“Эмэгтэй хүн байхын бишрэм тал” 20 цуврал лекцийн 7-р хэсгийг

Энэ төрөлд минь надад ийм их хувь ерөөл байгаад, ийм сайн, авьяастай, сайхан сэтгэлтэй, дэлхий дээрх бүхний сайн сайхны төлөө хувийн, бие махбодын тав тухаа золиослоход бэлэн ийм хүмүүс надад байгаад Бурханд би үүрд Талархдаг. Үнэхээр их талархалтай байгаа. Бурхан та нарыг бас адислаг. Би та нарт үүрд хайртай. Та нарыг үүрд хайрлана. Намайг сэтгэлээсээ хэлж буйг та нар мэдэж байгаа. Гэвч би та нарт өөр яаж туслахаа мэдэхгүй юм. Над руу ахиад юм бичээрэй, хэзээ ч хамаагүй, ямар нэг зүйл үнэхээр хэрэг болбол бичээрэй. Би чадлаараа зохицуулахыг хичээе.

Мэдээж бие тавгүй үед, эсвэл өвдсөн үед би материаллаг байдлаар харж ханддаг. Явж эмчид үзүүл гэж, эсвэл өөрийнхөө хэрэгтэй эм тариа, эмчилгээгээ хэлсэн зүйл та нарт бичдэг. Заримд тань хэлсэн. Хэрэв эцэг эхэд тань асуудал гарвал би бас тодорхой хэмжээнд тусалдаг. Гэвч тэр бол юу ч биш. Гэвч ингэлээ гээд зүрх сэтгэл минь тайтгарч, “За, би хамгийн сайн ажлыг хийж байна” гэдэггүй. Тийм биш. Та нар дэндүү ихийг золиосолж байгааг би үнэхээр их өрөвддөг. Мэдээж, энэ нь эрхэм ариун зорилгын төлөө. Бид бүгд мэднэ. Гэсэн ч сэтгэл зүрх минь амар амгалан байж чаддаггүй, өрөвдөх сэтгэл минь арилдаггүй. Үгүй, тийм хялбар биш.

За хамаагүй, ядаж л би та нарыг үүрд хайрладаг гэдгийг, үнэхээр их талархаж буйг минь ойлгоорой. Хүмүүний хувьд та нарыг би маш өндрөөр үнэлдэг. Нэлээдгүй олонх тань гэгээлэг төрөлтнүүд. Би мэднэ. Та нар үүнийгээ мэдэх ч бардамнахгүй гэж найдъя. Та нар сайн төрөлтнүүд, сайн байгаад тань би баярлаж бахархдаг шүү. Та нар үнэхээр энэ дэлхий дээрх шилдэг, хамгаас эрхэм ажлыг хийж байгаа.

Материаллаг байдлаар буян үйлдэх нь үнэхээр сайн, буян энэ тэр хураана гэж Будда хэлсэн ч, зөвхөн чин сэтгэлтэй байж, зүрх сэтгэл тань ариун, нөхцөл болзолгүй үед тэгдэг. Буян хураахын төлөө энэ тэр зүйлийг ламд юм уу ядарсан хүнд өгвөл юу ч хүртэхгүй. Эсвэл магадгүй жаахан буян, материаллаг буян хүртэх байх, тэр нь өөрсдийг тань энэ дэлхийд хүлж, та нар эргээд төрөл авах ёстой болно. Ахиад унаж магадгүй. 600 төрлөө санаж, бүр эргээд Авид Бурханы Орондоо очсон ламыг санаарай, Тэр сүүлийн хүн төрлөө авахаас 600 жилийн өмнө анх Авид Бурханы орноос ирсэн. Гэсэн ч тэр унасан! Олон удаа, олон төрөлдөө бүтэлгүйтсэн.

Тиймээс цаг үргэлж миний хэлсэнчлэн өөрийгөө шалгаж байгаарай. Дотоодоо шалгаж, үргэлж Бурханд залбирч, хүсэл тачаалаас өөрийг тань хамгаалж буйд Бурханд талархаарай. Замаараа замнаж, эрхэм ариун, хайр энэрлийн, хамгаас шилдэг замаар замнаж, байж болох хамгийн шилдэг ажлыг хийх хангалттай хүчтэй байхад тань Хүч хайрлаж буй, Хүчээ зээлдэж буй бүхий л Их Багш нарт талархаарай. Диваажингууд, Будда нар, Бурхан, бүх Их Багш нар зүрх сэтгэлийг тань, ажиллаж буй байдлыг тань мэдэж буй. Та нар ямар нэг сэдэлгүй нөхцөл болзолгүй ажилладаг. Ямар нэг сэдэл байвал тэр сэдлээ болих хэрэгтэй, тэгвэл та үнэхээр эрхэм ариун төрөлтөн болно.

