Дэлгэрэнгүй
Татаж авах Docx
Дэлгэрэнгүй уншаарай
Цаг үргэлж даруу байгаарай. Та нар зөвхөн завилан суугаад дуусашгүй буянтай болно гэж бүү бодоорой. Тийм байх албагүй! Гурван Ертөнцөөс гэтлэгдэх нь хэдийнээ агуу зүйл. Буяны талаар эсвэл Тав, Зургаа, Долоо эсвэл Наймдугаар түвшнийг дурдалтгүй. Илүү даруу бай. Та нар цаг үргэлж арван зүгийн өнгөрсөн, одоо, ирээдүйн Их Багш нарт бидэнд хурдан туулан гарахад туслаач хэмээн залбирах ёстой хэвээр. Мөн та нар тусламж хэрэгтэй хэнд ч туслах ёстой хэвээр. Бусдад туслах нь өөртөө туслахтай адил. “Хөөх! би орон гэргүй хүнийг халамжилж авчран байна. Би ч дуусашгүй буян хүртсэн байх” гэж бүү бардамнан хэлээрэй. Би “дуусашгүй буян” гэж хэлэхдээ танд тийм байна гэж найдан хэлсэн юм. Заавал биш, юу гэдгээс хамаарна. Бид хэр чин сэтгэлтэй, даруу байгаагаас хамаарна. Цаг үргэлж даруу бай. Ямар ч үед, бид хэдийн агуу гэж бүү бод. Ингэж бид дэвшиж чадна. Эго бол хамгийн том саад. Ялангуяа эмэгтэйчүүд та нар анхаараарай. Та нар гэртээ нөхөр, хүүхдээ захирч дадсан байдаг. Тэд та нарыг сонсдог. Үүний улмаас биеэ бүү тоогоорой. Бидний нөхрүүд биднийг эрхлүүлдэг бол энэ нь адислал. Та нар Диваажин болон Дэлхийд талархах ёстой. Бидний хүүхдүүд дуулгавартай бол мөн л адислал. Бид эрүүл, сайхан, залуу бол энэ мөн адислал. Бид Бурханд талархалтай байх ёстой. Диваажин болон Буддад таларх. Бүү бардамнан, “Хөөх! би сайн бясалгасан! иймээс сайн байна” гэж бүү хэлээрэй. Заавал тийм байх албагүй; энэ цаг үед, жинхэнэ сүнслэг бясалгагч нарыг олоход бэрх. Тэд бясалгахыг хүсдэггүйдээ биш л дээ. Тэд бясалган дадуулахыг хүсдэг ч төөрөлдсөн байдаг. Дэндүү удаан хордсон байдаг. Төрлөөс төрөлд тархиа угаалгуулсан учраас тэдний хувьд сүнслэгээр бясалган дадуулах хэцүү байдаг. Түүнээс гадна энэ эринд тэд бас илүү ажиллах шаардлагатай. Тэр хүнийг жишээ нь хар. Жолооч байсан боловч нэг нүд нь асуудалтай болсон учраас ажилгүй болсон. Ажилгүй бол түүний гэр бүл нь ч түүнийг тэтгэж чадахгүй байна. Тэд амжиргаа залгуулах мөнгө олоход хэцүү алслагдмал газар амьдардаг. Хийх ажил байгаагүй. Өөр газар руу нүүх нь бүр ч хэцүү байсан. Хаашаа нүүж чадах вэ? Тэдэнд ердөө тэр газар л бий. Тиймээс энэ эринд юмс тийм ч амар биш. Технологи илүү дэвшилттэй байх тусмаа сүнслэгээр дадуулан бясалгах илүү бэрх байдаг. Учир нь бид хөршөө гүйцэхийн тулд, ижил түвшний тав тухтай амьдралаар амьдрахын тулд маш их мөнгө олох ёстой болдог. Бид агааржуулагчтай байх ёстой, машин, цахилгаан сэнс, хөргөгч, гэх мэт олон зүйлстэй байх шаардлагатай. Энэ бүхэнд мөнгө хэрэгтэй. Мөнгөтэй байхын тулд ажиллах ёстой. Илүү их зүйл хүсэх тусам илүү мөнгө хэрэгтэй. Илүү мөнгө хүсвэл илүү урт ажиллах шаардлагатай. Илүү урт ажиллах тусам бие махбод тань илүү ядарч, бодол санаа тань илүү төөрөлддөг. Үүний үр дүнд сүнслэг дадал бясалгалдаа төвлөрөхөд бэрх болдог. Иймд энэ цаг үед бид зөвхөн Бурханд, Буддад биднийг адисалж, туслахад найдаж болно. Бид өөрсдөдөө хэт найдах учиргүй. Мэдээж бид чадах сайнаар хичээдэг. Гэсэн ч бид хэдий их сайн хичээсэн ч биеэ тоох зүйл үгүй.
