Веган Дэлхий, Энхтайван Дэлхийн төлөө, сүнснүүдийг гэтлээсэй хэмээн би залбирсаар л байгаа. Сүүлд зургаахан сая сүнс гэтэлсэнд би тийм ч сэтгэл дүүрэн биш байна. […] Сэтгэл ханамжтай биш байна. (Ойлгож байна, Багш аа.) […]
Зул сараар Украин (Урейн)-ы ард түмэн Оросын бөмбөгдөлтөөр Зул сарын өглөөг угтсан. (Өө, Хөөх.) Түүний хүсдэг энхтайван энэ. Батлах ёстой! (Тийм, Багш аа.) […] Яагаад гэвэл Путин үнэхээр энхтайвныг хүсвэл... маш энгийн - цэргүүддээ харь гэж хэлээд л дахин бөмбөгдөх хэрэггүй. Тэгвэл тэнд энхтайван тогтоно. (Яг үнэн, Багш аа.)
Тэгээд Украин (Урейн)-ы ард түмнийг Зул сарын өдөр бөмбөгдлөө. Тэд Украин (Урейн)-ыг ямар ч их үзэн яддаг байлаа ч гэсэн Бурханд тэд хүндлэлтэй хандах ёстой. (Тийм, Багш аа. Яг үнэн.) Зул сарын өдөр Есүсийн өдөр. Тэр бол Бурханы Хүү. Бурханд итгэдэг л бол энэ өдрийг, үгүй ядахдаа жилд ганц өдрийг хүндэтгэж болно доо. […]
Нэг бүсгүй Диваажинд очоод юунд мөргөж болох, юуг шүтэж болохгүй талаар заалгажээ. Тэд Бурхан болон Есүсээс өөр юуг ч шүтэж болохгүй гэж хэлжээ. Тэр бүр Мари Эхийг ч шүтэж болохгүй гэсэн. Тэр бас Есүс л эмэгтэй дүрээр оршсон биш бол өөр ямар ч эмэгтэй хүнийг шүтэж болохгүй гэж Бурхан хэллээ гэсэн. Энэ нь Есүс эмэгтэй дүр авсан л биш бол (Хөөх.) өөр ямар ч эмэгтэй хүнийг шүтэж болохгүй гэсэн үг. […]
Хөтлөгч: 12-р сарын 26-ны даваа гарагт бидний Хамгаас Хайрт Төгс Гэгээрсэн Их Багш Чин Хай (веган) дэлхийн төлөөх эрчимтэй дияан бясалгалаасаа цаг гарган Суприм Мастер Телевизийн ажлын багийнханд баярын мэндчилгээ хүргэлээ. Энэ ярианы үеэр Их Багш мөн сүүлийн үед дэлхий дахинд болж буй үйл явдлын талаар сэтгэгдлээ хуваалцсан юм.
Сайн байцгаана уу? (Сайн байна уу, Багш аа?) Сайн байцгаана уу, залуус аа? (Зул сарын болон шинэ жилийн мэнд хүргэе, Багш аа!) Баярлалаа, та нартаа ч бас Зул сарын болон шинэ жилийн мэнд хүргэе. (Зул сарын мэнд хүргэе, Багш аа!) Та нар сайн байгаа биз дээ? (Тийм ээ, сайн байгаа, Багш аа. Бид сайн байгаа, Багш аа. Бид сайн.) Хаана ч байсан зүгээр. Хаана ч байсан бидний гэр, эсвэл шинэ гэр. (Тийм ээ.) Шинэ гэр ч бас л гэр. (Тийм ээ, Багш аа. Тийм.) Амгалан, бас ажил хийж болох гэр л байвал болох нь тэр. Та нар сайн байгаа биз дээ? (Бид сайн, Багш аа. Та сайн уу, Багш аа?) Илүү дээр байж болохоор л доо. Хэрдээ л сайн байна. Өдөрт 24 цагаас илүү хугацаа байдаг ч болоосой гэж бодох юм.
Зул сар минь илүү амар амгалан, саад тотгоргүй, үр бүтээлтэй ажиллаж болохуйц байдаг ч болоосой. Тиймгүй байна. Их олон зүйл болж байна. Хийх ажил дэндүү их байна. (Өө.) Хийх ажил дэндүү их байна. Дэндүү их бодол болж, дэндүү ихийг бодон, дэндүү их бухимдаж байна.
Веган Дэлхий, Энхтайван Дэлхийн төлөө, сүнснүүдийг гэтлээсэй хэмээн би залбирсаар л байгаа. Сүүлд зургаахан сая сүнс гэтэлсэнд би тийм ч сэтгэл дүүрэн биш байна. Үүнээс хэдэн долоо хоногийн өмнө ердөө найман сая орчим сүнс чөлөөлөгдсөн. Би өмнө нь ч, дараа нь ч шалгаагүй. Гэхдээ энэ... надад таалагдахад дэндүү бага. Сэтгэл ханамжтай биш байна. (Ойлгож байна, Багш аа.) Зарим хүмүүс амьд сэрүүн ч гэтэлсэн байгааг хэлж байгаа шүү. Заавал өөд болсон хүний тухай бус. (Аан. За, Багш аа.) Мөн өөд болсон олон хүн нүглийн төлөөсөө хангалттай төлөөд, амьдралынхаа эцсийн мөчид чин сэтгэлээсээ наманчилсан тул мөн адил гэтэлсэн. Энэ нь тэдэнд сайн. Надад дэндүү бага санагдаад байна. Хэзээ ч хангалттай санагддаггүй. Намайг арай баяр жаргалтай болгох сайхан зүйл хэлээч. (За, Багш аа.)
Ингэхэд та нар Зул сарын жаахан бэлэг хүлээж авав уу? (Тийм ээ, Багш аа. Баярлалаа, Багш аа.) Салбар бүрд жаахныг явуулсан. Танайд ч очсон байх ёстой. Ноднин эсвэл уржнангийнх шиг их биш, эсвэл миний санаанд хүрэхээр их биш ч, та нар хайрлагдаж байгаа шүү, та нарыг би цаг үргэлж бодож байгаа гэдгийг илэрхийлж байгаа юм. (Маш их баярлалаа, Багш аа. Баярлалаа, Багш аа. Угаасаа гайхалтай, Багш аа. Маш их баярлалаа. Баярлалаа.)
(Сайхан бэлэг, гайхалтай оройн зоог хайрласан Хамгаас Хайрт Их Багшдаа баярлалаа! Бидэнд хайрласан бүхний тань төлөө, Суприм Мастер Телевизээр дамжуулан бусдад үйлчлэх боломж олгож буйд тань бид маш их талархдаг билээ. Веган Зул сарын баярын мэнд хүргэе!)
(Таныхаа Хайр, Халамжид, веган амттанууд илгээсэнд баярлалаа. Их Багшдаа бид Веган Зул сарын болон шинэ жилийн мэнд хүргэе!)
(Баярлалаа, Багш аа. Тандаа бид хайртай. Веган Зул сарын болон шинэ жилийн мэнд хүргэе!)
(Веган Зул сарын мэнд хүргэе, Багш аа. Баярлалаа, Тандаа хайртай шүү!)
(Бэлэг илгээсэнд баярлалаа, Багш аа. Веган Зул сарын болон шинэ жилийн мэнд хүргэе! Тийм ээ!)