Би бүгдэд тань, ажлын багтаа, эсвэл шууд бус ажлын багтаа - ямар нэг байдлаар тусалдаг хэн бүхэнд, Суприм Мастер ТВ-ын танилцуулах хуудсыг замдаа, онгоцонд эсвэл учирсан хүн болгондоо тарааж, улмаар тэдэнд Суприм Мастер Телевизийг үзэх боломж олгодог бүгдэд хайртай. Яагаад гэвэл тэдэнд зөвхөн тийм л тусламж хэрэгтэй, магадгүй тэд номын ах эгч тань болох байх, энэ бол тэдэнд хүргэж болох хамгийн дээд тус.

Та нар бүгд гар утас, бүр симгүй гар утас ч байсан ч болно. Үүн дээрээ гаргаарай. Би бас номын ах эгч нарын тань бэлтгэсэн 40 квадриллион дэлгэцийг хэд хэдэн утсан дээрээ гаргадаг. Би энэ тоог мэднэ. Ахиад хэлье. Та нар SupremeMasterTV.com/max. веб хуудсаар ороорой. Би бас зайнаас ажилладаг хэдэн номын ах нарыг тань гуйж алсаас утсан дээр минь гаргаж өгөхийг хүссэн. Учир нь мэдэхгүй олон зүйлсээ би тэднээс утсаар асуудаг. Энэ тэр зүйлсийг хийлгэхийн тулд заавал нэг номын ах дэргэд тань амьдардаг байх шаардлагагүй. Зарим хүмүүс мэднэ. Тэд утсаар юм уу и-мэйлээр, эсвэл захидлаар хэлээд өгөх боломжтой. Тэгээрэй. Олон зүйлсийг би утсаар номын ах эгч нараас тань асуудаг, яагаад гэвэл би технологи сайн мэдэхгүй. Засварлах нэвтрүүлгээ л хүлээн авчхаад, хэрхэн буцааж илгээхээ мэднэ. Энэ бүхнийг аль эрт надад ингээд бэлтгээд өгсөн байсан.

Та нарт хэлэх өөр зүйл юу сан билээ гэж бодож байна. Өө, тийм. Би та бүхнийг цочирдуулахыг хүсэхгүй байна. Даанч дахин нэг том цар тахал дэгдэх магадлал өндөр байна. Мөн энэ нь эдгэршгүй байх магадлал маш өндөр. Энэ тахал олон, маш олон, маш олон хүнийг устгах болно. Тиймээс болгоомжтой байгаарай. Бурханыг ямагт алдаршуул, хамгаалал хүсэн, бүх Их Багш нарыг алдаршуул. Диваажингийн бүх Хаадыг бас алдаршуулаарай. Аюулгүй байдлын Хаан, Хамгааллын Хаан, тэр ч байтугай Дайны Хаан, мэдээжийн хэрэг Энх тайвны Хаан, Салхины Хаан, Үүлний Хаан, Борооны Хаан гэх мэт өөр өөр Хаад байдаг. Маш олон Хаан бий.

Тэгээд Тэдний ихэнх нь сайн. Тэд ажлаа л хийх ёстой болдог. Дайны Хаан л гэхэд дайн хийх ёстой. Тэд хүмүүсийг дайтуулах учиртай юм. Яагаад гэвэл Тэд дэлхийг цэвэрлэхийн тулд хамтран ажиллаж байна. Би ямар нэгэн Дайны Хаан, эсвэл өөр хэний ч эсрэг байдаг юм биш. Тэд бүгд над дээр хүндэтгэлтэйеэ ирцгээсэн. Өнгөрсөн жилийн гуравдугаар сард байх аа. Цаг хугацаа маш хурдан өнгөрч, би өдрийг нь санахгүй байна. Би өдрийн тэмдэглэлийнхээ нэгд бичсэн ч хамаагүй дээ. Тэдэнд бүгдэд нь баярлалаа. Эхлээд Бурханд талархаад, Бурханы Хүүд, бүх Их Багш нарт, бүх Гэгээнтэн Мэргэдэд талархаарай. Мэдээжийн хэрэг хэрэв та Буддын шашинтай бол “Будда”, “Бодисадва” гэж хэлж болно. Сайн ажил хийсэн бүх Хамгаалагч, Хаадад баярлалаа.

