Энэрэнгүй, өршөөнгүй, гэмээ наманчилдаг байх ёстой. Буцаад эргэ, тэгээд л болоо. Нүглээ наманчлаад, буцаад эргэ. Гэвч энэ бол хэвийн зүйл. Учир нь хүмүүс намайг, “Веган бай, гэмээ наманчил, сүнсээ авар, дэлхийг авар” гэж хэлэхийг сонсож, энэ нь тэдний зүрхний утсыг хөндөж, үүнд үнэхээр итгэж, буцаж эргэвэл би тэднийг Диваажинд хүргэж чадна.
Илүү ойлгомжтой болгоё гэвэл, жишээ нь: Хэрвээ хэн ч хамаагүй Их Багш байж болдог бол (Тийм.) ганцхан Есүс байх хэрэггүй, (Аан, тийм юм.) ганцхан Будда байх хэрэггүй, зөвхөн ганц Гуру Нанак байх хэрэггүй, ганцхан Их Багш Махавира байх хэрэггүй, ганцхан Зөнч Мухаммед байх хэрэггүй, (Тэрээр Амгалан Оршиг.) (Тийм ээ. Багш аа.) Бүхий л Хинду Их Багш нар байх хэрэггүй. Жишээ нь Патанжили гэхчлэн. Яагаад гэвэл тэднийг Бурхан илгээсэн билээ. (Тийм ээ.)
Кришнагийн дотор Бурхан оршиж байсан. (За, Багш аа. Ойлголоо.) Гэхдээ гаднаа тэр бидэнтэй адилхан харагдаж байсан. Есүс бусад хүмүүсээс ялгаагүй харагддаг байсан. Билгийн Мэлмий нээлттэй бол түүнийг хүрээлсэн байгаа гэрлийг та ямагт харж чадна. Кабир болон бусад Их Багшийн хувьд бас тийм байсан. (За, Багш аа.) Тэдэнд ийм хүч бий. Тэд түүнийг агуулж чадна. Яг л цахилгааны бүдүүн утас (Аан. Яг тийм байна.) цахилгааны том үүсгүүр, төвийн эрчим хүчтэй холбогдсон мэт. Зүгээр л, утас бүр ингэж холбогдож чадахгүй, хэдийгээр адил харагдавч эрчим хүчгүй. (Тийм.) Цахилгаан гүйдэггүй.
Их Багш хэн нэгнийг ном дэлгэрүүлэхээр сонгосон бол тэр сонгогдсон гэсэн үг. Тэр Өөрийн төлөөлөгчөө сонгодог. (За.) Гэхдээ тэд үргэлжид Тэдэнтэй хамт байдаг.
Жишээ нь Будда арван тэргүүн шавьтай байсан. (Тийм.) Тэгээд Тэр хэдийнээ тэднийг, нэгдүгээрх нь хэн гэдгийг томилсон байсан. Тэгээд нэгдүгээрх нь болон бусад ес нь ухамсрын ойролцоо өндөр (За.) түвшнийх. Тэд үргэлж Буддатай хамт байж, Түүнээс олон арван жил суралцсан. (Тийм.) Зөвхөн гаднах сургаал номлол, лекцийг нь сураад зогсохгүй Буддагийн соронзон талбайн Гэрэл, Хүч тэдэнд нэвчсэн байсан. (За, Багш аа.)
Тиймээс Буддаг өөд болсны дараа, нэг нь нэгдүгээрх болсон. Тэгээд нэгдүгээрх нь хоёрдугаархаа томилсон. Рахула хүртэл, Буддагийн хүү бас дараа нь тэргүүний Их Багш нарын нэг болсон, залгамжлагч. (За.)
Тэгэхээр хэрэв хэн ч хамаагүй Арьяабалын Аргыг эсвэл Диваажингийн Гэрэл Аялгууг зааж болдог байсан бол бид бүгд хэдийнээ явчих байсан. (Тийм.) Энд байхгүй. (Тийм ээ.) Дэлхий дээр хэн ч байхгүй. Бүгд гэтэлчихсэн байна. (За, Багш аа.) (Диваажинд, тийм.) Надад маш олон шавь нар бий, тэднийг хаа сайгүй явуулж, хүн бүрд цуглар гэж хэлүүлээд, тэгээд тэр аргыг сонссоных нь дараа “Одоо харьцгаа даа. Та нар гэгээрсэн.” гэж хэлэх байсан. Гүйцээ. (За.) Надад Суприм Мастер Телевиз ч байх шаардлагагүй, үүн шиг ингэж их ажиллах шаардлагагүй. Надад та нар ч хэрэггүй. (За.) Би та нарт ахин дахин талархаж, эрхлүүлж, эелдэг сайхан хандаж барих шаардлагагүй болно. (Баярлалаа, Багш аа.) Зүгээр л Гималайн уулс руу явж, арван (веган) самоса иднэ. Одоо би авах мөнгөтэй болсон. Ойлгож байна уу? (Тийм ээ, Багш аа.)