Хөтлөгч: Баярын мэндчилгээ болон ерөөлийг хүлээн авсны дараа Их Багш дараах чин сэтгэлийн үгийг дэлхий дахинд суугаа Суприм Мастер Телевизийн ажлын багийнханд хандан айлдсан билээ: “Гайхалтай Сахиусан Тэнгэрүүдийн БАГТ, СМТВ-ийн суурин болон алсаас ажилладаг багийнханд илүү дээр шинэ жилийг ерөөж, зүрх сэтгэл минь та нарын дэлхийн төлөө хийсэн бүхэнд тань хайр, талархлаар дүүрэн байгаа ч улам их амжилт хүсье. Газар, Тэнгэрийн хамаг төрөлтнөөс асар их адис, бүхий л амьтан-хүн болон бусдаас нь ч хайр талархал илгээж байна. Та нар энэ бүхнийг мэдэрч, үүрд хайрлагдсанаа зүрх сэтгэлдээ мэдэх болтугай. НУЛИМС ДУСЛУУЛАН ХЭЛЬЕ! ТКТ. та нарын Их Багш, хамтран зүтгэгч, анд найз тань.”
Бүгд ямар нэг зүйл авсан уу? (Тийм ээ, Багш аа. Тийм ээ, авсан.) Та нартай хуваалцаж болдог ч болоосой. Би өөрөө яагаа ч үгүй. (Өө!) Зөвхөн ажил л байлаа. Зөвхөн ажил, тэгээд түргэхэн нэг энгийн хоол хийсэн. Дажгүй. Би байсаар байгаадаа, ажлаа хийх боломжтой, бас идэх хоолтой байгаадаа маш их талархаж байна. Илүү идэж чадахгүй, эсвэл илүү дээр юм идэхгүй байгаа нь миний л буруу. Байлгаж болно л доо. Тэгж их хоолны талаар бодох, хоол хийгээд байх цаг зав л алга. (Ойлгож байна.) Үнэндээ зав алга.
Тэгсэн ч өдөрт нэг хоол идэх боломж хайрласанд нь Бурханд би маш их талархдаг. Үүнд ихэд баярлан сэтгэл дүүрдэг. (За, Багш аа.) Гаднах олон ч хүнээс илүү дээр. (Тийм ээ.) Тэдэнд хангалттай хоол ч байхгүй, хоол идэх, дулаан байх хоёрын аль нэгийг сонгох ёстой болдог. Гэрээ халаах уу, хоол хүнс авах уу гэдгээ сонгох болдог. (Тийм ээ. Багш аа.) […]
Гол асуудал гэвэл одоо хэр нь олон хүн КОВИД-оор амиа алдсаар байна. (Тийм ээ.)
“CBS News-ийн мэдээ 2022.12.24 CBS News-ийн ахлах сурвалжлагч Маёор Гаррет (m): Одоо Хятад улсад КОВИД-19 халдварын хурдацтай өсөлт улс даяар эмнэлгүүдийг дүүргэж байна. Зарим эрүүл мэндийн мэргэжилтнүүд Хятад улсад ойрын хэдэн сард нэг сая хүртэлх тооны хүн КОВИД-оор нас барж магадгүй гэж таамаглалаа. Мөн энэ дэгдэлт дэлхийн эдийн засагт аюул учруулж болзошгүй юм.
Сурвалжлагч (f): Яаралтай тусламжийн өрөөнүүд дүүрээд байна. ХХХ (хувийн хамгаалах хэрэгсэл) иж бүрэн өмссөн ажилтнууд ор олоход хүнд байгаа ба чандарлах гал зогсолтгүй асаж, шарилын машинууд гадна хүлээнэ. Хамгийн азтай өвчтөнүүд хотын томоохон эмнэлгүүдэд эмчлүүлэх боломжтой байдаг ч сая сая хүнд боломж үгүй. Олон нийтийн сүлжээн дэх болж буй явдлын бичлэгүүдэд моргууд дүүрсэн бөгөөд, ажилчид цогцсуудыг яахаа мэдэхгүй байна.”
“Sky News-ийн мэдээ 2022.12.20 Сурвалжлагч (f): Өглөө бүр эхлээд чандарлах газрууд ажиллан, галтай байв. Энэ газар бол Зүүн Бээжин дэх зөвхөн КОВИД-оос болж нас барсан тохиолдолд зориулагдсан гэж байгаа бөгөөд, маш их ачаалалтай байна. Түргэн тусламжийн машинууд ирж, авс ачсан машинууд эгнэнэ. Хотын өөр хаа нэгтээ ар гэрийнхэн нь гашуудаж, дурсан санахаар цуглажээ. Хятадын оршуулгын ёслолд цагаан хувцас өмсдөг уламжлалтай. Энэ оролцогчид нэрээ нууцлаад ярилцахыг бидэнд зөвшөөрсөн юм. Тэд КОВИД хүмүүсийг хөнөөж буйг мэднэ. Энд буй шалтгаан нь тэр.
(Хятад хэлээр) Эрэгтэй: Би засгийн газрын энэ тоо баримтад итгэхгүй байна. Тэр 73 настай байсан. Түүнд өөр сүйдтэй өвчин үнэндээ байгаагүй. Тэр биеийн байдлаа тийм ч хүнд байгаа гэж эхэндээ бодоогүй. Тэгээд эмнэлэгт очоогүй. Түүнийг ухаангүй эмнэлэгт хүргэсэн бөгөөд тэр өдөртөө нас баржээ. Энэ вирус хүмүүсийг ийм амархан алчихна гэж би бодоогүй.”
КОВИД-оос болж зовж зүдэрч, өөд болж байгаа энэ хүмүүсийн талаар би нэг өдөр бодол болсон юм. (За.) Та нар тэднийг бүгдийг нь буруутгаж болохгүй. Яагаад гэвэл зарим нь маск зүүх боломж байхгүй учраас хүссэн цагтаа цэвэрхэн маск зүүх ч боломж тэдэнд байхгүй. Тэгж чаддаггүй. Зарим хүнд мөнгөний боломж байдаггүй. (Тийм ээ, Багш аа.) Жишээ нь орон гэргүй хүмүүс. (Тийм, Багш аа.) Зарим орон гэргүйчүүдэд хог шороо шиг л ханддаг. Би өөрийн нүдээр харсан.
Урьд нь ярьж байсан даа. Нэг удаа нэгэн бүсгүй маш их даараад, хүйтнээс болоод царай нь хөхөрсөн байсан учраас түүнийг би урьсан юм. (Хөөх.) Макдоналдст надтай хамт орооч гэж урихад тэд түүнд бүр үйлчлэхийг ч хүсээгүй. (Хөөх.) Би түүнд мөнгө өгсөн юм. Тэгээд би гарыг нь өргөж харуулаад, “Түүнд мөнгө байгаа. Тэр бол үйлчлүүлэгч. Та нар түүнд үйлчлэх ёстой шүү.” гэлээ. Тэгэхэд би их эрс хатуу байсан болохоор ууртай харагдсан эсэхийг мэдэхгүй. Тэд “За, за, за, Та юу авах гэсэн юм?” гээд түүнд үйлчилсэн. Би бүсгүйд 20 доллар атгуулаад “Үүгээр худалдаж аваарай.” гэв. Дараа нь дахин жаахан мөнгө нэмж өгөөд (За.) мөнгөтэй гарыг нь атгаж дээш нь өргөж байгаад ингэж хэллээ. “Түүнд мөнгө байгаа. Тэр бол үйлчлүүлэгч учраас юу ч асуулгүй та нар түүнд үйлчлэх ёстой.” Эцэст нь тэд нэг юм үйлчилсэн. Бүсгүй тун их өлссөн байлаа. Хоолоо авчрангуутаа тэр маш хурдан идчихсэн. Идэж байхдаа чичирч байв. “Тайван ид л дээ. Хахаж мэднэ шүү. Тайван, тайван. Цадахгүй байвал би чамд нэмээд аваад өгнө.” гэж хэллээ. Ээ, Бурхан минь. Ямар гээч дэлхийд бид амьдарч байна даа?
