Дэлгэрэнгүй
Татаж авах Docx
Дэлгэрэнгүй уншаарай
Бурхан надад ахин дахин “Дэлхийн хүмүүс мэдэх ёстой.” гээд байсан. Зарим хүн намайг 2005 онд больсон гэдэг. Огт тэгээгүй. Тийм юм хаанаас сонссоныг би мэдэхгүй. Тэгээд Трань Тамыг залгамжлагчаа болгосон гэнэ ээ. Өө, тэгсэн бол хамгийн олиггүй хар дарсан зүүд байх байлаа.
Дараах бичлэг ютюбээс олдсон бөгөөд энд Их Багш худал мэдэгдэл гэж хэлэн тайлбар өгсөн юм: Бурхан минь, хэдийн 40 жил өнгөрчээ. Яагаад одоо ингэж хэлнэ вэ? Их Багш 2005 онд Өөрийнх нь үе дууссан хэмээн зарласан. Тэгээд залгамжлагч гэрээсэлсэн юм. Тэр бол ноён Тран Там буюу Их Багш Рума. Гүрүжи РУМА Сагаррумагармата
Би залгамжлагч хайсан боловч олж чадаагүй. Мөн хэдийгээр та нар миний зарим лам, гэлэнмаа нар шиг Дөрөв, Тавдугаар Түвшинд хүрсэн байлаа гэхэд би өөрийн Хүчээр дамжуулж, зөвхөн өөрийн төлөөлөл болгон нэмэлт Хүчтэйгээр тэднийг тухайн өдөр тэрхүү ажилд илгээдэг юм. Тэдэнд маш олон шавь нарыг аврах хангалттай хүч байхгүй тул би тэднийг зааварчилгаа өг гэж илгээдэг. Миний хүслээр заавар өгч буй тэр хүн өөрөө их багш биш юм. Тэр нэг дор мянга мянган хүнийг, эсвэл хэдхэн зуун хүн байлаа ч аварч чадахгүй. Үгүй шүү, тэр даруй үхэж мэднэ. Тэгээд тэдний үйлийн үрээс болж тэр тамд унах ёстой болж магадгүй. Тэр тэгж чадахгүй. Тиймээс би тэдэнд зүгээр л тийшээ очоод, Бурханд, бүхий л Их Багш нарт талархаад, дараа нь тэдэнд хэрхэн суух, хаанаа төвлөрөх зэрэг зааварчилгааг амаар өгөөрэй гэж хэлэх хэрэгтэй байдаг. Ингээд л боллоо. Гэхдээ ДОТООД Хүч бол тэднээс гарч байгаа юм биш. Энэ бол зөвхөн Бурханаас Их Багшийн хосгүй нандин холбоосоор дамжин ирдэг юм. Тэдэнд тэр их Хүчийг оршоох чадвар байхгүй, тэгж бүтээгдээгүй. Дөрөв, Тавдугаар Түвшний лам, гэлэнмаа нар маань авшгийн үеэр олон төрөлтнийг аврах хангалттай хүчтэй гэж хэлж чадахгүй. Тэд үүнийг мэднэ, мөн тэд бүгд тун эгэл даруу. Ийм л байдаг юм.Гэтэл Тран Тамыг харвал та нар түүнийг гарцаагүй чөтгөр гэдгийг ойлгоно. Хэн ч ингэж худал хэлж чадахгүй. Тэр гений өвчнөөсөө болж лам байхаа болилоо гэсэн ч удалгүй нэг эмэгтэй болон өөрсдийн хүүг дагуулан ирсэн. Тэгээд надтай холбоотой гэдгээсээ татгалзаж, өөрийгөө их багш, залгамжлагч энэ тэр гэх болж, хүүгээ Тайвань (Формоса)-ийн Шихүд авшиг авхуулахаар сэм оруулсан! Багийнхан маань санаа зовж байсан ч, надад дараа нь л хэлсэн юм! Би түүнийг өөрийнхөө залгамжлагч болгосон гэнэ ээ. Өө, хар дарсан зүүдэнд ч тийм юм байхгүй. Иймээс л Бурхан надаар та нарт үүнийг хэлүүллээ. Хүмүүс түүнээс болж цаашид төөрөлдөж, хохирохгүй гэж найдаж байна. Би та нарыг буруутгахгүй. Бүхэл дэлхийн үйлийн үр болон маш их үймээн самуунтай, зовлонтой, тун их гамшиг нүүрлэдэг, бүр үхэл нүүрлэдэг Номын Төгсгөлийн Эринийг буруутгана. Энэ нь хүмүүсийн дүгнэж цэгнэх илүү дээр чадварыг доройтуулж, сөрөг хуурмаг хүчинд өртөмтгий болгодог! Бурхан тэднийг Адисалж, тэднийг сувдаг чөтгөрийн урхинаас чөлөөлөх болтугай л гэж найдъя.