Хөөрхий дөө, хүмүүс дүрвэхийг хүссэн учир нь тэд Украин дахь дайныг ёс суртахуунгүй явдал, тэр чигтээ харгис балмад, тэнд дайн хийх ямар ч учир шалтгаан байхгүйг мэдэж байгаа. (Тийм.) […]
(Путин яагаад ийм юм хийж байна вэ? Тэр зогсох шинжгүй үргэлжлүүлээд байх нь ээ.) Харин тийм. Би бас тэгж асуусан. Диваажингаас ч “Яагаад?” гэж асуусан. (Хөөх.) Тэгтэл Тэд надад “Тэр бол хүн биш. Тэгээд л тэгж байна” гэсэн. (Хөөх.) Тэр бол чөтгөр. (Аан.) Хэдий түүний бие мэт, эсвэл орлон тоглогчдынх нь нэг шиг харагдаж байгаа ч гэлээ түүний дотор чөтгөр байгаа. Тэр биш. (Хөөх.) Надад итгэхгүй ч байсан болно. Гэхдээ түүний юу хийж байгааг харах юм бол Диваажин надад үнэн хэлснийг ойлгох болно. (Тийм, яг үнэн.) […]
Ямартай ч хүн байх боломжгүй. (Огт хүн биш байж таарна. Яг тийм.) Явж очоод хөрш орныхоо гэм зэмгүй иргэдийг шууд л алж байна. Мөн тэр бүр олон иргэдээ, гэм зэмгүй, сургуулилтгүй, аргагүй, хүчинд автсан эрсийг армидаа татаад, тэнд очоод үх гэж байдаг. Одоо бараг 60,000 орос хүн Украинд амиа алдчихаад байна. (Хөөх.) […]
Хүмүүс даанч асар их цуст үйлийн үрийг тарьсан учраас чөтгөрүүд энэ бүх ажлаа хийхэд хүрлээ. Олон зуун мянган хорон чөтгөрүүд байна. Тэд хаа сайгүй янз бүрийн аргаар хүмүүсийг хөнөөж байна. (Хөөх.) […]
Тэр цагдаа нар өөрсдийгөө “ёс суртахууны цагдаа” гэх боловч өөрсдөө ёс суртахуунгүй. (Тийм.) Тэд энэ янзаараа хэргээс мултраад яваад байж чадахгүй. Яагаад гэвэл энэ нь бүхэл бүтэн Иран улс муу нэртэй болно. (Тийм, тэгнэ.) Хүмүүс тэнд бизнес хийхээс, тэнд очихоос айна. Би айх л байсан. Би тийш явахаас үнэхээр айж байна. […]
Одоо бүр алчуур ч хүртэл алдаг боллоо. Ээ, Бурхан минь. Ямар гээч ёс суртахуун сахиулагч цагдаа вэ? Тэд үнэхээрийн харгисаар эсвэл эрх ямба, албан тушаалаа урвуулан ашиглаж байна. (Тийм, Багш аа. Ойлгож байна. Багш аа.) Тэр бол жаахан охин. Ердөө л нэг залуу охин. […]
Host: 2022 оны 9-р сарын 29-ний пүрэв гарагт бидний Хамгаас Хайрт Төгс Гэгээрсэн Их Багш Чин Хай эрчимтэй дияан бясалгалаасаа цаг гарган Суприм Мастер Телевизийнхний мэндийг мэдэж, ая тухыг нь асуухаар утсаар холбогдлоо. Ярианы үеэр Их Багшид сүүлийн үед Орос болон Иранд болж буй үйл явдлын мэдээллүүдийг хуваалцсан бөгөөд Их Багшаас эдгээр үйл явдлуудын мөн чанарын талаар мэргэн оюунаа хуваалцана уу хэмээн хүссэн юм.
(Орост шинэ цэцэг татлага болж байна. Учир нь тэд Украинд ялагдахад хүрээд байгаа учраас 300,000 гаруй хүнээр бие бүрэлдэхүүнээ өргөтгөх шинэ тушаал гарчээ. Тэд үүнийгээ “100% дайчилгаа” гэсэн. Гэхдээ бодит байдал дээр Оросын хилийг тойроод улсаа орхин гарах гэсэн хүмүүсийн цуваа үүсээд байна. Яагаад гэвэл тэд Украин дахь дайнд амиа алмааргүй байгаа. Тэгээд л ийм зүйл болж байна.)
Тийм ээ, би мэдсэн. Би бас уншсан. Хөөрхий дөө, хүмүүс дүрвэхийг хүссэн учир нь тэд Украин дахь дайныг ёс суртахуунгүй явдал, тэр чигтээ харгис балмад, тэнд дайн хийх ямар ч учир шалтгаан байхгүйг мэдэж байгаа. (Тийм.) Тэд бүгдээрээ мэдэж байгаа.
Тэд олон ч удаа, их ч эсэргүүцсэн. Гэвч Оросын эрх баригчид тэднийг хаа сайгүй, заримдаа нэг дор хэдэн мянгаар нь барьж хорьсоор байна. (Тийм.) Одоо тэд өөр арга зам байхгүй гэдгийг ойлгоод зугтацгааж байна. Миний уншсанаар зарим нь, “Путины төлөө би үхэхгүй” гэсэн байсан. Нэг бол “Би их бууны таглаа болмооргүй байна,” “Путин махыг минь зулгаахыг хүсэж байна” гэсэн байсан. (Хөөх.) Тиймэрхүү зүйл хэлсэн байсан. (Тийм.)
“Media Report from TODAY - Sept. 23, 2022 Reporter (m): Олон оросууд дайнд оролцохыг хүсэхгүй байна. Хүний эрхийн бүлгийнхний мэдээлснээр 1,200 эсэргүүцэгч баривчлагдсан бөгөөд тэдэнд цэргийн зарлан дуудах хуудас өгчээ. Энэ эсэргүүцэгч “Би Путины төлөө үхэхгүй” гэлээ. Олон орос хүн зарлан дуудах хуудаснаас зайлсхийхийг хичээж байна. Мэдэгдлийг гүйцэтгэхгүй бол гэмт хэрэгт тооцно.”
“Media Report from Sky News - Sept. 27, 2022 Reporter (m): Бараг долоо хоногийн өмнө Путины дайчилгааны зарлигаас хойш 10,000 орос хүн үүгээр нэвтэрч, зарим нь дүрвэх хүсэлтээ хэдийнээ илгээсэн байна. Жишээ нь Ник Украинд дайтахаас зайлсхийн одоо зугтаж явна.
Nick (m): Би Оросоос явмаар байна. Яагаад гэвэл би бол шинжлэх ухааны инженер. Гэтэл төр засаг намайг махлахыг хүсэж байна.
Dmitri (m): Би хүмүүсийг алмааргүй байна, өөрөө ч алагдмааргүй байна. Надад энэ дайн хэрэггүй. Би Путиныг дэмждэггүй.”
Энэ утгагүй юм. Хүмүүс, хөөрхий зайлуул байлдахыг хүсэхгүй байна шүү дээ. Тэдэнд золгүй юм болно. Яагаад гэвэл тэд огтхон ч бэлтгэгдээгүй. (Тийм. Яг тийм.) Зүгээр л хувцсыг нь өмсөөд яаж ашигладгийг нь ч мэдэхгүй байж буу бариад шууд явж орно гэдэг чинь (Яг тийм.) Үр хүүхэд нь ч уйлж байна. Би хэдэн бичлэг үзсэн. Тэнд хүүхдүүд “Аав аа, аав аа, битгий яв л даа! Битгий яв!” гээд уйлж байсан. (Ээ.) “Эргээд ирээч” гэх зэргээр. Бурхан минь, үүнийг харахад зүрх шимширсэн. Ёстой аймшигтай юм. (Тийм шүү.)
“Media Report from 9 News – Sept. 23, 2022 Reporter (m): Оросын шинэ цэрэг татлагынхан гэртээ эсэн мэнд эргэн ирэх эсэхээ мэдэхгүйгээр гэр бүлийнхэнтэйгээ салах ёс хийж байна. “Аав аа, баяртай. Эргэж ирээрэй” гээд хүүхэд уйлж байна. Улс даяар эрчүүдийг автобус, онгоц дүүрэн ачиж байна. Оросын Алс Дорнод дахь Курба дахь шинэ цэрэг татлагын урт цуваа Владимир Путины дайнд оролцуулахыг хүссэн 300,000 хүний ердөө талыг л илгээжээ. Зарим нь эсэргүүцэн, бусад нь дүрвэж байна. Мянга мянгаараа Гүрж, Казахстан, Финланд руу хил давахаар замдаа гарчээ.”
