Дэлгэрэнгүй
Татаж авах Docx
Дэлгэрэнгүй уншаарай
6-р Бүлэг Авшиг хүртэх Шавилахуй “Шавь нар цаг үргэлжид Бурханыг санаж байх ёстой ба Бурхан хаа сайгүй байх болно. Бид орчныхоо хүмүүсийг харж, тэдний тухай бодож, идэх хоол, унших номоо хуваалцах замаар тэдний үйлийн үрээс авч байдаг. Бид ингэж хүмүүсийг адислан үйлийн үрийг нь багасгаж байдаг. Бид бясалгаж хийж, Гэрлийг түгээж, харанхуйг үлдэн хөөдгийн учир энэ юм. Бидэнд үйлийн үрээсээ өгч буй хүмүүс бол азтай адислагдсан улс, бид ч тэдэнд туслахдаа баяртай байдаг. Бид зөвхөн өөрсдийнхөө төлөө бус бидэнтэй таарсан хэний ч төлөө бясалгаж байдаг. Тийм учраас бидний дэвшил удаан байдаг. Эс бөгөөс, бид тэр даруйдаа Диваажинд очих байсан ба тэгвэл хэн энэ дэлхийг адислах юм бэ? Тиймээс, бид өр төлөөсөө төлж, дэлхийг адислахын тулд энд байх ёстой. Тэгээд ч бид бүгдээрээ өөр хоорондоо холбоотой. Зам харгуй, нисэх онгоц болон орон байшинг маань барьж буй бүх хүмүүс биднээс адис хүртэж байдаг. Цалингаас тань аяндаа суутгагддаг нийгмийн даатгал болон бусад даатгалын татвартай л адилхан юм. Үүнээс зайлсхийх боломж байхгүй! Та өөрөөр бас ингэж бодож болно. Хэрэв та тав тухтай амьдралын хэв маягтай байхыг хүсвэл, та нийгмийн зүгээс бий болгож буй шинэ нээлтүүд болон үйлчилгээг худалдан авахад маш их мөнгө зарцуулах ёстой болдог. Тиймээс бид бясалгахад, хүмүүс аяндаа үр дүн, буяны нэг хэсгийг авах эрхтэй болдог. Чухам ингэж байж л, тав зургаан үеийнхэн тань гэтэлж чаддаг ба гэр бүл болон найз нөхөд тань нас нөхчих үедээ адислал хүртдэг. Эдгээр хүмүүс тантай холбогдсон байдаг. Учир нь тэд танд тусалдаг. Учир нь та тэднийг хайрладаг ба тэд таныг хайрладаг. Шавь нар маань гадаад улс оронд санаандгүй тааралдах үедээ, хаа нэгтээ юм уу гудамжинд өөр шавь нартай учрах үедээ бие биеэ ахан дүүс гэдгээ мэдэрдэг бөгөөд энэ хүнд итгэж болно гэдгийг мэдэж байдаг. Тэд энэ хүн өөрт нь тусална, өөрийг нь хайрлана, үгүй ядахдаа л хорлохгүй гэдгийг мэддэг. Тиймээс, хэрэв дэлхий бүхэлдээ ийм болчихвол, юу болно гэж та бодож байна? Мэдээж бидэнд алдаа байна, хувийн зан чанар байна, гэхдээ бид бие биедээ итгэж болно гэдгийг мэддэг, бид бидэнд хайр байдаг гэдгийг мэддэг. Бид хайр өгч чадна гэдгээ мэддэг. Бид өөртөө байгаагаа өгдөг гэдгээ мэддэг. Үүн дээр бид нэг нэгэндээ итгэлтэй байдаг. Хэрэв бид ийм дэлхийг бүтээвэл, бид Диваажинд очих хэрэггүй, бид яг эндээ үлдэцгээх болно. Иймд бид Нирваанаар эхлээд Дэлхий дээр үлдэнэ гэсэн үг. Болох л зүйл. Бид жинхэнэ мөн чанараа, дотоодын гэрэл гэгээгээ, доторх агуу сүр жавхлангаа олж үзсэн ба бид бусдад ярьж байхад, билиг ухаан биднээс ундран гарах ба өөрийгөө илүү мэдлэгтэй болж, үнэхээр гэгээрэлд ойрхон байгааг мэдэрдэг. Гэхдээ л, сэрэмжтэй байхгүй бол, бид агуу сүр жавхлангаа мартагнаж, билиг ухаанаа ашиглахгүй байж, хуучин дадал зуршилдаа буцаж унасан мэт санагдах үе гарна. Тиймээс ч, чухам бид өөрөө өөрийнхөө Багш гэдгээ санаж байх, зам мөрөөсөө