Би болоод Диваажингийн Хамгаалагчид, бид өдөр шөнөгүй хүмүүс та нарыг бүгдийг нь аврах гэж үнэхээр их хичээж байна. Та нарт өөрийгөө Майдар Бурхан буюу Аврагч, эргэж ирсэн (Эзэн)Есүс Христ гэдгээ хэл хэмээн надад бас зарлигдсан. Намайг үргэлжлүүлэн амьдруулна л гэж найдъя. Энэ олон арван жил намайг зөвхөн Их Багш гэдгээр минь л мэдэг гээд хэлээгүй юм, энгийн Багш байвал хүмүүсийн дунд ажлаа хийхэд амар гэж бодсон. Эзэн Есүсийг хэрхэн амиа алдсан, мөн олон Их Багш нар, Гэгээнтнүүд, Тэдний шавь нар хөнөөгдөж байсныг бодоод энэ удаад аюул заналхийллийг багасгаж, энэ цаг үед илүү болгоомжтой байя гэсэн юм. Та нарын амь нас эрсдэлд бага өртөг гэж хүссэн. Гэсэн хэдий ч зарим хязгаарлалттай, эсвэл бага хязгаарлалттай орнуудад ч дэлхийн үйлийн үрээр миний ажилд, аюулгүй байдалд саад учруулж болзошгүй байдаг. Зарим шавь маань бас адилхан нөхцөл байдлыг тэсвэрлэх болдог! Надад маш олон бэрхшээл, олон аюул бий.Өнөөдөр хүртэл би Бурханаас Түүнтэй ярьж байхдаа “Би яагаад ингэх ёстой юм бэ? Тран Там юм уу өөр хэн нэгний талаар ингэж хэлбэл би аюулгүй байж чадах эсэхээ мэдэхгүй байна.” гэж асуулаа. Тэгэхэд Бурхан “Уучлаарай” гэсэн. Бурхан надаас уучлалт гуйсан! “Та ийм их зүйл туулж буйд уучлалт хүсье!” гэсэн. Бурхан минь, үүнийг сонсоод би унахаа шахлаа. Уйлж ч чадаагүй. Гэхдээ Бурхан Тандаа ийм гайхалтай зүйл хэлсэнд мэхийн талархаж байна. Намайг үнэхээр тайтгарууллаа. Энэ дэлхийн юу ч надад өгч чадахааргүй тийм их Ивээл, Тайтгарлыг надад өглөө. Ай, Бурхан минь, намайг ингэж их хайрлаж, надад ингэж сайн хандан, тийм сайхан үг хэлсэнд маш их баярлалаа. Би бодохдоо... миний бодлоор би тийм гавьяагүй. Хангалттай их зүйл хийлээ гэж хэзээ ч санагддаггүй. Аль чадахаараа л хичээдэг. Надад ингэж хэлсэнд баярлалаа, Бурхан минь. Бурхан минь, Танаас ийм үг дуулна чинээ огт бодож байсангүй. Ай, хүмүүс бүгдээрээ тийм их хүчтэй биш гэдгийг ойлгож хайрла. Би ч бас тийм хүчтэй биш. Ердөө л чадахаараа хичээж байна.