(Путин яагаад ийм юм хийж байна вэ? Тэр зогсох шинжгүй үргэлжлүүлээд байх нь ээ.) Харин тийм. Би бас тэгж асуусан. Диваажингаас ч “Яагаад?” гэж асуусан. (Хөөх.) Тэгтэл Тэд надад “Тэр бол хүн биш. Тэгээд л тэгж байна” гэсэн. (Хөөх.) Тэр бол чөтгөр. (Аан.) Хэдий түүний бие мэт, эсвэл орлон тоглогчдынх нь нэг шиг харагдаж байгаа ч гэлээ түүний дотор чөтгөр байгаа. Тэр биш. (Хөөх.) Надад итгэхгүй ч байсан болно. Гэхдээ түүний юу хийж байгааг харах юм бол Диваажин надад үнэн хэлснийг ойлгох болно. (Тийм, яг үнэн.)
Ямар хүн хэдийнэ хэдэн зуун өдрийн өмнөөс эхлэн ийм зүйл хийсээр байх билээ? (Тийм, яг үнэн.) Ямар хүн ийм юм хийж чадах билээ? (Харин тийм, хэвийн хүн лав биш.) Ямартай ч хүн байх боломжгүй. (Огт хүн биш байж таарна. Яг тийм.) Явж очоод хөрш орныхоо гэм зэмгүй иргэдийг шууд л алж байна. Мөн тэр бүр олон иргэдээ, гэм зэмгүй, сургуулилтгүй, аргагүй, хүчинд автсан эрсийг армидаа татаад, тэнд очоод үх гэж байдаг. Одоо бараг 60,000 орос хүн Украинд амиа алдчихаад байна. (Хөөх.)
Бас хэчнээн ч армийн командлагч, удирдагч, генералууд амиа алдаад байна вэ? (Тийм.) Саяхан бас түүний армийн нөлөө бүхий удирдагчдын нэг мөн л амиа алдсан. (Тийм.) Хэдий командлагчид болон генералууд сайтар сургагдсан туршлагатай ч гэлээ эцэс төгсгөлгүй л үхэж үрэгдэцгээж байна. Тэд үхсээр л байна. (Тийм.)
Шинээр татагдсан сургагдаагүй хүмүүсийн талаар бүр ярих ч юм биш. Хөөрхийс өөр орнууд руу дүрвээд байгаад нь гайхах юмгүй. Гэхдээ миний уншсанаар одоо Оросын хил дээр хүртэл цэцэг татлагын газар байгаа гэсэн. (Тийм.) Яагаад гэвэл хамаг эрчүүд нь хил рүү дүрвэж хэдэн бээрийн цуваа болсон. Тэнд замын түгжрэл үүсээд байгаа. (Тийм, яг тийм.) Дэндүү олон машин.
Путин хаа нэгтээ тусгай ордондоо нуугдчихаад энэ бүхнийг өдөөж байна. (Тэр үнэн. Бурхан минь.) Хүн биш гэдгийг нь та нар харж байна. (Хүн биш.) Ийм юм хийх хүн гэж байхгүй.
Гол нь, би залбирсаар байгаа хэдий ч хүмүүсийг маш их муу байна гэж Диваажин хэлсэн. (Өө.) Тэд өрөө төлөх л ёстой. Тэгээд л энэ бүх буг чөтгөрүүд, хүмүүн бус, дэлхийд халгаатай юу л байна хүмүүсийг устгах гэж өндөр байр сууринд гарч, бүхий л эрх мэдэлтэй суудалд сууж байна. (Яана даа.) Үүнийг тов тодорхой харж болно. Би юм ярих ч шаардлагагүй. Дэндүү, дэндүү их гунигтай байна. (Тийм ээ.) Миний үгийг сонсох хүмүүст юу гэхээ мэдэхгүй байна. Намайг сонсдог хүн ер нь байдаг ч юм уу бүү мэд. Суприм Мастер Телевизээр би хэдийнээ бүх зүйлийн талаар ярьчихсан. Тэгсэн ч гэсэн хүмүүс тун ч сохор, тун ч дүлий байна.
Тэд миний хэлснийг сонсож, ойлгохооргүй болтлоо дэндүү их хордож. Сонсохыг хүсдэггүй юм уу, сонсдоггүй юм уу. Зарим хүн тэр бүү хэл, “Өө нэг л удаа КОВИД тусчихвал дахиад хэзээ ч тусахгүй" гэх юм. Бурхан минь. Тэр хүн тэгэхээр мэдээ огт үздэггүй хэрэг үү? Суприм Мастер Телевиз үздэг эсэх талаар ярих ч хэрэггүй. (Ийм, яг үнэн.) Сая сая хүн анх КОВИД эхлэхэд л эхний удаа тусаад л амиа алдсан. Мэдэж байгаа биз дээ? (Тийм ээ, Багш аа.) Удаан үлдэцтэй КОВИД одоо ч санаа зовоосон хэвээр байна. (Тийм шүү.)
КОВИД-той нэг хүн шавь нарын нэгэнд нь халдаачихсан. Одоо тэр зүрхний асуудалтай болсон. (Өө, яана аа. Өө.) Харин тийм. Би түүнд “Тэр, энэ эмч дээр оч” гэж хэлэхэд хүрсэн. (Хөөх.) Тэр, “Аа, ердөө зүрх л өвдөж” гэж бодсон. Бурхан минь. Би түүнд “Зүрх шүү дээ! Ердөө зүрх биш!” гэж хэлсэн. Харин тэр, “Аан, энэ КОВИД-оос болж байгаа юм. Гайгүй болохоор зүрх дээрдчихнэ” гэсэн. Би, “Үгүй, үгүй шүү! Эмчид одоо очих ёстой. Нарийн мэргэжлийн эмчид оч. Хоёр, гурван эмч дээр оч. Хэвийн болтол хоёр дахь, гурав дахийг сонс. Юу ч хийхгүй зүгээр л байгаад байж болохгүй” гэсэн. Шавь гэхэд л ийм байж би харж хандах ёстой болж байгааг хараа биз! (Өө.) [...]
Иймд намайг сонсдог хэн бүхэн сонсож үз. Би та нарт үнэн сэтгэлээсээ хайртай учраас эрүүл, баяр жаргалтай байгаасай, энэ дэлхийг нигүүлсэнгүй дэлхий байгаасай гэж хүсэж байна- Нигүүлсэнгүй биш юм аа гэхэд энгийн дэлхий. Энгийн дэлхий дээр хүмүүс энэрэл нигүүлсэл гэдэг үгийг ч мэдэхгүй. Яагаад гэвэл тэр үгийг мэдэж, нигүүлсэнгүй байхын ч хэрэггүй учир нь энэ бол амьдралын энгийн хэв маяг- Могой хүрч ирээд Эваг алим ид гэж ятгахаас өмнөх үеийн Эден шиг. Тэгээд Эва Адамд алим идүүлдэг. Үүнээс болж бүх зүйл эмх замбараагаа алдаж дордсон. Ойлгосон уу? (Тийм. Тийм ээ, Багш аа.)
Өөр зүйл байна уу? (Байгаа. Бидэнд дахиад мэдээ бий. Кремлиэс Украин дахь эзэлсэн бүс нутгууддаа хуурамч санал хураалт явуулж байна. 9-р сарын 23-нд эхлүүлсэн. Армийнхан хаалга хаалганд очин санал хурааж байна. Тэгээд одоо тэд, “Эзлэгдсэн дөрвөн мужийн бүх иргэд Оростой нэгдэх санал өгсөн” гэж байна.)
“Media Report from WION – Sept. 29, 2022 Olly (m): Украин болон Өрнөдийнхний хуурамч хэмээсэн уг санал асуулгыг явуулсны дараа баасан гарагт Украины дөрвөн бүс нутгийг өөртөө нэгтгэнэ гэж Кремль мэдэгдлээ. Орос улс Донецк, Луганск болон Запорожье, Херсоны зарим хэсгийг хяналтдаа авах болно. Энэ бүс нутгууд нь дөрвөн сая орчим хүний төрөлх нутаг бөгөөд Украины газар нутгийн 15% нь юм. Украин болон олон улсын хамтын нийгэмлэгийн ихэнх орнууд санал хураалтыг хууль бус, эрх чөлөөт, шударга байдлаар аваагүй бөгөөд Оросын ямар нэг бүрэлдэхүүнд оруулах явдлыг хүлээн зөвшөөрөхгүй гэдгээ хэдийнээ мэдэгдсэн.”
“Media Report from DW News – Sept. 28, 2022 Vadym (m): Саналын хуудсан дээр ийм зөвшөөрсөн тэмдэглэгээ тавих хүн цөөнгүй бий. Харин яагаад? Учир нь буу үүрсэн хүн айл бүрээр очиж саналаа өг гэж байгаа. Зэвсэглэсэн хүн гэрт нь хүрээд ирэхээр хүмүүс яах ёстой юм бэ? Тэд хүчээр саналын хуудсан дээр гарын үсгээ зурна.
