“Үйлийн үрээсээ хамаарч хоолло” 6 цуврал лекцийн 5-р хэсгийг

Нэгэн эмэгтэй ганцаараа уул руу явсан байсан. Тэгээд ууланд байхдаа тэрээр юу ч идэх шаардлагагүй байв. Өлсөх мэдрэмж байсангүй, олон сараар тэндээ байж, хэсэг хугацаанд агааран хоолтон болжээ. Гэтэл орон гэр нь байдаг хот руу бууж ирмэгцээ тийм байж чадахгүй болов. Үнэхээр хэцүү байжээ. Яагаад гэвэл хамтын үйлийн үр энерги бий болгон өдөрт гурав дөрвөн удаа хооллодог эргэн тойрных нь хүмүүстэй бараг л нэг мэт тийм холилдсон мэдрэмж төрүүлдэг. […]

Хүн бүр нэг удаад сайн идэж чаддаггүй. Зарим хүмүүс өдөрт хэд хэдэн удаа маш багаар хооллодог, яагаад гэвэл тэд нэг дор их идэж чаддаггүй. Зарим хүмүүс төвлөрөөд, нэг дор их идэж чаддаг. Тиймээс өдөрт нэг хооллох нь та нарын бие махбод сүнслэг байдал болон сэтгэл зүйн хүчнээс хамаарна. Дээрээс нь та нар энэ дэлхийд амьдардаг учраас та нарыг тойроод нэлээд үлэмж хэмжээний үйлийн үрийн энерги байж мэднэ, эсвэл дэлхийд хаа явсан газарт тань.

Нэгэн эмэгтэй ганцаараа уул руу явсан байсан. Тэгээд ууланд байхдаа тэрээр юу ч идэх шаардлагагүй байв. Өлсөх мэдрэмж байсангүй, олон сараар тэндээ байж, хэсэг хугацаанд агааран хоолтон болжээ. Гэтэл орон гэр нь байдаг хот руу бууж ирмэгцээ тийм байж чадахгүй болов. Үнэхээр хэцүү байжээ. Яагаад гэвэл хамтын үйлийн үр энерги бий болгон өдөрт гурав дөрвөн удаа хооллодог эргэн тойрных нь хүмүүстэй бараг л нэг мэт тийм холилдсон мэдрэмж төрүүлдэг.

Нэг хүн эгэл ертөнцийн дунд их л хатуухан хэрэгжүүлсэн байсан. Агааран хоолтон байхдаа бүр гудмаар алхаж, өмнө нь болон тэр үед агааран хоолтон байхыг бие нь хэрхэн хүлээн авч буйг ажиглаж байлаа. Гэтэл тэр машинд мөргүүлсэн. Тэр жолоо барьж байсан юм биш, өөр хүн машинаараа түүнийг мөргөөд хороосон. Тэрээр бусад олон хүмүүсийг дагуулах урам зориг итгэл найдварын гэрэл байж болох байлаа. Гэвч тийм учиртай. Дэлхийн үйлийн үр ийм зүйл болохыг зөвшөөрөөгүй бололтой. Тиймээс бүхнийг дундаж байдлаар хийсэн дээр.

Хэрэв та нар намайг өдрийн нэг удаагийн хоолоо идчихээд араас нь бага зэрэг юм идвэл их зүйл бодолтгүй. Магадгүй надад шаардлага байсан байх. Хэт их үйлийн үрээс болоод би үүний дагуу, Бурханы Тааллын дагуу, дэлхийн хамтын үйлийн үрээс болж би үүрэх ёстой үйлийн үрээсээ болж ажиллах ёстой. Та нар ч бас: хэрэв та нар өдөрт нэг удаа хоол идээд хэсэг хугацааны дараа тэсэхээргүй болбол мэдэж авна: магадгүй та нар үйлийн үрийн ачааг – өөрийнхөө үйлийн үрийг болон дэлхийн хамтын үйлийн үрийг тэсэхгүй байгаа байх. Юуны ч талаар хэт их бүү бод. Үргэлж Бурханы Хайранд байж, Бурханыг санаж, өөрийг тань дэвшүүлдэг, дэмждэг, хамгаалдаг бүх Их Багш нарт талархаарай. Хоол унд, хувцас, компьютерын ажил л одоо та нарт байна; өөртөө хэт бүү хатуурх! Миний хайр та нартай үүрд хамт!