Аятайхан зүйл байна уу? Хэл дээ. Эсвэл миний анхаарлыг өөр зүйлд хандуулах асуулт ч юм уу, хэлээрэй. Өөр юманд л анхаарлыг минь хандуулаад өг. (За, Багш аа.) За, хэл хэл.
(Путин Урейн (Украин)-тэй хэлэлцэхэд бэлэн байгаа гэж оросууд хэлсэн. Үнэн болов уу?) Ямар хэлэлцээр? (Энхтайвны хэлэлцээр л байх.) За, за. Энхтайвны хэлэлцээр. Гэтэл Зул сараар Украин (Урейн)-ы ард түмэн Оросын бөмбөгдөлтөөр Зул сарын өглөөг угтсан. (Өө, Хөөх.)
“10 News First-ийн мэдээ 2022.12.26 Хью (m): ОХУ-ын ерөнхийлөгч Владимир Путин Украины асуудлаар хэлэлцээр хийхэд бэлэн гэдгээ мэдэгдээд байгаа бөгөөд Киев болон Өрнөдийнхөн хэлэлцээр хийхээс татгалзаж байна гэв. Гэвч түүний үг үйлдлээсээ хол зөрүүтэй байгаа учраас украинчууд Зул сарын өдрийг улс даяар өгч буй агаарын түгшүүрийн дохионоос болж нуувчинд өнгөрүүлж байна.
Сурвалжлагч (f): Киевийн метроны буудлын харьцангуй аюулгүй байдалд тэд агаарын түгшүүрийн дохионы чимээг дарахаар дуулжээ. “Дайснууд биднийг амь үрэгдэгсдийнхээ төлөө, одоо болж буй үйл явдлаас болж уйлаад сууж байхыг хүсэх байх. Харин бид магтуу дуулах болно.” гэж энэ эмэгтэй хэллээ. Одоо галын бүс болоод байгаа Бахмутад Зул сарын баяраар буун дуу л гарч байлаа. “Хаа сайгүй нүргэлж, хага үсэрч байна. Бид амьд үлдэж, амьдрах ёстой.” гэж энэ эр ярьж байна.”
“DW News-ийн мэдээ 2022.12.25 Сурвалжлагч (m): Зул сарын баярын өмнөх өдөр чөлөөлөгдсөн Херсон хотын нэгэн зах руу Оросын пуужин тусжээ. Наад зах нь 10 хүн амиа алдаж, 50 гаруй хүн шархадсан байна.
Сурвалжлагч (f): Ерөнхийлөгч Володимир Зеленский уг халдлагыг эрс буруушааж, “Энэ бүсэд цэргийн байгууламж байгаагүй.” гэж мэдэгдлээ. Баярын үеэр Орос улс дахин халдлага үйлдэхээр төлөвлөж магадгүй гэж тэр анхааруулав.”
Түүний хүсдэг энхтайван энэ. Батлах ёстой! (Тийм, Багш аа.) Баталчихвал би итгэх болно. Яагаад гэвэл Путин үнэхээр энхтайвныг хүсвэл... маш энгийн - цэргүүддээ харь гэж хэлээд л дахин бөмбөгдөх хэрэггүй. Тэгвэл тэнд энхтайван тогтоно. (Яг үнэн, Багш аа.)
Украин (Урейн)-ы ерөнхийлөгч Зул сарын баярын өдрийн эвлэрлийн- нэг удаагийн бөмбөгдөлт зогсоох хүсэлт гаргасан ч Путин үүнд нь татгалзсан. (Тийм. Өө.) Тэгээд Украин (Урейн)-ы ард түмнийг Зул сарын өдөр бөмбөгдлөө. Тэд Украин (Урейн)-ыг ямар ч их үзэн яддаг байлаа ч гэсэн Бурханд тэд хүндлэлтэй хандах ёстой. (Тийм, Багш аа. Яг үнэн.) Зул сарын өдөр Есүсийн өдөр. Тэр бол Бурханы Хүү. Бурханд итгэдэг л бол энэ өдрийг, үгүй ядахдаа жилд ганц өдрийг хүндэтгэж болно доо. Жилд ядаж ганц өдөр хүмүүсийг бөмбөгдөхгүй бай гэж яаж гуйх ёстой юм бэ?
“DW News Dec. 25, 2022 Сурвалжлагч (m): Галын шугамд Зул сар болж байна. Украины эдгээр цэрэг хэдэн сар Оросын үргэлжилсэн дайралттай нүүр тулсан. Тус хотод хоёрдугаар сард эхэлсэн дайны хамгийн ширүүн тулааны заримыг үзжээ. Гэхдээ энд ч гэсэн цэргүүд энэ баярт цаг гаргаж байна.
Роман Капинус (m): Дайны үе ч гэлээ Зул сар л бол Зул сар. Энэ баярыг ямар ч нөхцөл байдалд байлаа гэсэн хэвээр хадгалах учиртай. Галлах чимээ, манай залуусын хариу цохилтын чимээ дуулдах байх. Гэтэл энэ баярыг баяраар нь үлдээх ёстой сон.
Сурвалжлагч (m): Украин даяар Зул сарын баяр энэ жил тэс өөр болж өнгөрлөө. Орос хэдэн сарын турш эрчим хүчний дэд бүтцийг бөмбөгдөж, олон сая хүнийг эрчим хүч, ус, дулаангүй болгожээ. Гэсэн хэдий ч бүх украинчуудын өмнө тулгараад байгаа асар том сорилтыг үл харгалзан ерөнхийлөгч Зеленскийн Зул сарын баярын мэндчилгээ эсэргүүцэх хүч, итгэл найдвар төрүүллээ.
Володимир Зеленский: Бид үүсгүүрийн дуу чимээнээс илүү гарахын тулд урьд өмнөхөөс ч илүү хөгжилтэй, чангаар магтуу дуулна. Харилцаа холбоо, интернэт тасарсан ч гэсэн бид хайртай хүмүүсийнхээ дуу хоолой, мэндчилгээг сэтгэлдээ сонсох болно. Бүхэлдээ харанхуй байгаа ч гэлээ бид бие биеэ олж, чангаас чанга тэвэрнэ. Халаалт байхгүй ч гэлээ бид бие биеэ дулаацуулахын тулд удаанаар тэврэх болно.
Сурвалжлагч (m): Баярын үеэр Оросын тал гал зогсоох төлөвлөгөөгүй байгаа гэдгээ мэдэгдлээ.”
