Дэлгэрэнгүй
Татаж авах Docx
Дэлгэрэнгүй уншаарай
Амьдрал биднийг эхээс төрөхөд эхэлж эсвэл үхэхэд төгсдөггүй. Гэгээрэл бол зөвхөн эхлэл юм. Аялал мань гайхамшгаар дүүрэн байх болно, ертөнцөөс болон зүрх сэтгэлээсээ ундрах жинхэнэ хайрыг мэдэхийг хүссэн, амьдралын гайхамшгийг мэдрэхийг хүссэн хүмүүсийн хувьд гайхалтай учралууд болон шинэ нээлтүүдээр үргэлжлэх болно. Хүн бүрийн зөв чигт алхсан нэг жижиг алхам хүн төрөлхтний хувьсалд том үсрэлт хөгжлийг үүсгэж чадна, тэрхүү жижиг алхам маш энгийн. Энэ бол ердөө амь бүү хөнөө, “Амьдар, мөн бусдад амьдрах боломжийг олго” гэсэн зарчмыг баримталж, амьдрал бүтээ гэж бидэнд амьдрал хайрласан ертөнцийн хуулийг дагах юм. Учир нь ижил ижлээ татдаг; бид бүгдээрээ үүнийг мэднэ. Энэ нь мэдээж ургамлан хооллолттой байна гэсэн үг. Гараг дэлхийнхээ төлөө сайн үйлс ихээр хийх тусам та илүү их сайхан зүйлс хүртдэг. Бусад хүмүүст аз жаргалыг өгөх тусам, та илүү их аз жаргалыг олох болно. Сайн үйлс хийхэд төвлөрөх хэрэгтэй. Залбираарай, мөн хамгаас өндөр сүнслэг хүчийг олж авахыг төлөө бясалгаж чадах арга замаараа та бясалгаарай. Амьдралын тань талбар бүр дэхь хорон муу хандлагаа арилга. Цаг үргэлж Бурханыг санан дурс. Байгаа бүхэндээ, мөн таны эргэн тойронд буй, амьдралд тань буй бүх адислалууддаа талархаж байгаарай. Дэлхийн сайн сайхны төлөө залбир. Ургамлан хоолтон байж, энхтайвныг цогцлооцгооё. Мөн энэ үзэсгэлэнтэй сайхан амьдралдаа, хэдий богино ч үзэсгэлэнтэй оршихуйдаа талархаж байгаарай. Бид хоосон байх үед л зөвхөн Бурхан бидний хайр болон билиг ухаанаар дүүргэж чадна. Хэрэв бид хэн нэгэн хэвээр байвал, хэрэв бид ямар нэг зүйлийг эзэмших өмчлөх сэтгэл байвал, бид бүрэн хоосон байж чадахгүй бөгөөд бидний дотоодыг дүүргэхийг хүсэж буй бүх Бурханы хүчийг хадгалж барьж чадахгүй. Бусдыг өөрөөсөө илүү ихээр хайрладаг хэн бүхэн Гэгээнтэн эсвэл Бодисатва байж таарна. Ямар зам мөрөөр бясалгаж байх нь хамаагүй, тэр хүн маш өндөр сүнслэг түвшинд хүрэх нь гарцаагүй. Бусдыг өрөөсөө илүү хайрлах гэдэг бол хамгийн агуу нууц билээ. Бусад хүмүүсийг эсвэл амьтдыг хайрлах нь ялгаагүй. Хэрэв бусдын төлөө өөрийгөө золиосолж чадаж байвал, та Бодисатвагийн түвшинд байна гэсэн үг. Үүнд эргэлзэх зүйлгүй. ‘Хийх ёстой зүйлс болон ёсгүй зүйлс’-т эцэс төгсгөл гэж үгүй. Ажлаа хийхдээ өөрийн цэвэр ариун байдал болон билиг ухаанаа ашиглан, нөхцөл байдалд зохицон үйлдээрэй, өөрийгөө үргэлж цэвэр ариун байгаа эсэхийг харах хэрэгтэй Энэ нь их чухал. Үргэлж Ариун Нэрсээ уншиж, өөрийн тань хийж буй зүйл зөв эсэхэд дотоодоос тань зааварчлахыг гуйгаарай, хэрэв та эргэлзэж байвал, үүн дээрээ төвлөрөн бясалгаарай.