Тэгээд хэрэв өлсвөл ид. Ядарч байвал унт. Мөн чадах зүйлээ хий - Суприм Мастер Телевизээр дамжуулан хамгийн сайнаараа хий. За юу? Тэгвэл та нарын амьдрал илүү амар амгалан байж, заримдаа ихэд яаравчлан, цагийн хуваарьтаа зохицуулж сандран ажиллах болно. Заримдаа бидний хуваарь хэвийн бус болдог; хийх ёстой зүйлсээ бид хийх ёстой. Санаа зоволтгүй. Өдөрт нэгээс илүү хооллодог бол сэтгэлээ унах хэрэггүй. Зүгээр. Эсвэл өдөрт нэг удаа хооллох боломжтойгоос гадна үдээс хойш өөртөө зориулж жимс ногоотой шүүс хийж ууж чадахаар бол үнэхээрийн их шим тэжээлтэй, амархан шингэх бөгөөд бас цатгадаг. Өлсөх мэдрэмжийн зовлонг бага мэдэрнэ. За юу? Та нар үйлийн үрийнхээ дагуу, хүсэл зорилгоосоо хамаарч үйлдэх хэрэгтэй. Хэт их хүчилж болохгүй.

Бас олон хүмүүс өөр өөр аргаар сүнслэгээр бясалган дадуулж, өөрсдөөрөө бахархан, үүнийгээ үр дүнтэй гэж боддог ч, тийм биш. Зарим улс оронд маш олон төрлийн хачирхалтай сүнслэг зүйлсийг дадуулдаг, жишээ нь хулгана-хүмүүсийг шүтэх юм уу, хулгана- болж төрөхийг, дараа төрөлдөө хулгана-хүн болохыг хүсдэг. Эсвэл могой-хүмүүсийг хүртэл албан ёсоор, ил тодоор шүтэж, үүгээрээ бахархдаг, бүг мянга мянган хүн ийм зүйлийг дагадаг. Та нарт би хэлж байсан, та нар мэдэж байгаа, би амьтан хүмүүст маш их хайртай, бүх амьтан-хүмүүс ямар нэг байдлаар эсвэл хэзээ нэгэн цагт тустай байх боломжтой. Могой-хүмүүс хүртэл. Тэд та нарт хүслээ биелүүлэхэд тань, эсвэл зарим аваараас зайлсхийхэд тань тусалж чадна, мөн тэд өөрсдийнхөө чадлын хэмжээнд хамгаалдаг.

Гэвч амьтан-хүмүүс Бурхан биш. Тиймээс ямар ч амьтан-хүнийг Бурханы оронд шүтэх гэсний хэрэггүй. Тэднийг хайрлаж болно, бидэнд ямар нэг байдлаар тусалбал, тусалсныг нь мэдвэл тэдэнд талархаж болно. Мэдэхгүй байлаа ч та нар тэжээвэр амьтан-хүмүүсээ хайрла. Харсан эсвэл туслах боломжтой амьтан-хүн болгоноо хайрла. Гэхдээ бусдаар, тэднийг Бурхан шиг бүү шүт.

Зөвхөн Бурханыг л шүт, Их Багшийг шүт. Дагадаг Их Багшдаа дуулгавартай бай, учир нь Тэр та нарыг адисалж, ямар ч байдлаар туслах боломжтой. Яагаад гэвэл Тэр бүхэл Ертөнцтэй холбогдож чадна. Хэрэв Тэр жинхэнэ Их Багш бол, хамгийн хүчтэй нь бол та нар олон эрин галаваар, олон ертөнцөд хамгаас азтай байх болно. Та нар бясалгал дадлаараа, дотоод Диваажингийн ахуй ойлголотуудаараа, тухайн Их Багшийг дагахуйц эсэхийг мэдрэх ёстой. Тэгвэл зөвхөн тийм Их Багштай байхад л хангалттай. Өөр зүйл хэрэггүй. Хэрэв та нар тэр Их Багшаа хайрлаж, зааварчилгааг нь дагадаг бол Бурхан хүртэл та нарыг хайрлана. Бурхан хүртэл

хайрлана. Их Багшийн сургаалыг дагаасай гэж л Бурхан хүсдэг, учир нь энэ нь шууд Бурханаас гаралтай юм - тухайн Их Багш Бурхантай нэг бол шүү дээ, жишээ нь Эзэн Есүс Христ, Будда, олон Эзэн Махавира гэх мэт олон Гүрү нар, байна. Маш олон Их Багш нар бий, тэдний Нэрсээр нь дурдана гэвэл би энэ насаа зарцуулах болно. Энэ нас минь хүрэхгүй.

Тиймээс та нар одоо намайг өөрөө өдөрт ганц иддэг, эсвэл өвддөггүй ургамал иддэг гээд тэр дэглэмээ та нарт сурталчилж байгаа биш гэдгийг ойлгоо биз. Та нар минь сайн сайхан байцгаа. Дияаны байдалд байхад хүссэн хоол хүнс тэр бүр олддоггүй л дээ. Мөн хүмүүс хоол авчрах гэж байнга ирж очин, өөрт тань саад болохыг бас хүсэхгүй. Тэгэхээр хаана дияан хийж байгаа, дияан нь ямар нөхцөл байдал, аль шатанд байгаагаас шалтгаалан, хэзээ идэх, юу идэх боломжтой байна түүнийгээ л идээрэй.