Тэд хангалттай олон орос, украин (урейн)-чуудыг хөнөөгөөгүй гэж үү? Хэдийнээ сая сая хүнийг орон гэргүй болгоогүй гэж үү? Тэр бол уучилшгүй этгээд. Путин болон түүний бүлэглэлийг уучлах аргагүй. Тэд өөрсдийн ард түмнээ ч юман чинээ санадаггүй. Залуухан, сайхан оросуудыг Украин (Урейн) руу хүчээр байлдуулахаар явуулж байна. Тэд өөрсдийн ард түмнээ ч юман чинээ санахгүй байгаа юм чинь гэм буруугүй украин (урейн)-чуудын талаар бүр ярих ч юм биш. Ёстой жигшүүртэй хүн. (Тийм, Багш аа.) Адгийн муу ёрын, бүр чөтгөрөөс ч дор гэмээр.
Байвал өөр арай дээр зүйл хэл дээ. (Хятадын ерөнхийлөгч Ши Путинээс Урейн (Украин) дахь дайныг хэзээ, хэрхэн эцэслэхийг тайлбарласан захидал илгээхийг хүссэн.)
“Now TV-ийн мэдээ 2022.9.15 Ши Жинь Пин: Хятад улс ОХУ-тай хамтран ажиллаж, том улс гүрний хариуцлага гарган манлайлах үүрэг гүйцэтгэн, үймээнт дэлхийг тогтвортой болгоход эерэг эрчмийг тогтооход бэлэн байна.”
“news.com.au-ийн мэдээ 2022.12.23: БНХАУ-ын дарга Ши Жиньпин ОХУ-ын дарангуйлагч Владимир Путинээс Украины дайныг хэрхэн, хэзээ зогсоох гэж байгаа талаар бичгээр тайлбар хийхийг шаардсан гэж мэдэгджээ. Түүнчлэн Оросын ерөнхийлөгч асан Дмитрий Медведев захидлыг хүргэхээр “шуудан зөөгч”-өөр Бээжин рүү мордсон бас нэгэн онцгой үйл явдал боллоо. Энэ нь дайныг зогсоохын тулд Хятадын урьд өмнө үзүүлж байснаас ч илүү хүчтэй шахалттай Путин тулгарч байгааг илтгэж байж магадгүй. Женерал СиВиАр Телеграм сувгийн мэдээлснээр Ши Жиньпин “Оросын ерөнхийлөгч дайныг хэрхэн, хэзээ дуусгахаа бичих огноо, нарийвчилсан төлөвлөгөөг Путинээс шаардлаа.” гэжээ.”
Зөв юм хийж. (Тийм байна.) Миний бодлоор ерөнхийлөгч Ши зөвхөн хоосон ярьж, амлаж, энэ тэр гэхээс нь бүр залхаад амласан зүйлээ биелүүлэхгүй, гэм зэмгүй хүмүүсийг алсаар байгаа учраас, зөв зүйл хийхгүй байгаа учраас ийм зөв юм хийсэн байх. (Тийм, Багш аа.) Яагаад гэвэл тэд энхийн хэлэлцээр хиймээр байна гэчхээд хэлэлцээрт ирсэн хүмүүсийг хордуулсан. (Өө.) Аль аль талынх нь. Санаж байна уу? (Тийм ээ, Багш аа.) Би энэ явдлуудыг мартахгүй. Үүрд санах болно.
Тэгээд “Энхийн хэлэлцээр” гэнэ. Хүмүүсийг цаг үргэлж бөмбөгдөж байж энхийн хэлэлцээрт бэлэн гэсээр байдаг. (Тийм.) Бөмбөгдөөд байхаар чинь тэр хүмүүс яаж энхийн хэлэлцээр хийх юм бэ? Тэд өөрсдийгөө хамгаалаад, өөрсдийгөө халхлаад, яаж хамгаалах вэ гэж бодсоор огт завгүй байгаа шүү дээ! (Тийм ээ, Багш аа.) Тэдэнд тайвшрах, ярилцах, итгэх талаар бодох сөгөө яаж байх юм бэ? (Тийм, Багш аа.) Ёстой чөтгөр юм. Үнэхээр шүү. (Тийм.) Хүн биш.
Тэгчхээд бас тэр “Америкчууд яагаад оролцоод байна вэ?” “Европ яагаад Украин (Урейн)-ы асуудалд оролцоод туслаад байна?” гэдэг. Гэтэл Орос яасан билээ? Өөрөөр хэлбэл Путин яасан билээ? Тэр Украин (Урейн)-ы асуудалд яаж хөндлөнгөөс оролцлоо доо? Оросыг дэмжигч хэсгийг хамгаалахаар ирлээ гэж байгаа юм бол, яагаад? Тэр чинь Украин (Урейн)-ы нутаг. (Тийм.) Тэр л хөндлөнгөөс оролцож байна. Америкчуудаас ч дор. Америкчууд болон Европ зөвхөн нөхцөл байдалд хариу үйлдэл үзүүлсэн, харин Путин эхлүүлсэн. (Тийм ээ, Багш аа. Тийм.) Тэр Америкийг Орос улсыг хуваах гэлээ гэж буруутгасан. Тэр өөрөө Украин (Урейн)-ыг яалаа? (Яг үнэн.) Энэ ч газрыг нь эзэлж, тэр ч хэсэгт нь бөмбөгдөнө. Эндхийг ч, тэндхийг ч нэгтгэнэ. Энэ бүгдийг тэр л хийсэн биз дээ! (Тэгсэн, Багш аа. Тийм.)
Тэр этгээд галзуурсан байх, бүү мэд. Учир зүй, IQ гэж байхгүй байхаас зайлахгүй. Эсвэл тэр чигтээ чөтгөр. (Тийм, Багш аа. Гарцаагүй.) Ээ, Бурхан минь. Түүнтэй хэлэлцэх арга байхгүй. Боломжгүй. Тэр хүн биш. Түүнд ухаалаг чанар, IQ, учир зүй гэж огт байхгүй. Бодитой шалтгаан юу ч байхгүй! Орос улс даяараа яаж энэ этгээдийг сонсдог байна аа? Тэр хүн биш! (Яг үнэн, Багш аа. Тийм.) Чөтгөрөөс ч дор. Тэд яаж түүнийг сонсож, дэмжих юм бэ?
Путиныг дэмждэг, сонсдог хүмүүсийг би ойлгохгүй байна. Гэхдээ та нарт гэж хэлэхэд эсэргүүцэж жагсах юм бол тэр тэднийг алж, хорьж, хар жагсаалтад оруулдаг. Тэгээд л дэмжих болдог. Тийм ч олон хүнд эсэргүүцлийн жагсаал хийгээд л байж байх тийм цаг, хүч байтугай мөнгө ч байхгүй. (Ойлголоо, Багш аа. Тийм, Багш аа. Яг үнэн, Багш аа.) Тэдэнд харж хандах гэр бүл, үр хүүхэд гэж байдаг. (Тийм ээ, Багш аа.) Тэд зөвхөн жагссаар ямар ч хэрэггүй болж, шоронд хоригдож байхад үр хүүхэд нь халамжлах хүнгүй гэртээ өсгөлөнд нэрвэгдэнэ. Тэгээд нэг ихийг хийж чаддаггүй. (Тийм, Багш аа. Тэгдэг.) Тэд ийм эмзэг байдалтай болохоор Кремлийн удирдагчид үүнийг нь далимдуулж оросууд болон украин (урейн)-чуудыг хөнөөсөөр байна.
