Дэлгэрэнгүй
Татаж авах Docx
Дэлгэрэнгүй уншаарай
Тэр (Шагжамуни Будда) аль эртнээс Будда байсаар ирсэн. Тоолшгүй олон эрин галавын тэртээгээс, олон Дэлхийн цаг хугацаа, олон Диваажин устаж дахин баригдах тийм урт хугацаанд Тэр Будда байсаар ирсэн. Хэзээ ч тоолох аргагүй урт хугацаа. Үүнийг үй олон эрин галав гэж нэрэлдэг. Майдар Бурхан болон бусад бүх Будда нар мөн адилхан. Мэдээж хүн бас Будда болох боломжтой.Яг л Гуан Чин лам шиг юм, Тэрээр дэлхий дээрх сүүлчийн төрлөөсөө өмнө Авид Бурханы Орноос 600 жилээр бууж ирсэн ба Түүний багш нь Авид Бурханы Орондоо байсан ч Тэрээр хүний оршихуйд 600 жилээр бууж ирсэн. Магадгүй Тэр дэлхийн зарим хүмүүст туслахыг хүссэн байх, Тэр л туслахгүй бол тамд унах юм уу маш доогуур оршихуйд унах хүмүүст туслах гэж ирсэн байх. Гэсэн ч 600 жилийн хугацаанд Тэрээр олон муу зүйл үйлдсэнээс болж амьтны аймаг руу цөлөгдөж, амьтан-хүн хүртэл болсон. Тэр өөрөө хүмүүст ийн хэлсэн ба Түүний номд бичээтэй байдаг.Тэгэхээр Будда байлаа гээд дэлхийд бууж ирээд, хүний ертөнцөд бууж ирээд Буддагийн статустай болж, хүн бүр өөрийг тань Будда хэмээн харж, шүтэж, өргөл барьж, таньж мэдэж, Будда хэмээн хүлээн зөвшөөрдөг гэсэн үг биш. Тийм биш. Будда тойргийнхоо хамгийн эцсийн удаа Будда болж буун ирэхэд хүмүүс Түүнийг хороохыг хүсдэг. Лам байсан үеэл нь хүртэл, Түүний шавь, Буддагийн шавь байсан ч олон удаа Буддаг хороох гэж оролдож, Түүнийг гутаан доромжилж, төрөл бүрийн зүйлс хийсэн. Тэгэхээр хэзээ ч аюулгүй байх боломжгүй, за би лам, номлогч, гэлэнмаа хүн, өдөр бүр Буддагийн Нэрийг уншиж, веган хоол идэж, өдөр болгон Судар уншиж, амьсгалын техникээр бясалгаж, эсвэл Буддагийн техникээр уншиж буй учраас Бурханы Оронд очно, баталгаатай гэсэн үг биш. Яг ч тийм биш. Та хэдийн Будда болчхоогүй л бол нэгэнт дотор нь орвол энэ дэлхийгээс өөрийгөө чөлөөлөх маш хэцүү, тиймээс маш хичээнгүй байгаарай.Лам гэлэнмаа нарт би үзэл санааг тань хайрлаж хүндэлсэндээ энэ бүхнийг хэлж буй юм шүү. Лам болохоосоо өмнө та бүхэн үзэл санаатай байсан - ариун хүн болохыг хүсэж, Буддаг даган, бусад төрөлтнүүдэд энэ тэрээр туслахыг хүссэн. Гэвч энэ зуур зарим тань дэлхийн хүнд нөхцөл байдлаас болоод, эсвэл улс төрийн нөхцөл байдлаас болж, эсвэл хэт олон дагагч нар тань таныг магтаж, тэнгэрт хөөргөснөөс болоод та нар унадаг. Гэвч та нар үргэлж буцаад эрхэм ариун үзэл санаагаа дагаж, сайн лам болох боломжтой. Дотогшоогоо хандаж, үргэлж өөрийгөө шалгаж, өөрийгөө шүүмжилж байгаарай, өөр хэнийг ч шүүх хэрэггүй. Тэр тусмаа намайг. Хэрэв тэгвэл та нар маш муу үйлийн үр тарина. Би та нараас айгаагүй. Та нарын магтаал сайшаал, шүтлэг, хүлээн зөвшөөрөл надад хэрэггүй. Үнэхээр хэрэггүй. Энэ дэлхийд надад юу ч хэрэггүй, та нарын өмнөөс л айсан юм шүү.Бадар гуйн гарах тухай бид ахиад ярина аа. Хэрэв та замаа хэдийн мэддэг бол мөн тосгоныхон таныг таньдаг, танд өргөл барьц өгөх дуртай бол, бас хийдээс тань холгүй байрладаг бол байж болох юм.