Дэлгэрэнгүй
Татаж авах Docx
Дэлгэрэнгүй уншаарай
Давтан унших нь зөвхөн аман-уншлага биш, харин таны бүх оршихуйн хэсэг юм. Раманамаг зүрхээрээ хүлээн авах нь тэнцэшгүй Хүчнээс тусламж авах гэсэн утгатай гэж би хэлсэн. Үүнтэй харицуулахад атомын бөмбөг юу ч биш. Энэ хүч бүх өвдөлт зовлонг арилгах хүчтэй. Раманама нь бүх хүчийг агуулж байдаг гэдэгт эргэлзэх зүйл огтхон ч байхгүй. Раманамаг зүрхэндээ шүтэхийг хүссэн төдийхнөөр хэн ч олж авч чадахгүй. Цуцашгүй хичээл зүтгэл болон тэвчээр шаардлагатай.“Би хэн бэ? Бурханы надад өгсөн зүйлийг хадгалах хүч тэнхээ надад байхгүй. Ард түмнээ цэвэр ариун шударга журмыг сахихыг тушаах эрх мэдэл надад байхгүй. Хэрэв Тэр үл-хүчирхийллийг түгээхийн тулд намайг цэвэр ариун багаж болгон ашиглавал, Тэр надад хүч өгөх ба замыг харуулах болно. Миний хамгийн агуу зэвсэг бол чимээгүй залбирал юм. Тиймээс энх тайвны үр шалтгаан бол Бурханы сайн гарт байдаг. Түүний мөнхийн өөрчлөгдөшгүй Хуулиар илэрхийлэгдэх Түүний таалалгүйгээр юу ч болохгүй, Хууль бол Тэр юм.Би Бурханыг цор ганц замчлагчаа болгон хамт явах ёстой. Тиймээс хүн гар хоосон, сул дорой, огоорогч сэтгэлээр Бурханы өмнө гарах ёстой ба, Тэр таныг бүх дэлхийн өмнө зогсохыг зөвшөөрч, бүх аюулаас таныг хамгаалдаг. Би хагас зуу гаруй жилийн турш энэхүү хамгаас шударга Их Багшид сайн дураараа боол байсаар ирсэн. Он жилүүд урсан өнгөрөх тусам Түүний дуу хоолой илүү чанга сонсогдох болсон. Тэр миний харанхуй он жилүүдэд хэзээ ч намайг орхиж байгаагүй. Тэр ихэвчлэн намайг өөрөөс минь хамгаалсан, биеэ даах ганц ч дохио тэмдэг надад үлдээгээгүй. Түүнд илүү ихээр бүхнээ даатгах тусам баяр хөөр минь улам их байдагБид, хүн бүр ганцаараа зогсож сурах ёстой. Зөвхөн Бурхан л бидний унашгүй бат, мөнхийн замчлал билээ. Бурхан өөрсдийгөө хэн нэгэн гэж боддог хүмүүст бус, харин хүчин мөхөс нэгэнд тусалдаг. Далд итгэлээр Түүнд итгэдэг хүмүүс гараа хүргэж ч чадахгүй. Дотооддоо “би”-үзэл агуулсан хэн ч Бурхантай нүүр нүүрээ уулзаж байгаагүй. Тэр хэрэв Бурханыг харсан бол тэр нэг нууц үг болох ёстой.Энэ нь Хэдий эд баялагтай байсан ч хаявал зохино, эхнэр хүүхдээ хаалгаар гаргаж явуулах хэрэгтэй гэсэн санаа биш гэж үү. Энгийнээр бол хүн эдгээр зүйлст хүлэгдэх хүлээснээс ангижрах ёстой ба байгаа бүхнээ Бурханд зориулж, Түүний бэлгүүдийг зөвхөн Түүнд үйлчлэхэд ашиглахтун гэсэн санаа билээ. Энэ нь мөн хэрэв бид Түүний нэрийг бүх оршихуйгаараа хүээн авбал, бид автоматаар бүх дур тачаал, үнэн бус бүхэн, мөн жудаггүй муу хүсэл таашаалуудаас хагацдаг.Бид үүрд Түүний магтаалыг дуулж, Түүний тааллыг биелүүлэх ёстой. Түүний лимбийн ая эгшигт бүжиглэцгээе, бүх зүйл сайхан болох болно.
