Дэлгэрэнгүй
Татаж авах Docx
Дэлгэрэнгүй уншаарай
Суприм Мастер Телевизийн ажилтнууд болон манай аль нэг бизнест ажилладаг хүмүүс өдөрт дөрвөн цаг бясалгах ёстой. Бусад шавь нар хоёр цаг гучин минут бясалгадаг ч илүү бясалгах тусмаа мэдээж та нарт сайн. Мөн Аялгуугаа хийгээрэй. Та нар хэзээ (дотоод Диваажингийн) Гэрлээ зогсоож, (дотоод Диваажингийн) Аялгуу, гайхамшигт Аялгуу, дотоод Аялгуу, мөнхийн Аялгууг хийхээ мэддэг байх хэрэгтэй. Мөнхийн Гэрэл, мөнхийн Аялгуу та бүхний нөхөр, хамгийн сайн найз, хамтрагч тань байх ёстой. Үгүй бол энэ дэлхийн зовлонгоос зайлсхийх боломжгүй бөгөөд дараа нь Диваажинд маш доогуур байх болно. Диваажинд хүрээд та нар бүхнийг харах боломжтой. Махан биед байх хугацаандаа ашиг тусыг хүртээгүйдээ та нар үнэхээр их харамсах болно.Энэ дэлхий дээр бясалгал хийхэд Диваажинд хийснээс зуу, мянга дахин илүү буянтай. Яагаад гэвэл Диваажинд ямар ч тэмцэл байдаггүй. Юунд ч хувь нэмрээ оруулах шаардлагагүй. Тиймээс буян хураах хэцүү бөгөөд дараагийн төвшинд хүрэхэд үнэхээр их хугацаа ордог. Энэ дэлхийд заримдаа үнэхээр хурдан явж байгаагаа харах боломжтой. Авшиг аваад хэдэн жилийн дараа хэдийнээ Дөрөвдүгээр Төвшинд хүрдэг. Гуравдугаар Төвшний дээр буюу үхэж төрөхийн хүрдийг давна. Гуравдугаар Төвшинд хүрлээ ч та нар дахиад л төрөл авдаг. Дараагийн төрөл тань тэгээд хаана байхыг Бурхан л мэднэ...Бурханаас, Диваажингаас Их Багшаар дамжин та нарт шууд уламжилсан Арьяабалын бясалгалын арга байгаа учраас та нар аз жаргалтай, талархалтай байх ёстой. Олон гүрү нар Гуравдугаар Төвшнийх байвал та нарын хувьд тэдэнтэй учрах нь маш том хувь ерөөл юм. Тэд тун сайн ярьж чаддаг. Яагаад гэвэл Хоёрдугаар Төвшинд маш уран цэцэн ярих чадвартай болдог. Энгийн хүнийг хэлж байгаа шүү. Магадгүй Арьяабалын бясалгагч нар үүнийг сүртэй юм биш гэдгийг мэднэ. Тэд шууд ялгах боломжтой. Гэвч зөвхөн Арьяабалын бясалгалын аргад авшиг хүртсэнийхээ дараа. Энгийн хүмүүсийн хувьд хэн нь хэн бэ гэдгийг ялгах тун хэцүү. Яагаад гэвэл уран цэцэн ярьж, нэр төртэй авирлаж байгаа хүмүүс өндөр гэгээрэлд хүрсэн гэсэн үг биш.Учир нь Асуурийн Төвшинд хүрвэл хэдийнээ сайхан харагддаг. Хоёрдугаар Төвшинд хүрэхэд, доогуур Хоёрдугаар Төвшинд хүрэхэд л их сайн ярьдаг болно. Яагаад гэвэл бодол тархи, оюун ухаан гэх мэт нь тэр төвшинд бүтээгддэг. Тиймээс ухаад ярих боломжтой. Гэвч тэглээ гээд өндөр дээд сүнслэг оршихуйн талаар ихийг мэддэг гэсэн үг биш. Хэрэв Суприм Мастер Телевизээр миний ярьсан яриаг, миний бичлэг, ном зэргийг дуурайн яривал мэдээж та нар ярьж чадна. Тэдгээрийг дуурайн ярих боломжтой. Гэвч дотроо юу ч үгүй, хоосон бүрхүүл байх болно. Хүмүүсийг адисалж чадахгүй. Хүмүүсийг дэвшүүлж чадахгүй. Тэднийг битгий хэл өөрийгөө ч гэтэлгэж чадахгүй. Гэвч тийм лам, номлогч нар, сатгүрү нар үй олон бий. Би яалтай билээ? Үнэнийг хэлэхийг чадлаараа хичээж байна. Ийм хүрдэнд живсээр буй хүмүүсийн тухай бодоод зүрх сэтгэл минь туйлын их өвддөг. Гэвч би өөр яалтай билээ? Хүмүүсийн, амьтан(-хүмүүс)ийн энэ бүх зовлонг бодож, мөн энэ гарагийн болон бусад гарагуудын бүх төрөлтний зовлонг бодоод би идэж унтаж чаддаггүй, заримдаа бясалгаж ч чаддаггүй.