Дэлгэрэнгүй
Татаж авах Docx
Дэлгэрэнгүй уншаарай
2024 оны 6-р сарын 21-ны баасан гарагт манай гарагийн хамаг төрөлтөнд туслахаар хийж буй дияан бясалгалынхаа үеэр бидний Хамгаас Эрхэм Нандин Төгс Гэгээрсэн Их Багш Чин Хай (веган) хүний биеийн гайхамшигт чадварууд, тэр дундаа тодорхой байрлалуудаар бид дотоод үнэт мэдээлэлдээ хэрхэн нэвтэрч болох талаар айлдлаа. Тэрээр мөн Үйлийн үрийн Хаан саяхан Түүнд сөрөг хүчнээс үүдэлтэй амь насанд заналхийлсэн нөхцөл байдалтай тулгараад буйг мэдэгдэн, хэрхэн даван туулах тухай зөвлөснийг илчлэн хэлсэн юм.Та бүхний өдөр бүр харж, мэдэрч, хүрч, үнэлж сайшаадаг […] Хүний биеийг олж төрөх нь саяд нэг удаа тохиох боломж хэмээн Будда айлдсан байдаг. […] Энэ биеийнхээ тусламжтайгаар та нар гайхамшгийг бүтээж чадна. […] Хэчнээн олон гайхамшгийг танд өгдөг болохыг дээд түвшинд хүрч гэгээрсэн хүн биш л бол олж мэдэх боломжгүй. […] Танд амьд сэрүүн Их Багш заавал хэрэгтэй. Тэгж байж та гэтлэн гэгээрэх амьд Хүч, мөнхийн амар амгалан, аз жаргал, адис ерөөлийн дамжлагыг авч чадна. […] Мөн санаанд тань багтах ямар ч хүчийг төгс гэгээрэлд хүрснийхээ дараа олж авах болно. […]Дөрөв хоногийн дотор надад гурван сонголт байгаа гэдгийг та нарт хэлмээр байснаа саналаа. […] Гурав дахь нь сайн, азтай сонголт. Би амьд мэнд байн, та нартай хамт байж, Диваажингаас ирсэн сургаалыг та нарт айлдана. […] Юмыг яаж мэдэх вэ […] маш их хайртай гэдгийг минь санаж яваарай. Энд ч, Диваажинд ч байсан би та нарт ямагт хайртай байх болно. […] Би та нартай үргэлж хамт байна. […]Хэрэв бүх зүйл сайн байвал өнөөдрөөс долоо хоног орчмын дараа надаас сураг сонсох болно. Хэрэв тийм биш бол өөрсдийгөө харж хандаарай. Бурханыг санаарай. Бүх Будда, Бодисадва нарыг, Их Багш нарыг санаарай. Залбираарай, за юу? […]Будда нэгэн удаа өөрийн хамгийн үнэнч туслах, хувраг Анандад Тэрээр хэрэв хүссэн бол биет ертөнцөд үүрд үлдэж чадах супер хүчийг олж авсан гэж хэлж байсныг сана даа. Тэр Анандагаас асуужээ. Ананда анх удаа нойрмог маягтай, сонсолгүй сууж, хариу юу ч өгүүлсэнгүй. Хоёр дахь удаагаа Ананда мөн л сонсолгүй, хариу хэлэлгүй, ямар ч хариу үйлдэл үзүүлсэнгүй. Гурав дахь удаагаа Буддаг дахин асуухад Ананда мөн л юу ч хэлсэнгүй. Хэрэв Тэрээр “Ай, Орчлонгийн Дээд Хүндтэн Та минь бидэнтэй үүрд үлдэж хайрла. Учир нь Та бидэнд хэрэгтэй. Зовлонт хорвоогийн хамаг амьтан бидэнд Та маш их хэрэгтэй.” гэж хэлсэн сэн бол. Даанч Ананда юу ч хэлсэнгүй. Түүний дараа Маяагийн Хаан Будда дээр ирээд “За, гурван сарын дотор Та дэлхийг орхих хэрэгтэй. Учир нь Та хэнд ч хэрэггүй.” гэжээ. Хэрэв хариулахгүй бол, Будда болон аливаа Их Багш юуг ч гурваас дээш удаа асууж болдоггүй. Будда иймээс л биднээс одсон юм. Энэ бол зүрх сэтгэлд минь байдаг хамгийн том харамсал. […]Бурханы Дүрээр бүтээгдсэн хүмүүний төрлийн гүн утга учир, унасан сахиусан тэнгэрүүдээс манай гарагийн сүнснүүдэд тавьсан урхи занга, биеийн байрлалуудын хүч чадлын олон талуудын талаар 2024 оны 6-р сарын 28-ны баасан гарагт Багш шавийн шүтэлцээгээр бүрэн эхээр нь хүлээн авч үзээрэй.