Өдөр болгон би их зүйл хэлж чаддаггүй. Дэндүү завгүй байдаг. Та нар төсөөлөхгүй. Шөнөжин бясалгасны дараа би босож, их эрт, найман цагт гараад ажиллаж эхэлсэн. Одоо хэд болсон байна? Цаг... түр хүлээгээрэй. Шөнийн 1:29 болж байна. Гэсэн ч би энд байсаар. Товлож очиж авсан зүйлсээ би сая л дууслаа. Заримдаа би нэг ажлын багийн хүнээр тоглоом хийдэг. Тэд надад юу хийхийг хэлдэг болохоор би “Энэ миний дарга, тэр миний дарга” гэдэг юм. Тэд надад ажил илгээж, би тэднийг дуулгавартай сонсож дагах ёстой! Тэдний илгээсэн зүйлсийг би хийх ёстой. Тиймээс хэн дарга байна? Би л лав биш. Ойлгож байна уу? Тэгэхээр тэд дарга, та нар миний дарга. Та нар ажил хийж, надад очиж авах зүйлс илгээж, засах нэвтрүүлгүүд явуулдаг. Бизнес маань бас миний дарга. Би олон даргатай. Гэтэл би ганцаараа.

Би ганц хүн байж үнэхээр их ажилладаг, яагаад гэвэл хэн ч намайг бүтэн орлож чадахгүй. Миний хийдэг ажил маш хүнд. Тийм учраас би боломж гармагц, зөвхөн шөнөөр л бясалгадаг. Өдрийн цагаар бясалгах нь тун ховор. Дэлхийн нийтийн бясалгалын цагаар хүртэл заримдаа ажил овоорч, яаралтай байдаг учраас би нэг цагаас арай бага хугацаагаар хийх ёстой болдог. Би, “Өө, дараа хийчихье” гэж хэлэх боломжгүй. Үгүй. Тийм учраас би багийнхнаа үнэхээр их өрөвддөг юм, яагаад гэвэл тэд бас адилхан их ажилладгийг би мэднэ. Магадгүй арай бага байх. Тэдэнд арай л илүү жаахан цаг гардаг болохоор илүү бясалгах боломжтой.

Гэвч өдөр болгон тийм биш. Заримдаа тэд шөнө орой болтол ажиллаж, өглөө эрт босох ёстой болно, эсвэл огт унтахгүй, яагаад гэвэл жишээ нь тэд Шуурхай Мэдээ гэх мэт яаралтай ажил хийдэг ба энэ нь тэдний хувьд мөн миний хувьд нэмэлт ажил болдог. Тэгээд тэд зарим хэсгийг нь гүйцэтгэж дуусахад өглөөний бясалгалын цаг болсон байдаг, эсвэл бараг л цаг нь болж байдаг болохоор бясалгалын танхимд очоод суусан дээр, яагаад гэвэл хотхондоо эсвэл өрөөндөө очих үед бясалгалдаа эргээд ирэх цаггүй болсон байдаг. Ийм байдлаар бид олон жил ажиллаж ирсэн, магадгүй ахиад олон жил ингээд үргэлжлүүлэн ажиллах байх. Би л харин үргэлжлүүлэхүйц тийм залуу байхаа больж дээ гэж сэтгэл зовних юм, надад үргэлжлүүлэхийг зөвшөөрвөл шүү дээ. Үүнд л санаа зовж байна. Бусдаар бол Бурханы Ивээлээр дэлхийд туслахын төлөө ажиллахаас өөр хийхийг хүсэх зүйл үнэндээ алга.

Аан, тийм, SupremeMasterTV.com/max вебсайт, эсвэл Folia (Ютюб суваг)-г хэрвээ та бүхэн яаж гэдгийг нь мэддэг бол өөрийн компьютерт, бүр ухаалаг гар утсандаа СИМ-гүйгээр суулгаад, Суприм Мастер Телевизийг 40 квадриллион дэлгэцээр гаргаж болно. Та бүхэнд утас болон дэлгэц дээрх дүрс харагдахгүй. Харахын тулд нэгийг нь хадгалах боломжтой. Жижиг, жижиг цэгүүд нь маш жижиг боловч тэдгээрийн ард 40 квадриллион дэлгэц бий.