Reporter (f): Украины тусгаарлагдсан хот Мариуполийн дүрс бичлэгт зэвсэгтэй цэргүүд сонгуулийн ажилчдыг даган орон сууцны барилгууд руу орж байжээ.”
Мэдээж хэрэг тэгнэ. Шившигтэй хэрэг. Тэд ичнэ гэдгийг мэддэг юм уу даа? Ичихгүй л дээ. Путин хүн биш юм чинь. Одоогийн энэ “Путин” нь юу ч байлаа гэсэн тэр. (Тийм.) Тэр яагаад ч хүн биш. Тэр чадах бүхнээрээ хүн төрөлхтнийг устгах л гэж энд байгаа. Тэр ард иргэдээ, украинчуудыг хөнөөх л гэж тэнд байгаа. Та нар тов тодорхой харж байгаа. Хүүхэд ч үүнийг ойлгоно. (Тийм, Багш аа. Тийм.) Би ч гэсэн энэ бүх ичмээр зүйлсийг харсан.
Хүмүүс даанч асар их цуст үйлийн үрийг тарьсан учраас чөтгөрүүд энэ бүх ажлаа хийхэд хүрлээ. Олон зуун мянган хорон чөтгөрүүд байна. Тэд хаа сайгүй янз бүрийн аргаар хүмүүсийг хөнөөж байна. (Хөөх.) Сармагчны цэцэг өвчин хүртэл. Урьд нь огт байгаагүй. Бид энэ тухай огт сонсож байгаагүй. Харин одоо маш олон, олон арван мянган хүн тусаж 26 хүн нас бараад байна. Суприм Мастер ТВ-ээрээ та нар харсан байх. (Харсан. Тийм, Багш аа.) Энэ мэтчилэн. Өөр олон өвчин, шинэ шинэ шавж хорхой, шинэ вирусүүд гэх зэрэг хүмүүсийн мэддэг ч үгүй зүйлс гарч байна.
Нэг хүн сэтгэл гутралын эсрэг эм уусан чинь арьс нь хөх ногоон өнгөтэй болчихсон байсан. (Хөөх.) Тэд гарыг нь л харуулж байсан. Нүүр нь хүртэл ногоондуу, ногоовтор хүрэн болж. (Хөөх.) Дэлхий дээр хүмүүс хаа сайгүй л сэтгэл тайвшруулах эм ууж байна. Хүмүүс зөндөө ууцгааж л байсан. Олон хүн уугаад, яадаг ч үгүй л байсан. (Тийм.) Одоо харин гэнэтхэн л элдэв юм тохиолдож байна. Тэгсэн ч хүмүүс ямар ч сургамж авахгүй, шууд бусаар гэм зэмгүй хамаг амьтан-хүмүүсийг харгислан алахаа болихгүй л байна. Тэднийг идсээр, өвчилсөөр, муу үйлийн үр хурааж, дайн, цар тахал, элдэв тахал өвчин гээд бүх зүйлтэй нүүр тулсаар.
Бас Украинд болж байгаа энэ дайн тэр чигтээ НАТО Украиныг гишүүнээр аваагүйн “ачаар” болж байна. (Ай.) Бас Украиныг элсэхэд саад болсон НАТО-гийн тэр шийдвэрийг дэмжигч хэн бүхний дэмжлэгийн “ачаар.” (Яг тийм.) Одоо болохоор НАТО тэнд тулалдаж Украинд туслаагүйдээ шалтаг тоочиж байна. (Тийм, Багш аа.) Харин украинчууд үнэхээрийн зоримог, үнэхээр сайн байгаа. Энэ бүхэн дээр тэд Орост эзлэгдээд байсан газар нутгаасаа мянга мянган хавтгай дөрвөлжин километрийг буцааж аваад байна. (Тийм. Тийм, Багш аа.) Хэдийгээр тэд асар ихийг золиослоод байгаа ч гэсэн үргэлжлүүлсээр байна.
Тийм болохоор (Орост) хөгшин хөвөө ч гэлтгүй бүгдийг нь хамах энэ цэрэг татлага болж байгаа. Өвчтэй, настай байсан ч хамаагүй. Интернэт дээр байна билээ. Энэ мэтчилэн, хөгшин хүнийг хүртэл татаж. (Хөөх.) Харин одоо хүмүүсийг дүрвэн хил давах гэвэл хил дээр цэрэг татлагын албаны газар байрлуулаад тэндээ барьж аваад татаж байна. (Тийм, Багш аа.) Гэтэл энэ улам олон орос хүний л аминд хүрнэ шүү дээ. (Тийм, яг тэгнэ. Тийм.) Кремль, эсвэл энэ Путин гэгч чөтгөрийн эзэн ард иргэдээ үхэл рүү, хөнөөлт зам руу, үхлийн зам руу үнэхээр түлхэж байна даа. (Тийм, Багш аа.)
“Media Report from Sky News – Sept. 16, 2022 Kurt (m): Хүмүүс тус улсаас дүрвэх гэж хичээж байна. Цэргийн албанд амжилттай албадан татсан хүмүүс ч урам зориг муутайгаар, маш муу бэлтгэлтэй байгаа бөгөөд тэдэнд өгөх байлдааны хэрэгсэл ч тэдэнд байхгүй. Тиймээс тэд энэ мөргөлдөөнд хаягдсан их бууны халхавч болохоор байгаа нь ийм байдалд орохын оронд эх орноо орхин явахыг хүсэх болсон шалтгаан юм.”
Энэ татлагаас өмнө хангалттай олон цэрэг үхээгүй юм шиг, зовоогүй юм шиг, шархтаагүй юм шиг аяглаж байна. (Тийм, Багш аа.) Ард иргэдээс нь хангалттай олон залуу бүсгүй, хөгшин залуу ялгаагүй олноороо бэлэвсрээгүй аятай л байна. (Тийм, Багш аа.)
(Муу мэдээ бий. Иранд хижабын хуулиас болоод нэгэн бүсгүйг цагдаа зодож занчаад хөнөөчихсөн. Түүнийг хатуу хижабын хуулийг зөрчин хувцасласан гээд цагдаа хүчээр баривчлаад хөнөөчихсөн.)
Тийм ээ, мэдсэн. Би мэдсэн. Үнэхээр харамсалтай. Хэчнээн муу мэдээ вэ, сонсоод нулимс минь урссан. Ираны төр засаг үүн дээр ямар нэг юм хийх л ёстой. Үгүй бол ийм үйл явдал олон хүний үхэл дагуулах болно. Одоо 17 хүн хэдийнээ амиа алдаад байгаа байх. Эмэгтэйчүүд эсэргүүцэн жагсаж эсэргүүцлийн жагсаалаас ч юм уу цагдаа нартай муудалцсан ч юм уу 17 хүн хэдийнээ амь насаа алдчихлаа. (Өө.) Засгийн газраас үнэн зөв шийд гаргахгүй бол улам олон хүн амиа алдах болно.
“Media Report from ABS-CBN News Channel – Sept. 23, 2022 Raine (f): Иранд цагдаад хоригдоод байхдаа нэгэн курд эмэгтэй амиа алдсаны улмаас улс даяар эмх замбараагүй байдал дэгдэж, багадаа 17 хүн амиа алджээ. Амиа алдсан хүний тоог албан ёсоор хамгаалалтын албаны таван хүнийг оруулаад 17 гэж байгаа ч хүний эрхийн бүлэг дор хаяж 31 хүн амиа алдсан гээд байгаа.”
“Media Report from CBS News Channel – Sept. 28, 2022 Protesters: “Жин, Жияа, Азади (Эмэгтэйчүүд, Амьдрал, Эрх чөлөө).”
Reporter (f): Энэ сарын эхээр 22 настай бүсгүй цагдаад саатуулагдаад амиа алдсанаас үүдсэн Ираны засгийн газрыг эсэргүүцсэн жагсаал дэлхий дахинд газар авлаа. Эсэргүүцэгчдийн хэлж буйгаар Ираны хүчнийхэн багадаа 76 эсэргүүцэгчийг хэдэн өдрийн үймээний үеэр хороожээ. Тус улсад зуун зуун хүн баривчлагдаад байна.”
Тэр цагдаа нар өөрсдийгөө “ёс суртахууны цагдаа” гэх боловч өөрсдөө ёс суртахуунгүй. (Тийм.) Тэд энэ янзаараа хэргээс мултраад яваад байж чадахгүй. Яагаад гэвэл энэ нь бүхэл бүтэн Иран улсыг муу нэртэй болгоно. (Тийм, тэгнэ.) Хүмүүс тэнд бизнес хийхээс, тэнд очихоос айна. Би айх л байсан. Би тийш явахаас үнэхээр айж байна.