Хэдэн долоо хоногийн өмнө би сониноос, тэд 13 тэрбум ам. долларыг дайн үргэлжлүүлэхэд зориулж зээлсэн талаар уншиж байсан. Төсөөлж байна уу?! (Хөөх! Ээ, Бурхан минь.) Тэд мөнгөгүй хэр нь, ингэж өр зээл тавьж байхын оронд тэр мөнгийг ард түмнээ өвлийн цагт дулаан, хоол хүнстэй байлгахын төлөө зарцуулахгүй. Үгүй! Ердөө Украин (Урейн) дахь дайныг үргэлжлүүлэх гэж, илүү олон орос, украин (урейн)-чуудыг алахын тулд энэ мөнгийг зээлж. Тэгээд “Хараач! Путин энэ дайнд зарцуулах санхүүг хязгаарлахгүй.” гэж сайрхана. Бурхан минь! Бүгд утгагүй хоосон муу ёрын үг. (Тийм. Ёстой муу ёрын юм.) 13 тэрбум ам. доллар гээд бод доо! Хэдэн хүнийг тэжээж, орон гэртэй болгож, боловсрол олгож, өвчнийг нь илаарьшуулж болох вэ? Төсөөлөөд үз. (Тийм ээ, тэр үнэн. Тийм, Багш аа.)
Бидэн шиг бага гарынхан энэ хэр их вэ гэдгийг төсөөлж ч чадахгүй. Би л лав чадахгүй. (Тийм, Багш аа.) Тусламж хэрэгтэй хүмүүст өгөх, Суприм Мастер Телевизийг явуулах, залуус та нарыг харж хандан, өөрийн бизнесээ явуулахад л хангалттай мөнгө надад бий. Тэгээд л боллоо. (Тийм ээ. Баярлалаа, Багш аа.) Ийм их мөнгийг би төсөөлж ч чадахгүй. Та нар чадах уу? (Үгүй, Багш аа.) Үгүй. Бид тэрбум, их наяд гэж мэдэх ч төсөөлж чадахгүй. (Тийм шүү.) Чадахгүй. Үнэхээр шүү. Би лав чадахгүй.
Тэгэхээр энэ бүхэн дэмий хоосон, чөтгөрийн үгс. Бодит юм үгүй. Тэр этгээд ч жинхэнэ биш. Түүнд сүнс байхгүй. Түүнд, түүний биед чөтгөрүүд шүглэсэн. Тэгээд л тэр хүн алсаар байна. (Тийм, Багш аа. Ойлгож байна, Багш аа.) Удирдагч хүн ийм байдаггүй. Огт үгүй. (Тийм ээ. Тэр үнэн.) Дэлхийн II дайнаас ч дор. Бидний мэдэх бусад бүх удирдагч, дарангуйлагч, харгислагч нараас долоон дор сэтгэхүйтэй.
Ийм л байна. Өөр зүйл байна уу? (Байгаа, Багш аа.) Хэл, хэл. (Пап Францис украин (урейн)-чуудын талаар ярьж байхдаа сэтгэл нь хэсэг зуур хямарч байсан.)
“CBS News-ийн мэдээ 2022.12.27 Нора О’Доннелл (f): Пап Францис Зул сарын мэндчилгээндээ “дайны жихүүн салхи” хэмээн гашуудсан юм. Гэгээн Петрийн талбайд сүсэгтнүүдэд хандан үг хэлэхдээ хамба лам Украин дахь дайныг нэн даруй зогсоохыг уриаллаа. Тэрээр мөн Оросын түрэмгийллийг “утгагүй” гэв.”
(Тэр мөн номлогчиддоо хандан Ватиканы гол цөмд чөтгөр, хий үзэгдэл байна гэсэн.)
“Ватикан 2022.12.22 п.Пранцис: Бидний мэддэгчлэн амьдралаас салгах гэж оролддог бузар муу бүхэн үнэхээр биднийг орхиж явдаг ч биднийг бүрмөсөн орхисон гэвэл гэнэн хэрэг. Товчхондоо бол энэ нь шинэ дүрээр эргээд ирдэг. Урьд нь муухай, харгис дүртэй харагддаг байсан бол одоо дэгжин, боловсронгуй дүртэй болсон. Бид үүнийг ухаарч, дахин илчлэх хэрэгтэй. Энэ “дэгжин чөтгөрүүд” чимээгүйхнээр, биднийг мэдээ ч үгүй байхад нэвтэрдэг.”
(Тэр үнэхээр өөрчлөгдөв үү?) Яриад өг дөө. Тэр тэгээ юү? Тийм үү? Өөрчлөгдсөн гэж бодож байна уу? (Үгүй, Багш аа. Үгүй ээ, Багш аа.) Би гайхлаа. Би Диваажингаас “Өө, Та нар п. Францисийг яагаа вэ? Түүний сүнсийг өөрчлөө юү? Түүнийг цэвэрлээ юү, Бурханы Тааллыг сонсдог болгоо юу?” гэж асуусан. Тэд надад хариулаагүй. Тэд инээсэн. (Өө.) Инээсээр л байсан. Тэгээд л тэр.
Ватиканд юу байгаа гэсэн гэнэ ээ? Хий үзэгдэл ээ? (Хий үзэгдэл юм уу, чөтгөр.) Аан. Би хий үзэгдэлд дуртай. Миний дэргэд бичээч хий үзэгдэл байдаг болоосой. Тэгвэл би юу хэлэхээ бодох, “Миний яриаг хүмүүст ач тустай болгон адислаач.” гэж залбирах хэрэггүй болно. Надад юу ч алга. Телепромптер ч алга. Байсан бол яриагаа бичээд уншихад болно. Тэр ч яах вэ, бүх зүйл шууд аяндаа хийгддэг. Энэ бүх хугацаанд миний ярьсан бүхэн та нарт таалагдсан гэж найдъя. (Тийм ээ, Багш аа. Таалагдсан.) Гэхдээ Ватиканд чөтгөр, хий үзэгдэл байгаад гайхах юу байна? (Тийм, Багш аа.)
Яагаад юм бол? Яагаад тэр энэ талаар хүмүүстээ анхааруулж байгаа юм бол? Люсифер бол католикчуудын бурхан гэж хүн бүрд хэлсэн хүн нь тэр өөрөө шүү дээ. (Тийм. Тийм ээ, Багш аа.) Гэтэл Люсифер бол бүх чөтгөрийн тэргүүн учраас (Өө, тийм.) сатан гэсэн үг. Тэр сатан нь Ватикан руу хэдэн чөтгөр илгээлээ гэхэд тэр юунд нь гайхаж, хүмүүстээ юунд нь анхааруулна вэ? Тэд өөрсдийн үүсвэр оршихуйд л байна. Энэ бол тэдний орон гэр. (Яг үнэн. Тийм. Тэр үнэн.) Тийм.
Энэ бүхнийг ярих гэвэл их урт юм болно. Би Диваажингаас асуумааргүй байна. Яагаад гэвэл Тэд намайг гэнэн юм гэж шоолцгооно. Би гэнэн тэнэг аятай юунд ийм зүйл асууна гэж? (Тийм ээ.) Тэд бүр инээсээр л байсан. Намайг Тэд шоолсон. Үгүйсгэх мэт шоолж инээсэн. Баяртайгаар биш. (Өө. Ойлголоо.) Ямар гэнэн юм бэ дээ гэж байгаа юм шиг. Одоо та нар мэдэж авлаа. Гэхдээ би хий үзэгдэл буюу орлон бичигчдэд дуртай. Хэн нэгэн нь бичиж өгөөд, би ердөө л уншина. Илүү амар байхгүй юу. (Тийм ээ, Багш аа.) Илүү амар хялбар болно. (Тэгнэ, Багш аа.)