Хүмүүс хүчтэй биш учраас л буруу зүйл хийж байна. Мөн тэд тэр бүх чөтгөрийн нөлөөгөөр хийж байгаа юм. Иймд өршөөж хайрла, Бурхан минь, өршөөж хайрла, өршөө, өршөө. Дахин жаахан хугацаа өгч хайрла. Эрхэм Бурхан минь, энэ гарагийг битгий устгаач дээ. Би ч бас энэ гарагт маш их хайртай. Бас би хаа нэгтээ арай том, зэрлэг байгальтай газар нохой-, шувуу-хүмүүстэйгээ очоод цаг хугацаа, орон зайг эдлэх сэн гэж хүсдэг хэдий ч тэд надгүйгээр нэг нэгээрээ үхэцгээдэг. Гэхдээ зүгээр дээ, Бурхан минь, Та юу хийхээ мэдэж байгаа. Мөн Та надад хаана байх нь сайн бэ гэдгийг мэдэж байгаа. Надад юу өгөх ёстойгоо Та мэдэж байгаа. Надад зохицуулж өгсөн сайн, муу, саармаг бүх зүйлд талархаж байна. Тэр бүгд төгс төгөлдөр. Гагцхүү хүмүүсийг өршөөж, тэднийг сэрээж сэхээрүүлэх ямар нэг зүйл хийж хайрла. Эсвэл намайг аваад, миний буяныг, юу л байна бүгдийг нь аваад энэ гараг дээрх хүмүүсийг, хамаг төрөлтнийг өршөөж хайрла.Гуйж байна. Учир нь би Суприм Мастер Телевизэд ажиллах бүрдээ гудамжинд осолдсон, эсвэл ямар нэг галзуу хүнээс болж хохирсон хүмүүс ямар их зовж байгааг хардаг юм. Бяцхан хүүхдүүдийг ч сүүлийн үед яг л тоглоом мэт хөнөөж байна. Хүмүүсийг Танаас төөрүүлэх, сайн сайхан бүхнээс, өөрсдийнх нь Жинхэнэ Мөн Чанараас төөрүүлэх маш олон зүйлийг чөтгөрүүд хийж байна. Бүх хүн сайн хүн гэдэгт би итгэдэг билээ, Бурхан минь. Тэд бүгд сайн. Дотооддоо тун сайн. Энэ дэлхийг удирдаж байгаа маяагийн хүч тэднийг харалган, мунхаг болгон төөрөгдүүлж байгаа төдий бөгөөд мөн тэднийг сүйтгэж байна. Ийм л юм. Гуйя, гуйя, тэднийг өршөөж, тэдэнд ямар нэг зүйл сургаж хайрла. Хэрэв би хангалтгүй бол... Энэ бүгд тэднийг ятгах хангалттай чадваргүй миний буруу, Бурхан минь.Намайг харвал би бол энэ дэлхийн ердөө л нэг турьхан, жижигхэн эмэгтэйн биед байна. Би дайнаас дөнгөж сэргэж байгаа нэгэн улсаас гаралтай. Тэднийг ятгах би хэн ч юм бэ? Учир нь хүмүүсийн хүлээлт бол... Энэ дэлхийн хүмүүс бүгдээрээ Их Багшийг өөр харагдах ёстой гэсэн хүлээлттэй байдаг хэмээн би боддог. Бүгд өөр шүү дээ. Будда хүртэл хэдийнээ Нирваан дүрийг олсон ч олон улс оронд Түүнийг хүндэлдэг. Гэхдээ Түүний дүрийг өөр өөрөөр бүтээдэг. Тайландад Түүнийг заримдаа шовх малгайтай бүтээдэг. Мөн Хятадад Түүнийг хятад хүн шиг бүтээдэг. Ау Лак (Вьетнам)-д түүнийг аулак (вьетнам) хүн шиг харагдахаар бүтээдэг. Японд Буддагийн баримлыг япон хүн шиг харагдахаар бүтээдэг юм.Тиймээс би тийм байж чадахгүй. Тэр тусмаа би амьд байгаа болохоор. Тэдний хүсэлд нийцүүлэн өөрийгөө өөр өөр хөшөө болгож, бүтээх боломжгүй. Гагцхүү тэд миний дотор Таны оршдог Их Багшийн Хүчтэй холбогдсон л бол тэд өөрсдийнхөө таашаалд нийцүүлж өөрөөр харж чадна. Учир нь зарим хүн намайг танихгүй өнгөрсөн ч амьдралдаа надад итгэдэг, эсвэл надтай ямар нэг холбоотой байсан бол миний доторх Их Багшийн Хүч намайг тэдний харахыг хүссэн шиг болгож магадгүй. Магадгүй Арьяабал Бодисадва шиг, эсвэл Шагжамуни Будда шиг, нэг бол Авид Бурхан шиг, эсвэл бүр Өрнөдийн шашны сахиусан тэнгэр, бүр Есүс Христ шиг болгон, харахыг хүсдэг хүсэлд нь нийцүүлнэ.