Логиктой байх ёстой. (За, Багш аа.) Яг л хүн бүр адил төстэй тархитай байж болох ч, ганц л Эйнштейн байдаг шиг юм. (За.) Мөн ганц л Тесла байсан. Цорын ганц хэн билээ, Ньютон байсан, гэх мэт. (За.) Ганц л Мозарт, гоц ухаантай хөгжимчин байсан, (За.) гэх мэт. Ахиад нэг хоёр байсан ч их байх албагүй. Адилхан ноттой, До, Ре, Ми, Фа, Соль. (Тийм.) Мөн адилхан багш байдаг ч тэд бүгд Мозарт юм уу Бийтховен болдоггүй. (Үгүй.) (За. Ойлголоо.) Одоо ойлгомжтой юу? (Тийм ээ. Тун ойлгомжтой.)
Хүн бүр хийж чаддаг юм биш. Хэрэв Их Багш зөвшөөрвөл хүн бүр хийж болох ч арай илүү өндөр түвшний заримыг сонгох ёстой, тэгснээр тэр хүчийг тэсэж чадна. (За, Багш аа.) Тэгснээр ямар нэг саад, цоорхой гарахгүй. (За.) Тэгэхээр маш ойлгомжтой. Яагаад хүн бүр үүнийг ойлгохгүй хэвээр байна вэ? Хэрэв зүгээр л арга байсан бол үнэхээр амархан. Эдгээр тараах хуудаснууд шиг хэвлэнэ, (Тиймээ, тараах хуудас.) Өөрөөр Амьдарцгаая тараах хуудас. (Зүгээр л тараачихна.) Тийм. Хэдэн нисдэг тэрэг хөлслөөд доош нь цацчихна. (За.) Хаа сайгүй нисээд. (За.) Тэгвэл ямар ч үхэр-хүн үүнийг идээд гэгээрэх боломжтой. (За, Багш аа.)
Үнэндээ би Коста Рика-д нэг удаа авшиг хүртээхээр бэлтгэж байв. Тэгээд шинээр ирэгсэд нэрсээ бичих хэдэн маягт байсан юм. (За.) Тэгтэл хөршийн нэг үхэр-хүн, бүр тэр холоос ачааны машин дээр ирж, нэг авшиг хүртээх анкет аваад идчихсэн! Зугтаад, идчихсэн, хүмүүс араас нь хөөгөөд байсан болохоор тэр зугтаад байсан. Тэгээд идчихсэн. Тэр бас авшиг хүртэхийг хүссэн. Бурхан минь. (Хөөрхөн юм аа.)
Бас нэг нохой-хүн уйлж ирээд Тонгд уйлсан. Тэр хүн биш учраас авшиг хүртэх боломжгүй болохоор харамсаж байсан. Тэр өмнө нь Тонгтой барилдлагатай байсан. (За.) Гэвч боломжгүй байсан. Тэр уйлж байсан. (Хөөрхий дөө.) Миний нохой-хүн, Гүүд Ловыг санаж байна уу? Тэр бас лам болохыг хүссэн. (Аан, тийм.) Би, “Гэхдээ зуны улиралд би үсийг тань хэн нэгнээр тайруулах гэх бүрд чи хүүхэд шиг уйлдаг шүү дээ.” гэсэн. Тэдэнд, “Боль боль” гэж хэлэхээс өөр аргагүй болтол тэр уйлдаг. Үнэхээр өрөвдөлтэй уйлсан. (За.) Тэр сайхан харагдахгүй энэ тэр гэж эмээсэн байх. Би, “Хэрэв чи лам болбол бүх үсийг чинь хусна. Тэгвэл зүгээр үү?” гэж хэлсэн. Үнэхээр хөөрхөн. (Тийм ээ, хөөрхөн.)