Хааяа мэдээ сэлт хайж байгаад үхэлтэй нүүр тулсан тухай нэг тохиолдол уншсан. Нэг бүсгүй Диваажинд очоод юунд мөргөж болох, юуг шүтэж болохгүй талаар заалгажээ. Тэд Бурхан болон Есүсээс өөр юуг ч шүтэж болохгүй гэж хэлжээ. Тэр бүр Мари Эхийг ч шүтэж болохгүй гэсэн. Тэр бас Есүс л эмэгтэй дүрээр оршсон биш бол өөр ямар ч эмэгтэй хүнийг шүтэж болохгүй гэж Бурхан хэллээ гэсэн. Энэ нь Есүс эмэгтэй дүр авсан л биш бол (Хөөх.) өөр ямар ч эмэгтэй хүнийг шүтэж болохгүй гэсэн үг. (Ойлголоо, Багш аа.)
“’Би клиник үхэлд орохдоо Маритэй уулзсан- Тэр надад дэлхий дээрх олон муу нууцыг дэлгэсэн’ бичлэгийн хэсгээс: Би та бүхэнтэй Бразилаас нэгэн эрхэм эгчийн илгээсэн үхэлтэй нүүр тулсан тухай түүхийг хуваалцъя: “[…] Би цагаан нөмрөгтэй нэг хүнийг харлаа. […] Тэр өөрийгөө Есүсийн эх Мари гэж хэлсэн. […] Христэд итгэгч хэдэн хүн өөрт нь Христэд итгэдгээс ч илүүтэй түүнд итгэдгийг мэддэг гэдгээ тэр надад хэлсэн. […] Түүнд, эсвэл түүгээр дамжуулан залбирах нь буруу байсан гэж тэр надад хэлэв. Есүс Христ бол бидний цор ганц зууч гэдгийг тэр маш тодорхой хэлсэн. […] Тэрээр Есүс Христ, Бурханы Хүү ба Бурхан өөрөө л бидний сүсэг бишрэлийг хүртэх ёстой болохоос бус тэр болон бусад гэгээнтэн биш гэсэн юм. […] Тэрээр цааш нь бид эрихээ орхиж, дотооддоо орших Ариун Сүнсийг эрэлхийлэх ёстой гэсэн юм. Библиэс гадна аливаа зүйлийн хэлбэрийг үл хайхран, Бурханы Үг дээр анхаарлаа төвлөрүүлэх ёстой. […]”
Ай даа. Зөвхөн Бурханы Үгийг сонсох ёстой гэж хүртэл хэлжээ. Би тэгэхэд “Өө, Бурхан минь. Энэ үнэхээр Диваажингийн жинхэнэ Сургаал байна.” гэсэн. Тэр эмэгтэй худал хэлээгүй. Гэхдээ Бурханы Үг гэдгийн утга учрыг тэр мэдээгүй. (Тийм.) Тэр Бурханы, Диваажингийн юу хэлснийг л давтаж хэлсэн. Гэхдээ тэр Бурханы Үгийн талаар юу ч мэдэхгүй байсан. Түүний тайлбарлаж байгаа, ярьж байгаагаас харахад юу ч мэдэхгүй байсан. Түүний төлөө болон Бурханы Үгийг та нарын мэддэг шиг мэддэггүй бүгдийн төлөө би их харамссан. Миний мэддэг шиг. Та нарын мэддэг шиг. Бүх номын ах, эгч нар шиг чинь Бурханы Үгийн талаар мэддэггүйд нь.
Тэгээд би тун их гунигласан даа. Надад их гунигтай байсан. Тэгээд “Юмс их энгийн атал хүмүүс юунд үл сонсоно вэ? Тун энгийн. Бүгд дотоодод чинь байгаа. Ердөө л хаана, хэрхэн гэдгийг үзүүлж чадах багшаа л олох учиртай. Гэхдээ өөрийгөө ариусгах ёстой. Цэвэр ариун зам мөрөөр амьдарч, зөвхөн Бурханыг шүтнэ. Бурхан минь, энгийн шүү дээ. Бурханд л таларх. Бурхан шүтэхгүй юм гэхэд, Бурханд талархахгүй юм гэхэд, Бурхантай холбогдох л юм бол эрх чөлөөтэй болно.” гэсэн. (Тийм ээ, Багш аа.) Гэтэл тэгдэггүй. Бурхан минь! Би маш олон шавьтай ч дэлхий бүхэлдээ биш. (Тийм ээ.)
Дэлхийн бусад хүн миний шавь гэх хүмүүсийн адил гэтлээгүй. (Тийм ээ, Багш аа.) Би ёстой их гуньж байна. Заримдаа яамаар ч үгүй санагдах юм. Юу ч хиймгүй их гуниглаж байна. Тэгээд л Зул сар болж байсан ч та нартай ярьсангүй. Ерөнхийд нь Зул сарын мэнд хүргэе гээд биччих гэж л хэлсэн. Тэгээд л боллоо. Нэг хүнд Суприм Мастер ТВ-ийн бүх салбар хэсэгт Зул сарын жаахан бэлэг илгээ гэж хэлсэн. (Баярлалаа, Багш аа.) […]
Өөр зүйл байна уу? Асуултад чинь хариулав уу? (Боллоо, Багш аа.) Тэгээд өөр юу байлаа? (Пап Францис Ватиканд чөтгөр юм уу, хий үзэгдэл байгаа гэсэн талаар.) Юунд бидэнд ийм орой хэлнэ вэ? Дандаа л байж байсан шүү дээ. (Тийм.) Үгүй юм гэхэд түүнийг тэнд байх болсон үеэс. Бусад бүх номлогчид тэнд байх болсон цагаас. Тэд бүгд, ихэнх нь чөтгөрийн, муу ёрын хүчин, дээрэм зэрэг ой гутам зүйлс хийсэн!
“Сүмийн хамгийн харанхуй нууц илчлэгдсэн нь (2020) Их Британийн баримтат киноны хэсгээс, Нил Тоддын цагдаагийн мэдэгдлээс иш татав – 1992.12.12 Хүчирхийллийн хохирогч (m): Тэр хайраа илэрхийлэх гэсэн. Би айгаад байсан.
Ярилцлага авагч (m): Та явсан уу?
Хүчирхийллийн хохирогч(m): Тэр өрөөнд минь ирсэн. Нэр надад “Хүсэхгүй байна уу?” гэж хэлсэн. Хэлсэн өнгө аяс нь хэрэв би үгүй гэвэл буруутах юм шиг гэмшил төрүүлэхүйц байсан. Би хамба Петр Боллд түүнийг мэддэг болсон цагаасаа л хэзээ ч үгүй гэж хэлж байгаагүй. Маш олон удаа тэгж хэлэхийг хүссэн ч түүнээс айсан.”
Ёстой муухай, заваан. (Тийм.) Ийм л байна даа. (Тийм ээ, Багш аа.)
Өөр зүйл байна уу? Хэлээрэй.