Харин зөвхөн шавь нар маань л намайг үнэндээ хэн бэ гэдгийг мэдэх бөгөөд баталж чадна. Тэдэнд батлах арга бий, мөн бид өөрөөр холбогдсон. Гэхдээ гаднах үй олон хүний хувьд Их Багшийн Хүч миний энэ оршихуйг тэдний харах дуртай байдлаар харагдуулах ёстой болдог. Тиймээс тэдний аргаа барсан үед би тэдэнд туслахаар ирсэн гэдгийг хэзээ ч мэдэхгүй. Бас тэдний ихэнх нь намайг хүн бүрд тусалсан байлаа ч тэртэй тэргүй харахгүй. Зарим нь харж чадахгүй. Зарим нь харж чаддагт би гайхсан. Миний зарим шавийн гэр бүлийнхний зарим нь авшиг хүртээгүй, бас надад болон өөр юунд ч итгэдэггүй атлаа намайг гэж нэрлэдэг “Би” буюу миний Гэрлэн хувилгаан Бие тусламж хэрэгтэй үед нь гэрт нь үзэгдсэнийг харснаа миний шавь гэгдэх хүмүүст хэлж байсан юм. Тэгэхээр миний шавь гэгддэг хүмүүс Их Багш нь гэрт нь залран ирж, хэцүү цагт нь туслахаар ирсэн Их Багшийн хувилгаан Биеийг хараагүй, харин гэрт нь байсан шавь бус хүмүүс харсан байдаг. Бас заримдаа хүүхдүүд харж, харин насанд хүрэгсэд юу ч хараагүй байдаг. Ийм л байдаг.Та яаж ч зохицуулсан бай, Бурхан минь, бүгд Таны л зохицуулалт. Өөрөөр хэлбэл Марагийн хүчинд хэдийнээ тун их хууртсан хүмүүсийг би яаж ятгах билээ? Өөрсдийн итгэл үнэмшил, ийм тийм шашин сайн гэж, ийм тийм номлогч, эсвэл лам нарт итгэх итгэл нь маш гүн гүнзгий болсон хүмүүс байдаг. Тиймээс маш олон тохиолдолд тэд Таныг хуурамчаар төлөөлснийхөө улмаас өөрийгөө хохироох юм уу ойр дотнын итгэлт хүн нь тэднийг хорлож хохироодог!Энэ үзэл санаа төрсөн цагаас нь л байсан болохоор тэд тийм хурдан, амархан өөрчлөгдөж чаддаггүй. Тэднийг би буруутгаж чадахгүй, Эзэн Бурхан минь. Би гагцхүү тэдэнд туслах хангалттай арга зам байхгүйд л харамсаж байна. Бид аниргүйгээр тэдэнд жаахан тусалж чадах хэдий ч тэд өөрсдөө гэгээрч, Бүхнийг Чадагч Бурхан Таныг таньж мэдэхэд, мөн Таны тэдэнд бүтээж өгсөн үзэсгэлэнт бүх ертөнцийг үзэхэд нь тусалж чадна гэсэн үг биш юм. Мөн тэд энэ насандаа хүртэл хэдийнээ тун их, маш их баяр жаргалтай байх байсан.Би Суприм Мастер Телевизээрээ чадах бүхнээ маш уйгагүй зүтгэн хийж байна. Ингэснээр энэ нь хаа нэгтээ байгаа хэн нэгнийг, үр хүүхдүүдийн Тань заримыг сэрээх юм уу хэцүү цагт нь бага ч гэлээ туслах болно. Ялангуяа энэ Төгсгөлийн үед!Photo Caption: Үргэлж Өөрсдөө Эргээд Сэргэх Боломжтой!