Та тэгэх дуртай бол магадгүй зүгээр байх, бусад лам нарт төвөг удахгүй, таны хувьд тэгэх боломжтой бол хамаагүй. Учир нь хэрэв та тийм зүйл хийж, улс орны тань юм уу амьдарч буй газрын тань ихэнх нь Махаяана лам нар бол, тэд веган хоолтой, ихдээ цагаан хоолтой буюу өндөг иддэг, суу уудаг, бяслаг энэ тэр хэрэглэдэг бол бусад хүмүүс юм уу зарим хэнээтнүүд өөрийг тань бадрааж, өндөр сууринд тавьж, хэзээ ч буцаад буух боломжгүй болгоно. Хэдийгээр та Будда хараахан болоогүй ч энэ нь таныг амьд Будда мэт болгож, интернэт даяар түгээж, таныг Будда гэдэгт итгэдэггүй хүн бүрийг дарангуйлах болно. Та тэдэнд хэлж чадахгүй, гэвч аажмаар та үүнийгээ ямар ч гэм хоргүй гэж бодоод өөрт тань хүмүүс итгэж, хаа явсан газарт тань хүмүүс өргөл барьж өгч буйгаар бахархах болно.Дараа нь зарим итгэгчид тань, хэнээтнүүд өдөрт хоёр, гурав хооллож, хийддээ ямар ч гэм хоргүй амьдардаг лам нарыг дорд үзнэ. Тэд бас Будда нарын Нэрсийг өдөр бүр уншдаг. Судруудыг уншдаг. Сүсэгтэн олноо харж ханддаг. Сүсэгтэн нь өвдсөн үед тэдэн дээр очно. Тэд асуудалд орсон үед тэдэн дээр очдог гэх мэт. Тэгэхээр тэд бас ажлаа хийж, сүсэгтэн олноо ирж бясалгаж, даяан хийж, чөлөө цаг гарсан үедээ юм уу асуудалд орсон үедээ ирж хэсэг хугацаанд, хэдэн өдрөөр ч юм уу амрах газартай байхын тулд хийдээ цэвэр байлгадаг. Эсвэл бусад хүмүүсийг лам гэлэнмаа болох үлгэр жишээ болж, Буддын ариун уламжлалаа хадгална. Тэд бас ажлаа хийдэг. Хүмүүс өвдсөн үед тэд ирж тэдний төлөө залбирч, судрууд уншдаг. Өөд болоход нь, эсвэл хамаатан садан нь өөд болоход тэд ирж тэдний төлөө залбирдаг.Тэд бас юмс хийж байдаг, хэдийгээр тэд тийм ажил хийж, өдрийн гурав, эсвэл хоёр хоолтой байж, хэдэн ээлжийн ламын нөмрөгтэй байлаа ч муугүй байна шүү дээ, учир нь хүмүүст үргэлж л түшиж тулах нэгэн хэрэгтэй байдаг, асуудлаа ярьж, өөд болохоос нь өмнө, эсвэл өвдсөн ч юм уу хамаатан садан, хайртай нэгэн нь өөд болох үед өөрсдийнхөө төлөө залбирахад нь тусламж хэрэгтэй байдаг. Тэд тэр бүх тайтгарал хэрэгтэй. Мөн тэднийг сайн байж, веган байж, бусдад туслахын тулд сайныг үйлдэх сануулга хэрэгтэй. Лам нар тэдэнд тийм зүйл хийхийг сануулна. Тэгэхээр тэд хоосон ходоодтой болохоор юм иддэг юм биш. Сэтгэл зүй, сэтгэл санаа, бие махбодын төвшинд нийгэмд тустай юмс тэд үйлддэг. Тиймээс тэд өөрөөс тань дор гэсэн үг биш ч, үүнийг гүн ойлгодоггүй зарим хүмүүс өдөрт хоёр, гурав хооллож, бага зэрэг таргалж, энэ тэрүүгээр явж бадар барьдаггүй лам нарыг муу лам нар гэж боддог. Тийм биш. Үгүй шүү, үгүй. Идэх идэхгүй нь Буддын хутгийг тань шийдэхгүй.Хамгийн муу юм гэвэл хэрэв хүмүүс өөрийг тань тэнгэрт тултал магтахад та тийм хэмжээнд биш бол буян тань юу ч үгүй болно, бүгд алга болно. Нэг бол та удахгүй лам байхаа больж, эрэгтэй эмэгтэй хүнд уруу татагдах юм уу эсвэл хүндээр өвдөж, эсвэл өөр юу ч тохиолдож мэднэ. Хэрэв та маяагийн хамаатан бол үүнд санаа зовох шаардлагагүй, учир нь та Буддагийн төлөө, хүмүүсийн төлөө үүнийг хийдэггүй. Буддын шашныг устгахын төлөө байдаг. Ийм зүйл болж байсан, учир нь Мара Будда тэгж хэлж Буддаг уйлуулж байсан. Ном Эцэслэх цөвүүн цагт, жишээ нь бидний энэ цаг үед тэр гарч ирээд, Буддагийн аяганд бааж, хүүхдүүд илгээн лам болгож, Будда, жинхэнэ Буддизмын эсрэг ном айлдуулж Буддын шашныг устгана гэж хэлсэн.