Оногдсон хугацаандаа би чадах бүхнээ л хийх боломжтой. Би авшиг хүртээж, шавь нарыг ил далд харж хандахаас гадна Суприм Мастер Телевизэд хянагчаар ажиллах ёстой болдог. Мөн ТВ-ээр юу гаргаж болох, юуг болохгүйг шалгах ёстой байдаг. Яагаад гэвэл зарим сэдэв тийм ч чухал биш учир хүмүүсийн цагийг үрнэ. Хүмүүсийг зугаацуулах гэж бид тэнд байгаа юм биш. Биднийх шиг ТВ-тэй байх үнэтэй. Тиймээс энэ тухай ярих ч боломжгүй. Ямар ч утгагүй зүйл гаргах боломжгүй. Тийм урчаас заримдаа би хүмүүстэй жаахан чанга байдагтаа чин сэтгэлээсээ хүлцэл өчье. Заримдаа би та нарын ажлыг зогсоож, зарим бичсэн зүйлсийг тань устгадаг ч тэгэхээс өөр аргагүй байдаг юм. Бид хүмүүст болон энэ гараг дээрх бүх төрөлтөнд хамгийн сайныг, хамгийн чухал бөгөөд хамгийн тустайг нь өгөх учиртай.Мөн би энд та нартай, та нарын төлөө, найз нөхөд, хамаатан садан, гэр бүл, өвөг дээдэс, бүр ирээдүй хойч үе, овог аймгийн тань төлөө ажилласаар байгаад баяртай бай. Ерөнхийдөө есөн үед тань тусалдаг. Та нар хэн бэ гэдгээс, мөн ямар овог угсаатайгаас хамаарна. Бас ямар ажил хийдэг, хаана амьдардаг гэх мэт төрөл бүрийн зүйл, үйлийн үрээс хамаарна. Тиймээс та нар заавал бясалгах ёстой. Дулаан хөнжлөөсөө гарах хэцүүг би мэдэх ч хэд хэдэн сэрүүлэг тавьж, өөрөөсөө хол, босож очоод унтраах хэмжээний зайд байршуулаарай. Тэгээд гарч яваад нүүрээ угааж, шүдээ угааж, цэвэр агаар амьсгалаад, бясалгалын танхимдаа очоод бясалгаарай.Яагаад гэвэл бид дотооддоо хангалттай хүч, билиг ухаангүй байвал юу ч хийсэн дорд байх болно. Хамгийн сайнаа өгье гэвч өөрт тань байхгүй юмыг яах вэ. Тиймээс гуйя, бясалгаарай. Үл тоох хэрэггүй. Үүнд хойрго бүү ханд. Үлдэж хоцрох хэрэггүй. Та нарт боломж нь бий. Бясалгах цаг болоход үнэхээр яаралтай биш бол явж бясалгах хэрэгтэй. Тэгээд дараа нь эргэж ирээд ажилла. Заримдаа бид галзуу мэт ажиллах ёстой байдгийг мэднэ. Би мэднэ. Би ч бас тэгдэг. Гэсэн ч бид бясалгах ёстой.Зөвхөн та нар тэгдэггүй гэдгийг санаарай. Ядаж л би та нартай яг адилхан, эсвэл бүр ч дор нөхцөлд байгаа. Тиймээс үүнийг бодоорой. Мөн та нар өөрсдийгөө харж хандах хэрэгтэй. Өөртөө урам өгч, зөв зүйл хийх урам хайрлах ёстой. Энэ дэлхийд байж болох хамгийн сайн зүйл бол Арьяабалын бясалгалаа хийх. Та нарт хамгийн сайн. Энэ бол та нарын өөрсдөдөө хийж болох шилдэг зүйл. Тиймээс энэ шилдэг, хамгаас үнэ цэнтэй адисыг өөртөө бүү хоригло. Үүнийг юу ч устгах боломжгүй, хэн ч булаан авах боломжгүй, мөн хэн ч Диваажин руу явахыг тань зогсоож чадахгүй. Өдөр болгон, үүнээс хойш. Гуйж байна! Маш чухал шүү. Үнэхээр чухал.Сэр, өвлийн улиралд бол халаасны дулаацуулагч аваад яв. Шаардлагатай бол нэмэлт хөнжил юм уу аяны хөнжил ав. Миний нохой-хүмүүстээ авч өгсөн зузаан хөнжлийг худалдаад ав. Нэг тал нь хилэн даавуу, нөгөө тал нь хөвсгөр, хиймэл хурганы үс шигийг. Хялгасаар ч юм уу хийгдсэн байдаг. Тэр үнэхээр сайн. Томыг аваарай, боломжтой бол хамгийн томыг нь. Тэгээд өөрийгөө ороо, толгойгоо ч бас ороож, зөвхөн хамраа гаргаад бясалгаарай. Мөн өрөөнөөсөө бясалгалын танхим руу тэр зузаан хөнжлөөр биеэ ороож, дулаахан хэвээр нь авч очоорой. Тэгээд явж бясалга, гуйя.