Дээхэн би Арабын нэг оронд очсон ч айгаагүй. Яагаад гэвэл тэр улсад зарим хүмүүс, эсвэл жуулчид нь хижаб буюу толгой дээрээ алчуур зүүдэггүй. (Тийм.) Олон хүний өмсөөгүй байхыг нь би харсан. Бас тэд хүссэнээ өмссөн байсан. Далайн эргийн ойролцоо усны хослол буюу богино өмд өмссөн байсан. Мэдээж зоогийн газарт биш харин далайн эрэг дээр өмссөн, мөн гудамжинд жирийн хувцаслаж, алчуур зүүгээгүй байлаа. Харин би алчуур зүүсэн, бас буруу зөрүү өмсөж зүүх вий гэж санаа зовж байлаа. Би алчуур, хижаб зүүсэн нь тэр улсын ёс заншлыг хүндэтгэж байгаагаа илэрхийлэх гэснийх юм. (Тийм. Ойлгож байна, Багш аа.) Тэр улсад би байгаа болохоор хүссэн ч бай үгүй ч бай би түүнийг зүүнэ.
Тэр улсаар ердөө л дайран өнгөрөх ёстой байсан ч тэнд хэсэг байх ёстой мэт санагдсан. (За, Багш аа.) Хүмүүс нь маш найрсаг байсан учраас тэр. Тэд ажлаа хаа ч байсан ёс журмаар нь гүйцэтгэнэ, бас тэднээс хайр мэдрэгдэнэ. Тэнд “За тийм ээ, би Ази хүн. Би энэ улсынх биш юм чинь” гэсэн мэдрэмж төрөхгүй. Тийм мэдрэмж төрөөгүй. Тэд намайг ихэд хайрлаж, найр тавьж байна гэж санагдсан. Маш их найр тавьж байсан. Тэгээд л би тэнд хэсэг зуур байя гэж бодсон нь тэр. Тэгээд би тэдний өмсдөг шигээр хижаб өмссөн юм. Хэзээ ч өмсөж байгаагүй болохоороо буруу зөрүү өмсчих вий гэж санаа зовж байлаа. Урьд нь би нэг удаа Дубайгаар дайрч өнгөрөхдөө ороолтоор толгойгоо халхлаад л гараараа барьж явлаа. Тэгэхэд хүмүүс нь бүр “Буянтай охин байна шүү” гэж магтсан.
Тэгээд би тэр нэг Арабын оронд очихдоо ороолт зүүсэн ч гэсэн зөв зүүсэн эсэхдээ санаа зовж байлаа. Иймд угаалгын өрөөнд нутгийн нэг бүсгүйгээс “Зөв зүүхийг заагаад өгөөч. Таны ороолтыг харахад яг янзаараа тогтоод байх хэр нь минийх болохоор тайлагдаж унаад байх юм” гэж гуйлаа. Би зөв л зүүсэн юм байх гэж бодтол үгүй байсан. Нэг овжин арга байдаг юм байна. Тэр нь их амархан ч гэлээ мэдэхгүй бол тэгээд л бүтэхгүй. (Ойлголоо.) Зангидах ч хэрэг байхгүй. Нөгөө тал руу нь чихчихээр л болчих юм байна билээ. Яг тэгээд зөв зүүсэн чинь ашгүй болчихсон.
Жишээ нь би Иранд байгаад тийм маягаар зүүсэн бол нутгийн хүнээс асуухаасаа өмнө шоронд орчихсон ч байж мэдэх байлаа. (Хөөх.) “Ёс суртахуунгүй” гэгдээд зодуулаад үхсэн байх ч юм билүү. Хэн мэдлээ? (Бурхан минь.) Ороолтыг нь жаахан өөрөөр, буруу зүүгээд л салхинд ч юм уу тайлагдахад л, эсвэл дурласан байгаад хааж барьж чадалгүй байж байгаад шоронд орж, тэгээд тэгж үхнэ гэдэг чинь! Хэн айхгүй байх юм бэ? (Тэр үнэн, тийм шүү, Багш аа. Яг үнэн, Багш аа.)
Иймээс Иранд олон эмэгтэй эсэргүүцэн жагсаж байгаа бөгөөд хэн ч тэднийг буруутгах аргагүй. Тэд бүр үсээ хайчилж, хижаб шатааж, эх орон нэгт бүсгүйнхээ төлөө цөхрөл, уур бухимдал, гашуудлаа илэрхийлцгээж байна. (Тийм шүү, Багш аа.) Төсөөлж байна уу? Буруу өмссөн нь хэчнээн ёс суртахуунгүй байх юм? Жаахан өөрөөр өмссөн бол, салхинд хийссэн, эсвэл тэр үед бие нь тааруу байсан ч юм уу, нэг бол тэр дурлалдаа болоод дэндүү хөөрсөн байсан ч юм билүү. Хүмүүс олон шалтгаанаар буруу зүйл хийсэн байж болно. (Тийм.) Тэглээ гээд тэр хүний аминд хүрээгүй. (Тийм.) Тэр санаатайгаар цагдааг өдөж эсвэл ёс заншлаа үл тоосон юм биш. Тэгээгүй гэдэгт итгэлтэй байна. Тэр их залуухан байсан биз дээ? Маш залуухан. (22 настай байсан.) Дөнгөж 22 настай, Бурхан минь!
22 настай би байсан бол тийм ихийг бодож ч чадахгүй. Одоогийн 22 настай ухаалаг охид шиг шаламгай биш байхсан. Аливаа зүйлийн талаар тийм ч их зүйл мэддэггүй байсан санагдаж байна. Би их эгэл жирийн байсан. Маш гэнэн, эгэл жирийн. Азаар Иранд байсангүй.
Бурхан минь, би Иранд очихыг хүсдэг байсан гээч! Дээхэн үед би “Ай, арвин баялаг түүхтэй, маш их сүсэг бишрэлтэй, маш олон Суфи Их Багш, Мусульман Их Багш нартай. (Тийм.) Номлогч Мухамед ч тэнд байсан, Тэрээр Амгалан Оршиг. Нэг өдөр би тийш очиж мөргөл хийж хүндлэл үзүүлдэг юм билүү гэж бодож байлаа. Би тэгж бодож байлаа. (Тийм ээ, Багш аа.) Одоо бол зүрхлэхгүй. Очих зүрх хүрэхгүй. Үгүй шүү. Та нарыг тийм хурдан өнчин үлдээмээргүй байна. (Хөөх.)
Хэн мэдэх билээ. Бурхан минь. Залуу охиныг баривчлаад шоронд хийгээд ийм болгох эрхийг цагдаад өгөх юм бол... Яагаад гэвэл охины гэр бүлийнхэн түүнийг зүрхний ямар ч асуудалгүй байсан гэсэн. (Харин тийм.) Энэ бол шинэ зүйл. Түүнийг зүрхний шигдээстэй байснаас үхсэн гэж тэд хэлсэн. Гэтэл гэр бүлийнхэн нь эсэргүүцэн мөрдлөг хийлгэхийг хүсэж байгаа.
“Media Report from WION – Sept. 19, 2022 Molly (f): Ёс суртахууны цагдаагийн газрын хяналтад залуу эмэгтэй амиа алдсантай холбогдуулан Иранд хэд хэдэн хэрэгт эсэргүүцлийн жагсаал боллоо. Мягмар гарагт Ираны ёс суртахууны цагдаа 22 настай Махса Аминийг баривчилсан юм. Түүний үйлдсэн хэрэг нь “толгойн ороолт зүүгээгүй.” Гэрчүүдийн хэлж байгаагаар түүнийг цагдаагийн машинд зодож байсан бөгөөд дараа нь түүнийг цагдан хорих төв рүү аваад явжээ. Хоригдож байхдаа тэрээр ухаан алдаж унасан юм. Гурван өдөр комад байж байгаад Амни эмнэлэгт амьсгалсан хураасан. Ираны эрх баригчид түүнийг бусад эмэгтэйчүүдийг хүлээж байхдаа өвдсөн хэмээн эрүүдэн шүүсэн гэдэг бүх мэдэгдлийг няцаав. Харин охины эцэг эх охиноо ямар ч архаг өвчинд шаналаагүй маш эрүүл байсан хэмээн мэдэгдэж байгаа. Түүний үхэл одоо Баруун Азийн үндэстэн дамнасан эсэргүүцлийн жагсаалыг өдөөгөөд байна. Олон зуун эсэргүүцэгчид Тегераны их сургуулийн орчим цуглан “Эмэгтэйчүүд, Амьдрал, Эрх чөлөө” гэж хашхирч байна. Зарим эмэгтэйчүүд үсээ хайчлан бичлэг хийж байхад зарим нь хижабаа тайлан шатааж байгаа нь бичлэгт гарчээ. Олон нийтийн эсэргүүцэл маш хүчтэй байсан тул ерөнхийлөгч Раиси түүний үхлийг шалгахыг тушаажээ. Кино бүтээгчид, уран бүтээлчид, тамирчид, улс төрчид, шашны зүтгэлтнүүд ёс суртахууны цагдааг эсэргүүцэж байгаагаа сошиал медиагаар илэрхийлсээр байна.”