хэдийд гарчхав гэдгээ үргэлж хянаж, шалгаж байхын тулд сахил санваар болон оюун санааны өдрийн тэмдэглэл байдаг. Та өөрийгөө хэр агуу их болгож чадах тэр хэмжээгээрээ та агуу их юм. Бусдын тусыг бүтээх болон өөрийн хөгжил дэвшлийн төлөө агуу их чанараа хэдий чинээ их ашиглана, та төдий чинээ агуу их байдаг. Харин та Бурханыг олж үзэхгүй, өөрийн Бурхан чанараа ухаарч мэдэхгүй, өөрийн Бурханы Хаант улсаа мэдэхгүй байвал, намайг битгий буруутгаарай. Буруутгах хүн нь та өөрөө шүү. Өөрийн агуу чанараа ухаарч мэдэхийн тулд найдах ёстой тэр хүн бол та өөрөө юм. Би гагцхүү зам мөрийг л зааж өгдөг. Би хэчнээн агуу байх хамаагүй. Хэрэв та өөрийн агуу чанараа нээж, түүнийг ашиглахыг хичээхгүй юм бол, үүнээс ямар ч ач тусыг олохгүй. Ойлгов уу? Угтаа, бид хэн ч байсан, юутай ч байсан, хэзээд сэтгэл хангалуун байхын тулд, мөн сэтгэл зүрхээ нээж чадаад юунд ч хүлээцтэй тэвчээртэй хандаж байхын тулд, цаашлаад хамаг амьтдаас зөвхөн Бурхан чанарыг мэдрэн хэнийг ч дорд үзэхгүйн тулд, бид амар амарлингуйг олох гэж нөр их хичээнгүйлэн бясалгадаг. Арьяабалын номын цогцыг бясалгагч хүн энэ ертөнцийг орхисны дараа өөрөө хүн төрөлхтний зовлон зүдгүүрийг хөнгөлөх гэж Будда болж эргэн ирэхийг хүсэхгүй л юм бол, энэ ертөнцөд эргэж төрөх албагүй. Учир нь Арьяабалын номын цогцыг бясалгагч хүнд очиж болох хавьгүй илүү гайхамшигт, онцгой сайхан ертөнц олон байдаг. Түүнд зовлонгоор дүүрэн энэ ертөнц хэрэггүй. Тэрбээр Арьяабалын номын цогцыг бясалгасны дараа, түүний билиг ухаан, түүний хэлбэлзэл нь гэгээнтнүүдийн хэмжээнд хүрч, түүнийг Бурханы Хаант улсын сүр жавхланд амьдрах шалгуурт багтаадаг.” […] Таван Сахил Одоогийн байдлаар бидний билгийн мэлмий нь бидний өөрсдийн мунхаглал болон өмнөх бузар муу үйлдлийн үйлээс үүдэлтэй саад тотгороор дүүрэн байна. Энэ барцдыг арилгахын тулд бидэнд мэддэг хүний гар хэрэгтэй. Бидэнд, бүгдийн маань дотор оршиж байдаг Бурханы агуу их хүч хэрэгтэй бөгөөд “цоргыг” нь нээнгүүт л тэр нь гадагшаа ундран гарч ирнэ. Энэ нь дүүрэн устай боловч, цорго нь эвдэрсэн том савтай адилхан юм. Тиймээс, хэрэв та хүсэж байвал, би энэ цоргыг ямар ч үнэ хөлс гэхгүй, таны зүгээс өөрийгөө ариусган, буянт амьдралаар амьдарч, буянт хоол идэхээс өөр ямар ч нөхцөл болзолгүйгээр засаж өгч болно. Өнөөдрөөс эхлэн дахиж мах амсахгүй, амьтны амь хөнөөхгүй, худал хэлж, хулгай хийхгүй гэх мэт андгай өгөх ёстой. Энэ нь “Амьтныг бүү хөнөө, бүү худал хэл, садар самуун бүү яв, бүү хулгай хий, согтууруулах ундаа бүү уу, мөрийтэй бүү тогло, мансууруулах бодис бүү хэрэглэ” гэж өгүүлсэн Библид байдаг арван сахил, жирийн Буддын шашинтны таван сахилтай адилхан юм”. “Гэрт тань хүргэж өгөхөөр Би ирлээ” номыг дараах хуудаснаас татаж авч болох ба SMCHBooks.com энэ ном нь араб, аулак (вьетнам), болгар, хятад, чех, англи, франц, герман, грек, унгар, индонез, итали, солонгос, перс, польш, румын, орос, испани болон турк гэх мэт хэлээр нийтлэгдсэн.
