Дэлгэрэнгүй
Татаж авах Docx
Дэлгэрэнгүй уншаарай
Одоо бид Ау Лак буюу Вьетнамаас Хань Ногийн илгээсэн сэтгэгдлийг хүргэе:Эрхэм Хайрт Их Багш аа, Би Их Багш болон бусад авшигтнуудтай хуваалцахыг хүссэн нэг ахуй ойлголт үзсэн юм. Ахуй ойлголтод Их Багш намайг олон тэрбум жилийн өмнөх энэ үзэсгэлэнт дэлхийг Бурхан дөнгөж бүтээсэн үе дэх манай дэлхийн гайхамшигт өнгөрсөн үе рүү буцааж аваачив. Ахуй ойлголтдоо ойд төөрсөн юм. Миний баруун талд бүх төрлийн ургамал, амьтад, тэр дундаа дэлхий дээр эрт үед устаж үгүй болсон эсвэл зөвхөн домогт гардаг амьтан-хүмүүс бүгд энд гарч ирэхийг харав. Үлэг гүрвэл-, аварга могой-, бар-, ирвэс-хүмүүс... мөн нэрийг нь би мэдэхгүй бусад олон аварга амьтан- хүмүүс байв.Энэ газарт ургамлаас эхлээд амьтад, газар хүртэлх бүх зүйл зөөлөн, гэгээн цэнхэр өнгийн Гэрэл цацруулж байв. Энэ цэнхэр Гэрэл нь жинхэнэ үлгэрийн оронд байдаг шиг тунгалаг бөгөөд үнэхээр ид шидийн байсан бөгөөд би эндэх орон зайг нэвт харж байв. Түүгээр ч барахгүй энэ нутгийн төрөлтнүүд өөр өөр төрөл зүйлд харьяалагддаг ч эв найртайгаар хамтдаа амьдарч байсан. Би тэднээс хайрын, амар амгалан уур амьсгалыг тодоос тод мэдэрч байлаа.Харин би зүүн тал руугаа харахад огт эсрэгээрээ байв. Амьтан-хүмүүсийг хөнөөсөн ул мөртэй нутаг байв. Тэгээд хөрс нь үржил шимгүй, бор өнгөтэй болж, бүх зүйл угийн үзэсгэлэнтэй цэнхэр өнгөтэй Гэрлээ алджээ. Моднууд шар навчистай болж, би тэгээд үүнээс хойш хүн төрөлхтөнд “Төрөх, өтлөх, өвдөх, үхэх” гэж бий болсныг ойлгосон. Тийм ээ, энэ газар бол яг одоо бидний амьдарч буй Дэлхий юм. Манай дэлхий урьд өмнө нь Диваажин, үлгэрийн орон- зөвхөн нөхцөл болзолгүй хайр, амар амгалан, ид шидийн Гэрлээр дүүрэн газар байсныг тодорхой мэдүүлсэн Их Багшдаа баярлалаа. Дайн, үхэл, зовлон зүдгүүргүй нутаг байв...Одоо би бор хөрстэй замаар явахад моднууд ч мөн адил төрөх, үхэхийн мөчлөгтэй, навчис нь шарладаг, амьтан андууд дарлуулж, нядлагдахад зовж, хүн төрөлхтөн ч гэсэн их зовж байгааг харсан. Дараа нь би эх дэлхийнхээ өнгөрсөн цагийн сайхан төрх- анх Бурханы бидэнд зориулж бүтээсэн үзэсгэлэнт дэлхийг дурсав. Би Их Багшдаа Таны эрхэм үйлсийн төлөө маш их талархаж байна. Та бидэнд бидний Ариун Оршихуйг таниулж, өнгөрсөн үед бид ямар их аз жаргалтай, сүрлэг байсныг мэдрүүллээ. Хань Ног Ау Лак (Вьетнам)-аасЭелдэг Хань Ног, манай дэлхий нэгэн цагт диваажин байсныг мэдэх нь үнэхээр сайхан мэдрэмж юм.Их Багш мэргэн ухаанаа хуваалцжээ: “Итгэл дүүрэн Хань Ног, Бурхан бидэнд үргэлж хэрэгтэй бүхнийг хайрлаж ирсэн. Бидэнд өгсөн зүйлийг хэрхэн нандигнахаа мэдэхгүй байгаа нь харамсалтай. Цаг хугацаа явсаар байна, бид Веган Хуулийг батлахын тулд хурдан ажиллах ёстой. Диваажингийн орнуудын гэгээн Гэрэл тан дээр болон Ау Лак (Вьетнам)-ын үнэнч ард түмэнд үүрд тусах болтугай.”
