Олон сайн удирдагчид бас алуулж байсан. (Тийм, Багш аа.) Учир нь энэ дэлхий муу төрөлтнүүдийнх. Маяагийнх. Бүх судрууд бидэнд ингэж хэлдэг. Тийм учраас Их Багш бууж ирээд, бидэнд, “Гуйж байна, намайг дагаад Гэртээ харь. Гэр рүүгээ яв. Буцаад Диваажин руу яваарай. Энэ та нарын Дэлхий биш. Энд байгаа бүхэн тань та нарт мөнхийн аз жаргал өгөхгүй, энэ бүхэн хуурамч.” гэж хэлдэг.
Өөр асуулт байна уу? (Тийм.) Би хангалттай хариулав уу? (Тийм, Багш аа, баярлалаа.) Хэрвээ ойлгомжгүй байвал, эсвэл нэмж санаа гарвал асууж болно шүү. Асуугаарай. За дараагийн асуултаа.
(За, Багш аа. Тавин жилийн өмнө Их Багш Парамаханса Иогананда Ерөнхийлөгч Абрахам Линколныг урьд төрөлдөө Гималайн Йогч байсан ба өөд болохдоо тэрээр хүмүүсийг нэгтгэж, арьс өнгөний эрх тэгш байдлыг авчрахыг хүссэн гэж хэлсэн.) Тийм. (“Тэр Бурханд үйлчилж байсан. ‘Хүмүүсийнх, хүмүүсээр, хүмүүсийн төлөө’ байх ёстой гэж Абрахам Линколн хэлэхдээ засгийн газрын хамгийн дээд үзэл санааг илэрхийлсэн. Тэр үнэхээр гүн сүнслэг хүн байсан. Гэсэн ч тэр зарим хүний мунхаг байдлаас болж зовсон.” гэж Их Багш Иогананда хэлсэн. Энэ түүх Ерөнхийлөгч Трамп дээр давтагдаж байх шиг: тэр бас үнэхээр сүнслэг мэт санагддаг ба үүний өмнөх конференцоор бид түүний Бурхантай хийсэн гэрээний талаар ярилцсан. Багш аа, АНУ яаж ийм сайн, сүнслэг удирдагч нартай байсан юм бэ?)
Яагаад болохгүй гэж? Яагаад болохгүй гэж? Сүнслэг удирдагчгүй байхыг илүүд үзээ юу? (Үгүй ээ, сүнслэг байсан нь дээр.) Төрлөөс төрөлд олон улс орон сүнслэг удирдагчид, засгийн газрын тэргүүнүүд, улсын тэргүүнүүдтэй байж ирсэн. Та нар Эртний Зөгнөл нэвтрүүлгийн жагсаалтыг харсан. Жишээ нь, Аулак (Вьетнамын) хаан байна, Солонгосын хаан байна... Олон бий. (За, Багш аа.) Их Багш, сүнслэг хүмүүс юуг сонгох сонголтоо өөрсдөө хийдэг. Тэд хэр их туслахыг хүсэж буйгаас хамаардаг. Эсвэл тэр улсын хүмүүстэй хэр их барилдлагатайгаас хамаардаг. Тиймээс тэд олонход тустай замыг, улс оронд нь тустай, тэр улсад тустай замыг сонгох боломжтой. (За, Багш аа.)