Хүмүүс үүнээс ч их ажилладаг. Тэд Гималай, Сумэру, Эверест уулст авирдаг. Яах гэж гэдгийг мэдэхгүй ч хүсэл тэмүүлэл нь тэр. Гаднын хүмүүс заримдаа олон ажил хийдэг. Амь зууж, гэр бүлээ тэжээхийн тулд хоёр гурван ажил хийдэг. Тэд өдөр бүр хөлс нулимсаа дуслуулдаг. Зарим хүмүүс, ажилчид өдөр бүр маш хүнд ууттай зүйл зөөдөг, айл нүүлгэдэг компанийн ажилчид бусдын хүнд тавилга энэ тэрийг зөөдөг. Зарим ачааны машины жолооч нар өдөржин шөнөжин олон олон цагаар, гэрээсээ хол, хайртай эхнэр хүүхдээсээ хол олон өдрөөр олон мянган километр явдаг. Заримдаа олон долоо хоног, олон сараар эцэс төгсгөлгүй явна. Тиймээс ядаж л өөрсдийгөө шахахыг хичээж, явж цагтаа бясалгаарай. Хамтдаа хамтын бясалгал хийх маш чухал. Өөр өөр жижиг бүлгээр байсан ч хамаагүй. Дотор байрладаг бүлгээрээ, эсвэл алс хол байгаа бүлгээрээ. Өөртөө хамгийн сайн хандахаа санаарай.Заримдаа би бүр Суприм Мастер Телевизийг хүртэл зогсоохыг хүсдэг. Магадгүй үргэлжлүүлэх байх. Яагаад гэвэл миний хувьд бас энэ маш их ажил. Би бас хүний биетэй шүү дээ. Заримдаа хүний бие тэгтлээ их ажиллахыг хүсдэггүй. Гэсэн ч би үргэлжлүүлэх ёстой. Сүнс минь бодол тархинаас минь илүү агуу, бодол тархи минь биеэс минь илүү хүчтэй учраас би үргэлжлүүлж, жолоодсоор байх ёстой. Биднээс илүү хүнд нөхцөлд байгаа хүмүүс байдаг гэдгийг санаарай. Бид аюулгүй, толгой дээрээ дээвэртэй, өдөр бүр идэх хоолтой, Ертөнц дахинд хамгийн эрхэм ариун ажлыг хийж буй боломж байна. Тиймээс цорын ганц илүү хэцүү зүйл нь бясалгал. Яагаад гэвэл та нар их ажилладаг. Заримдаа өдөр шөнөгүй ажилладаг. Магадгүй хааяа нэг сул орхиж болох юм. Маш их ядарч байвал үнэхээр унаад өгвөл тэгж болох ч заавал явж бясалгах хэрэгтэй. Өөрийгөө түлхэж босгоод заавал бясалгаарай. Дотор ажиллагсдад өдөрт гурван удаа бясалгах цаг байдаг. Өөрсдийгөө сэтгэл зүй, бие махбодын хувьд ухаалаг байлгахын тулд үүнийгээ дагаарай. Дээр нь аз жаргалтай бай.Та нарт хэрэгтэй байдаг зүйл нь зөвхөн хоол хүнс биш. Бясалгал бол бүх хоолноос дээр. Бясалгал хийхгүй өнгөрөөснөөс нэг удаа хоолоо идэхгүй байсан нь дээр. Үгүй бол та нар өөрсдөдөө маш муу зүйл үйлдэх болно. Та нар бас сайн үйл үйлдэх ёстой. Веган байж, энхийг сахиулж, сайн үйлс үйлд. Эхний сайн үйлээ өөртөө үйлдэх учиртай. Тиймээс өөрийгөө сульдаж доройттол өлсгөж, өлбөрүүлж, харангадуулж болохгүйтэй адилаар сүнслэгээр, Бурхан мэт дотоод чанараасаа хоцрохгүйн тулд сүнс тань бясалгах ёстой байдаг. Үгүй бол сүнс тань шууд л унтана. Тэгвэл мод чулуу шиг л болно. Гуйж байна, бясалгаарай. Энэ бол үүрэг биш. Та нарыг захирч, бясалга гэж тушаамааргүй байгаа ч та нар өөрсдийгөө захирч, өөртөө сүнсэндээ сайныг үйлдэхийг тушаах хэрэгтэй. Бясалгалын үеэр Бурханыг илүү сайн санадаг. Мөн бодол тархиа илүү тайвшруулдаг.Photo Caption: Улирлыг үл тоомсорлож, дотроо төвлөр.