“Sky News-ийн мэдээ 2022.12.16 Сурвалжлагч (f): Энэ бол ордны харуулахыг хүсэж буй дүр зураг. Авхай Сюзан Хусси Нгози Фуланигаас уучлалт гуйж байна. Халуун дулаан уур амьсгалтай, ойлголцлоор дүүрэн уулзалт байсан гэж бидэнд хэллээ.”
(Хатагтай Фулани, Авхай Сюзан Хусси хоёр 12-р сарын 16-нд Букингемийн ордонд уулзсан байна. Авхай Сюзан түүнээс хэлсэн зүйлсийнхээ төлөө чин сэтгэлийн уучлалт гуйсан. Мөн хатагтай Фулани ч уучилж, ямар ч муу санаа агуулаагүйд талархаж буйгаа илэрхийлсэн.)
Мэдээж муу санаа байгаагүй. (Тийм ээ.) Тэр бол дипломат харилцааны хүн биш гэж би хэлсэн дээ. Авхай Хусси заримдаа танихгүй хүнтэй уулзахдаа яриа өрнүүлэх гэж яг л миний тэр болзооных шиг юу хэлэхээ мэдэхгүй л ярьчихсан нь тэр. (Тийм байна, Багш аа.) Тэр яриа л өрнүүлэх гэсэн. Гэтэл би мэдрэмтгий байсан. Тэр яаж мэдэх вэ дээ. Ийм зүйлд намайг их эмзэг гэдгийг тэр мэдээгүй. Яагаад гэвэл би элэг нэгтнээ зовж шаналж буйг хараад, яагаад Вьетнам буюу Ау Лак тийм доройтол, ичгүүртэй байдалд хүрэх ёстой байсан юм бэ гэсэн өнгөрсөн үеийн сэтгэлийн шархтай байлаа.
Яагаад вэ? Яагаад ахан дүүс бие биеэ хөнөөж, тийм ичгүүр сонжуургүй болтлоо ахан дүүстэйгээ тэмцэлдэнэ вэ? Би маш их ичдэг байсан. Тун их ичдэг байсан. Толгойгоо өргөж бусдын өөдөөс харж ч чадахааргүй тийм их ичдэг байлаа. (Өө. Ойлгож байна. Тэгнэ дээ, Багш аа.) Учир нь дэлхийн хаа сайгүй арьс өнгө өөр хүмүүс хамт байна. Хүн бүр ижил арьс өнгөтэй биш. Тиймээс хүмүүсээс байнга л ингэж асуудаг. Заримдаа, магадгүй тэдэнд адил тэгш юм уу, хүссэн шиг нь сайн хандаагүй байдаг биз. Тэгээд их бага хэмжээгээр дутуугийн мэдрэмжтэй байгаа. (Тийм, Багш аа.)
Тэгээд Авхай Хусси хэдий муу санаа агуулаагүй ч тэгж ойлгогдсон байх нь. Яагаад гэхээр зүрх сэтгэлд нь эмзэглэл байж л дээ. Иймээс хүмүүст ийм явдал таагүй санагдсан бол хойшид ийм яриа өрнүүлэхгүй байгаасай гэж найдаж байна. Өөр тийшээ яв. “Өршөөгөөрэй. Би уух юм аваад ирье.”, эсвэл “Би ариун цэврийн өрөө орох хэрэгтэй байна.”, “Тэнд байгаа найзтайгаа уулзаадахъя.” гэж болно. Хэн нэгнийг арьсны өнгөөр ялгаварлагч болгох хэрэггүй. (Тийм.) Тийм ч шударга биш, тийм биз? Шударга бус. (Тийм, Багш аа.)
Хэдий түүний буруу биш ч гэлээ Авхай Хусси уучлалт гуйсан нь тун сайн хэрэг гэж бодож байна. Түүний буруу байсан, эсвэл их муу зорилго агуулсан гэж бодохгүй байна. Тэр юу гэхээ, яриагаа яаж өрнүүлэхээ л мэдэхгүй байсан байх. (Тийм ээ, Багш аа.) Энэ асуудал дуусаж тэд өөрсдийн замаар явцгааж байгаад би баяртай байна. Ордон Авхай Хуссины нэр төрийг сэргээнэ гэж найдаж байна. Яагаад гэвэл тэр ямар ч буруу юм хийгээгүй. Тэр буруугүй гэж давтъя. (Тийм ээ.) Тэр энэ олон арван жилийн туршид Хааны гэр бүлд итгэлт, үнэнч хүн нь байсаар ирсэн. Түүний нэр төрийг сэргээх хэрэгтэй. (Тийм, Багш аа.)
“GB News-ийн мэдээ 2022.12.16 Майкл Коул (m): Ийнхүү уучлалт гуйсан нь Авхай Сюзаны үүрэг хариуцлага, ёс журамтай бүрэн нийцэж байна. Би түүнийг талийгаач Хатан Хааны галт тэргээр дэлхийг тойрон явснаасаа хойш хэдэн жилийн турш таньдаг байсны хувьд Авхай Сюзан цаг үргэлж эелдэг, сайхан, найрсаг байж, янз бүрийн нөхцөл байдалд янз бүр хүмүүст уриалагхан ханддаг байсныг мэднэ. Одоо тэр 83 настай, бэлэвсэн эхнэр. Эрхэмсэг Хатан Хаанд 63 жил хүндэт албан тушаал хашиж байсан гэдэг нь түүнд цалин өгөөгүй гэсэн үг. Тэгээд ч тэр охидын ахлагч байж ажлаа дэндүү сайн хийсэн.”
Би тэгж хүсэж байна. Тэд миний үгийг хумсын чинээ ч атугай сонсдог сон бол.
Өөр зүйл байна уу, хайр аа? (Байгаа, Багш аа. Их Британийн ерөнхий сайд Риши Сунак орон гэргүй хүнээс бизнес эрхэлдэг эсэхийг нь асуусан талаар мэдээ гарсан.)
“Guardian News-ийн мэдээ 2022.12.24 Риши Сунак (m): Та бизнес хийдэг үү? ”
(Ёстой хөгжилтэй.) Хөгжилтэй. Тийм ээ. Тэр яриа өдөх аргаа л мэдэхгүй байсан байх. Өмнө хэлсэн шиг. Муу санасан гэж бодохгүй байна. (Тийм ээ, Багш аа.) Тэр ядаж л түүнээс “Та хаанаас гаралтай вэ?” гэж асуусангүй. Борис Жонсон шиг олон нийттэй төрсөн өдрийн бялуу хуваагаад идчихээгүй гэж найдаж байна. Тэгсэн бол ажлаасаа халагдана.
Даанч энэ цагт хүн бүр л дуртай бүхнээ тэгж ч арьсны өнгөөр ялгаварлагч, тийм ч хачин гэж шүүмжилдэг. Тэд үүнийг бүр “шаналгасан” асуулт гэсэн. За алив л дээ, Бурхан минь. Тэр муу санаагүй шүү дээ. (Тийм ээ.) Яагаад гэвэл тэр орон гэргүйчүүдийн хоргодох газарт тэдэнд хоолоор үйлчлэн, тэдэнтэй хамт гэдгээ илэрхийлэхээр очсон. (Тийм, Багш аа.)
“On Demand News-ийн мэдээ 2022.12.23 Эмэгтэй: Риши та угаалга хийхээр үлдэх үү?