Тиймээс ийм зүйл болох боломжтой. Хамгийн гол нь та лам нарыг салгах, гэлэнмаа нарыг салгах шалтгаан болох учиргүй, жишээ нь та тэднээс илүү гэх ч юм уу. Ингэвэл та өөртөө маш хүнд үйлийн үр тарих болно.Буддагийн цаг үед нэг хийдэд, нэг газраа байрлаж, өргөл хүлээн авахад хэцүү байсан. Орчин үед бол үнэхээр амар болж. Интернэт байна, бүр онлайнаар ном айлдах боломжтой. Мөн хийддээ байх нь та нарт илүү аюулгүй. Бие махбод тань Бурханы сүм учраас харж хандах хэрэгтэй. Яагаад гэвэл Бурхан Чанар дотоодод тань бий. Христийн шашинд дурдсанаар бол Бурхан дотоодод тань оршдог. Бурхан, Будда Чанар - адилхан зүйл. Хэрэв та сайтар гэгээрсэн бол үүнийг яг л урдаа буй Нарыг харж байгаа мэтээр тодорхой ойлгоно.Сайн гэгээрээгүй бол харин Буддизм нь Христийн шашнаас илүү гэж бодсоор байгаа. Зарим хүмүүс одоо ч Христийг, эсвэл Буддаг өөрсдийнх нь шашных биш болохоор доромжилдог хэвээр. Тэдгээр хүмүүс харанхуй мунхаг учраас тэр юм. Харин та нар бол лам гэлэнмаа, номлогч нар, бага ч атугай гэгээрсэн байх учиртай, магадгүй доод гэгээрэлд хүрсэн байх учиртай. Гэхдээ энэ бол капитал тань. Үүнийгээ цааш үргэлжлүүлж, цаг хугацаа, чин сэтгэл, цэвэр хичээл зүтгэлээрээ хөрөнгө оруулсаар байх хэрэгтэй. Тэгвэл та байнга улам илүү гэгээрсээр байх болно. Та нарт тусалдаг Буддаг магтан дуулъя. Та нарыг тэтгэж, дэмжиж, тусалдаг Бурханыг магтан дуулъя.Лам нар хүртэл юу хийх ёстой вэ гэх хувь төөрөгтэй байдаг. Тийм учраас зарим лам нар жинхэнэ лам байх боломжгүй, эсвэл хэсэг хугацааны дараа тэд хувь тавилан нь биш учраас больдог, хэдийгээр тэд үнэхээр лам болохыг хүсэвч тэгдэг. Тайландад түр лам болох боломжтой. Энэ нь бас үнэхээр тохиромжтой, маш сайн. Зарим хүмүүс гэр бүлийн зарим гишүүдийнхээ төлөө буян хураах гэж долоо хоногоор лам болохыг хүсдэг, зарим нь нэг сараар, эсвэл хоёр, гурван сараар эсвэл жилийн хугацаатай лам болохыг хүсдэг. Тэр тохиолдолд насан туршдаа лам болох шаардлагагүй. Тайландад хүмүүс тэгдэг, олон хүн тэгдэг. Харин та алхаж байхдаа бадар барих зам мөрийг сонговол өөр төрлийн лам болно, - “Бага хөлгөн” хэмээдэг. Эсвэл “эхэн үеийн Буддын” ламын хэв маяг гэдэг.Гэхдээ би түрүүн хэлсэнчлэн би хэнд ч таагүй сэтгэгдэл төрүүлмээргүй байна. Би мэдэх зүйлээ л хэлж буй юм. Миний мэддэг зүйл та нарын мэддэгээс, зөв гэж боддог зүйлээс өөр байж мэднэ. Гэхдээ би үнэнээс өөр юу ч хэлсэнгүй. Өөрсдөө шийдээрэй. Би бас үе үе лам нарт өргөл барьдаг. Амьтан-хүмүүсийн мах иддэг лам, номлогч нар, болон мах иддэггүй лам, номлогч гэж би ялгаварладаггүй. Гэвч таны хувьд, хэрэв бадар гуйн гарч явбал... Хоттойгоо, тосгонтойгоо ойрхон байрладаг бол хүмүүс хэдэн цагт таныг гарч ирж, хэдэн цагт бадар барихаар явдгийг тань мэдэж байх болно. Тэр тохиолдолд тэд гудмаар эгнэж зогсоод та бүхэнд өргөл өгнө. Бүгд өөр өөр зүйлс өгөх болно. Тэгээд гэртээ хариад хамт идэх юм уу аягандаа байгаа зүйлээ л идэх байх, нөхцөл байдлаас хамаарна. Магадгүй уламжлалаас бас хамаардаг ч ихэвчлэн аягандаа байгаа зүйлийг л иддэг. Хэрэв та хүмүүсээ сайн таньдаг бол, тэдэнд “Гуйя, зөвхөн веган хүнс л өгөөрэй” гэж хэлж болно. Учир нь лам хүний хувьд та нар энэрэл нигүүлсэлтэй. Тийм учраас л лам болохыг хүсдэг.Photo Caption: Хамт Байх нь Амьдралыг Баялаг Үзэсгэлэнтэй Болгодог