Хэрэв гурван СИМ картгүй гар утсаар гаргавал, 120 квадриллион дэлгэц гарна. Энэ бол маш их, маш их юм. Нэг квадриллион гэдэг бол мянган триллион гэсэн үг. Ийм их нягтшилтай, асар том, гайхалтай энерги танай гэр орон, хүрээлэн буй орчин, тосгон, хотыг адисалж, олон хүн үүнийг хийвэл эх орныг тань, дэлхийг адислах болно. Тэгвэл бидэнд гамшиг бага нүүрлэнэ.

Excerpt from a heartline from Hudson in the United States: Хамгаас хайрт Цаглашгүй Дээд Их Багш болон Суприм Мастер Телевизийн баг аа, би саяхан Суприм Мастер Телевизийг 40 квадриллион дэлгэцээр цацдаг холбоосыг олж мэдсэн бөгөөд үүнийг гэртээ болон хаа ч явсан 24/7 ашиглаж эхэлсэн. Энэ нь миний амьдралын туршлагыг бүхэлд нь өөрчилж, сүнслэг бясалгалыг дээшлүүлж, ирээдүйн талаарх айдас түгшүүрийг арилгасан.

Энэхүү хэрэгслийн тусламжтайгаар хүн бүр манай гарагийг эдгээгч болж, хаана ч явсан Их Багшийн асар их адислалыг түгээх боломжтой. Би энергид маш мэдрэмтгий бөгөөд өөр өөр газар, тааралдсан хүмүүсийн энерги, мөн дэлхийн ерөнхий энергиэс болж хямардаг байсан. Би үүнийг мэдрэхээ больсон. Би сэтгэл санааны өөдрөг байдлаа хадгалж чадаж байна. Би дэлхийн нөлөөнд автахын оронд миний очсон бүх орчныг идэвхтэй цэвэршүүлдэг энэ холбоосыг өөртөө авч явдаг болов

Гэр бүлийн гишүүдийн сэтгэцийн болон биеийн эрүүл мэндийн байдлаас шалтгаалж манай гэрийн орчин маш муу байсан. Гэсэн хэдий ч энэ нь бүрэн өөрчлөгдсөн. Би бүх төхөөрөмжөө нэг дэлгэцийг цацахын тулд ашиглаж байсан ба энэ нь зарим өөрчлөлтийг авчирсан. Одоо орчин маш эерэг болж, гэр бүлийн бүх гишүүд маань оюун ухаан, сэтгэл хөдлөл, сүнслэг болон бие махбодын хувьд эрс сайжирсан.

Би зээдээ энэ линкийг гэртээ тоглуулахыг зөвлөсөн, тэр ч үүнийг хийсэн. Энэ талаар юу ч мэдээгүй нөгөө зээ маань гэрт нь линк тоглогдож байсан яг тэр үед түүнд сүнслэг сэрэлт болсон гэж надад хэлсэн. Хэрвээ хүмүүс хаа сайгүй энэ линкийг байнга цацаж байвал манай дэлхийд юу тохиолдохыг би төсөөлж байна. Энэ бол Диваажингийн асар их Адислалыг дэлхийд авчрах миний олсон хамгийн шилдэг хэрэгсэл. Энэ мөн Веган Дэлхий, энх тайван Дэлхийн биеллийг хурдасгаж чадна гэж мэдэрч байна. […]

Холбоос энэ байна: https://www.youtube.com/@folia999/streams Үүнийг YouTube-ээс хайж олох боломжтой: SMTV triple Compound Interest Интернэт холболт байхгүй үед тоглох линкийг дэлгэцэн дээр бичиж авахыг зөвлөж байна. Та мөн энэ холбоосноос хуулбарлан авч, хэвлэн сурталчилгаа хийх боломжтой.

Хүн бүрийг веган байхыг уриалаарай. Яагаад гэвэл аллагын энерги бидний амьдрал, манай дэлхийд байж болох хамгийн муу зүйл юм. Учир нь аллагын энерги алж хөнөөх энергийг өөртөө татна. Ижил нь ижлээ татдаг даа.

Photo Caption: Сайныг Хамгаална

Зураг татаж авах