(Тийм.) Мэдээж хэрэг тэд одоо уй гашууд автаад байгаа байх. Тэднийг хэн буруутгах билээ. Харин тэднийг цагдаа эсэргүүцлээ гээд бас барьж аваад хорьчихгүй байх л гэж би найдаж байна. (Тийм ээ, Багш аа.) Тэдний өмнөөс би ч айж байна. Бурхан минь. Нэг бол дэлгүүр хэсэж, өөр хаа ч юм дэндүү завгүй явж байтал, салхинд ч юм уу ороолт нь уналаа гэхэд завгүйдээ арагш буулгачхаад явж байсан ч байж болно шүү дээ. (Тийм, Багш аа.)
Хэн ч санаатайгаар ороолтоо буруу зүүхгүй гэдэгт би итгэлтэй байна. (Тийм шүү.) Ялангуяа тэр охин. Яах гэж тэгэх юм бэ? (Харин тийм ээ.) Хэдийн хижаб өмсчихсөн хэр нь юунд тэгнэ гэж? Яах гэж тэгсэн байх вэ? Хэнийг өдөөх гэж? Цагдааг өдөөх гэж үү? Ёс суртахуунгүй зүйл юу хийсэн юм бэ тэр? Юу ч хийгээгүй! Тэр үйлдлээрээ хэнийг ч хохироохгүй байх байсан. Санаатай тэгсэн байлаа гээд тэр хэн нэгнийг хохироох байсан гэж үү? (Үгүй, Багш аа.) Үгүй!
Ёс суртахууны цагдаа үнэхээр л ёс суртахуунтай юм бол түүнд “Өө, алчуур чинь зүй ёсоор биш байна шүү. Засаарай” гэж хэлээд болох байсан шүү дээ! Тийм биз дээ? (Яг тийм, Багш аа.) Ингэлээ гээд тэднээс юу унахгүй, хэдэн секунд л болно. (Тийм.) Тэр чинь залуу охин! Бурхан минь, тэдний охин л гэсэн үг! Тэд яаж охин шигээ, гэм зэмгүй нэгэн иргэнээ хамгаалахгүй байж чаддаг байна аа? Үүний оронд түүнийг хохироож шоронд хийж байдаг.
Цагдаа хэдий түүнийг зодоогүй, яагаа ч үгүй байсан ч хорих өрөөнд нь ороод түүнрүү харахад л охин хэдийн үхтэл айна биз. Яагаад гэвэл тэр юуг буруу хийснээ мэдэх ч үгүй. (Яг тийм. Тийм, Багш аа.) Шалихгүй зүйлийн төлөө тэд түүнийг шоронд хийсэн. (Тийм.) Заримдаа буруу гудмаар жолоодоход өөр улсын цагдаа зогсоогоод торгодог биз дээ. Тэгээд л боллоо. (Тийм.) Тэр чинь илүү ч аюултай. Харин уусан үедээ жолоо баривал цагдаа зогсоогоод амьсгалд чинь алкоголь байвал торгох болно. (Тийм. Тийм ээ, Багш аа.) Ядаж энэ тохиолдолд шоронд хорилоо ч гэсэн энэ бол алчуур буруу зүүснээс илүү аюултай тохиолдол. (Яг тийм.) Жаахан л буруутай. “Зохих ёсоор биш” гэж тэд хэлсэн.
Бурхан минь. Энэ дэлхий аймаар газар гэж би хэлсэн дээ. (Тийм ээ, Багш аа.) Бүгд л цөмийн зэвсгээр энд ч, тэнд ч сүрдүүлээд л, алчуур зүүснийхээ төлөө хүртэл үхэж ч байх шиг. (Ай. Аймшигтай.) Энэ бол аймшигтай хэрэг. (Тийм, Багш аа, маш аймшигтай.)
Бурхан минь. Учрыг нь ойлгохгүй юм. Үнэхээр алчуур зүүх хэрэгтэй гэж үү? Яагаад гэвэл юу ч далдлахгүй шүү дээ. Нүд чинь байх газраа л гэрэлтсээр, хамар чинь янзаараа овойгоод ам чинь янзандаа л байгаа. Инээмсэглэдгээрээ л инээмсэглэнэ. Нүдээрээ, уруулынхаа инээмсэглэлээр бусдыг татах боломжтой хэвээрээ. Гэтэл яах гэж ороолт зүүнэ вэ? За яах вэ, ёс заншил юм бол хүндэтгэнэ. Арабын оронд байхдаа ч би хүндэтгэсэн. (Тийм, Багш аа.)
Гэтэл сүүлийн үед ороолт зүүдэг бүсгүйчүүдийн төлөө миний сэтгэл зовж байна. Хижаб өмсөхөд заримдаа надад тав тухгүй байдаг. Утсаар ярихад даавуунд жаахан үрэгдээд “шар шар” гэж дуугараад би сайн сонсож чаддаггүй. Хижаб өмсдөг зарим бүсгүйчүүдийн төлөө би санаа зовдог. Тухайлбал эмч нар зүрх чагнах боллоо гэхэд зөв сайн сонсдог л байгаа даа. (Тийм ээ, Багш аа.) Тэд өвчтөний зүрхийг чагнах төхөөрөмжөөр сонсох ёстой болно. Тэд 100% зөв сонсох болов уу яах бол. (Тийм. Тийм ээ, Багш аа.)
Мөн заримдаа гадуур гарах болбол тэд хүзүүгээ, эрүүгээ хүртэл халхлах ёстой болдог учраас энэ нь нэлээн халуун байдаг. (Тийм.) Гэхдээ зүгээр л дээ. Ороолт зүүхгүй байлаа ч гэсэн муу юм биш. Энэ нь шашны учир шалтгаантай гэдгийг би хэдийн хэлсэн. Яагаад гэвэл бясалгалын нэг хэлбэр нь олон нийтийн дунд байгаа бол, хэн нэгэн харж байх шиг байвал өөрийгөө халхлах шаардлагатай байдаг. (Тийм, Багш аа. Тэр үнэн.) Тэгээд л Арьяабалын ийм даавууг бид эрэгтэй, эмэгтэйгүй хэрэглэдэг. (Тийм, Багш аа.) Олон шашинд эмэгтэй хүн ороолтыг ердийн үед ч хүзүүндээ зүүж, эсвэл гоёл болгож нимгэн зузаангүй л хэрэглэдэг. Тэд туник юм уу пунжаб хувцсан дээрээ гоёл маягаар л зүүдэг. Зарим шашны эрчүүд зөвхөн хагас малгайг толгойдоо өмсдөг. (Тийм.) Зарим нь тюрбан өмсдөг. Энэ бүхэн дээр үеэс бясалгал дадуулахаас нь уламжилж ирсэн. Та нар мэдэж байгаа. (Тийм, Багш аа.) […]
Бурхан минь. Ямар гээч дэлхий вэ! Ямар гээч дэлхий вэ, гэхээс өөр хэлэх үг алга. Бас их аюултай. Би олон ч удаа ингэж хэлж байсан. Машин замаар жолоочтой явж байхдаа хананууд дээрх махны сурталчилгааг хараад би цочирдон чичирдэг. Тэгээд “Ай, амьдрахад ямар аюултай дэлхий вэ” гэдэг. Бас маш олон удаа дайн, цөмийн зэвсэг зэргийн тухай бас адилхан. Ай, мөн ч аюултай. Одоо бүр алчуур ч хүртэл алдаг боллоо. Ээ, Бурхан минь. Ямар гээч ёс суртахуун сахиулагч цагдаа вэ? Тэд үнэхээрийн харгисаар эсвэл эрх ямба, албан тушаалаа урвуулан ашиглаж байна. (Тийм, Багш аа. Ойлгож байна. Багш аа.) Тэр бол жаахан охин. Ердөө л нэг залуу охин.