Та нарт асуулт байна уу? Хэлээрэй, би чадвал хариулъя. (За, Багш аа.) (Багш аа, яагаад зарим хүмүүс КОВИД тусаад хүндээр өвдөж байхад зарим хүмүүс хэдийгээр мах идэж, бусад төрөлтнүүдийн аллагад шууд оролцдог байж КОВИД тусахгүй байна вэ?)
Гэхдээ та мартсан байна, би өмнө нь хэлсэн. Өмнөх төрөлд нь байсан буянаас хамаардаг. (За.) Эсвэл бас энэ төрлийн буянаас нь хамаарна. Магадгүй тэд веган эсвэл цагаан хоолтой байх. Эсвэл магадгүй тэд “би” үзэлгүй цэвэр ариун сэтгэлээр маш их сайн зүйлс хийж байгаа байх. (За, Багш аа.) Хүмүүсээр шүтүүлэх гэж юм уу, хүндлүүлэх гэж юм уу, өөрсдөдөө талархуулах гэж биш, эсвэл өөрсдөдөө өртэй болгох гэж биш. (За.) Нөхцөл болзолгүй үйлддэг. Тэгээд бас түүнд өмнөх төрлөөс энэ төрөлд нь маш их буян үлдсэн байдаг. Эсвэл тэр та нарын мэдэхгүй ямар нэг Их Багшид итгэж байсан байж болно. (За.) Зарим сайн Их Багш, ариун Их Багшид. (За.) Тийм байдаг.
Эсвэл тамаас ирсэн байдаг. (За!) Тийм ээ, тэр энд өөрийгөө бус, бусдыг өвчлүүлэхээр ирсэн байдаг. (За, Багш аа.) Тэр амьд байж бусдад халдварлуулах ёстой, (За.) эсвэл өөрийнхөө харанхуй энергиэ, эрээ цээргүй, хар бараан, харгис энергиэ бусад хүмүүст халдварлуулдаг. Олон шалтгаан бий. (За, Багш аа.)
Зарим хүмүүс мах иддэг ч өмнөх сайн үйлийн үрээрээ их урт насалдаг. (Тийм.) Тэгээд тэр нь энэ төрлийн үйлийн үр рүү нь давж орж ирдэг. Тэр халхлагддаг. (Ойлголоо.) Яг л хэдийгээр нэг хүн гараад маш үнэтэй их олон зүйл худалдан авлаа ч дансандаа их мөнгөтэй бол төлж чаддаг шиг юм. (За.) Бусад зарим нь адил зүйл худалдан авлаа ч эсвэл адил үнэтэй зүйл авлаа ч тэгээд л болдог, өөр мөнгө үлддэггүй учраас нэмж юм авч чадахгүй. (За.) Эсвэл тэд өрөнд орж, мөнгөө төлдөггүй ба улмаар шоронд ордог. Тийм л юм. Ойлгов уу? (Тийм, Багш аа.) Хариулт сэтгэлд тань хүрэв үү? (Өө тийм, маш их баярлалаа, Багш аа.) За. Тэгээд?
(Үйлийн үр тань оргил цэгтээ хүрч байгааг мэдэх боломжтой юу? Тэгснээр хэт ноцтой байлгахгүйн тулд үйл хэргээ багасгана.)
Хамаагүй. За юу? Зүгээр л буцаад эргэ. (За.) Веган байж, сайн зүйл хий. Зүрх сэтгэлдээ ариун бай, нөхцөл болзолгүй бай. (За, Багш аа.) Тэгвэл үйлийн үр тань өмнө нь хүнд байсан ч, та өөрөө өөр зүг явна. (Тийм.) Тэгвэл хувь тавилан тань өөрчлөгдөнө. (За, Багш аа. За.) Тэгээд КОВИД-оос болж үхлээ ч Диваажин руу явна, яагаад гэвэл та тэр замаар явж байсан. (За.)
Сайхан сэтгэлтэй, өршөөл энэрэлтэй, гэмшилтэй байх хэрэгтэй. Буцаад эргэ, тэгээд л болоо. Гэмээ наманчлаад, буцаад эргэ. Гэвч энэ аяндаа болдог зүйл. Учир нь хүмүүс намайг, “веган бай, гэмшилтэй бай, сүнсээ авар, дэлхийг авар,” гэж хэлэхийг минь сонсоод сэтгэлийнх нь утас хөндөгдөж, үүнд үнэхээр итгэж, тэд буцаад эргэвэл, тэднийг би Диваажинд хүргэж чадна. (Өө, гайхалтай.)
