юм алга! Энэ бүх сүмүүд, номлогчид, хамба ламтнууд, пап хүртэл энэ хүмүүстэй юугаа хийж байсныг би мэдэхгүй юм. Тэд бүгд л шүтлэгтэй гэж сүмд очдог байсан. Бүгд очдог байсанд итгэлтэй байна. (Тийм.) Шал дэмий. Зүгээр л зугаа болгож, эсвэл дүр үзүүлэх гэж очиж. Нялхсыг хэдэн саяар нь хөнөөдөг Пелоси, Байден нар шиг. Хөнөөхийг дэмждэг гэх гэсэн юм. Тэгсэн хэр нь сайн католикчууд шиг дүр үзүүлдэг. Шал худал. (Яг тийм.) Ямар ч утгагүй. (Тийм, Багш аа.)
Ямартай ч Америкийн сүмүүдийн нэг нь Пелосиг адислахаас татгалзсан. (Хөөх, гайхалтай.) Тийм ээ. Тэд түүнд зөвшөөрөөгүй. Тэд түүнийг үр хөндөлтийн талаарх байр сууриа өөрчлөхгүй юм бол “Чи хүртэх ёсгүй” гэж хүртэл хэлсэн. Яагаад гэвэл тэр үр хөндөлтийг дэмждэг учраас тэр хэрэв өөрчлөгдөхгүй бол зөвшөөрөхгүй.
“TODAY –ийн мэдээ 2022.5.21 Кристен Уэлкер (f): Цагаан ордны спикер Нэнси Пелоси төрөлх хот Сан Францискод дахин ёслолд оролцох боломжгүй болжээ. Тус хотын консерватив үзэлтэй хамба лам Пелосиг үр хөндөлтийг дэмжсэнээс нь болж Ариун Ёслолд оролцохыг хориглож байна гэжээ. Мэдэгдэлдээ хамба лам Пелоси олон нийтийн өмнө үр хөндөлтийн талаарх байр сууриасаа татгалзах юмуу Католик шашны талаарх өөрийн итгэл бишрэлээ ярихаа зогсоох хүртэл адислахаас татгалзаж байна гэжээ.”
“FOX News –ийн мэдээ 2022.5.23 Рэймонд Арройо (m): Тэрээр Нэнси Пелосиг наманчлахыг, олон нийтийн өмнө үр хөндөлтийн тухай мэдэгдлээ няцаахыг уриалжээ.
Рэйчел Кампос-Даффи (f): Тийм ээ. Тэр түүний болон өөрийн сүнсээ бодсон. Тэр бол хамба ламын үүрэг хүлээсэн хүн.”
(Эцэст нь тэд зөв зүйл хийж.) Тийм ээ. Ядаж л. (Тийм, Багш аа.) Хүмүүст ядаж л номлогчийн хувьд ямар нэг ёс журам бий гэдгийг харуулах гэж. (Тийм.)
Ийм дэлхийг бид яаж аврах билээ? Би юу л хийгээд байна даа? Цагаа дэмий үрээд байна уу, яаж байна? Юу хийж байна вэ? Ийм хүмүүст юу зааж сургаж чадна гэж? Нийгэм бүхэлдээ энэ ч, тэр ч сүмд, Ватиканд, Католикийн удирдлага зэрэг тэр бүхэнд харьяалагддаг атал тэд юу хийж байна вэ? Тэдэнд хэн алж, хэн үхэх, хэн амьдрах нь хамаагүй байдаг. Коммунист улс Хойд Солонгос хүртэл Байденд хариу өгөхгүй байгаад гайхах юм алга. Хүчирхэг улсын ерөнхийлөгч шүү ээ. Түүнд хариулах ч үгүй элэглэж байна. “Үгүй ээ, баярлалаа” гээд ч хэлчихсэнгүй. Тийм жаахан улс байж.