Харин тэд охинд зүгээр л хэлчих хэрэгтэй. Хатуухнаар, эсвэл бүр загнаад, “Ороолтоо яг одоо зөв зүү” гэж хэлж болно шүү дээ. Тэгээд л боллоо. (Тийм, Багш аа. Яг үнэн.) Эсвэл бүр хүндрүүлээд түүнийг мөнгөөр торгосон ч болно. (Зөв.) Гэтэл түүнийг ороолтоо л 100% зөв зүүгээгүйнх нь төлөө шоронд хийчхэж болохгүй. Аймшигтай юм. Энэ бол харгис, хэрцгий, бурангуй, хүнлэг бус явдал. Огт биш, энэ бол хууль бус, бас цагдаа ч биш. (Тийм, Багш аа. Тийм, Багш аа.) Ёс суртахууны цагдааг ярих ч юм биш. Юу гээч нэр вэ! Шившигтэй юм! Тэд нэрийнхээ яг эсрэг зүйлийг хийгээд байна. (Тийм.) Ёс суртахууны цагдаа гэнэ шүү. Тэд өөрсдөөсөө ичих ёстой. Тэд халагдах ёстой.
Бас энэ тал дээр Ираны төр засаг оролцохгүй бол улам бүр томорсоор улам том асуудал болж, улам олон хүн амиа алдах болно. Юуны төлөө юм бэ? Шийдвэрлэхэд тун амархан шүү дээ. (Тийм, Багш аа. Тийм.) Энэ цагдаа нарыг зохистой болговол ард олон ч тайвширна. (Тийм, Багш аа. Яг үнэн.) Тэгээд энэ хэргийг үнэн зөвөөр мөрдөн шалгаж бурууг 100% тогтооно гэж амлах хэрэгтэй. Хүмүүс тэгвэл тайвширна. (Тийм, Багш аа. Яг тийм.)
Үнэн голоосоо хэлж байна. Энэ дэлхийд уйлах шалтаг хэзээ ч барагдахгүй. Ай, Бурхан минь. Заримдаа би энэ дэлхийд цаашид амьдармааргүй санагдах юм. Би арга мухардсан, ямар ч нэмэргүй юм шиг санагдаад байна. Их цөхөрч байна. Өдөр бүр би Диваажинд “Ямар нэг юм хийгээч” гэдэг. Бурханд “Ямар нэг юм хийгээч. Хүмүүсийн ухамсрыг өөрчлөөч дээ. Тэдний хүслийг өөрчил. Тэднийг хүсэл зоригоо буруугаар ашиглахыг бүү зөвшөөр. Тэднийг өөрчил, тэднийг гэгээрүүл, тэднийг өргөж юу зөв, юу буруу болохыг ойлгуул” гэдэг. Хэдий болтол ингэхээ мэдэхгүй юм.
Харин Тэд муу хүмүүсийг бүгдийг устгахыг хүссэн хэвээр л байна. Гэхдээ бид хамт амьдардаг болохоор тэднийг сайн хүмүүсээс салгаж тусгаарлах арга байдаггүй. (Тийм, Багш аа.) Тэр яах вэ. Яриад байвал дуусашгүй. Үргэлж хамтдаа байцгаадаг нэг гэр бүлийн адил. Тэд нэг муу хүнийг хороолоо гэхэд бүхэл гэр бүлд яахин нөлөөлөхгүй байх билээ? Гэр бүл бүхэлдээ түүнтэй хамт үхэхгүй ч гэлээ зүрх сэтгэл нь шанална шүү дээ. (Тийм, Багш аа. Яг тийм.) […]
Маш гунигтай, угаасаа их гунигтай. Бурхан минь. Зөвхөн Путин ч биш, бүхий л удирдагчид сайн хамгаалалттай. (Тийм, Багш аа.) Бүхэл бүтэн маш том армиар, маш олон хамгаалалтын албаныхан, бие хамгаалагчид гэх зэргээр маш сайн хамгаалуулдаг. Мөн сумны, тэсрэх бөмбөгийн хамгаалалттай машинууд, тусгай сөнөөгч онгоцнууд, Агаарын нэг, хоёр, гуравдугаар гэх мэт хүчнүүд. Тусгай хүч. (Тийм, Багш аа.) Иймд тэдэнд юу ч тохиолдохгүй. Тэдэнд ямарваа зүйл тохиолдоно гэж барагтай үгүй.
Хөөрхий иргэд л үхэж үрэгдэнэ. Зөвхөн иргэд л зовж - эдийн засаг сүйрч, инфляц үүсэх юм уу өвөл олигтой халаалтгүй, зундаа хүнсгүй болох асуудал тулгарна. (Тийм, Багш аа.) Тийм болохоор л тэд (удирдагчид) буйдандаа шигдээд хуруугаараа “тэг, ингэ” гэж зангаад л, эсэргүүцэж зүрхэлснийг нь шоронд хорих юм уу алж хөнөөж, эсвэл нууцлаг байдлаар хороох жишээтэй. Угаасаа мэдэж байгаа биз дээ. (Тийм.)
Путины холбоотнууд дайны эсрэг, эсвэл бүр эсрэг биш зүйл, жишээ нь “Бид одоо боливол яасан юм бэ?” гэх зэргийг хэлэх юм бол тэд тэгээд л үхнэ. Нууцлаг байдлаар үхнэ. (Тийм.) Тэгээд засгийн газар нь, “Өө, энэ хүн амиа хорлочихлоо” гэдэг ч юм уу, эсвэл 15-р давхраас өөрөө унасан юм шиг болгочихно. Эсвэл өвчний улмаас амьсгал хураасан энэ тэр болгочихно. (Тийм. Тийм, Багш аа.)
“Media Report from TLDR News EU – Sept. 26, 2022 TLDR News anchor (m): Тэгэхээр энэ жил гэхэд Оросын, эсвэл Оростой холбоотой бизнес эрхэлдэг 14 хүн сэжигтэй байдалд нас барлаа.”
“Media Report from MSNBC – Apr. 23, 2022 Ali Velshi (m): Кремльтэй холбоотой газрын тосны хоёр олигарх амиа егүүтгэхээр 24 цагийн дотор шийднэ гэдэг ямар хачирхалтай хэрэг вэ? Путиныг Украин руу дайрснаас хойш дөрвөн хүн ийм үйлдэл хийсэн байгааг юу гэх вэ?”
“Media Report from NewsNation – Sept. 2, 2022 Mike Viqueira (m): Путины дайныг эсэргүүцсэн нэгний бас нэгэн нууцлаг үхэл бий. Равил Маганов. Тэрээр Оросын газрын тосны гол компаниудын нэг Люкойлын дарга байсан бөгөөд саяхан түүний компани Украин дахь мөргөлдөөнийг зогсоохыг уриалсан.”
“Media Report from CNN – Sept. 14, 2022 Tom Foreman (m): Алс Дорнод болон Хойд Мөсөн Далайн Хөгжлийн Корпорацын Менежментийн захирал Иван Печорин. 9-р сарын 10-нд түүнийг живсэн байхад нь оллоо гэж бүс нутгийн хэвлэл мэдээллээр мэдээлсэн. Завины осол байсан байж магадгүй хэмээн хэдэн мэдээнд дурдсан ч үүнд нууцлаг, сэжигтэй зүйл бий. Амиа хорлосон гэж сэжиглэсэн, хутгалсан гэж мэдээлсэн, амиа хорлосон гэж сэжиглэсэн, хутгалсан гэж мэдээлсэн, аллага-амиа хорлолт, аллага- амиа хорлолт, цонхноос унасан.”
“Media Report from NewsNation – Sept. 2, 2022 Dmitri Alperovitch (m): Эдгээр хүмүүсийн ихэнх нь цонхноос унасан мэт байгаа нь мөн л албан ёсны тайлбар юм. Тиймээс Орос дахь цонх бол таны хувьд хамгийн аюултай газар байж болох юм. Гэхдээ ноцтой нь энэ бол сөрөг хүчнийг айлган сүрдүүлэх, дэглэмийн эсрэг, Украины дайны эсрэг дуу хоолойгоо хүргэх тухай бодож байгаа хүн бүр цаг бусын үхэлд хүрнэ гэдгийг бүрд мэдүүлэх гэсэн нударгалсан арга юм.”
