Диваажин руу хийсэн аялал – Дорнын Ариун Номин Ертөнц

Би өөрийгөө Дорнын Ариун Номин Ертөнцөөс ирсэн гэдгийг санадаг. Би үүнийг хүүхэд байхдаа санаагүй. Тэгсэн ч би Даог эрэлхийлэх оюун санааны насан туршийн аян замдаа үүнийг ухаарсан.

Бясалгал хийж байхад сүнс маань нэр хүндтэй, сүр жавхлантай, Дорнын Ариун Номин Ертөнцөд очсон бөгөөд энэ ертөнц Авид Бурханы Өрнөд Диваажин буюу “Үлэмж Баясгалант Ариун Орон”-той тун төстэй. Өрнөд Диваажин (Үлэмж Баясгалант Ариун Орон) тэр аяараа алтаар хийгдсэн бол Дорнод Ариун Номин Ертөнц очир эрдэнээс бүтжээ. Ойртоод ажиглатал гэрэлт очир эрдэнэс нь зөөлөн мэт бөгөөд аядуухнаар амьд мэт амьсгалж байх аж. Сунадаг бөгөөд Дэлхий дээрх очир эрдэнэс шиг хатуу биш. Барилгууд нь тунгалаг, өнгөлөг, зөөлөн очир эрдэнэсээр хийгдсэн бөгөөд мөн номин, алт, эрдэнийн чулуунууд ч оржээ. Долоон эрдэнийн долоон өнгө асар сүр жавхлантай гэрэлтэж, цэвэр тунгалаг оршсон байх аж. Дорнын Ариун Номин Ертөнцийн лянхуа цэцэгс хүртэл бүгд мөн тунгалаг номин бөгөөд ихэнх нь цагаан, цэвэр цэнхэр өнгөтэй. Тэндэх оршин суугчид тэрхүү гэрэлт, үзэсгэлэнт бадамлянхуа цэцэгсийг хэсдэг.

Мөн Анагаахын Буддагийн Ариун Номин Ертөнцөд би ер бусын усан сан байхыг харсан бөгөөд энэ бол “Гайхамшигт есөн хувирлын усан сан” байв. Тэнгэрийн цэнхэр өнгөтэй энэхүү усан сан яг л нуур шиг ба Өрнөд Диваажин (Үлэмж Баясгалант Ариун Орон)-гийн “Найман буяны ус”-тай төстэй үүрэгтэй . Анагаахын Буддагийн Орных болоод ч тэр үү, тэрхүү ус нь ер бусын анагаах увдистай аж. Яс нь гэмтсэн хүн энэ усанд орох юм бол дахин бүхэн болно. Энэ ус бас дотор эрхтнүүдийн өвчинд болон оюун санааны бясалгалд тус нөлөө үзүүлдэг.

Дорнын Ариун Номин Ертөнцөд эрэмбэлэх тогтолцоо нь Өрнөд Диваажингийнхтай адилхан юм. Дээд, дунд, доод гэсэн түвшнүүдтэй. Анагаахын Будда болон Номин Гэрлийн Хаанд 12 их тангараг өргөдөг. Амьд яваа насандаа Анагаахын Буддад болон Номин Гэрлийн Хааны итгэж, Анагаахын Буддагийн нэрийг унших аваас өөд болсныхоо дараа тэр түвшинд хүрдэг. Доод түвшинд юм уу, дунд түвшинд төрөх аваас тухайн хүний буяны хэмжээнээс хамаараад үргэлжлүүлэн бясалгаж өндөр түвшнүүдэд хүрнэ. Дорнын Ариун Номин Ертөнцийн “доод түвшин”, “дээд түвшин”-ий ялгаа гэвэл Өрнөд Диваажингийн Хоёрдугаар Ертөнц болон Тавдугаар Ертөнц хоёрын хоорондох түвшнүүдийн нэгэн адил юм; маш шаргуу хичээж байж сайжрах ёстой уудам зай бий. Тэндэх оршихуй зовохгүй гэдэг нь баттай бөгөөд тэд “зовох” гэж юу болохыг дуулж ч байгаагүй юм.