Риши Сунак: Би ч үүнд сайн шүү. Би хоол хийх, үйлчлэхээс үүнд илүү сайн байж мэдэх юм шүү. Анхны ажлуудынхаа нэгэнд энэтхэг ресторанд хүүхэд байхдаа хийдэг байсан зүйл. Зөндөө их хийсэн дээ.”
Тэгэхээр тэр тэдний төлөө ядаж л ямар нэг зүйл хийж байна. Асуулт яаж тавихаа мэдэхгүй байх юм бол тоолгүй өнгөрөө л дөө. Ерөнхий сайдын орон гэргүй хүнтэй ярилцсан үгсийг сонжиж суухаас илүү олон чухал хийх юм бидэнд байгаа шүү дээ. Мэдээж хэрэг орон гэргүй хүн тэнд байж байхдаа ямар нэг бизнес хийж чадахгүй. Тэр бол орон гэргүй хүн. Тэгсэн ч ерөнхий сайд түүнийг ичээе гэх мэт муу зорилго өвөртөлсөн гэж би бодохгүй байна. Үгүй. Хэл халтирсан төдий. Яриа төдий. (Тэгж санагдсан. Яг үнэн, Багш аа.) Магадгүй тэр урьд өмнө орон гэргүй хүмүүсийн байранд очиж байгаагүй байх. Мөн тэр бизнесмен байсан. Тэгээд л бизнесийн үг хэллэгээр яриа биз. (Яг тийм. Тийм, Багш аа.)
Яг л би веган бизнес хийж байгаа шиг. Тэгээд би гадуур гарч зоогийн газарт хүнтэй уулзвал “Та веган уу?” гэж асууж мэднэ. Махан хоолны ресторанд байсан ч “Та веган юм биш биз?” гэж асууж магадгүй. Хэн мэдэх вэ, би тэгж асууж магадгүй шүү дээ. Яагаад гэвэл зуршил болчихдог.
Дээр үед би Испанид байхдаа нэг пиццаны газар байж байлаа. Цэсийг нь хараад хараад би ямар ч тохирох зүйл олж чадсангүй. Талыг нь харж ч амжаагүй байсан байх. Тэгээд “Танай ресторанд ямар нэг веган хоол байгаа юу? Би веган хүн юм л даа.” гэхэд зөөгч надад уцаарлангуйгаар “Миний асуудал биш.” гэсэн. (Ээ.) Тэр тэгж л хэлсэн. Жуулчдын хэтэрхий олон асуултад залхсан байж ч магадгүй. (Тийм ээ, ойлгож байна.) Тэгээд бид ямартай ч тэр ресторанаас гарч явсан. Тэгээд би “За, яах вэ. Өөр ресторан олъё. Энэ газарт веган хоол байлаа ч тэр зөөгч биднийг бүрэн, гүйцэд, тайван идүүлнэ гэж би бодохгүй байна.” гэлээ.
Заримдаа ийм зүйл болдог гэдгийг хараа биз. Хүмүүс их өөр өөр. Хүмүүст уурлах, бүдүүлэг хандах, мэдрэмжгүй байх өөр өөр учирзүй, шалтгаан байдаг. (Тийм ээ, Багш аа.) Тэгэхээр бид өөрсдийгөө л хичээж явах хэрэгтэй. Ийм л байна. Аль чадахаараа өөрсдийгөө хичээж байя. (За, Багш аа.) Өөр зүйл байна уу? (Байхгүй, Багш аа. Болсон.)
Сайн мэдээ байна. Тэр нэг өдрийн сонин дээр эрхэмсэг ерөнхий сайд асан Борис Жонсоныг намаас нь хамгийн идэвхтэй ерөнхий сайд гэж тодорхойлсон гэдгийг уншсан. (Хөөх! Ашгүй дээ!) Хэдэн өдрийн өмнө уншсан ч та нарт хэлэх цаг зав надад байсангүй. Энийг уншаад би “Хөөх, эцэст нь ингэж нэг юм жаахан ч гэсэн ухаарч.” гэж бодсон. (Тийм байна.) Иймд би түүнийг нэр төр, үнэ хүндтэйгээр эргэн ирж, зүй ёсоор халуунаар угтуулах байх гэж найдаж байна. (Тэгж найдаж байна.) Эсвэл тэр Украин (Урейн)-д очоод тэндэх ерөнхий сайд болж болно. Тэд түүнийг урьсныг санаж байна уу? (Тийм ээ.) Түүнд очих газар, хийх ажил байхгүй юм биш. (Тийм ээ.)
За, яах вэ. Өөр зүйл байна уу, хайр аа? Байхгүй бол Зул сарын веган бялуугаа идэхээр яв даа. (Баярлалаа, Багш аа. Зул сарын мэнд хүргэе, Багш аа. Зул сарын мэнд хүргэе. Бас ярьсанд баярлалаа, Багш аа. Баярлалаа, Багш аа. Маш их баярлалаа, Багш аа. Баярлалаа.) За, за. Дараа ярья. Өөр зүйл байхгүй бол ирж буй онд нь та нартаа хамгийн сайн сайхныг хүсье. Та нар минь цаг үргэлж Бурханы хайрыг, бас миний хайрыг жаахан ч атугай мэдэрч байгаасай. (Тийм ээ, Багш аа. Баярлалаа, Багш аа. Маш их баярлалаа, Багш аа.) Чао, чао. (Чао, Багш аа.)
Хөтлөгч: Энэрэлт Их Багшийнхаа хязгааргүй их Хайранд, бидний амьдралыг үргэлж гийгүүлж, хамгийн гайхалтай утга учир, эрхэм ариун зорилгоор дүүргэж байдагт нь бид чин сэтгэлээсээ баярлан талархаж байна. Бид Бурханы үр сад болохынхувьд Диваажин бидэнд гэгээрэл, үүрдийн эрх чөлөө хайрладаг дотоодын Бурхан Чанартайгаа холбогдоход туслах болтугай. Шинэхэн, адислагдсан 2023 он Веган Дэлхий, Энхтайван Дэлхийн шинэ, цэвэр ариун эхлэл болох болтугай хэмээн залбиръя. Эрдэнэт Их Багш минь цаг ямагт Тэнгэрлэг Хамгаалагчдаар хүрээлэгдэж, энх тунх, аюулгүй, амар амгалан байх болтугай.
Төгс Гэгээрсэн Их Багш Чин Хай (веган) цааш нь хүмүүс хэрхэн гэгээрч, илүү баяр жаргалтай болох тухай айлдсаныг сонсохыг хүсвэл 2023 оны 1-р сарын 8-ны ням гарагт Багш шавийн шүтэлцээгээр уг конференцийг бүрэн эхээр нь үзээрэй.
Мөн дэлгэрүүлж, өмнөх холбогдох Багш шавийн шүтэлцээ хөтөлбөрүүдийг үзнэ үү:
Бид бусдыг уучилбал Бурхан биднийг өршөөнө
Авшиг хүртээхэд Их Багшийн Хүч шаардлагатай
Веган болон энхтайван бидэнд Диваажин хайрладаг, мах идэх ба дайтах нь бүхнийг сүйтгэдэг
Их Британи Амьтан-хүмүүсийг хамгаалж, мэдрэхүйт төрөлтөн гэж үзсэн хуулиа сахих ёстой
Дэлхий дахины төр засгууд Украины талд зогсох ёстой
Сатаны хэв шинжтэй засаглал ба Украин дахь дайны хурцадмал байдал
Гэх мэт...