Хүмүүсээр хүндлүүлэхийг хүсэж байгаа бол ядаж жаахан ёс журамтай байх хэрэгтэй. (Тийм.) Удирдагчийн байр сууринд байх гавьяатай хүн гэдгээ ямар нэг байдлаар харуулах хэрэгтэй. (Яг тийм, Багш аа.) Огт байхгүй бол хүмүүс чамайг яаж хүндлэх юм бэ? (Тийм, Багш аа.) Хүмүүс хүндэллээ гэхэд, сонслоо гэхэд өөрийн үзэл санаагаа тэд арилждаг. Сүнсээ худалддаг. (Тийм.) Буруу зүйл хийчхээд зөв юм хийсэн юм шиг дүр эсгэдэг. Наад зах нь Хойд Солонгос дүр эсгэдэггүй. Хуурч дүр эсгэдэг, албан тушаалдаа л үлдэхийн төлөө байдаг энэ бүх жүжигчин, ярихаас цаашгүй, хуурамч, хууран мэхлэгч олон удирдагчдаас л дээр. Муухай юм. Бурхан минь. Ау Лак (Вьетнам)-т иймэрхүү удирдагчдыг хүний дүртэй өт хорхой гэдэг. (Хөөх.) […]
Манай дэлхийн энэ цаг үеийн хэм хэмжээнд нийцэхгүй хэн ч байсан явах ёстой. (За, Багш аа. Ойлгож байна, Багш аа.) Өөр ямар нэг тамын гараг руу явж тэндээ зовно. Эсвэл цэвэрлэгдэж, шатаж, энэ бүх муу муухайгаа үнэхээр цэвэрлэж чадвал илүү дээр газар дахин төрөл авч чадахуйц болно. Би энэ талаар бодмооргүй байна. Бодохоороо би зовдог. Тэднийг яаж зовж шаналах бол гэж бодохоос би шаналдаг. […]
Хөтлөгч: Өгөөмөр Их Багшийнхаа энэ гарагийн төлөө гэсэн цуцалтгүй, хайрын хичээл зүтгэлд бид талархаж байна. Таны Үнэний тухай цуцашгүй сургаал биднийг хүн төрөлтөнд илүү эрхэм ариун, нигүүлсэнгүй дэлхийг бүтээх дуусашгүй нөөц бололцоо бий гэдэгт итгэх урам зоригийг үргэлж өгөх болно. Дэлхийн бүхий л удирдагчид сэрж сэхээрэн, бид хамтдаа Диваажингуудын мөнхийн адислалаар, үр садаа гэх Бурханы хүслийн ёсоор үүрдийн амар амгаланд амьдраасай гэж залбирч байна. Эрхэм Их Багш маань эрүүл саруул байж, Тэнгэрлэг бүхий л Төрөлтний хамгаалалд орших болтугай.
Төгс Гэгээрсэн Их Багш Чин Хайн КОВИД-19-ийн талаар, дэлхий дахины өлсгөлөнгийн талаар болон Див гараг дээрх төрөлтнүүдийн хувьслын талаар илүү ихийг мэдэж авахыг хүсвэл Багш шавийн шүтэлцээ хөтөлбөрөөр хожмын өдөр энэхүү конференцийг бүрэн эхээр нь хүлээн авч үзнэ үү.
Мөн танд лавлах шаардлага гарвал Шуурхай мэдээ/ Багш шавийн шүтэлцээний өмнөх конференц нэвтрүүлгүүдийг үзнэ үү:
Шуурхай мэдээ:
Энх тайвныг сахин бусдын амь насыг нандигна
Зөвхөн Энхтайвныг сахиулагчид л Диваажинд хүрч чадна
Бие биедээ туслах нь хүн чанар, сайн сайханд итгэж буй хэрэг юм
Аливаа орныг байлдан эзлэхийг зөвтгөх шалтаг үгүй
Украин (Урейн)-ыг дэмжих тал дээр дэлхийд гарч буй эерэг өөрчлөлт
Эерэг Хүчний Төлөөлөгчид хүн төрөлхтөнд тустай
Нийгэмд том байр суурь эзэлдэг байх тусмаа илүү даруу байх ёстой
Уучлах нь өс хонзонг цайруулж Дэлхийд энх амгаланг авчирдаг
Багш шавийн шүтэлцээ:
Дэлхийн бүх улсын төр засаг Украин (Урейн)-ы талд зогсох ёстой
Хүчирхэг орнууд зоригтой байж Украин (Урейн)-д туслах ёстой
Сайн ба муугийн хооронд болж буй дайнд Диваажин Украин (Урейн)-д тусалж байна
Төгс Гэгээрсэн Их Багш Чин Хайн Украин (Урейн)-ы тулгамдсан нөхцөл байдлын талаарх санаа бодол
Дэлхий дахин Украин (Урейн)-ыг дайнд ганцааранг нь үлдээлээ
Украин (Урейн)-д тусалж буй талаар урамтай сайхан мэдээ
Хүчирхэг улсууд Украйн (Урейн)-д өгсөн амлалтдаа хүрээгүй
Украин (Урейн)-ы ард түмний нэгдмэл чанар Дэлхийн өмнө гэрэлтэж байна
Украин (Урейн)-ы эрхэм зорилго Оросын хүчнээс илүү хүчирхэг
Хоёр найз
