Мэргэн ухааны үүдийг нээхүй, 12-ын 1-р хэсэг

Төгс Гэгээрсэн Их Багш Чин Хай Аулак (Вьетнам) улсад төрж, Европт боловсрол эзэмшсэн. Үүний дараа Тэрээр Олон Улсын Улаан Загалмайн Нийгэмлэгт ажилладаг байсан. Тэрээр энд ажиллах хугацаандаа хэзээ ч бүрэн арилгах, устгах боломжгүй олон зуун хүний зовлон, зүдгүүртэй тулгарсан билээ. Хүн төрөлхтөнд туслах хамгийн дээд арга зам бол Үнэнийг олж, Үнэнийг ойлгож, Үнэнд хүрэх юм гэдгийг Судраас уншсан. Тиймээс Тэрээр Үнэнийг эрэн хайж, олон улс орноор явсан билээ. Эцэст Тэрээр Хималай нуруунд Арьяабалын аргаар бясалгаснаар Гэгээрэлд хүрсэн юм. Үүний дараа Тэрээр газар газраар бясалган явдаг байв.

Нэгэн удаа Түүнийг Тайвань (Формоса)-д бясалгаж байхад нь хэсэг хүн бороон дунд ирж, Их Багшийг олж, Түүнээс тэдэнд авшиг өгөхийг хүссэн билээ. Тэр тэдэнд авшиг өгч чадахгүй гэж хэлсэн. Арьяабалын Бодьсадва тэдний зүүдэнд тэдэнд авшиг өгөх хэн нэгэн байгаа тухай хэлж, үүнийг эш татан, Их Багшаас авшиг өгөхийг тэд гуйсан байна. Тэгээд Их Багш ийн айлджээ: “Хэрэв та нар надаас авшиг хүртэхийг хүсэж байгаа бол зургаан сарын турш веган хоолны дэглэмийг дагаж, ёс суртахууны сахилуудыг баримтлах ёстой.” гэж хэлсэн. Тэд үнэхээр шийдэмгий байсан бөгөөд Их Багшийн хүсэлтийг зургаан сарын турш мөрдөж, Их Багштай дахин уулзахаар ирсэн. Их Багш ийнхүү тэр өдөр анх удаа авшиг хүртээсэн билээ.

Их Багшийн сургаалыг дагасны ач тусыг мэдэрсэн тэд Их Багшаас Үнэнийг чимээгүй, далд байлгахгүй байхыг хүссэн. Арьяабалын Аргыг олон хүнд хүртэхийн тулд зааж өгөх шаардлагатай. Тэрээр илтгэл тавьж, улс орнуудаар явж, хүсэлт тавьсан орон бүрд илтгэл тавьж, бусдыг удирдан, чиглүүлэх болсон. Өнөөг хүртэл Тэрээр зуу гаруй орноор явж, зуун мянгаас илүү шавьтай болсон байна.

Их Багш Дээдийн Ном, сургаалуудаа айлдахын зэрэгцээ сүнслэг сургаалын тухай асуултад хариулахаас гадна үер, ган, галт уулын дэлбэрэлт, зуд, газар хөдлөлт гэх мэт гамшиг тохиолдсон газар бүрд зовлон бэрхшээлийг арилгахын тулд материаллаг тусламж илгээдэг билээ. Их Багшийн үйл хэрэг олон улс оронд танигдсан юм. АНУ-д Их Багш Дэлхийн Энх Тайвны Шагнал, Оюунлаг Манлайллын Шагнал, Дэлхийн Хүмүүнлэг Манлайллын Шагналыг хүртэж, Нэгдсэн Улсын хүндэт иргэнээр өргөмжлөгдсөн билээ. Мөн тэд Их Багшийн хүрэл хөшөөг олон нийтийн газарт босгож, жил бүрийн арав дугаар сарын 25-ны өдрийг “Төгс Гэгээрсэн Их Багш Чин Хайн Өдөр” болгон зарласан юм.