Өрнөд Диваажингийн нэгэн адил өөр өөр Будда, Бодисадва нар Дорнын Ариун Номин Ертөнцөд байнга очиж, тэндэх оршихуй нарт ном тайлж байв. Будда, Бодисадва ирэхээс өмнө тэнгэрийн дагинас, буянт охид, хүүхдүүдийн хамт цэцэг цацаж, эргэн тойронд Диваажингийн сайхан уянгалаг хөгжим эгшиглэх ажээ. Үүний дараа Будда, Бодисадва дээрээс аажуухан заларч, мянган дэлбээтэй бадамлянхуа дээр завилан суугаад нэг гараа өргөж хэлбэлзэлт энергиэр ном айлдаж эхэлнэ. Тэдний бие маш хүчтэй таван өнгийн Гэрлээр сонсож буй оршихуйд руу цацарна. Тэр хэлбэлзлийг хүлээн авмагцаа Будда, Бодисадвагийн сургасныг даруй ойлгож, зүрх сэтгэлдээ итгэл дүүрэн талархаж буйг мэдэрсэн! Тэд сургаалыг сайтар ойлгох үед тэргүүнээс нь Будда, Бодисадватай ижил өнгөтэй Гэрэл цацарч, хэлбэлзлийнх нь давтамж мөн адил болдог. Дорнын Ариун Номин Ертөнцийн төрөлтнүүд ийнхүү ном тайлахыг хүндэтгэлтэйеэ хүсэмжлэн хүлээдэг. Будда бүрийн, Бодисадва бүрийн ном тайлж буй байр байдал үргэлж гайхан биширч сэтгэл хөдлөм байдаг. Тэд ном тайлж дуусах болгондоо тэнгэрлэг хөгжмөөр Будда, Бодисадваг үдэж, номин цэцэгсийн бялхам анхилуун үнэрт Диваажингийн үзэсгэлэнт бороо орохыг харна. Энэ нь яг л Диваажингийн нэгэн том концерт мэт ажээ.

Бид Шагжамуни Буддагийн 2,600 жилийн өмнө түмэн олонд Дорнын Ариун Номин Ертөнц болон Өрнөд Диваажин (Үлэмж Баясгалант Орон)-гийн талаар айлдаж байсанд талархаж байна. Тийнхүү эгэл ертөнцийн төрөлтнүүдэд Диваажин болон сүнснүүдийг гэтэлгэх бясалгалын энгийн аргын талаар зарим ойлголтууд үлджээ. Хэдийгээр Ертөнцөд маш олон Диваажингууд байдаг ч бид Төгс Гэгээрсэн Их Багш Чин Хайн хамт ер бусын дээд түвшний Диваажингуудад, гялбам алтлаг Гэрэл, зүйрлэшгүй Сүр Жавхлант, үгээр дүрслэх аргагүй ахуй ойлголтуудыг үздэг билээ!

Энэ Ертөнцийн амьдралаас гэтлэх хүсэлтэй, зовлонт төрлүүдээс ангижрах хүсэлтэй хүмүүс Төгс Гэгээрсэн Их Багш Чин Хайн “Веган байж, сайн үйл хийж, хичээнгүйлэн бясалга” гэсэн сургаалыг хүндэтгэн санах учиртай. Тэгвээс нигүүлсэнгүй уул чанартайгаа эргэн холбогдоод зогсохгүй энэ насандаа сүнснийхээ эрхэм ариун ирээдүйн их зам мөрийг засах боломжтой!

Веган: Диваажинд уулзъя.

Веган: бие нь Дэлхийд, сүнс нь Диваажинд.

Их Багшийн шавь бүр ижил болон өөр, ба/эсвэл илүү их дотоодын сүнслэг ахуй ойлголт, гадаад ертөнцийн адислалтай байдаг Эдгээр нь ердөө цөөн жишээ юм. Бид ихэвчлэн Их Багшийнхаа зааварчилгаагаар энэ бүхнээ дотроо хадгалж явдаг билээ.

Илүү олон гэрчлэлүүдийг үнэгүй татаж авахыг хүсвэл дараах хаягт зочилно уу SupremeMasterTV.com/to-heaven