Зөвхөн АНУ сайн удирдагчтай байгаагүй. (За, Багш аа.) Танай улсад хэд хэдэн сайн удирдагчид байсанд баярлах хэрэгтэй. (За.) Бас сүнслэг. Зарим нь илүү нам гүм байдаг ч зарим нь илүү нээлттэй. (За.) Жишээлбэл, ноён Трампыг хэн ч дурдаагүй, ихэнх сонин хэвлэл түүнийг сүнслэг хүн энэ тэр гэж магтдаггүй. Тэд нэвт харж чаддаггүй. Магадгүй зөвхөн Фокс Ньюс л хамгийн сайн нь байх. Фокс Ньюс магадгүй Нью Йорк Сонин? Түүний хийсэн зүйлсийн жагсаалтыг гаргасан нь Нью Йорк Сонин уу? Сонин мөн байх гэж бодож байна. Хэд хэдэн сонин хэвлэл... хэвлэл мэдээл сайн бөгөөд шулуун, үнэхээр сайн ойлголттой, юмсыг мэдэж, хэн сайн, хэн муу талаар болон шударга байх талаар илүү зөн совинтой байдаг. Жишээ нь Фокс Ньюс болон Нью Йорк Сонин. Ахиад магадгүй нэг, хоёр байдаг байх.
Би сайн хараагүй, саяхан Ерөнхийлөгч Трампын түүхээс болоод саяхан л мэдсэн, тэгээгүй бол аль нь ямар вэ гэдгийг би мэдэхгүй. Бусад сонин хэвлэлүүд, эсвэл бусад хэвлэл мэдээллийн байгууллагууд илт, хэт нэг талыг баримталсан, ичих ч үгүй түүнийг төрөл бүрийн нэрээр дуудаж, бүр түүний... жин гэх мэтийг шүүмжилсэн. Тэр давгүй харагддаг, тийм үү? (Тийм. Тийм, Багш аа.) Тэр илүүдэл жин энэ тэртэй харагддаггүй. Тийм байлаа ч тэгээд юу гэж? Тийм үү? Ерөнхийлөгч загвар өмсөгч шиг харагдах ёстой, тогтсон дүрэм журмаас нэг инч илүүдэлтэй өөхтэй байж болохгүй гэх мэт хууль дүрэм Америкт бий юу? (Байхгүй, Багш аа.) Утгагүй, тийм үү? (Тийм, Багш аа) Ерөнхийлөгчийг эсвэл хэнийг ч бай гаднах төрхөөр нь бус сайн чанараар нь, үйлдлээр нь дүгнэх учиртай. (За, Багш аа.) Гэвч миний бодлоор тэр насандаа сайхан харагддаг. (Тийм, Багш аа. Тийм.) Их хүндтэй харагддаг. (Тийм.) Цэх алхдаг, хаан мэт үнэхээр нөлөө бүхий, үнэхээр хүндтэй харагддаг. (Тийм.) Ингэж л хэлэх гэсэн юм.:
Би яагаад та нарт энэ бүхнийг ярилаа? Асуулт тань юу байлаа? Өө сүнслэг хүмүүс, ба зовлон. Та нар мэдэхгүй, ингээд болчихгүй, учир нь орчин үед бидэнд сонин байна, зурагт телевиз байгаа учраас өөр өөр эх сурвалжаас, өөр өөр дайралтуудаас болж Ерөнхийлөгч Трамп зовж байгааг илүү мэдсэн. Гэвч Абрахам Линколны цаг үед бага байсан учраас (Тийм.) бид түүнийг ямар их зовсныг мэдээгүй. Тэр амь үрэгдсэн тэр өдрөөсөө ч хавьгүй ихээр зовсон. (За, Багш аа.) Яг л Ерөнхийлөгч Кеннеди шиг. Тэр бас их гайхалтай ерөнхийлөгч байсан, тийм үү? (Тийм, Багш аа.) Ард түмэндээ хайрлагдсан, гэтэл тэр яаж дууссан билээ? Та нар мэднэ, тийм үү? (Тийм, Багш аа.) Ямар ч шалтгаангүй, зүгээр л харгис үйлдэл, зүгээр л там, зүгээр л тэгсэн. Тиймээс Ерөнхийлөгч Трамп амьд хэвээр бол азандаа талархах учиртай. (За, Багш аа.) Бурхан минь, хэдийнээ адислалдаа талархах хэрэгтэй. Гэвч түүний бие махбодоор зовоохын оронд тэд түүнийг сэтгэл санаа, сэтгэл зүйгээр нь зовоож байна. (Тийм, Багш аа.) Мөн нэр төрөөр нь, тийм үү? (Тийм. Нэр төр.) Тийм, тийм.