“Media Report from MSNBC – Apr. 23, 2022 Ali Velshi (m): USA Today 2017 онд нэгэн гайхалтай мэдээлэл гаргаж, өмнөх гурван жилийн хугацаанд сэжигтэй байдлаар нас барсан Оросын нэр хүндтэй хүмүүсийн 38 хэргийг баримтжуулжээ. Тэдэнд “Путины шүүмжилсэн 10 хүн, долоон дипломатч, Кремлийн эрх мэдлийн брокер зургаан хүн, Украины зүүн хэсгийн мөргөлдөөнд оролцсон цэрэг, улс төрийн 13 удирдагч багтжээ. 12 нь будуулж, хутгалуулж, зодуулж амиа алдсан. Зургаа нь дэлбэрсэн. Нэг нь олон нийтийн угаалгын өрөөнд халтирч унаад толгойн нууцлаг шархнаас болж өнгөрсөн, нэг нь шоронгийн таазнаас дүүжлэгдэж, бас нэг нь кофе уусныхаа дараа үхсэн.” Эшлэл төгсөв. Өөр 16 хүн байгалийн юм уу үл мэдэгдэх шалтгаантай гэж мэдээлсэн. Сэтгүүлчдийг хамгаалах хорооноос Путины эрх барьсан 22 жилийн хугацаанд Оросын 25 сэтгүүлч алагдсан гэж мэдэгдсэн. Тэдний бүхэл бүтэн хэсэг нь цонхоор унасан бололтой.”
Путины ойрын хүрээллийнхэн гэгдэх олон хүн өнгөрчихлөө. (Хөөх. Тийм.) Мөн армийн зарим генерал нь халагдаж, эсвэл удахгүй нас барах байх. Хэн мэдэх вэ? Эхлээд халагдаад, тэгээд нас бардаг. Ослоор. Машины осол, эсвэл бүр Хойд Мөсөн Далайд хүртэл үхдэг. Дарвуулт завинаас унадаг ч юм уу, тэгээд л өнгөрчихнө. Энэ мэтчилэн. Өндөр байшингаас унаад зогсохгүй Хойд Мөсөн Далайд хүртэл шүү. Байшин байхгүй байхад хүртэл унаад л үхчихдэг. (Хөөх.) Та нар мэдэж байгаа. Аймшигтай. Ийм мэдээтэй таарах болгондоо би үргэлж толгой сэгсрээд өнгөрдөг. Зүгээр л толгой сэгсэрдэг. Хүмүүс тун өрөвдөлтэй. Бурхан минь. Сэрж үз. Сэрээч дээ. Сэрээч.
Бид тухайлбал энэ дайны талаар олон удаа ярьсан, Украины дайн. Энэ бол утга учиргүй. (Тийм.) Түүнээс өмнө дэлхийн зарим удирдагчид тун шийдвэргүй байсан. Зарим нь бүр Оросын талд байсан. Гэхдээ тэд өөрчлөгдсөн!
Тухайлбал Макрон Украинд (Тийм.) очоод дайны талаар өөр байр суурь илэрхийлсэн. (Тийм.) Тэр үед тэрээр Украины талд байсан. (Тийм.) Саяхан тэрээр бүр ширээгээ цохиж Оросын империализмыг буруушаасан. (Хөөх.) Тэрээр Орост тун их уурссан. Уур уцаараа Оросын империализмд гаргаж байв.
“United Nations General Assembly - Sept. 20, 2022 Macron (m): Байр сууриа илэрхийлэхээс татгалзаж, эвсэлд үл нэгдэх хүмүүсийн тэмцлийг элэглээд байгаа хүмүүс эндүүрч байгаа нь тодорхой. Эвсэлд үл нэгдэх хөдөлгөөний тэмцэл бол энхтайвны төлөө тэмцэл юм. Тэд энхтайвны төлөө тэмцсэн. Тэд улс орнуудын бүрэн эрхт байдал, хүн бүрийн нутаг дэвсгэрийн бүрэн бүтэн байдлын төлөө тэмцсэн. Энэ бол эвсэлд үл нэгдэх хүмүүсийн тэмцэл. Өнөөдөр чимээгүй байгаа хүмүүс үнэндээ шинэ империализм, өнөөгийн шинэ дэг журмыг уландаа гишгэж буй орчин үеийн ичгүүр сонжуургүй явдлын нэг ёсны хамсаатан юм - дэг журамгүйгээр энхтайван оршин тогтнох боломжгүй.”
Бас өмнө нь Энэтхэг Оросын эсрэг юу ч хэлэхгүй байсан бол саяхан НҮБ-ын хуралдаан дээр болон Путинтэй уулзах үеэрээ Энэтхэгийн ерөнхий сайд ноён Моди мөн Орост хандан үг хэлсэн. Тэрээр дайтах цаг биш гэсэн. (Яг тийм. Тийм.)
“Samarkand, Uzbekistan - Sept. 16, 2022 Narendra Modi (m): Энэ бол дайтах цаг үе биш.”
Агуу Хятадын Ши Жинпин хүртэл Путиныг шүүмжлэн, Путиныг дэмжихгүй гэсэн. (Тийм.) Тэд бүгд түүнээс зайгаа авах маягтай байсан. Эдгээр гол удирдагчдын ихэнх нь Путинээс холбоо тасалсан. Та нар харж болно. (Тийм. Тийм, яг үнэн.) Одоо бүр Хятадын ерөнхийлөгч Ши Жинпин Японд хандан Японтой тогтоосон хоёр талт хамтын ажиллагааныхаа үнэ цэнийг нандигнана гэсэн. (Хөөх.) Тийм ээ! Тэд удаан хугацааны туршид хүйтэн дайны үе шиг байсан. (Тийм.) Харин одоо ингэж хэлж байна.
Тэрээр мөн Хонг Конгийн талаар тун сайн зүйл хэлсэн. Сүүлд тэр Хонг Конгод айлчлахдаа ямар нэгэн сүрдүүлсэн хатуу үг хэлээгүй. (Тийм.) Утга нь тун амар тайван, харилцааг хүлээн зөвшөөрсөн аястай байсан. (Тийм, Багш аа.) Хонг Конг, Хятадын хооронд ямар нэг дайсагнан, сүрдүүлсэн, үл нийцсэн аястай зүйл байгаа мэт биш байсан. Тэрээр мөн Тайвань (Формоса)-ийн талаар ярихдаа Тайвань (Формоса) өөр нийгмийн тогтолцоотой байж болох юм гэж хэлсэн. (Хөөх.) Энэ нь та нар өөрсдийнхөөрөө, бид өөрсдийнхөөрөө гэсэн үг. Иймэрхүү утгатай байсан. (Тийм. Тэгсэн.) Бид бүгд өөрсдийн ажлаа анхаардаг. Энэ бол энхтайвныг ихэд дэмжсэн үг юм. (Тийм, Багш аа. Ойлгож байна, Багш аа.)
НҮБ-ын Ерөнхий нарийн бичгийн дарга ноён Гутерриш мөн Оросыг, тэрхүү бүрэлдэхүүнд нэгтгэхийг шүүмжилсэн. Бас өөр олон удирдагчид “Бид Оросыг Украины газар нутагт санаархаж байгааг хүлээн зөвшөөрөхгүй" гэж шууд хэлсэн. (Тийм. Яг тэгсэн.)
“New York, United States - Sept.29, 2022 António Guterres (m): ОХУ нь Аюулгүй зөвлөлийн байнгын таван гишүүний нэг болохын хувьд дүрмийг хүндэтгэх онцгой үүрэг хариуцлага хүлээнэ. Украины Донецк, Луганск, Херсон, Запорожжиа мужуудыг өөртөө нэгтгэх тухай аливаа шийдвэр нь хууль зүйн ямар ч үнэ цэнгүй бөгөөд үүнийг буруушаах учиртай. Олон улсын эрхзүйн үндэслэлээр үүнтэй эвлэрэх боломжгүй.”
Би зөв л уншсан бол Ши Жинпин хүртэл үүнийг хүлээн зөвшөөрөхгүй байгаа. Тухайлбал ийм байна. Энэ бүхэн тун сайн. (Тийм, Багш аа. Их урамтай юм.) Арай дээр мэдээ гэх гэсэн юм. (Тийм, Багш аа. Гарцаагүй тийм. Тийм, яг үнэн.) Зарим удирдагчид өөр хоорондоо харилцаатай байхын ач тусыг, хүмүүсийн хоорондын харилцааг ойлгодог, асуудлыг зохицуулж, бие биетэйгээ эвтэй байхыг хичээдэг бол дэлхий илүү аюулгүй байх болно. Мөн сайн харилцааг хөгжүүлэх хэрэгтэй. (Яг тийм.)
Өнөөдөр би Английн хааны ажилтнуудын Эрхэмсэг гүнж Дианагийн шүтэн бишрэгчдэд хандан бичсэн даван туулаарай гэсэн захиасыг уншсан. 20 жилийн өмнөх харилцаатайгаа зууралдаад байлгүй Диана гүнжийг дэмждэг тэрхүү дэмжлэгээ хэвээр байлгаж Хааны Хатны эсрэг байгаад байж болохгүй гэсэн үг. Тэдний хэлсэн нь, “Тавьж явуул. Хааны Хатан болон Хаан Чарльз ч гэсэн аль чадах хамгийн сайнаараа байсан” гэсэн байв. Мөн “Тэднийг тайван орхи" гэжээ. (Тийм, Багш аа. Яг тийм, Багш аа.) Тэд урьд нь хэзээ ч тиймэрхүү зүйл хэлж байгаагүй. (Тийм, Багш аа. Тийм.)
