Дэлгэрэнгүй
Татаж авах Docx
Дэлгэрэнгүй уншаарай
Мертоны хамгийн алдартай мэдэгдлүүдийн нэг бол: “Миний хувьд гэгээнтэн байна гэдэг нь өөрөөрөө байх гэсэн үг. Тиймээс гэгээрэл ба чөлөөлөлтийн асуудал бол үнэндээ Би хэн бэ гэдгээ олох, өөрийн жинхэнэ мөн чанараа олох асуудал юм” гэжээ. Тэр мөн хэлэхдээ, “Бид бүрэн нэвт харагддаг дэлхийд амьдарч байгаа ба Бурхан цаг үргэлж үүгээр нэвт гэрэлтэж байдаг. Энэ нь зүгээр нэг сайхан түүх, эсвэл домог биш, энэ бол үнэн”. Өнөөдөр бид Томас Мертоны, “Ганцаардал дахь бодлууд” хэмээх номын хэсгээс унших болно. Хүн бурхантай жинхэнээсээ харилцах үед дотоодын сүнслэг төлөв ямар байдаг талаар Тэр өөрийн гүн гүнзгий ухаарлыг өгнө.Зөвхөн итгэл л бидний амьдралын өдөр дутам Бурхан оршин байдаг гэдгийг харуулах Гэрлийг бидэнд өгч чадна. Энэхүү гэрэл байхгүйгээр бид зөв шийдвэр гаргаж чадахгүй юм. Энэ баталгаа байхгүйгээр бид чанадын ертөнцийн итгэл, мөн амар амгаланг эдэлж чадахгүй. Бид хамгаас гэгээрсэн байлаа ч гэсэн бид үргэлж унаж бүдэрдэг. Гэвч бид жинхэнээсээ сүнслэг харанхуйд байсан бол бид өөрсдийгөө унасан гэдгийг ч хүртэл мэдэхгүй юм. Өөрсдийгөө сүнслэгээр амьд байлгахын тулд өөрсдийн итгэл үнэмшлээ байнга шинэчлэх ёстой.Бид манантай уурын усан онгоцны жолооч шиг юм, өмнөө байх харанхуй руу харж, бусад хөлөг онгоцнуудын дуу чимээг сонсох учиртай. Тэгж сэрэмжтэй байж л бид боомтдоо хүрч чадна. Сүнслэг амьдрал бол юун түрүүнд сэргэг байхуйн тухай юм. Бид сүнслэг онгод, урам зоригийг мэдрэх мэдрэмжээ алдаж болохгүй. Бидний сүнс сүнслэгээр амьд байдаг бөгөөд бид үргэлж сүнснийхээ гүнээс нуугдмал зөн совингоор илэрдэг, өчүүхэн төдий анхааруулгад хариу өгөх чадвартай байх ёстой. Бясалгал бол сүнслэг хүн өөрийгөө сэрүүн байлгадаг аргуудын нэг юм.Бясалгалын залбиралд хүн өөрийн оюун бодлоор бодож амаараа ярих бус, харин бүхий л оршихуйгаа тодорхой мэдрэх байдлаар бодож бас ярьдаг. Залбирал бол ердөө үгсийн цуглуулга биш юм, эсвэл зүрхэнд төрж буй хүслүүдийн цуваа биш юм. Харин энэ нь анир чимээгүйд бүх анхаарлаа хандуулж, хайрын сэтгэлээр өөрийн бүхий л бие сэтгэл сүнсээрээ Бурхантай нэгдэх явц юм. Бүх сайн бясалгалын залбирал бол бид оршихуйгаараа Бурхан руу хөрвөх явдал юм. Энэ тохиолдолд хүн дотоод сэтгэлийн өөрчлөлтгүйгээр бясалгалд бүрэн орж чадахгүй. Сэтгэлийн өөрчлөлт гэдгээр би үймээн самууныг хэлсэнгүй. Харин өдөр тутмын амьдралдаа санаа зовж, хүлэгдсэн байдлаас зүрхээ чөлөөлж, өдөр тутмын үйл ажиллагаанаасаа гарахыг хэлж байгаа юм