Заримдаа очиход тун бэрх газарт хүмүүст хоол хүнс авчирч өгөх амаргүй. Тийм учраас өнгөрсний олон Их Багш нар, Гэгээнтэн Мэргэд маш энгийн, хямд, хадгалах боломжтой хоол иддэг байв. Тэгснээр Тэд байнга дагалдагч нараа байн байн хоол хүнс авчир гэж үймүүлэх шаардлага гарахгүй. Дагалдагч нар нь дуртай авчрах байсан ч эрт дээр үеийн ихэнх Их Багш нар болон Гэгээнтэн Мэргэд ганцаараа нам гүм орчинд, Бурхантай хамт байхыг, хүч, энергиэ бэхжүүлж улмаар Бурханы Таалал, Бурханы Ивээлээр дэлхийг бас адислахыг хүсдэг.

Тиймээс биеэ хэт хатамжлахыг дэндүү хичээж, гэгээрэх зам хэмээн итгэж болохгүй. Тийм биш. Тэр байтугай хүмүүс болоод амьтан-хүмүүсийн төлөө буянтай сайн үйлс хийдэг хүмүүс сүр жавхаатай, эрхэм ариун хэдий ч энэ нь туулан гэтэлж, өндөр дэсэд хүрэн, Бурханы хутгийг олох арга зам биш юм.

Буяны үйлс хийх, бусдад туслах, сайн сайхан зүйл хийх нь бидний хийх ёстой зүйл. Мөн зарим нэг үйлийн үрийг мэдээж багасгана. Гэвч энэ яваа насанд тань төгс туулан гэтэлгэх Арьяабалын Аргатай адилгүй. Үүнийг санаж яваарай. Гэхдээ ямагт сайн үйл хийж байх учиртай. Би ч бас тэгдэг. Надад буян, магтаал, шагнал хэрэгтэй учраас биш. Харин бид энд хамт амьдардаг учраас тэр. Хэн нэгэнд тусламж хэрэгтэй аваас, хүнд, амьтан-хүмүүст, эсвэл өөр аливаа төрөлтөнд тусламж хэрэгтэй аваас бид туслах ёстой. Энэ бол хийх ёстой энгийн зүйл. Бидэнд буян хэрэгтэй учраас, шагнал хүссэндээ биш юм шүү. Тэгвэл хийгээгүй нь дээр. Хийж буй бүхнээ Бурханы, Диваажингуудын, Будда нарын төлөө үйлдэж байгаарай.

Хэрэв бид зөвхөн сайн үйл үйлдвэл, сайн, эрхэм ариун, эелдэг байх болно. Гэвч Буддагийн хэлснээр бол энэ нь зөвхөн Диваажин ба газар дэлхийн буян хураана. Учир нь Диваажин олон ангилал, олон түвшинтэй. Гурван Ертөнц доторх, сүйрэх боломжтой гурван ертөнц дотор Диваажинд хүрэх боломжтой. Тийм Диваажинд, устаж үгүй болдог гурван Диваажингийн ертөнцөд юм уу Дэлхийд ирэх боломжтой. Жишээ нь хүн маш сайн байж, өглөг буян үйлдэж, энэрэнгүй байвал энэ Гурван Ертөнц доторх Диваажингуудад очих боломжтой бөгөөд дараа нь эргэн төрж, баян айлд хүний төрөл авч, амжилтай, давуу эрхтэй, нэр төртэй байх болно. Диваажинд хэсэг байсныхаа дараа ингэдэг, гэхдээ өндөр Диваажин биш.

Өндөр Диваажингууд нь Дөрөвдүгээр Төвшинөөс дээшээ, дээш мэдээж, Тим Ко Тү-гийн Газар ба Үүнээс ч чанад нь орно. Гэвч Үүнээс чанадыг бид мэдэх шаардлагагүй. Хэт хол явах шаардлагагүй. Хэт холдвол бидэнтэй хамааралтай, бидний ойлгож, баясах юм байхгүй. Үнэндээ шаардлагагүй. Яг л коллежид сурсны дараа, их сургуульд сурсны дараа хангалттай байдаг шиг. Их сургууль төгсөөд өөр сургуульд сурдаггүй. Гэвч их сургуулийн дараа та нар мэдлэгээ тэлж болно, яаж гэдгийг нь сурчихсан. Та нар илүү сайн мэдэж байдаг.

Photo Caption: Бурханы Хайраар Тэтгэ, Байгаль Тэгдэг юм!

Зураг татаж авах