Харин одоо тэд Хаан III Чарльз болон Хааны Хатныг дэмжиж байх шиг санагдаж байна. Ийм л байх учиртай. Тэд түүгээр ч зогсохгүй санаа бодлоо хэлж, хааны дэмжигчдэд сайжран өөрчлөгд гэж хэлж байна. Өнгөрснийг март гэж. (Тийм.) Өнгөрсөнтэйгөө зууралдах хэрэггүй. (Ашгүй дээ. Тийм.) Тийм ээ, сайн мэдээ шүү. (Тийм, тун урамтай мэдээ.) Хаан Чарльзд ч сайн бөгөөд тэр ажлаа ч сайн хийх болно. (Тийм, Багш аа.) Энэ тал дээр Хааны Хатан Камилла түүнийг дэмжиж, урам зоригтой эрчим өгөх болно. (Тийм.) Тэр тэгсээр ч ирсэн. Мэдээнд бичсэнээр тэрээр өнгөрсөн хугацаанд Ханхүү Чарльзийн үйлсэд багаар бодоход 50%-ийн дэмжлэг болсон гэжээ. (Хөөх. Тийм.) Түүнд урам зориг, дэмжлэг болж байгаа. (Яг тийм, Багш аа. Тийм.) […]
Танил сонсогдож байна. Саяхан сонссонтой чинь адил байгаа биз? (Танил байна.) (Тийм. Танил сонсогдлоо.) Тийм, тийм.
Мөн Туркийн ерөнхийлөгч Эрдоган хүртэл оросоос зайгаа барих маягтай байгаа. Тэрээр тал бүрээр зайгаа барьж байна. Мөн өөр олон улс орнууд өмнө нь Ази дахь Оросын холбоотон байснаа одоо хүсэхгүй болж. Одоо тэд Америкийг түшиж байна. (Аан. Тийм.) Энэ мэдээний заримыг би саяхан олж харсан учраас та нарт авсаархан сурвалжилга болгон хүргэж байна. Та нарт жаахан ч гэсэн таатай санагдах байх. Бас олон удирдагчид сайныг харах өнцгөө, хандлагаа, бодол санаагаа өөрчлөөд байна. (Тийм, Багш аа.) […]
Иймд та нарыг жаахан баясгах хэдэн сайн мэдээ хүргэлээ. (Баярлалаа, Багш аа. Сайн мэдээ хүргэсэнд баярлалаа.) Сайн мэдээ ховор шүү. Нандигнаарай. (За, Багш аа.) Энэ бүхэн илүү эерэг үйл явдал болж, бүгдийн зүгээс ирэх эерэг энерги болсноор сайн зүйлийн талаар хэрхэхээ хараахан мэдэхгүй байгаа, юу гэж бодохоо ч мэдэхгүй байгаа бусдад нь нөлөөлнө гэж найдаж байна. (Тийм, Багш аа. Бид ч бас найдаж байна.) Үгүй бол явцуу бодол, буруу ойлголттой хэвээр байх биз.
Мөн бидэнд тусалж байгаад нь болон зөв зүйл хэлэхэд минь тусалж байгаад нь Бурханд талархаж байна. Үгүй бол дэлхий улам дордон бүр их асуудалд орох байлаа. Хүмүүст болон амьтан-хүмүүст болох бүхнээр тусалж чадна гэдэгтээ би найдаж байна.
Тэгж л хэлэх байна. Надад ямар байх, надад яаж ч муугаар нөлөөлсөн зэрэг нь хамаагүй. Заримдаа энэ нь үйлийн үрийн дарамт байдаг бөгөөд Асурын Ертөнцийн хэмжээст миний биед ямар нэг байдлаар нөлөөлдөг. Астрал биеийнх шиг муугаар биш ч гэлээ заримдаа надад маш их нөлөөлдөг. Тэвчиж болохоор л доо. Хүмүүсийн харж чадахгүй, гэхдээ тэвчиж болохуйц. Хөөрхий хүмүүст, хөөрхий амьтан-хүмүүст тусалж болох аль чадах бүхнээ л хийдэг. (Баярлалаа, Багш аа.) Надад талархах хэрэггүй ээ. Хангалттайг хийсэн санагддаггүй юм. Төсөөлсөн шиг сайн биш байна. Надад талархаж болохуйц санагдахгүй байна. Яагаад гэвэл би талархал хүлээх хэмжээнд сэтгэл ханаагүй.
Хүн төрөлхтөнд, бидэнд туслан, хүмүүс биднийг хэлтрүүлж, бидний болон амьтныг аль алины хаант улсыг цаашдын зовлон зүдгүүрээс хэлтрүүлэх аливаа тусламжид нь би талархаж байна. Тэднийг гэгээрүүлж өргөж хайрла. Би бүх зүйлийг хийх болно. Ингэж л хэлэх байна. […]
Энэ бүх удирдагчдыг энхтайвныг дэмжсэн хандлагатай үг хэлснийг сонсоход таатай байна. Энэ нь тэгээд ч тэдэнд өөрсдөд нь үнэхээр сайн хэрэг; дайнаас зайлсхийсэн, хүмүүс хооронд, хүмүүс болон өөр төрөлтөн хооронд, улс орнуудын хооронд энхтайван тогтохыг дэмжсэн хэн бүхнийг Диваажин сайн буянаар шагнах болно. Иймд би тэдний төлөө баяртай байна. Магадгүй тэд үүнийг мэдэхгүй байж болох ч тэднийг Диваажингийн Ивээлээр асар их буян хүртэх гавьяатай гэдгийг би мэдэж байна. […]
Боллоо. Та нарын шаргуу хөдөлмөрт баярлалаа. (Бидэнтэй хуваалцсанд баярлалаа, Багш аа. Баярлалаа, Багш аа. Бурханд талархъя.) Бүгдэд чинь баярлалаа. Суприм Мастер Телевизийн ажлын багийнхан та нарт бүгдэд нь хичээнгүй зүтгэл, зориуллынх нь төлөө талархаж байна. Бурхан надад та нар шиг ийм сайн туслагчдыг, туслахуудыг хайрласанд үргэлж талархдаг. Бурхан ивээг. Бурхан хайрлаг. (Багшийг маань Бурхан ивээг. Баярлалаа, Багш аа.) Дахин талархъя.
Host: Хамгаас Өршөөнгүй Их Багшийнхаа үргэлжийн олон саадыг хайхралгүй дэлхийг илүү дээр газар болгохын төлөө нөхцөл болзолгүй Халамж, Зориуллаараа хайр дүүрэн зүтгэж буйд тань бид гүнээ талархаж байна. Хүн төрөлхтөн даруй сэрж сэхээрэн, Диваажингийн хуулийн дагуу амьдарч, хурдан илүү нигүүлсэнгүй болж, Бурханы хязгааргүй Нигүүлсэл, Ивээл дор Дэлхий дээр бүрэн амар амгалан зэрэгцэн оршигчид болох болтугай хэмээн бид чин сэтгэлээсээ залбиръя. Эрхэм Их Багш маань үргэлжид энх тунх байж бүхий л Тэнгэрлэг Сүр Жавхлант Оршихуйдын хамгаалалд оршиг.
КОВИД-оос өөрсдийгөө хэрхэн хамгаалах талаар Их Багшийн ухаарал хайрлах халамжит зөвлөгөөг дагахын чухлыг, мөн Их Багшийн өдөр тутмын амьдралдаа аюулгүй байдлаа ханган хэрхэн сонор сэрэмжтэй байдаг талаар сургамжит түүхийг сонсохыг хүсвэл 2022 оны 10-р сарын 17-ны даваа гарагт Багш шавийн шүтэлцээгээр конференцийг бүрэн эхээр хүлээн авч үзнэ үү.
Мөн дэлгэрүүлж үзэхийг хүсвэл өмнөх холбогдох Шуурхай мэдээнүүд/ Багш шавийн шүтэлцээ хөтөлбөрүүдийг үзнэ үү:
Багш шавийн шүтэлцээ:
Украин дахь тулгамдсан нөхцөл байдлын талаарх Төгс Гэгээрсэн Их Багш Чин Хайн бодол санаа
Дэлхий дахин Украины тулаанд ганцааранг нь орхилоо
Дэлхий дахины төр засгууд Украины талд зогсох ёстой
Хүчирхэг улсууд зоримог байж Украинд туслах ёстой
Гэх мэт...