Энэ сонгуулийн зүйлс болон дэлхийгээс болоод хэт ачаалалтай байна. Одоо би үнэхээр улс төрийн хэсгийг нь нэвт харж байна. Эдгээр өдрүүдэд, эдгээр долоо хоногт, эсвэл ерөнхийлөгчид хэрхэн муу, шударга бус хандаж байсныг мэдсэнээс хойш. Зүгээр л үүнийг харахад, харах хүсэлгүй болдог. (За, Багш аа.) Бурхан минь, бид ямар дэлхийд амьдарч байна вэ, үнэхээр аймаар, дэндүү аймаар. Бурхан минь! Бурхан минь! Үнэхээрийн муу байхгүй л бол амьдрах боломжгүй. Ноён Трамп мэдээж, тэр тэгж чадахгүй, хүслээ ч тийм байж чадахгүй. Тэр төрөлхийн тийм биш. (За, Багш аа.) Тиймээс тэр дөрвөн жилийн хугацаагаа гүйцээж амьд гарсан нь хэдийнээ аз, гайхамшиг юм. (За, Багш аа.) Түүх давтагддаг. Ноён. Ерөнхийлөгч Трамп. Ерөнхийлөгч Кеннедигийн хувьд мөн адил. Жон Ф.Кеннеди. (За, Багш аа.) Намайг үнэхээр уучлаарай. Олон сайн хүмүүс ийм байдаг. Тэд тэдэнд сайн ханддаггүй. Энэ дэлхий сайн дэлхий биш. (За, Багш аа.) Төрлөөс төрөлд, та нар хэчнээн хүн сүнслэгээр бясалган дадуулсныг харж байна уу? Есүсийн үед хэчнээн хүн Түүнийг дагасан бэ? (Тийм, Багш аа.) Мөн зэрэгцээд хэчнээн хүн Түүнийг дарамталж, тамлаж няцааж, (Тийм, Багш аа.) цовдлогдох хүртэл нь өвтгөж, хохироож байсан билээ. Олон Их Багш нар урьд нь хэзээ ч сайхан байгаагүй. Би адислалдаа талархдаг. (Тийм, Багш аа.)
Магадгүй, мэдэхгүй юм, энэ удаад илүү дээр байна. Энэ олон жил би маш сайн нуугдаж байлаа. Мэдээж, та нарын төлөө, одоо бидэнд Суприм Мастер Телевиз байдаг болсон учраас би эргэн гарч ирсэн. . Гэвч ганцаараа байхдаа би эсвэл ганцаараа ч биш нэг хоёр шавьтай, жолоочтой ч юм уу байхдаа, хаашаа ч явсан, хүмүүс намайг хэн бэ гэдгийг мэддэггүй. Хэзээ ч. Яагаад гэвэл би сүнслэг хүн шиг ярьдаггүй. Энгийн зүйлс ярьж, гоёж барьдаггүй. (За, Багш аа.) Энгийн л хувцасладаг. Би өөрийгөө хамгаалах ёстой учраас гайхуулж барьдаггүй. (За, Багш аа.) Гэвч дэлхийн төлөө би дэлхийд туслахыг хүсэж байна. Дэлхийд туслахыг хүсвэл үргэлж нуугдаж болохгүй. Мөн одоо би нуугдсан хэвээр, гэхдээ боломжтой үедээ, (За, Багш аа.) аль боломжтой үедээ. Олон удаа энэ нь надад аюулаас зугтахад тусалсан. Үхлээс мултрахад тусалсан. Аюул, асуудлаас мултрахад нуугдах нь олон удаа тусалж байсан.
Өөр зүйл байна уу, хайр аа? (Үгүй, миний бодлоор номын ах нар өөр асуулт асуух байх.) Өөр асуулт асуух хүн байна уу? (Байна, Багш аа.) Хөвгүүд, охид.