Харин хэн нэгэн тэднийг хүчлэх юм уу, дамаар хийлгэвэл, эсвэл “би” үзлээр хийвэл боломжгүй. Жишээ нь миний зөвшөөрөлгүй авшиг өгсөн хүн шиг. (За. Тийм.) Зөвхөн тэднийг сонсож “би” үзлийг ярихыг нь сонсох юм уу, том байх гэж, буяны ажил хийж байгаа гэж бахархах гэж, жишээ нь веган бизнес хийж, хандив өгдөг гэж харагдах гэж бус. Үүгээр тэд жаахан буян хураах нь мэдээж, гэвч буян бол Гурван Ертөнц доторх зүйл.
Хэрэв тэд зөвшөөрөлгүй авшиг өгсөн тэр хүнтэй холбогдвол, тэр авшиг өгсөн хүн маяатай холбоотой учраас тэдний бүх буяныг нь маяа авна. Яагаад гэвэл тэд “би” үзлийн төлөө, шуналын төлөө ажиллаж байна. (Тийм.) Цэвэр эрхэм, ариун, нөхцөл болзолгүй сэтгэлээр ажилладаггүй. (За.) Тэд үүнийг хүмүүсийн хүндлэлийг хүртэж, шүтүүлэх гэж, мөн магадгүй өөрсдийгөө хооллох гэж ашигладаг. (За.) Тэд заавал хүмүүсийн мөнгийг авдаг байх албагүй. Бардам байх гэж, өөрсдийг гайхалтай гэдгээ мэдрэх гэж тэгдэг. Ингэвэл маяа бүгдийг нь авдаг. Учир нь ийм зан авир, чанар маяагийн орных. (За.)
Зөвхөн жинхэнэ хайр энэрэлтэй, жинхэнэ гэмшил, жинхэнэ нөхцөл болзолгүй тусламж л Диваажингийн чанар мөн. (За, Ойлголоо.) (За.) Энэ маш логиктой. Ижил нь ижлээ татна. (За.) Маш энгийн. (За, Багш аа.) Хэрвээ өмнө зүг явбал, өмнө зүгт очно. Хойд зүг рүү явбал, хаана очих вэ? (Хойд зүгт.) Тийм. Маш энгийн, Бурхан минь, цэцэрлэгийн хүүхэд ч үүнийг ойлгодог. (За, Багш аа.)
Гэр тань хаа нэгтэй байхад, тийшээ явахгүй эсрэг зүг рүү нь явж, мөн өөр замаар яваад байвал хэзээ ч гэртээ харихгүй. (Тийм.) (Үгүй, харихгүй.) Миний хариулт сэтгэлд тань хүрэв үү? (Тийм ээ, Багш аа. Баярлалаа, Багш аа.) Би зөв хариулав уу? (Мянган хувь, Багш аа.)
Өөр ямар асуулт байна? (Багш аа, Байден буцаж эргээд, чөтгөрийн нөлөөг сонсохоо болиход юу нөлөөлөх боломжтой вэ?) Үгүй. Тэр дэндүү хол явчихсан. (Ээ, Бурхан минь!) Асуудал тарих нь түүний ажил. (За, Багш аа.) Бүхэлдээ түүний буруу биш. Бид ийм боломж олгодог. (За.) Дэлхий ийм боломж олгодог. Америкчууд түүнд зөвшөөрдөг. (За.) Тэд түүнд санал өгсөн. (Үнэн.) Эсвэл ядаж л зарим нь. (Тийм, Багш аа.)
Үнэндээ тэд Трампт илүү санал өгсөн. Тэр хэдхэн... за хараадахъя. Өө мартсан байна. Өмнө нь мэдэж байсан юм. Түр хүлээгээрэй, би ахиад шалгаадахъя. Байден 40%-ийн л санал авж. (40%. Хөөх.) Харин Диваажингийн мэдээлснээр Ерөнхийлөгч Трамп 85 сая хүний санал авсан байна. (Хөөх!) (За, Багш аа.) Хувиар ярихад ийм байна. Гэвч зарим нэг зохицуулалтаар тэр ялсан. Одоо хамаагүй. (За, Багш аа.) Би энэ бүхнээс залхаж байна. Гэвч яалтай билээ? Энэ бол үйлийн үрийн хүч. (За.)