(Их Багш хэзээ нэгэн цагт АНУ-н ерөнхийлөгч байсан болов уу? эсвэл бүр Үүсгэн байгуулсан хүмүүсийн нэг байсан болов уу?)
Энэ асуултыг яагаад ахин дахин асууна вэ? Би баталж чадахгүй. Би мэднэ. Ерөнхийлөгч Вашингтон билүү? (Тийм, Багш аа.) Та нар түүнийг санаж байна уу? (Тийм, Багш аа.) Тэр Их Багш тань байсан юм. (Өө!) Сюрприз байв уу. (Тийм.) Магадгүй тийм учраас эдгээр өдрүүдэд би улс төр ярьж чадаж байна. Би дотор гаднагүй мэднэ. Сөрөг хүчин болон өөрийн талыг мэднэ. Та нар гайхаж байна. Абрахам Линколн илт илүү сүнслэг байсан учраас та нар намайг тэр гэж бодсон байх.
Одоо та нар асуусан болохоор санаж байна. Нэг удаа, би Америкт Аулакийн нэг сэтгүүлийг уншсан. Намайг Америкт очиход тэнд нэг тийм сэтгүүл хэвтэж байсан юм. Тэгтэл хаа нэгтэйгээс нэг эмэгтэй, тэр сонинд сурталчилгаа бичиж байлаа. Түүнд нэг ахуй ойлголт байсан бөгөөд тэрээр ноён Вошигтонд, Ерөнхийлөгч Вошингтонд залбирахдаа тэрээр түүнийг “Ерөнхийлөгч” гэж дууддаггүй гэсэн. Тэр, “Энэ үнэн юм байна, Бодисадва Вошингтон гэж үнэн юм байна.” гэсэн. Тэр Аулакаар тэгж хэлсэн. “Вошингтон Бодисадва үнэхээр, үнэхээр... гэдэг нь үнэн юм байна” гэж хэлсэн. "linh" гэдгийг англиар юу гэдэг билээ? Мартсан байна... ариун, ид шидийн? “... үнэхээр ариун, гэгээн. Би түүнд залбирахад хүсэл маань биелсэн. Та нар бүгд түүнд залбирах хэрэгтэй.” гэсэн. Иймэрхүү утгатай. Энэ нь үнэн. Тийм учраас тэр тэгж хэлээд байсан юм. Энэ нь үнэн. Ау Лакт (Вьетнамд) түүний нэрийг тэд “ВА-ШИН-ТУН” гэж уншдаг. Вашин... Вашин-тун. Иймэрхүү. Тэр түүнийг Бодисадва гэж хэлсэн нь Буддын гэгээнтэн, Буддизмын гэгээнтэн гэсэн үг юм. (За, за.) Би санаж байна. Магадгүй тэр бүх сэтгүүлүүд конгрессын номын санд хаа нэгтэй байгаа эсэхийг шалгаж болно. Магадгүй та нар үүнийг уншиж болох байх. Боломжтой эсэхийг мэдэхгүй. Би үүнийг бараг 30 жилийн өмнө уншсан. Энэ нь би сүнслэг ажлаа эхэлж байх үе гэсэн үг, Америкт магадгүй хоёр дахиа л очихдоо би үүнийг уншиж таарсан. Тэр үедээ би их зүйл бодоогүй. Би, “Өө. Яаж вэ? Ерөнхийлөгч шүү дээ.” гэж бодсон. Тэр үед. Тэр үед, би өнгөрсөн төрлийнхөө талаар сайн мэддэггүй байсан. Мэдэх шаардлага байгаагүй. Надад ямар ч... Надад шалгах шаардлага байгаагүй. Яах гэж? Би өдөр бүрийг л одоо дээрээ амьдардаг байлаа. Та нарыг асуусан үед л, эсвэл хэн нэгэн харсны дараа бид мэддэг. Би илүү удаан амьдрах тусам та нар урьд нь миний мэдээгүй энэ бүх нууцыг ухаж гаргана.
Өөр байна уу? Байгаа, тийм үү? (Тийм, Багш аа.) Хэлээрэй.
(Багш аа, буруугаар дүгнэгдсэн өөр бусад удирдагчид байдаг уу? Улс орондоо болон дэлхийд сайн байсан ч, буруугаар дүрслэгдэж, ойлгогдсон удирдагчид бий юу? Жишээлбэл, Израйл улсын ерөнхий сайд Эрхэм Ноён Бэнжамин Нетаняахү, Мороко, Арабын Нэгдсэн Эмират улс гэх мэт Арабын орнуудтай энх тайвны гэрээ хийхийг зөвшөөрсөн ба цаашид ч нэмэгдэх байх.)
Мэдээж байгаа. Зөвхөн Ерөнхийлөгч Трампаас гадна ахиад олон бий. Мэдээж. Яг одоо толгойд маань тэдний нэр алга. Европын улс оронд мөн Латин Америкийн улсад болон Солонгост цөөн хэдэн тийм удирдагчид амьд хэвээр байгааг мэднэ. Энэ дэлхий сайн сайхны эсрэг байхад энэ дэлхийд яаж магтуулж, хүлээн зөвшөөрөгдөх вэ? (За, Багш аа.)
Олон Их Багш ирж буцсан ч, хэчнээн хүн Тэднийг дагадаг билээ? Хэд вэ? Олон саяараа дагадаг байлаа ч энэ дэлхий олон тэрбум хүнтэй. (Тийм, Багш аа.) Тэдгээрийн цөөн хэдэн хувь нь л Тэднийг дагаж байна. Мөн Тэдний нэлээдгүй олон нь дээд Диваажингаас ирсэн байдаг. Өмнөх найзууддаа туслахын тулд, эсвэл энд бас төрөл авсан өмнөх гэр бүл, найз нөхдөдөө туслахын тулд Тэд энэ дэлхийд төрөл аван бууж ирдэг. (За, Багш аа.) Тэгвэл мэдээж, ийм хүмүүс, нэн даруй жинхэнэ Их Багшийг таних болно. Эхний лекцээр нь л эсвэл эхний яриагаар нь тэд шууд Их Багшийг таньж, дагаж, шууд авшиг хүртэхийг хүсдэг. Үлдсэн хэд нь зүгээр л мунхаг амьдралын хэв маягаа үргэлжлүүлдэг. Тийм учраас Есүс цовдлогдсон. Мөн олон, олон, олон, ихэнх Их Багш нар алагдаж, хорлогдож, маш харгис хэрцгий, аймшигтай байдлаар тамлуулсан. Үнэхээр аймшигтай байдлаар.
Тиймээс сайн ерөнхийлөгч байвал их бага хэмжээгээр үүнтэй адил тавилан туулдаг. Тийм учраас тэд Ерөнхийлөгч Кеннедиг алсан. Ямар шалтгаанаар? Хэн ч жинхэнэ шалтгааныг нь олж чадахгүй. Олон сайн удирдагчид бас алуулж байсан. (Тийм, Багш аа.) Учир нь энэ дэлхий муу төрөлтнүүдийнх. Маяагийнх. Бүх судрууд бидэнд ингэж хэлдэг. Тийм учраас Их Багш бууж ирээд, бидэнд, “Гуйж байна, намайг дагаад Гэртээ харь. Гэр рүүгээ яв. Буцаад Диваажин руу яваарай. Энэ та нарын Дэлхий биш. Энд байгаа бүхэн тань та нарт мөнхийн аз жаргал өгөхгүй, энэ бүхэн хуурамч.” гэж хэлдэг.
Одоо та нар ойлголоо. (Тийм, Багш аа.) Энэ асуултад тань хариулав уу? (Тийм ээ, баярлалаа, Багш аа.) Зүгээрээ, хайраа.
